金不換泰國餐廳

營業中

休息中

叫咗外賣攞到返屋企，拆開有兩樣唔係我要嘅野，張單901蚊，一隻雞，拼盤，兩盒菜，一盒炒蜆，大佬呀！其中一盒菜同蜆唔係我叫架!我叫嘅飯就無咗，著著哋咪打電話去問，電話語音話唔接電話booking就自動收線！頂!唔俾客人有其他問題打電話架?服務係0，有餸無飯又煮唔切，唔係平，錢就收足，老人家無飯食，何其不慣，成張單全英文，識鬼睇呀！晚上6點又唔係忙，單又唔覆淨係識收錢同大大聲外賣要加一，加一就俾咗，有咩服務俾到我?無下次

好少喺海港城食嘢，因為多數都好貴，睇落又麻麻地咁，今次只為使用海港城送嘅美食coupon而周圍搵嘢食，估唔到搵到間唔錯嘅泰國餐廳。一開始見到呢間泰國餐廳，門面同入面格局都成間中式酒樓咁，已經心想會唔會中伏咁，不過照試吓。價錢方面當時屬於中上價位，始終係海港城入面嘅餐廳都一定係咁上下。隨時點咗幾款，試一試味道先。燒豬頸肉個份量都幾多，有兩層，都唔少燒得好香，邊有少少脆，不過可以再燒耐少少蛋包金邊粉海鮮唔太多，豆卜就多d個蛋絲同金邊粉都幾好食，炒得又夠乾身算大碟炸蝦餅炸得非常脆，亦真有蝦肉，彈牙炒蜆份量還好，不過金不換的味道很濃，唔太食到蜆肉味道總結味道唔錯，份量適中，價錢略貴不過都可接受

絕對不會再光臨！諗住海港城裏面啲餐廳差極有限！諗住食泰國菜都唔會差得去邊！加上門口高級，點知奶野！見佢價錢都係屬於中上，估唔到呢度啲嘢全部都好唔掂！哎！先講佢碗牛丸湯河$90啲牛肉竟然係酸（縮），可能我哋比較嘴刁一食食得出！好彩同服務員講佢哋都馬上玩返一碟扎肉俾我哋我食你都唔想再食第二啲嘢㗎啦！雜錦大拼盤個香葉包雞、啲雞竟然有（蘇）味，都冇處理好就煮俾人食！咖喱炒蟹$508啲蟹亦都唔新鮮！埋單要1700百幾（late lunch)我覺得係好唔抵囉！如果佢啲嘢好食$2000，我都覺得抵！可惜真係超級無敵難食！勁嬲

整體感覺冇乜heart食物及service一般但又未致於出錯叫左個二人餐再散叫我以前回味的蝦炒金邊粉但係個金邊粉已經唔同咗樣非常港式炒法二人餐入面嘅咖喱唔錯其他食物就比較粗質以咁嘅價錢絕對有更好選擇

金不換泰國菜一直係本地泰國菜的翹楚，用上佳食材製作豐富的美食佳餚，將正宗的泰國菜帶比大家品嘗食物方面:勿沙文咖喱羊腩 : 咖喱味微辣濃郁，羊腩嫩滑入味，撈飯一流辣椒膏炒蜆 : 炒蜆新鮮無沙，辣椒膏炒後，香辣惹味蝦膏炒飯 : 咸香的蝦膏味，加上肉鬆同炒蛋絲到炒飯上，非常惹味青芒絲蝦鬆 : 比較特別的菜式，將蝦肉炒得鬆脆，撈上青芒絲同果仁一起食，味道香口新鮮Ours Tips : 如果有海港城的Always rewarding 美食優惠券，更加超值

同朋友黎到海港城，佢話想食金不換🤣因為已經3,4點，所以只係嗌左小小野食海蝦刺身($120)蝦唔夠肥美蛋網海鮮金邊粉$168蛋網賣色幾得意，海鮮同金邊粉都好多，好足料另外仲叫左🥥椰青$70原本價錢都偏貴，用左海港城coupon$200-$100，價值就較為可接受啦

今日星期六出尖沙咀行街，嚟到見到呢度好多人食就入嚟食lunch。呢度menu嘅嘢食比起其他地方貴好多，始終呢度係尖沙咀都無辦法。佢個海鮮炒金邊粉酸酸甜甜，有啲茄汁味，質地濕潤，份量都多。雖然蝦就完全無味，應該係急凍貨嚟，但整體嚟講呢一碟都係好食嘅pad thai 🦐菠蘿炒飯用黃薑炒，再用大大個菠蘿殼上碟。上碟好靚，但味道一般，食得出黃薑味但無話好香，鹹味都較少，菠蘿嘅果味、果酸都食唔到，呢一碟就相對無咁出色 🍍 因為價錢真係偏貴，唔嚟再嚟呢邊行街應該唔會食了😀

果日同屋企人系海港城用消費券買　野，順便系尖沙咀食lunch 由於假日無訂位好難搵位，咁岩打左去呢間話有位，咁就決定去呢間食我地左半隻海南雞，豬頸肉，炒金邊粉，南瓜芋頭炒飯海南飯一般般，d肉有少少「鞋」豬頸肉可以再厚d，就比較好食d個炒金邊粉幾好食，味道唔錯，佢入面既配料都多，而個炒飯就比較清淡d

