重光弁当 (已搬遷) 新店位置

觀塘好多工廈上面都有好多隱世高質食堂。今次介紹嘅依間主要製作日式便當。每盒嘅包裝都經過細心設計，淨係睇已經覺得好靚。冇諗過咁嘅價錢可以食到咁靚嘅日本風便當🍱，材料豐富同埋色彩繽紛。滑蛋鰻魚丼$98滑蛋加上鰻魚真係一個百吃不厭嘅組合，我覺得餐廳好貼心咁準備啲紫菜分開裝 ，因為如果唔係嘅話外賣番到公司嘅時候啲紫菜就會淋晒。鰻魚燒得都幾靚，上面會有一層油光，同埋份量都幾多，再加上日本珍珠米粒粒都好飽滿，幾加分！而且食落冇乜細骨！另外佢哋嘅重光招牌便當就係另外一個主打。組合亦都好豐富，有炸蝦餅、鱈魚柳再加上堂揚炸雞兩件都只係$75，配菜仲有醃製蘿蔔、關東煮同埋沙律菜，真係性價比好高！覺得佢哋嘅便當真係各有千秋，配搭上都好吸引，炸物好香口！💰人均70蚊左右午餐重光弁当 (觀塘)觀塘觀塘道396號毅力工業中心5樓V室

最近發現一間位於牛頭角同觀塘之間嘅便當店，其實就係近創紀之城一期附近嘅毅力工業中心，食物質素都唔錯，而且成個配搭都好吸引！最重要係佢哋係即叫即做！款式選擇都多令我眼花撩亂！款款都好似好好食咁！咁我哋一共四人去買外賣返公司附近食，每一個便當都整得好靚，我覺得好有心機，其實淨係睇外表已經係好加分。每一盒便當入邊都會有沙律，蘿蔔，枝豆，星星魚餅，價錢大約$60起，白飯上面有飯索同埋有一粒梅，粒梅好鹹好送飯。三文魚便當$73有機會會去再試吓其他味道嘅便當🍱特別推薦佢哋嘅重光招牌便當，朋友都覺得特別好食，配搭好豐富又好味😋價錢上絕對係超值！另外叫咗豚肉生薑燒便當$63佢哋係用荷蘭嘅五花腩再配上秘製嘅生薑，識落隱隱約約有薑味又唔會太過重，都有啲洋蔥喺上面特別好味，五花腩唔會太肥唔會太瘦，賣相吸引💰人均70蚊左右午餐==============================重光弁当 (觀塘)觀塘觀塘道396號毅力工業中心5樓V室

收工經過觀塘，打算買外賣回家享用，突然想念日本的便當味道，於是在網上見到這一間重光弁当專賣日式便當，於是一試。店內的選擇全都是日式的便當，款式不算多但應有盡有。下單嘅位置與進線嘅位置不同。可以先點選所需食物，再度隔離進食在等候的期間，看到不少外賣訂單，製作好後職員會把它放在保溫箱來，以便保暖，非常細心的一個舉動。 1.重光招牌弁当（$75）豐富的便當，有兩件即叫即炸的嫩滑唐揚雞、結實彈牙的蝦餅、酥脆的鱈魚柳。醃製蘿蔔，新鮮烹調關東煮(入味蘿蔔和星星丸），新鮮柚子沙律菜，一次滿足你不同的願望，非常滿足，好味。2.蒲燒鰻魚弁当（$98）用上日本北海道珍珠米，配上蒲燒鰻魚。鰻魚新鮮無骨肥美，彈牙結實。每一啖飯都有我最喜愛的蒲燒鰻魚汁。便當還配有彈牙星星丸、香甜玉子燒，枝豆，滿足。牛頭角觀塘返工的朋友們，可以一嚐。📢觀塘店自取熱線：3582 4203

Got two bentos from this restaurant for the first time. The fried items are served in a satisfactory temperature. The tempura is crispy on the outside and moist on the inside. The pan-fried salmon stands out the most. The appetizers which include salad, oden and edamame are very, very saliva-stimulating.

滑蛋鰻魚丼（$118)賣相：🐧🐧🐧🐧味道：🐧🐧🐧🐧丼飯以自家製便當盒盛放，設計簡單精緻。滑蛋、鰻魚份量十足，飯量則一般。味道方面，鰻魚細骨量少，有魚油香味，鰻魚汁調味合適，不會過甜、過重口味。滑蛋口感香滑順溜，蛋味足，甜度適中，送飯一流。十字牌牛奶奶凍（$13)賣相：🐧🐧🐧味道：🐧🐧🐧🐧🐧奶凍用透明小杯盛放，外表奶白平滑。味道方面，奶凍奶味濃郁香醇，甜度適中，口感滑溜可口，絕對值得一試。外送等候時間：🐧🐧🐧在假日晚上7點幾下單，約需時30分鐘送達，與預計時間相約。🐧❤️結語：丼飯、奶凍味道不俗，有回頭慾。

