重光弁当 (已搬遷) 新店位置

觀塘區好多Office, 同工廈，好多打公仔Lunch都唔知食咩好，但係其實都好多樓上餐廳，或者外賣店。今日就去左觀塘嘅重光弁當買外賣，因為見到佢嘅便當都算幾精緻，價錢都可接受，就去試下。入面簡單佈置，只係做外賣生意，無堂食的。入面貼左張大poster有相, 方便客人選擇食物。我叫左個＜重光招牌便當＞$65蚊，我同事叫左個＜牛肉壽喜燒便當＞$58蚊，外賣無折扣。便當賣相都幾精緻，好似和風飯盒，睇佢細細盒，女仔食都幾飽，每盒面頭都有貼紙，寫住不屈不撓嘅四字步。＜牛肉壽喜燒便當＞＜重光招牌便當＞飯盒唔包野飲，65蚊外賣其實偏貴，因為而家外賣大部份有折扣，仲要唔包野飲，食物都算ok, 即叫即炸嘅，但份量唔算多，男仔可能唔夠飽。總括嚟講，食Lunch嘅時候都算有多個選擇比大家。