每次經過呢間泰國菜都好多人排，見賣相幾靚又大份就想試下咩料😂weekend大概20分鐘就入到，海港城黎講算快~食物份量大，我地3個人都食唔哂要打包🙈味道正常，試一次就夠～最想食嘅南瓜布甸好似已經無做😐🍠芋頭肉碎飯 ($110)賣相好治癒😆面層肉碎舖到好整齊🤣勁多料，唔止個面，下面都有好多，仲有冬菇🍄芋頭粒💜粟米 紅蘿蔔🥕青豆~偏中式做法，頭一兩啖幾惹味，食到底見到好多油🙉🌟🥩燒沙嗲牛仔骨 ($138)一上枱已經好香燒烤味，食果陣有香濃沙嗲味🤤牛仔骨份量比想像多，食極都有～好似新加坡食串燒嘅升級版，啖啖肉帶少少肥膏好邪惡😋🥘🐑勿沙文咖哩羊腩排 ($168)我地好鐘意食羊就叫左😆同平時茶餐廳咖哩羊腩差唔多味，羊羶味唔算好重，都係份量取勝😬

行下行 經過金不換泰國菜 見門口冇人排隊 就入黎試下生菜包-味道比較咸 -量會比較少辣椒膏炒蜆-殼比更多-汁好多，好惹味-迷你拼盤(春卷，蝦餅，香葉雞)-香葉雞比較柴-金邊粉-酸酸甜甜，幾好味大致上不過不失 冇咩特別

第一次來尖沙咀分舖食, 因為無得訂位, 所以好多人等位, 等左差唔多 50分鐘先有位, 朋友發板, 點左雞沙爹, 泰式拼盤, 炒芥蘭, 炒粉絲, 海皇羹首先來雞沙爹, 佢每客一定係 6串, 唔好就係唔可以拼其他, 比如 3串雞3串牛就唔得, 一客只可以一款肉, 但咁樣叫多客又好似多左 D, 無得靈活變通 ! 再來就係海皇羹, 夠熱, 味道好好, 再上來就係泰式拼盤, 好大盤, 有魚餅, 蝦餅, 雞件, 春卷, 蝦餅同魚餅都係每年一開 四先切開, 幾細心, 味道都幾好 ! 之後就係來泰式粉絲, 無驚喜, 普普通通 ! 原先叫左個炒芥蘭, 之前既食物都食到七七八八都未見影, 要催左 2次, 前後等左成 大半個鐘先來到, 味道都算係正常, 只係等既時間比較長 !總括來講, 服務一般, 食物無咩驚喜, 算係不過不失, 客人就好多, 但其實個價錢唔平, 人多可能係因為商場本身一直做緊派 coupons, 而 coupons 又係差唔多到期, 所以人流就多左, 因為我地都係用 coupons 作部份款項來付款, 難怪食物上唔會有太大驚喜, 同埋人流都特別多既

因為商場Coupon到期喇😆😂所以又嚟呢個商場搵食，朋友想泰嘢，咁就一定嚟呢間啦！😆😂基本上好多人都因為Coupon到期嚟食飯，所以勁多人，6:00pm幾等位等到8:00pm先入座啊😵‍💫😵‍💫😵‍💫唔肚餓都等到肚餓🥲勁快手叫嘢食先啦😆😂生蝦🤤😍都好爽，不過覺得細隻咗少少😂之後就有炒通菜、冬蔭功、豬頸肉炒金邊粉😍🤤通菜好有鑊氣😆勁熱上檯，索晒D汁😍好食呀😋朋友想飲冬蔭功，我都未試過喺呢間飲，見Menu 有三隻辣椒，叫嗰時都同侍應姐姐要少辣😆😆，不過飲落都算辣嘅，還可以接受程度😂酸辣味都好平均😆我朋友一路飲一路都流鼻水😂😂海鮮都好足料👍🏻勁鍾意有好多草菇😍😍😋唔錯！鍾意辣嘅朋友一家要點👍🏻另外又叫咗碟豬頸肉炒金邊粉，之前都食過，仲keep到水準🤤😋🤤👍🏻👍🏻👍🏻最後，當然要叫埋個芒果糯米飯先圓滿啦😋😍😋😍勁香芒果味🤤椰汁又香，好味😍🤤

Weekend行開尖沙咀，行到差唔多傍晚6點鐘，開始肚餓要搵飯食🤣見到間間餐廳都排晒隊，而無Booking嘅我，唯有等Walk in條隊☹️見到呢間泰國野前面得十幾張飛，決定等佢先😚。🥗牛油果柚子沙律夏天要食返啲Flesh嘅開胃菜，柚子新鮮粒粒飽滿，牛油果份量略少，味道一般☹️。🐟鹽燒烏頭次次食泰國嘢烏頭都係揀明爐，今次試吓呢個鹽燒烏頭，拎走左塊鹽燒魚皮之後，烏頭肉熟到啱啱好，魚肉都算鮮甜😗。🐷燒豬頸肉大大碟上枱，唔係得嗰幾舊，而且燒得啱啱好，唔會over cook，肥瘦適中，口感唔會太鹹，配埋個辣辣地嘅醬汁，更加惹味醒胃🤣。🥬清炒椰菜苗椰菜苗略嫌有啲苦，下次都係叫返炒通菜☹️

星期一晚上跟家人來吃飯，門口帶位整之不禮貌，態度極差，本想問下等候時間多久，她只回一句，未齊人唔可以問，咁係乜嘢服務態度🤬食物水準再平均都唔想再受啲無謂氣。不知所謂。

趁有海港城優惠券,Shopping兼Eating,行到咁上下,就入咗去呢間<金不換泰國餐廳🇹🇭>食Lunch🍚🥢今次點咗個4人套餐，包括有足料泰式冬陰公湯🥣丶超有份量柚子沙律🥗丶鹹魚炒芥蘭丶惹味黃咖喱大蝦🍤，可惜無海南雞，唯有轉腰果爆雞丁，味道都唔錯。最後加埋我至鍾意食嘅芒果黑白糯米飯，超滿足😋😋😋