重慶川味 (已結業)

週日過美孚做嘢，撞正飯點，揀咗荔枝角公園對面呢間舖食嘢。嗌咗蘿蔔$5，雞肉$6，牛百葉$8，酸辣薯粉中辣$24，合共$43。午飯時間舖頭唔算多人，唔晒等好耐個餸就到咗。睇落去ok，但係試咗就大失所望。最大的問題：d餸完全無味，完！全！無！味！我自己平時都鍾意車仔麵或許米線加蘿蔔，但係呢度既蘿蔔真係我食過最無味最難食既。雞肉就還好，牛百葉又係無味，食落去好似白水煮咁，完全冇咗酸辣口味，好失望。另一個問題：唔夠辣！唔知係未我揀咗酸辣既中辣，但係呢個中辣，真係幾乎冇辣味，大致相當於譚仔四小辣。重慶川味⋯⋯唔係啊嘛雖然好少去美孚，唔會再去係正常，但係真係好失望⋯⋯

所有嘅都一般，組合起來沒有靈魂，像是獅子，女巫，魔衣櫥一樣，餸菜，麵底，和湯，也是完全，沒有關係的外賣就更甚，紅雨美孚只有佢半個鐘內送到，唯有屈就。麻辣米線只有辣，咋了5年還是老樣子。另外加了客麻辣墨魚咀，份量不值$50，麻辣汁也是是淋了麻辣油上墨魚咀上，9唔撘8，令人尷尬

有時經過美孚會嗅到陣陣的串燒香，這晚有空便來這裡吃吃串燒和米線。餐廳內有自選米線，個人喜歡吃重慶酸辣粉，米線轉紅薯粉。餐廳提供各式各樣的串燒這裡的重慶酸辣粉做得不錯，建議加$5轉，配上滑滑的紅薯粉及惹味的肉碎涼拌皮蛋- 皮蛋流心，少許辣，不錯的前菜。涼拌黑雲耳，酸酸辣辣，非常開胃。燒魷魚鬚燒得有點過老，味道是不錯的，但不太咬得動燒雞翼有滿滿的孜然香，雞皮燒至脆脆的，很香口。燒茄子大概接近30分鐘才上桌，顏色是可以保持紫色，但實在是超級油膩，感覺在吃一口口帶油的茄子蓉一樣

本人在晚上十一時首次光顧此店，抱著看完OpenRice的評論才來食的 但卻令我深感失望。首先米線不差但我寧願去食譚仔三哥。本人亦對佢嘅串燒感興趣 叫咗一個燒飯團黎試吓但係佢嘅米唔知係咪燒過頭啦 有啲似生米嘅感覺 我嘗試叫職員來了解下情況 而一個後生仔就話等一陣嚟幫你 但係等左都幾耐 所以我放棄咗 叫另一位職員嚟幫手 而嗰位職員就話可能係燒過頭啦 都有道歉嘅。其次 態度有待改善 可以俾多啲笑容嘅 。線結真係失望 可能係美孚主打米線嘅店鋪相對來講比較小啦所以呢一間店鋪先可以屹立不倒4年 。但如果要我下次再幫襯嘅話我真係唔會啦。希望唔好再有咁多人中伏啦。

沙嗲湯底唔係好多地方食到，呢度嘅沙嗲湯底夠哂濃郁好味！份量都好足，餸都正正常常幾好食。另外呢度仲有重慶風味串燒，即叫即做，都有好多選擇，幾個人一齊食下串燒傾下計都係唔錯選擇！

酸辣粉唔好食，原本覺得作為招牌菜，應該最出色，但令人失望😞。應該有d配料，一律欠奉，油炸黃豆，碎花生，醋，香菜......各樣配料都留在重慶？冇來到貴店。如果唔叫酸辣粉，其實OK之前都冇寫任何嘢，其實已經試過三次，完全冇任何改進。羊肉串超好味，有同好者，歡迎來試下。酸辣粉就算罷啦。

串燒雞軟骨 $16/串雞軟骨細細粒脆脆地好有咬口，加上佢d香料好惹味，唔錯👍🏻✨.燒雞翼🐤 $28/4隻層皮脆脆地，食落肉質算嫩滑，中間都入味嘅，不過燒得有少少燶☹️.燒雞皮 $16/串燒完d油谷出來後，咬落脆脆地又好煙韌，而且好惹味，平時唔好雞皮嘅我都好覺得呢個正🔥.燒腩肉 $22個腩肉聞落有香料味，但切得太厚嘅關係，中間好淡味，d肉都太韌好難咬，如果薄切會好好多🥓.燒茄子🍆 $26切開咗嘅茄子口感軟綿綿，上面鋪滿蔥粒同埋蒜蓉， 但食落去就真係有d淡，似係冇放調味料🤔

