金不換泰國餐廳

營業中

休息中

👍🏽：餐廳食物質素同味道屬於中上新鮮，足料，份量算多食物比較淡口，唔會太鹹太甜食完好耐都唔覺口渴，感覺無乜落味精食物賣相唔錯，出菜速度快餐廳環境幾有氣氛- - - - - - - - - - - 👎🏽：但餐廳待應大多係泰國人唔知係聽唔明度東話 定太多人出面等位感覺待應嘅態度麻麻地經理都好似比壓力吹你埋單咁同埋餐廳有限時 入座起計80分鐘真係揀得耐小小/叫得多野食啲/食慢小小都會唔夠時間食- - - - - - - - - - -整體來講😃可以試食，不過無太大驚喜同外面泰國菜比的話 算出色一點燒豬頸肉&菠蘿炒飯相對出色✨👍🏽

近排經常到海港城shopping和食飯， 用coupon真係幾抵😍， 星期六行完街買完戰利品就立即到金不換泰國餐廳， 實在太多人排隊了， 等了一段時間終於可以入座👏🏻。 晚餐有肉碎生菜包$178、 蛋網海鮮炒金邊粉$188、 青胡椒炒蜆$128、 芒果糯米飯$78、 泰式凍奶茶$55。📌肉碎生菜包🥙～ 生菜好新鮮， 脆口好味， 肉碎辣辣地，好惹味。📌蛋網海鮮炒金邊粉🍝～ 好鍾意吃這裏的金邊粉， 酸甜甜炒得乾身。📌青胡椒炒蜆🥘～ 都幾辣， 味道濃郁，食到停唔到口。📌芒果糯米飯🥭～ 芒果味道甜美， 糯米飯口感煙煙韌韌，椰汁熱辣辣， 一人份量已經夠二人吃。📌泰式凍奶茶🥤～ 反而泰式凍奶茶味道麻麻地， 偏淡沒有泰式奶茶的香味。整體而言金不換是間正宗泰菜🤤， 店員服務周到， 一坐低已經問飲凍水或熱水， 非常貼心。😊

用得現金卷既餐廳唔係好多,同埋間間都要等位，得金不換唔洗等（都感覺都伏味）就入去坐。價錢唔平，好食就無所謂，尖沙咀區好坐既地方要付出既。入到去揀好菜好耐都無人理，好難得搵到人落單，就坐定定等食。三碟野一齊送黎幾好，唔洗左等右等。咖哩牛筋腩 - 非常普通，偏椰味重個類，但同係街市買包醬加椰汁開既一樣味，太hea.牛筋唔夠淋，牛腩好鞋好乾炒帶子珊瑚蚌- 唔錯，個汁幾好味幾特別既，撈飯好食過咖哩，只係份量好少帶子同珊瑚蚌得3-4-舊咸魚露筍少飯 - 都好食，有咸魚香但唔會死咸，加煙肉（好似係）有d奇怪，要為難既就係唔夠乾身同鑊氣無叫野飲，埋單成$644，用左兩張卷我都覺得唔值侍應自動波奇水li點幾好，其他野就一般，但打爛野，彈到我同第二枱一腳係都無主動叫我地換位

從前是一間非常好味，好出色的泰菜館，自從有優惠卷後，食品質素開始下降了。六點鐘門口已經非常多人，服務員好似打仗咁。這份落單是羊架，現在好似變咗羊扒。這份素菜太多筍😰這個河粉雖然份量足夠，可惜味道一般，所以刺激唔到胃口。

星期六，午飯時間⋯ 小朋友喊肚餓，海運這邊間間餐廳都要等。唯有這家不用等，老公決定先醫肚。其實我們大人很喜歡泰菜，只是小朋友對泰菜提不起勁。亦因為要適合小朋友口味，不能點辣的。肚餓嘛⋯ 先點泰式雞肉濕炒河不知是否肚餓，小朋友說好好吃。我覺得也有鑊氣的，是傳統大片的河粉。但這碟沙河價值$168，我覺得跟街邊$68/碟的沒兩樣。材料跟味道和價值比較，相信環境價值佔大多數。另一款填肚子的是椰青海鮮焗飯香，椰子香味⋯好味道👍🏻但份量少，相信真的有1碗飯的份量，價值$198。縱使味道不錯，但那價錢真的付了在租金上。我們另外再點了泰式魚餅、燒豬頸肉、竹笙炒椰芯。這個炒椰芯較特別，但味道及口感也不怎麼樣。那調味跟濕炒河是一樣的。竹笙份量也只是幾條⋯ 用了1張商場的coupon後，2大2小付了8百多⋯ 以這個價錢，我相信可以有更好的選擇。老實說味道不差，只是以這個價格來說⋯性價比超低！