重光嘅便當真係好抵食！味道仲一啲都唔差！有時好驚外賣自取拎到返公司已經涷曬，但係食咗幾次佢哋拎到返公司都仲係暖粒粒～ 🍽食物：其實我試過幾款便當，唔怕熱氣嘅最推薦一定係招牌便當同吉列豬扒便當。重光招牌便當$65：有炸蝦餅, 鱈魚柳同埋2舊唐揚炸雞。除左主菜仲有關東煮嘅大根, 魚餅同枝豆, 小菜有醃蘿蔔同沙律。便當用珍珠米, 佔左飯盒嘅4分1, 上面灑左飯素同梅子。好中意佢嘅炸物仲係好脆, 連埋撈左椰菜絲嘅蛋黃醬, 真係可以食唔停口同場加映自家製吉列豬扒便當$68： 塊豬扒有成手掌咁大~ 皮唔會太厚同埋炸得酥脆, 豬扒都唔會鞋sapsap, 下面舖左椰菜絲解膩, 仲有獨立包裝嘅豬扒汁～ 酸酸哋好開胃

今日嚟到嗌咗兩個便當，就咁睇個樣都覺得好精緻，擺盤非常吸引！🍱🤤.🍚 便當嘅飯用咗日本米，再配上飯素，鹹鹹地令人食到停唔到口！.🥗 沙律新鮮，用咗醋作少少嘅調味，開胃之作。.🍲關東煮配菜，蘿蔔煮得入味，魚蛋彈牙。.🍤 炸物方面，炸雞嫩滑多汁，魚柳肉質紮實，點埋佢嗰個他他醬真係冇得彈🤩佢個醬真係好好食，鹹鹹酸酸咁，配炸物一流😋.🧅 🐄牛肉就正常，有牛味；洋蔥清甜，唔錯！.呢間便當小店質素好，價錢平，真心推薦！👏🏻👏🏻👏🏻

回歸觀塘的第一個觀塘美食post😊，觀塘真係好多美食🥰多謝朋友帶我去試呢間想試好耐嘅良心便當，午飯時間好多人排隊，亦都見外賣送貨都唔少單，所以都等咗一段時間 🔔只做外賣😏 豚肉生薑燒弁当 ($58)便當好豐富呀，前菜有沙律、酸蘿蔔、關東煮。主食份量唔少呀，豚肉煮得爽口彈牙，有少少軟骨。飯係用珍珠米，加入飯素同梅子，更似日式便當，賣相更佳。有機會要試埋其他口味👍 抵食指數 🌕🌕🌕🌕🌗打卡指數 🌕🌕🌕🌗🌑推介指數 🌕🌕🌕🌕🌗

重光弁当全部都使用外國食材，連便當盒都係日本製，徹底做not made in China🈲。堅持唔用中國製食材可想而知成本上升幾多，能夠有呢份堅持💪🏻，同每個香港人齊上齊落，真係又佩服又感動🥰。餐廳好細心，選用餐盒有好多分隔🍱，方便將唔同分開擺，食個時就唔使驚食得太慢搞到d餸既味道摳埋一齊。只係便當盒雖然好靚，對地球🌍就唔係咁環保♻️。—————————————————📍唐揚炸雞塊弁当 (9/10)便當🍱即叫即做，新鮮熱辣辣。雞肉🐔外層炸到香脆，裏面有雞味，肉質結實得黎保持軟嫩多汁。配埋自家製既他他醬平衡返炸雞🍗既油膩感，酸酸地好清新，食曬成個飯都唔會覺得滯😋。白飯用左日本珍珠米🍚，軟硬適中，帶有自然既甜味，非常好食。關東煮🍢煮到好入味，蘿蔔清甜無渣，魚腐彈牙有口感。沙律🥗配搭柚子汁酸酸地好開胃，而且平衡左豚肉既油膩感。但係飯上面既酸梅好酸，唔係小編既茶。

觀塘區好多Office, 同工廈，好多打公仔Lunch都唔知食咩好，但係其實都好多樓上餐廳，或者外賣店。今日就去左觀塘嘅重光弁當買外賣，因為見到佢嘅便當都算幾精緻，價錢都可接受，就去試下。入面簡單佈置，只係做外賣生意，無堂食的。入面貼左張大poster有相, 方便客人選擇食物。我叫左個＜重光招牌便當＞$65蚊，我同事叫左個＜牛肉壽喜燒便當＞$58蚊，外賣無折扣。便當賣相都幾精緻，好似和風飯盒，睇佢細細盒，女仔食都幾飽，每盒面頭都有貼紙，寫住不屈不撓嘅四字步。＜牛肉壽喜燒便當＞＜重光招牌便當＞飯盒唔包野飲，65蚊外賣其實偏貴，因為而家外賣大部份有折扣，仲要唔包野飲，食物都算ok, 即叫即炸嘅，但份量唔算多，男仔可能唔夠飽。總括嚟講，食Lunch嘅時候都算有多個選擇比大家。

