金兜記海鮮菜館

營業中

休息中

又再黎. 3人行. 坐卡位. 員工好多時都忽略依個area. 但整體服務ok1. 雞絲翅. ok多翅, 味道不錯. 食剩一碗影俾大家睇下.2. 海哲頭, 著通. 有咬口夠爽但唔多入味.3. 皮蛋酸薑, 好味.4. 薑蔥美國桶蠔, 本身味道唔錯, 但好奇怪. 上台唔係jarjar聲既, 之前見過唔 同台叫都係jarjar聲熱辣辣咁上台. 依次只係熱熱地.唔夠惹味.5. 豉油皇鵝腸. 正, 滑, 入味. 終於黎第三次食到. 6. 豉椒聖子皇. 又係唔夠熱.攪乜野!!!!係唔係canteen整好晒既碟頭菜!!! 送埋紅豆沙, 普普通通可以番卓但唔該整熱dd菜啦.

Tried it for the first time this morning. Arrived at 11:40 a.m. The moment we arrived, the lady who recepted us told us that 40% discount will be granted if we leave before 12:30 p.m. The place was basically empty. Even though the place was empty, they placed us at a table right by the loading area. Then the waitress repeated the same discount information to us, took our order quickly but keep on suggesting the more expensive items on the menu. We asked for fried noodles but specified that

友人話帶我試下呢間酒樓 (佢聲食過午餐唔錯), 六點九o黎到, 冇位!!! 佢話等多十分鐘, 有枱食緊甜品.試了以下幾款食物.例湯 ($28) 冇味精湯, 真材實料, 不過一煲抵o的燒乳豬 (例牌) - 掂 !!! .....當然多o的人可以叫 1/4, 1/2 或者成隻啦生滾黎猛粥 - $28, 多人可以叫一窩, 好似係 $70 啫啫生菜煲 , 好香, 不過多人食會好o的, 因為兩個人食食唔切, 凍o左就冇咁好食了. 椒盬白飯魚. 完全唔得, 唔辣又唔咸, 炸得又唔香脆. 豬腳仔. 唔錯

早一排收到這家店的傳單，見個menu 同佐敦新斗記雷同，於是今日搵機會試試。電話訂了位，6：30pm，講明8：00pm要交，我們自己要切生日餅，吃得慢，吹吹水等所以遲了交，期間沒催促過，值得一讚。今晚菜式如下：(1) 1/4隻金兜記即燒乳豬 $138：皮脆鬆化，肉質嫩口沒帶半點肥，但珠玉在前，還是覺得新斗記的比較好味(當中可能有因為新斗記有現場烤爐觀看的心理因素)。(2) 粟米石班塊 $108：仍是新斗記的粟米汁和班塊分開上的方式一樣，班塊沒加太厚的脆漿，個人仍然認為新斗記的出品略勝一籌。(3) o者o者生菜煲 $68：是入座時聞到鄰座上菜傳來的香味而點的，事實亦很惹味。(4) 生抽王煎中蝦 (並非豉油王) $200：全晚最大敗筆……..不知道蝦是未熟還是質量的關係，肉是霉的，揭起蝦頭後一般正常見到會有蝦羔，但這碟卻有類似腸液物體流出(還要是臭的!)如果是未熟的話，質感又和刺身完全不同，怪哉! 本來想點的奄仔蟹炒年糕，部長說不當造所以沒有供應(但卻列在餐牌之中)，實怪上加怪。(5) 咸豬骨菜干粥 $78/窩：份量足六碗，足料。 今晚侍應全程自動波換碟，實在是在中式餐館久違了的服務

今日朋友生日，有人介紹到這裡吃飯，好在一早訂位。不用等！叫了出名的咕嚕肉，燒乳豬、豉油王抄麵、、啫啫生菜、鹽焗鷄、豬閠苟杞等。海鮮的價錢，嚇死人，動不動就過千，只好叫老虎斑二味菜式煮得全部偏咸，咕嚕肉十分普通，不鬆脆，燒乳豬還可以。其他乏善足陳。價錢不便宜，11人2300找數，會不會番啅，短期不會！

今日同班同事去金兜記吃飯...有炖湯,一人一盅..未去過的地方,以人頭計食物數量..要流沙包,蝦餃...一人一個..不過菜, 五人份量,真是多左D~味道OK~價錢都合理...吃得好飽....