好朋友生日，揀咗嚟呢間食泰菜🤤先嚟個開胃菜，青芒絲蝦鬆😍呢碟菜真係唔係度度泰國餐廳都有得食，所以嚟親多數都叫呢個😂😂同埋真心覺得好好味，蝦鬆加埋酸酸哋嘅青芒絲，口感好夾，香口又唔油膩🤤🤤推介呀👍🏻👍🏻👍🏻同埋碟蝦鬆堅大碟😆之後係豬頸肉炒金邊粉😍份量都真係幾多，豬頸肉好多塊，有鑊氣👍🏻👍🏻好食。另外又叫咗碟鮮魷通菜😍🤤好夠味，係蝦膏炒，鮮魷都好鮮味😋😋最後甜品一定要叫當然係芒果糯米飯😍😍😍我好鍾意椰汁，一上檯成盤椰汁浸住😂😂真係正！啖啖糯米飯都好有椰香味😍芒果都好鮮甜👍🏻👍🏻好味😍-青芒絲蝦鬆 $208-豬頸肉炒金邊粉 $158-蝦膏鮮魷通菜 $108-芒果糯米飯 -108

今日嚟左金不換食飯順便用埋啲 coupon佢，不過就得200蚊咁所以我地就著黎叫嘢食，最後我地就叫左下面三樣嘢食 海鮮蛋包飯 hkd188首先嗰海鮮蛋包飯都唔錯嘅，佢都有成4，5隻中size嘅蝦我，就覺得算係唔錯啦，對得住哩個價錢呀哩個地點 泰皇雞 hkd238呢隻雞都幾大隻，同埋啲汁都唔錯喺啲雞肉有啲焗過左嘅感覺，有啲位置幾硬，所以一般啦 椰心紅咖哩（牛）hkd188好細碗，失望，雖則味道都唔錯嘅，牛同埋椰芯都唔少嘅，不過就唔抵囉哩個價錢 整體黎講味道係唔錯架，不過價錢有啲貴

星期五在海港城行街，因為有優惠券的關係，所以晚上到金不換吃晚餐。金不換一向是我和家人喜歡的泰國餐廳，因為食品味道很正宗，而且招呼也很好。今天是星期五的關係，所以要盡早入座，六時就已到達餐廳用膳，我們三人立刻被安排坐在卡位。因為中午在天穴吃了一頓很豐富的午餐，因此也不太肚餓，我們只點了柚子沙律（$168）、燒豬頸肉（$198）、明爐青檸蒜粒烏頭（$328）和一人份量的冬陰功湯（$88）（因只有其中一位家人喜歡），飲品則點了芒果汁冰（$60）及青檸梳打（$55）。柚子沙律和燒豬頸肉是我們每次必點的食物，因為柚子很新鮮而且粒粒飽滿，以及份量也挺多的，但想想這個價錢只是一些柚子混和一些乾絲，實在是貴，不過味道的確不錯。燒豬頸肉點泰式辣汁非常惹味，而我每次都把旁邊的酸椰菜等都吃光，不過今天的稍為硬了一些，比較乾，沒有肉汁。明爐青檸蒜粒烏頭很新鮮很大的一條，若在街市購買我想也大概要$80，魚上面鋪滿新鮮的青檸，用酸椰菜新鮮蒜粒湯浸着烏魚，放在一個魚形的鐵盆上，下面用火點着加熱，滾着吃很快就吃光了。冬陰功湯一人份量所以只有一隻蝦，收$88碗但提供的蝦入口却是霉爛的！我們發現今次的餐牌好像比以往價格調

原本打電話去想book位食晚飯，回覆話無得訂枱，要等walk-in. 我6:00pm 去到攞張3位飛，排中枱46，等咗一個鐘之後發現唔對路，叫咗十幾張2位細枱飛都未叫過一張3-4位。上前同接待人員了解，才發現原來佢會比返枱比40個號碼（即係1-5號）之前”話”未人齊嘅人，仲要我眼見起碼有10張同類情況，佢不停説係咁㗎啦，你唔鍾意可以快啲投訴我，我恨不得你快啲添呀⋯⋯之後我問佢同事，你哋經理呢？佢答我經理放假😤！制度非常崩壞！未食已經一肚氣！

本來諗住平日約朋友dinner可以避開假日人流。5點幾早放諗住拎定飛等朋友7點一放工就食到。點知門口經理好堅持人齊先會俾飛，（心諗我依家齊人你係唔係即時可以俾我入啊？要齊人係門口排隊等你個幾鐘食飯？）仲話叫我7點再來睇，但繁忙時間食飯一定唔會有位。幾時變到食飯時間食飯係錯？從未見過咁嘅派飛態度，唔憂做都唔洗咁倒米啊。唔俾人book位 唔俾人walk in 食飯，咁做生意真係第一次見。我諗老細一定係好人，怕員工太辛苦。我都會識做，唔會令 貴餐廳太忙

