金九記海鮮火鍋酒家

營業中

休息中

大排檔feel, 小菜好味, 夠鑊氣, 碟頭大, 價錢平; 海鮮ok, 但種類較少, 唔駛加工錢, 比西貢市平好多! 隔離有大把咪錶車位, 好方便! 剩食小菜, 每人平均$75-$100, 食埋海鮮, 每人平均也不超過$200.

昨日到金九記食飯！好多人，所以坐無冷氣的後門的地方。食物都算OK，但服務就差到不得了，用餐途中，我地叫咗三枝啤酒二礶汽水，等了很久，我地都無問題，咁問佢攞飲管，又等了很久，便再問，點知個侍應大聲講︰叫完又叫自己去攞啦。都算呀。到結帳時，收多咗幾枝啤酒，咪同個老闆娘講，佢去睇單，話係亂咗，所以佢就取回錢給我們，取回錢時，發晒脾氣咁話︰係計多咗，亂單呀，而家比番八十幾蚊你地。啲錢就大力放係枱面，黑晒面調頭走咗去。

尋晚跟父母去食飯,之前佢兩人已經去過數次,話d幾好食,所以今次我跟埋去,我地叫左紅燒班腩,芥蘭炒牛肉,豉油王墨魚筒and豆腐咸蛋肉片湯. 個湯好夠味,紅燒班腩外面脆脆地d魚就好滑,幾出色,芥蘭炒牛肉就無乜特別,最正係豉油王墨魚筒,正到爆,其實我估其他海鮮都好正,我見附近幾都係食海鮮,不過爸爸前一晚先食完,所以我地只係叫左小炒. 三一湯+2碗飯先$210,都幾抵食,又夠"獲"氣,服務態度又好.我一定會再幫襯!

環境就一般大排檔feel, 上樓就小心碰頭, 因樓底好矮. 老板娘好好人, 介紹又平又好食既野, 唔會下下想斬你一筆. 海鮮明碼實價, 唔另收煮工, 同西頁食海鮮比平一大截豉油皇煎大蝦(3隻160左右) - 好好味, 尤其係個汁, 普通美極煎蝦冇得比. 老板娘大力推介.炒蟶子($50例牌) - 好味, 份量ok. 唔會殼多個肉.鹽焗雞(~$60例牌) - 好夠雞味, 而且好滑.

成30人游完船河10級肚餓，"金九記" - 個名似大牌檔，真係有大牌檔的鑊氣，鮮味同埋"街坊生意"feel! 我係數日前訂位既，每圍11人，都係800+/圍-3圍共7斤半章紅魚兩食(深海獵奇超大深水魚) $7/兩：(1) 刺身：雖然刀功麻麻，但肉質好脆，又線又有口感(2) 炸魚骨：一樣有料到! 好香口! 送酒一流灼蝦：$5/兩，好鮮豉油皇吊筒：好爽口! 夠入味，有口感椒絲腐乳通菜：碟頭大，鑊氣夠避風塘豆腐：鮮炸，好香口! 蒜粒送飯直情magic炒蜆：肉多，都無乜死蜆，算係咁鹽焗雞：都好夠味碟頭大，鑊氣夠! 樓上樓底低d，高人一等要小心。環境不是大酒樓feel, 當佢係一個有冷氣的大牌檔就比較適合。事頭石小姐(應是水上人)，好識做生意。因為我人多，數日前落單已和我商量菜式分量，就住我D人數同BUDGET,有商有量。仲話船河飲淨的汽水可以帶上去飲，勁識DO !

小菜好正, 價錢又大眾,碟頭又大,唯一就係交通唔多便.