週五晚膳於灣仔金兜記，一行二人試了三款小菜。第一味是招牌燒乳豬，出品和暖，皮很脆，不肥膩，富肉香，的確幾好食。第二味是菠蘿古魯肉，醬汁太酸，排骨亦過於乾身，口感麻麻，不作推介。最後是腐乳生菜，選材OK，腐乳汁亦很香口，不錯。餐後送紅豆沙一碗，感覺似加了水，免費算吧！

又到每月一次的友儕飯局，這次選址重責落在小妹身上，幸好我有強勁的食店資料庫 OpenRice 作後盾，當然無有怕。其實與這群友人食飯，選擇食店確有點難度，要以中菜為主、環境要寬敞舒適，因當中數位身形高大魁悟、免開瓶費、能久坐而不被催趕結帳、有紅酒杯提供更佳。這次我就揀了座落於灣仔舊街市對面的「金兜記」，據聞此店是由新兜記部分班底主理，主打菜式有燒乳豬、枸杞浸黃沙潤、拆肉泥鯭粥等。我們一行七人，約晚上六時半到達，門口通道陝窄，單看門面，無法得知內裡的舖面有多大，原來用餐大堂位於酒樓二樓。眾人被安排坐在靠窗的大圓檯，座位光猛闊落。環顧四周，其實大堂座位不多，以廳房為主，室內裝修頗為簡潔，甚至可說有點粗疏簡陋，不過由於時間尚早，人流不多，所以坐得頗為舒服，環境可算不錯。因為友人帶來了兩瓶佳釀，所以點了兩個小食佐酒，當中椒鹽豆腐粒 ($28) 外形如小丁方般，嬌小可愛，外皮炸得乾爽，內層鬆化滑溜，香口而不膩，簡直是皮脆肉滑，的確不錯。另一款小食，鹵水豬仔腳 ($58) ，鹵水味濃而不過鹹，其實要達到這兩個平衡殊不容易，加上豬腳仔燜得很腍又有酒香，外皮沒有雜毛，咬落相當嫩滑，如果不怕肥的話是值得

上次食完一次. 今次又黎過, 8點去到話要等到8點半. 咁就去附近starbucks坐下,點知坐低唔夠5分鐘就打黎話有位. 上到去全拍牆2人台. 即刻點夜食. 先點鵝腸, 老既女經理冷冷語氣話:"冇晒", 1.乳豬例牌 可以, 但如果再熱少少會更好, 都係果句, 乳豬道道既味差唔多,係熱度,脆度既分別,依度乳豬係幾脆, 但個乳豬漿差dd. 整體都係ok的一款, 但你造 特登黎食我又唔覺有此必要. 都係過份吹捧所致!2.蝦子柚皮 果然係懷舊菜式, 我唔太喜歡, 感覺好似索左好多油咁. 3.豬小肚 , 由於叫豬粉腸賣晒,所以試依個, 唔多掂而且仲苦苦地. 第日食番豬仔腳安全d. 4.生菜鯪魚粥, 粥底好夠味, 鯪魚亦唔錯. 所以今晚全晚最好食係依味,其次已係乳豬.年老女經理. 埋單時要簽信用卡同酒樓既單, 我簽完信用卡單後. 佢又黎"簽埋下面". 禮貌水平不足!可惜! 反而送菜或其他待應有禮過佢好多. 老闆亦非常殷勤. 老細都咁好禮貌但手下咁既水平! 個女經理要再培訓.整體而言, 可以唔食我以上寫既野. 除左粥類之外. 但老實. 又唔係真係咁天上有地下無的. 行過可試試.

早個輪睇完推介就諗住試下啦！由於已經過咗1:40分，人客走咗好多，所以唔使等位。坐低叫咗菜乾豬骨粥同韮王肉絲炒麵(兩面黃)﹝原本應該叫豉油王炒麵，不過叫錯咗！﹞既來之則安之！首先豬骨粥的確用足料，所以推介！兩面黃炒麵炸得鬆脆，而敗筆在於肉絲係雪藏貨！由於兩碟加茶芥要近$190，仲要係午膳在灣仔區咁嘅時間，應該有更好嘅選擇！順帶一提係上一篇食評話有甜品送，係乎係因為佢係靚女吧？

每個星期天, 也是我最期待的家庭日.早前, 媽子與朋友們試過這裏, 盛讚. 這晚, 特別與我和老豆來試. 老豆做足準備, 事前已上了開飯網, 看晒d食評. 一坐下便有4樣心水.我們先點了1 - 乳豬2 - 九紀豬潤3 - 士油皇"鳥我"脹4 - 蒸蟹由於上述4道菜不但沒有讓我們失望; 更是太好味. 讓我們對其他食譜上的食物更好奇. 於是由點了幹炒牛河 以及 泥魰粥.乳豬, 皮幾好味; 但d肉就過salty了點九紀豬潤, 煮得真係好好味; 豬潤又厚又滑; 只是那不是黃沙豬潤, 不夠香.但, 已很好味了士油皇"鳥我"脹, 好味, 特別d士油; 而脹又沒有肥"高". 蟹, ok幹炒牛河, 夠火喉, 但不夠味, 不藉得試泥魰粥, 可以, 粥底好很期待下次再來