又有海港城啲coupon，所以走去海港城食好野，今次就食泰菜 - 金不換泰國餐廳餐廳地方大但唔算生得闊落，餐廳俾咗窗口位我地，坐得唔算逼夾，環境氣氛良好，可以看到維景，職員態度都有善。嘢食方面，我哋嗌咗：明爐青檸蒜粒烏頭，蒜蓉包，鐵板蠔仔，冬陰功湯。冬陰功湯夠味，有大大隻蝦，材料豐富。蒜蓉包正常，好味。鐵板蠔仔，賣相靚，算多料，多蠔仔，依個要趁熱食凍咗唔好食。明爐青檸烏頭，超好味，出色，唔似得其他泰國餐廳將好多配料掩蓋魚嘅鮮味，金不換只係用青檸，魚湯，原隻烏頭魚，配搭簡單但味道出色，而且依條魚分量十足，簡直物超所值。總結：金不換啲嘢食服務都高質，價錢中高檔，冇coupon都成千蚊落樓，但真高質。我就最鍾意條烏頭，謝謝

今晚又來金不換泰國餐廳食dinner,好彩有訂位，不過都要第一陣先有位，咁多人等位就知好食啦😋😋😋，大約等左20分鐘先有位，都算快👍🏻👍🏻，今日三個朋友食飯都叫左五樣嘢，有柚子沙律、小食拼盤、蒜子胡椒鮮魷、海鮮炒雜菜、胡椒炒蜆，飲埋芒果沙冰就一流。我覺得柚子沙律就應該跟返個汁好啲，真係純柚子，乜配菜都無，但好好食，我地問佢攞個鳳爪汁，佢都好樂意比🥂👍🏻👍🏻，鮮魷我覺得油左油左啲，炒蜆係幾正，但細隻左啲

我一早打電話去booking訂7點食晚餐，電話服務員話今日已經唔接受電話預約了，仲叫我去到排隊等walkin啦！我都覺得無所謂，咪同一家四口5點半去食囉，諗住咁早食唔洗排隊又唔洗急急腳走，點知去到呢間餐廳門口個接待人超級無禮貌囉，我話小姐唔該四位，佢就即時話而家入嚟食的話只可以食1個鐘頭20分鐘，夠鐘就即刻走，吓！我即時回應佢話妳呢間係泰國餐廳喎，唔係茶餐廳，得嗰1個鐘頭20分鐘邊夠時間食呀！坐低望望餐牌都幾分鐘啦，點埋嘢食等送到都10分鐘啦！加加埋埋都無咗10幾20分鐘喎，咁趕邊食得切呀！佢就即刻黑面回應，公司今晚好爆呀！我都無計喎，咁你食唔食呀！聽到火都嚟咪即刻走啦！你估你叫金不換係海港城就高級啲咩！咁嘅態度係而家個市導好心你哋想管理下啲服務態度啦！同埋得1個鐘頭20分鐘嘅時間你哋好好反省下啦！

2021年1月8日，今年第１個上班的Friday，１個人吃午餐 (COVID-19疫情下，不聚餐，工作日午餐多數自己１個人吃)，沒有訂座，海港城一位難求，處處排號。逛了一圈，已經13:20，金不換門口的人疏度了，不會等，就這間吧！不供應套餐，單點了１湯１飯：#冬陰功湯，按份量有３個定價，點了78元的單人份量，很有泰國風味！好喝！#蟹肉炒飯，味道一般，有點油膩，份量很足，合適２個人share吃！泰藉服務員比例高，她們的服務態度很好！

多左人知海港城買野有優惠卷平食飯，我就揀咗呢間冷門之選，因為地段關係，以泰菜嚟講算偏貴，但味道同份量都足，正宗泰味～例牌優惠卷係以加一前既消費群去計扣減#迷你拼盤 $208每款2件，揀左蝦餅、香葉雞、春卷，雞有啲失望，無乜香葉味，每件都好足料，有酸菜伴碟，解油膩一流#冬陰功 $78我老公叫嘅一人份，因為我麻麻哋鍾意飲湯，偏辣微酸好開胃，湯入面有蝦有草菇#咖喱軟殼蟹 $188咖喱汁分開上，軟殼蟹有2隻左右，炸到唔會太乾，加上咖喱汁食味道更豐富，個汁蘸到一滴無剩就知幾好味#蛋網海鮮炒金邊粉 $168差啲叫錯款，好彩侍應姐姐提醒有分豉油炒同泰國食開既甜酸味，蛋網包得好靚，入面海鮮材料豐富，有蟹柳、魷魚、蝦🦐#金魚姬食在尖沙咀