今日見凍凍地 ,放lunch 同同事黎食重慶川味既米線 黎暖肚仔。 麻辣湯底好惹味 , 食到出汗 , 不過成個人就即刻 暖哂🤤 同埋佢地既 墨丸同出面唔同， 大粒得黎 唔會好"粉" , 好食過出面🙊🙊份量夠， 食完超飽飽！！👍

豬潤酸辣米線- 湯底算鹹香，惟酸辣味極不平衡，重酸輕辣，下了兩匙辣椒籽後，亦只有輕微改善-芽菜新鮮爽脆、韮菜香氣濃郁，酸菜味道紮實、酸度適中帶輕微甘甜，豬肉碎甘香帶甜，薄身的腐竹偏乾硬帶點豆香- 豬潤部分切得薄身，既乾且硬；切成厚件的則外硬內腍糯- 米線滑溜但米香欠奉

上次來過重慶川味，食酸辣米線，覺得唔夠辣，咁耐冇嚟過， 一於再食佢啦，今次我食麻辣中辣。我揀咗麻辣，希望佢辣啲，因為上次食知道唔辣，所以揀中辣，揀咗單餸腩肉，本身湯底已經有腐皮牙菜韭菜，我都喜歡吃，所以就唔會特登加菜了。如果不吃的話可在點菜紙删去。見到滿江紅，斷估都夠辣啩，點知都係唔辣，有啲失望啦，不過就算唔夠辣，都係好味嘅，因為個湯煮得好濃味，比起其他米線鋪頭的湯底，是更香口惹味的，而且他的麻辣有好多芝麻和炒過的辣椒，都比較香口，所以就不太明白為何中辣都唔辣 。米線非常爽口彈牙，唔會發曬水嗰種，質地很好吃，腩肉方面微鹹不辣的，也爽口，有七片薄肉片，份量適中，就是要不怕肥啦。算啦，下次再試特級辣囉。

中午時候黎無乜人，未到lunch time，食米線我只會揀清湯，食之前期望好大，因為見啲食評唔差，今次叫左腩肉冬菇米線，同行家人叫牛丸蘿蔔米線。碗米線就好大碗，差啲食唔哂，個湯一試入口就覺得好淡，唔夠味，同間舖嘅重慶味有好大對比。特別係啲蘿蔔，淡到無味咁濟，好失望。配菜有大量芽菜韮菜腐皮，其實咁大碗係抵嘅，但個湯底唔得，幾大碗都無用。本身仲想試燒茄子，但實在太飽，個肚無位試，而且都要25蚊一條，唔係咁值。

坊間麻辣大多只有辣，不夠香。美孚重慶川味的麻辣，很到家，比我食過的麻辣店是比較出色的一家，麻辣帶種麻香，撲鼻而至，未吃已聞到陣陣尤如芳草的香氣，大大刺激味蕾，令人未吃已飄飄然的昏醉；因為本人飲食習慣是少用多菜，是日我品嚐了素面王（$43包凍飲）份量十足，食材種類亦很多，分別有生菜、木耳絲、鮮冬菇、金菇、韮菜、腐皮、豆卜、芽菜，不吃肉也吃到飽飽的，性價比超讚！套餐上也有牛魔王及豬八戒。其實，素面王應該改作唐僧面更適合。晚上更提供重慶燒，有機會一定再試！

重慶串燒，酸辣米線都係味精重，食完口渴的食物，沒法子，一次半次滿足下口感都不算過份，美孚一間店子小小，但燒烤的種類選擇就多多皮蚤味道不錯但不夠糖心九菜燒得濕潤度剛好還有羊肉串及牛舌，這兩款就比較一般，牛舌不夠爽口，羊肉串稍為韌燒蝝是所點菜式之中最有水準，蒜蓉味道調較得宜，蠔身亦不會乾水茄子亦沒有令人失望，相信喜愛重慶燒的人這是必食之一

今日同朋友食午餐去左重慶川味， 嗌左麻辣墨丸米線。 呢間已經唔係第一次黎， 每次都試佢唔同既湯底同辣度， 每次都有唔同驚喜。 呢個係bb 麻辣， 開頭食落唔覺辣， 本身想落辣醬加料， 但食多幾啖就覺 有d 辣， 好在未落咋！！ 中意食呢到既墨丸，好夠大粒 同抵食 !!! 會再再encore🙈

今日一大班同事一齊去食lunch. 揀左 重慶川味。 佢最特別係可以有sadae 湯底試落米線到。 因為朋友之前食過話ok 所以我跟佢嗌左黎試下。 味道超夠濃，如果你係sadee 愛好者 就岩哂你。 而且份量相當夠， 唔怕食唔飽。 佢仲有唔同既串燒， 不過太飽啦 食唔到， 下次再黎必試😊