重光弁当 (已結業)

知道新蒲崗開左間新食店，成日想想過去試下，不過夾唔啱時間，到今日終於有時間過黎試下啦。行到去先知，原來係以前仙跡岩舊鋪位置，多年前我都有幫襯過仙跡岩，我地呢啲上年紀既先會識，而家既小朋友淨係識喜茶啦。講真呢個場，正常一般人都唔會上去搵野食，死場一個，得幾間補習社，同埋幾間街坊先會黎睇既鋪，所以上得去既一定係同路人，大家可以放一萬個心。上到去，幾位店員都係年輕人，店鋪裝橫當然係好有黃店風格。今日我叫左個 "滑旦吉烈豬扒丼" 包裝合格，估唔到個豬扒真係即炸，熱辣辣！正！滑蛋汁唔錯，洋蔥甜甜地好味道。飯好似係珍珠米，唔會煮到爛哂一 pat pat 到左中午食飯時間，估唔到咁多人，如果大家想去食，可以早啲去或者叫外賣！

網上見到呢一間日式便當店 ，除咗佩服佢地疫市開店嘅勇氣，亦欣賞佢地嘅理念由裝修到宜家營運，全部請手足，以文宣及一張張紀錄照片貼牆做裝修，同路人自會心領神會常言道一間餐廳最重要始終係食物質素，叫咗份 日式唐揚炸雞弁当熱辣辣即炸雞肉，咬落肉汁標出嚟，正﹗飯用上日本米軟硬適中，配菜粟米等全部來自日本，高質﹗諗住同老闆提議考慮轉用非膠盒環保啲，一問先知原來佢地早已考慮呢點個盒只有幾個百分點不能分解，亦比一般外賣盒快分解，為環保出一分力﹗

疫情之下，外賣午餐成為返工人士嘅主要選擇。新開張的日式便當，自然成為我嘅選擇之一。雖然鋪面沒有非常日式嘅裝修，取而代之係非常真香港人嘅裝修；堂食和外賣是兩個不同的鋪位。看得出是幾個年輕人在打拼。或去暫時還有很多改善空間：如等待時間太長，沒有其他可預訂的方法；盛載的膠袋太大也不環保。。。但論食物質素，看得出是用心製作，並不粗製濫造。我較喜歡招牌便當的炸物，關東煮也很好吃。黃色光環固然重要，但維持食物質素才是長久之道。

弁当選擇多🤤價錢親民🤗老少咸宜勁力推薦滑蛋鰻魚丼爽口又有魚味絕對係超值之選👏🏻炸雞弁当🍗配特式他他醬每舊炸雞都要變全白先入口牛小扒有咬口🤩醬燒汁仲可以當豉油撈飯食細心有埋親子丼👧🏻👦🏻同小朋友👣一齊去唔洗擔心唔岩食店鋪選用日本珍珠米加埋日本熱門飯素大人細路都岩食😌又食得開心弁当材料份量足料🍱配菜🥙亦絕不馬虎雖然小店但等位都唔洗太耐飲品暫時只3款選擇，希望日後會繼續追加加油💪🏻加油💪🏻

某天下午路過商場見餐廳新開，就即興甘買左個手作和牛漢堡扒便當，即叫即整，漢堡扒好厚肉好大塊，仲有其他配菜沙律，黃色醃蘿蔔，好入味，飯係北海道既珍珠米，好香飯味好軟熟。好好味。

睇個名都知黃啦😂朋友唔知點解消息咁靈通，試業已經知呢間野，三條友就黎食下🤣重光便當夜晚八點收點，是日六點黎到，唔少款式都賣晒，好好生意😍 仲有三款小甜既黑金堂冰茶賣，荔枝、蜜桃同熱帶(??)口味。個模式有啲似mos burger，除左外賣，仲可以坐低，有專人送上便當。三條友一齊點左招牌便當。呢到環境怡人，歌好聽，佈置靚，食得開心啲，我就係要呢啲！🥰🥰🥰呢個便當真係不得了，真係令我諗起sogo同其他日本超市既高級野，但係！佢重好味！正所謂蔗渣價錢，燒鵝髀質素！🤣🤣🤣三款炸物熱辣辣，魚柳炸到外脆內嫩，蝦餅爽口彈牙，炸雞個醬勁好味！🤤🤤🤤有冇搞錯，試業都咁好味，嚇死人咩😾😾😾三款關東煮，我最鍾意蘿蔔，又淋又入味~邊個話黃圈難食既，呢間比到信心你。各位手足加油，重光既一日，煲底相見。

平時好少過嚟新蒲崗， 見呢間店新開張試業， 又係黃店就同朋友專登嚟試下。 估唔到係咁細嘅商場， 係一樓會有食店。 舖頭雖然細細，但食物令我有驚喜。 佢地嘅便當係即叫即做， 選擇種類都多， 可能係試業關係。 等候時間會耐啲啲。 但絕對值得等。 佢地食材/便當盒都唔用大陸貨， 所以佢地嘅便當價錢唔可以做得平。 但呢價錢食到咁嘅質素，我個人覺得值得。當日同朋友仔就諗咗好耐（因為樣樣都想食）， 最後就買咗個「唐揚炸雞弁当」同埋「醬燒牛小排弁当」。炸雞好味，咬落去雞仲有肉汁， 唔會乾身。 沙律醬亦係佢地自己調教出嚟， 唔係是但求其用普通沙律醬交貨。 所以佢地係用心製作。 絕對推介你地嚟食。 而且佢地仲同黑金堂合作買茶。令我可以係度順便飲埋黑金堂嘅茶。茶嘅種類有3種，蜜桃茶/ 荔枝茶/熱帶果茶（用菠蘿，芒果，熱情果嚟做）。 當日有幸遇到黑金堂老闆， 同佢傾幾句發現， 佢對茶嘅研究同要求都唔簡單。 所以絕對推介加錢飲黑金堂嘅茶。便堂配茶， 一絕！

這間很有意義的小店新開張， 我第二日去幫襯。 很簡單的裝修， 雖似一間飯堂，但保持非常整潔乾淨。其中有一幅大場貼左好靚好靚嘅圖畫同埋文字， 令人窩心。 大概有24個位，在疫症蔓延嘅時間， 小店員工會在每一位食客走後立即清潔枱面。 今日試咗牛小排， 有大約六件牛肉， 好香好林好多肉汁。 配菜蘿蔔好入味。 綿綿的飯中間有一粒酸酸嘅梅子， 平衡返食完牛肉嘅感覺， 價錢係$88。 其他便當嘅款式大概由$58到$96不等。 個人食完覺得好滿足而且不口渴。 現場都聽到有人話滑蛋鰻魚同滑蛋豬好食。 間鋪頭係喺廣場嘅一個角落位。