牛肉壽喜燒便當🍱天氣熱 放飯唔想出去食 就一齊同同事叫外賣 仲送上樓添 飯夠熱唔會太乾 牛肉入味足份量 一人份量岩岩好定食用上自家制壽喜燒醬汁 結合加拿大牛肉 結合而成牛肉便當 味道一流 係經典嘅配搭

已經吃過幾次的重光弁当，每次都保持美味的水準！第一間店在新蒲崗，而這次到訪的觀塘是分店。這天來到觀塘附近因趕時間要速食，星期六的中午應該沒有太繁忙吧？他們旁邊的單位可以唐食，當天去只有1-2檯客人。知道他們在選用食材時很自己的堅持選用中國以外國家的食材，價錢如果貴也貴得有道理！光是吃他們的飯就已經是大滿足！他們選用的北海道米很香糯，上面加了些飯素。牛肉壽喜燒，牛肉份量多又好味，小食配以柚子粟米沙律、關東煮星星（有時候是蘿蔔）、 醃漬蘿蔔。平常配菜總是被食剩的，但我覺得他們全部配菜也很用心製作！牛肉壽喜燒弁当($58)

呢間日式便當外賣店喺公司附近，今日lunch就去買嚟試吓。去之前事先打去落咗單，大概15-20分鐘就有得攞。便當盒好靚，入面分咗幾part，又有沙律又有關東煮，好有日式家庭嘅味道!沙律菜新鮮爽脆，關東煮入味，主菜方面我揀咗日式炸雞，佢嘅炸雞係配搭類似他他醬，炸雞好大舊，有成5-6舊，醬入面食得出有洋蔥，同炸雞好夾，醬嘅份量都足夠點哂咁多舊雞。佢哋用嘅飯係日本米，粒粒飽滿，食落去真係有米香，而且米飯嘅黏度好好，配埋飯素一齊食，即使只係白飯都覺得好好食。

其實次次見到佢個便當都好開心，因為真係砌得好靚。宜家去唔到日本旅行，所以當滿足下自己。大粒米上等材料今次又試左呢三款：招牌井便當牛肉壽喜燒便當最新出既：海膽炒飯食到小朋友問仲有冇，希望佢唔好咁快cut, 同埋繼續有得落。佢呢盒飯個配菜嘅粟米喺用黑椒粒去炒，好好食，有P牌既味道，唔該呢隻炒飯出多幾款毛豆，醃羅白，都好好食。真係好想要多D.不過飯盒份量男士未必夠食 美中不足就係送餐時間遲到左啲。希望下次可以掌握得好D啊

呢道舖面細細，初初我以為佢哋淨係做外賣生意～原來餐廳係同黑金堂同舖位，仲租埋隔離舖比個地方大家堂食同休息🤤餐廳堅持唔用中國製既食材，選用北海道珍珠米🍚就連個便當盒都要made in Japan🇯🇵 依家係櫻花主題好靚呀🌸💓呢道係主打即叫即整既日式便當🍱價錢公道👍🏻食材選擇非常多元化✨ 鍾意香口嘅可以揀期間限定嘅海膽天婦羅😍吉列豬扒、堂揚炸雞等等🐔 唔鍾意熱氣嘅可以揀蒲燒鰻魚、雞肉、和牛漢堡扒、豚肉生薑燒、炒雜菜等等🐷今日揀左一個丼飯+一個便當✨醬燒牛小排弁当 $88 🥩每款弁当擺盤都好精緻❤️feel 到用心製作！除左主食同飯之外，仲包埋柚子雜菜沙律、關東煮、 醃漬蘿蔔🤤 佢地用既係美國牛小排🐮牛味香濃送飯一流呀😌 仲配埋飯素正呀😍個人覺得醬汁幾惹味，不過可以再濃味啲🥳柚子沙律好開胃，關東煮有蘿蔔同魚餅都幾鮮甜😜 醃漬蘿蔔酸酸甜甜食唔停呀😗親子丼 $58雖然呢個冇咁多小食，但係價錢真係贏咗👍🏻 由於係用雞上髀肉嘅關係，食落肉質好嫩唔會鞋🤪加埋甜甜地嘅醬汁炒洋蔥同埋沖繩滑蛋🥚真係大人小朋友都啱食💛另外配埋紫菜自己加落去🥰