從前佐敦有一家「新兜記」，之後佐敦有一家「新斗記」，現在灣仔再有一間「金兜記」，「新斗記」「金兜記」也是inspired by「 新兜記」，可想而知「新兜記」真是食界經典。點菜的時候看到蝦籽柚皮及豉油皇鵝腸，心裡便懷念「新兜記」入口即溶的蝦籽柚皮和爽脆的豉油皇鵝腸；這裡也有「新斗記」做法的燒乳豬，也有令人想起「生記」的枸杞浸豬膶，鹽焗雞，泥鯭粥。這「金兜記」的感覺非常之盤菜。三個 人的晚餐，點了鹽焗雞半只，蝦籽柚皮，豉椒炒蟶子皇，鮮腐竹什菌浸時疏，泥鯭粥。最高分的是泥鯭粥，$78一大鍋，每人足有兩碗，也十分足料，吃到魚鮮味，也不覺有味精。最差的是鮮腐竹什菌浸時疏，得個老字，難得連腐竹也老，硬繃繃，膠紙一樣。有水準的是蝦籽柚皮，世上已經沒有入口即溶的蝦籽柚皮，「大班樓」的，「桃花源」的，都不及「新兜記」的，這裡的水準已算不俗，蝦籽汁濃稠濃適中，柚皮厚度也適中，整件事就是中規中距。豉椒炒蟶子皇也是一般的豉椒炒蟶子皇，很難有出事的餘地，鹽焗雞的樣子像極生記，不過味道不是那回事，又不是不好吃，但心裡準備了迎接鹽焗的味道，難免有點失望。從菜單看到很多游水魚的名字，方利，黃腳立，或者下次可以試試。

~~今日晏晝同老細食lunch~~之前食過一次大家都讚口不絕今次決定要分享一下特別推介 豉油皇炒麵聽落好似好普通.但食落你就知道同街邊0既真係好唔同第一色澤光滑炒得乾身,唔會油淋淋,又唔會食到一"主""主",第二夠唒鑊氣 菜乾豬骨粥一向我對粥都冇咩好感但係依個菜乾豬骨粥真係令我有再添食0既衝動我地有7個人,每一碗啱啱好想食多一啖都唔得d粥好綿,d菜乾同d豬骨配合得啱啱好,好足料唔會太咸同唔會有菜乾d怪味最後佢地仲送埋甜品椰汁糕俾我地,真係好窩心哦..好滑,甜度適中,不過一人一舊.唔多夠唏唏!點心雖然少d選擇,但依到真係一間有質素0既酒樓!!

晚上九點係灣仔區搵食. 到此一試. 十分滿意.安排坐卡位, 兩個人舒舒服服慢慢食. 冇試乳豬,下次必定要翻兜, 因為叫左既野已好夠飽.1. 枸杞浸黃沙潤, 湯非常鮮甜, 沙潤極林又新鮮. 推介2. 豬仔腳, ok. 不算好入味,但亦吾叫美味之選. 但可食可唔食.3.古法咕嚕肉, 我嫌點硬, 但已極高水平, 第一次食依味野會配紅薑一齊炒. 推介4.泥猛粥, 唔夠鮮味但已為合格以上分數. 最後送上糖水. 完成極飽一餐. 一定翻兜

今晚係補祝老爺父親節既飯局，家人事先訂好金兜記招牌菜，咁我可以輕鬆專注試菜。 豉油皇豬粉腸：豬粉腸新鮮，做得好嫩滑，絶無苦味，最抵讚既係好夠粉，而家好少食到同樣既質素。 燒乳豬半隻：即叫即燒，果真皮脆肉香，又唔油膩，值得等！ 豉油皇鵝腸：鵝腸無疑做得好滑，但個人較喜歡用炒既方法煮，鵝腸會變得爽口及富香味。 啫啫生菜煲：本身不太喜歡呢個煮法，幸好一打煲蓋無太多混合蝦醬味既濃煙，味道亦唔太濃烈，還ok！ 上湯煮枸杞豬潤：這款正係我杯茶，枸杞同豬潤用上湯酌熟，兩者都做得好嫩身，又不失食材本身天然食味，只略厭上湯太濃，有欠自然。 薑葱桶蠔煲：一試就知蠔質新鮮，剛好既生熟度。上粉均勻，但略厚，若薑葱味可再加強將會更完美。 椒鹽鮮魷：炸得甘香，魷魚肉質唔老唔乾兼唔油膩，全體一致通過好味。 鹽焗雞：比較普通，食唔出任何特別之處。 腐乳通菜：普普通通，腐乳味唔足。 蠔仔粥：配上方魚、肉碎及濃湯，味道非常豐富，惜濃湯略欠自然。金兜記食材新鮮，煮功唔錯，食味頗平均，價錢亦唔算貴 (我地無點一d較貴既菜式)，應該係一家慶祝節日可考慮食肆。環境：中菜黎講算係安靜，亦可能係星期二晚及世界杯既影響，客人唔算太多