金兜記海鮮菜館

營業中

休息中

1st time visiting this restaurant on the Friday night. It was pretty full house, a very busy restaurant that has only run for about 1/2 year. Few waiters/waitresses used to work for Shark's Fins Restaurant at the TImes Square and I could recognise them. Heard that their chef is a serious one that used to host popular/famous restaurant in Jordan of Kowloon peninsula. I have never been to that place. Anyway, ordered deep sea fish; it was weighted after you have chosen from their big fish tank. The

今日家人聚餐，我之前見到有食家個blog提到呢間餐廳，有我至愛既鵝腸同豬潤。唔駛諗啦，訂位啦。叫左成檯野食，有：枸杞浸黃沙潤：我唔明點解D潤切得咁厚都仲係咁脆，仲要剛剛熟，又有一絲酒香，只能話呢D係真功夫。我去個日無枸杞，佢地用莧菜代替，oh~又係我既至愛。即燒乳豬：以片皮鴨式上菜，既係連埋夾餅俾你。雖然係招牌菜，但我覺得無咩特別。鹵水豬仔腳：呢味真係用豬仔既腳，細細隻好軟熟，不過我個人鐘意食凍既白雲豬手多D。豉油皇鵝腸：呢個又係一絕，好多鵝腸！我見到開心到簡直想嚎叫。都幾入味架，而且去曬所有黐住鵝腸既肥膏，食起黎無咁滯。薑蔥焗桶蠔：呢個都幾貴 （$128)，但係無辦法，佢隻蠔真係大過又肥美過出面個D，熱辣辣成窩上，超惹味，又鮮! 我地絕對無放過D薑蔥！泥鯭粥:其他食家話好甜，姑且點黎試下。雖然粥底幾棉，但我唔覺得特別甜囉。OK 啦。啫啫生菜煲：用蝦醬煮既生菜，你話點會難食呢？不過我個人唔鐘意食D咁重味既野。粟米斑塊/椒鹽白飯魚：D白飯魚都幾大隻，不過完全無味！呢個幾失敗！個斑塊又係好大塊，都幾抵既，but not my cup of tea lor.是日全場爆滿，一張檯走左即刻有下一

大概一個月前金兜記喺合和派傳單，推介午市點心套餐。見到連茶芥加一$68，幾合理就約左同事去試下。最少要有兩個人先可以叫。第一：例湯：　木瓜瘦肉湯：好清，每碗都有料。唔會覺得係味精湯。第二：點心任揀四款：每人每樣一件　蝦餃，菜苗餃，燒賣，牛肉球：夠熱，好清。大小適中，唔會太咸或太乾。第三：小食任揀一款：　义燒：半肥瘦，肉身帶汁所以唔乾，咬落鬆軟。第四：菜任揀一款：　 魚湯浸勝瓜：清得黎個勝瓜好鮮甜。第五：飯麵任揀一款：　雪菜茄子鴨絲炆米：好足料，但唔咸，唔油。濕濕地好啱我口味。第六：甜品：　桂花糕：清甜。我地兩個人食，多到要打包。兩個都話抵。平時要約埋一大班人先可以去飲茶，而家唔使。

從新兜記到新斗記再到金兜記,身為外人是不清楚三者的關係但又確實是有點關連,作為食客只覺得新斗記不如新兜記,那金兜記又會否不如新斗記呢?這天受到友人邀請來參與一個試菜小局,菜式由店方發辦,到來的責任就是出一分力來負責食!八時來到門口,由知客引領乘電梯到二樓,看來環境不錯!檯與檯有足夠空間不覺擠迫.與眾友人閒談一會,人齊正式起菜!白灼粉腸豬肚----豬肚咬落軟淋不失彈性,粉腸灼得生熟度適中入口仍然粉嫩燒乳豬----為迎合健康潮流,現今大部份食肆的乳豬也是皮還皮肉還肉,脂肪和骨頭己在上檯前被除去.乳豬皮咬落脆口,肉質尚算嫩滑.自己較喜愛舊式口味原隻斬件的食法多一點.川椒蒸仙骨大頭魚----上檯時傳來的辣椒香味已非常誘人,此魚頭部果然巨型,膠質豐富吃起來非常滑溜,豉油、辣椒味取得均衡不偏咸偏辣,調味方面做得非常出色.鮮肉丸魚肚浸勝瓜----魚肚的處理欠火侯,濃湯的味道確是濃了一點,因已有蝦乾的鮮味及勝瓜的甜味,如只下薑片及少量上湯來吊味去煮,出來的效果清淡些,感覺會更好.蝦子柚皮----柚皮看起來不太厚身,吃下去香味是出乎意料的濃!浸泡起的柚皮就像海綿一樣吸盡芡汁的味道,更顯調味的重要性,這裡

川椒蒸仙骨大頭魚喜歡食魚頭的食友，仙骨魚是選擇之一。 此魚在內地非常普遍，而在本港則較為少見，魚雲、魚面、魚下巴都極之幼滑，由於魚夠大的關係所以連魚皮嘅膠質也十分豐厚。﹝讚﹞此魚國內隨處有，香港難得幾回嚐！鮮肉丸魚肚浸勝瓜內有手打豬肉丸、砂爆魚肚、勝瓜、蝦干和蒜子，溶入魚湯中是濃郁而帶清新的，只可惜天氣悶熱及處理材料不當影響了原味。﹝處理恰當應是夏天的佐飯好餸﹞即燒乳豬﹝半隻﹞乳豬被肢解得迎合健康為先，皮肉之間的肥肉消失咗，骨頭亦被起出。脆脆的乳豬皮夾着薄花餅伴以醬汁吃是不錯的，唯獨欠缺少少豬肉味﹝我想應該是那肥肉﹞。蝦子柚皮這是我的至愛卻又很難覓得好吃！煩瑣又需時的處理令平平無奇嘅柚皮變得入口溶化又帶着絲絲纖維，惹味嘅獻汁極之重要，這裡正正是我想要的。﹝讚﹞枸杞浸黃沙膶一個非常健康的絕配，杞子與枸杞皆為明目嘅好食材，豬膶厚切無疑有咬口，只是腌制功夫要了拿得準才不會流失原味。﹝處理恰當絕對是誘人的家常小菜﹞古法生炒咕嚕肉古法？不曉得是與否！只懂好吃與難入口之分。酸甜度很是平均，肉非梅頭改以骨排起骨令質感更好，起骨是為了方便孩童進食，主要目的係走肥肉。鮮蘑菇炒肥牛配搭較新的食材蘑菇及肥牛

肚餓...找食唔好過海;去人家地頭食個中餐好了.近來大家都會集體回憶.所.以,,,好多兜記斗記出哂來.為的是當年佐敦的名店.實情我想見返...但不會存厚望只希望不成犬類好了.那個定座電話我打了半小時未通過...好在六點幾去都比枱我但聲明七點半交枱.例牌乳豬,好食但還是記得以前食過的這不是太好皮化但還差少少勝在無死鹹.海浙頭...廣東佬點及蘇浙....但也好吃.瓜子賣三十蚊兩唔敢叫魚..見人家要了條十一二兩的什衣睇怕都唔少錢但細條的什衣有鬼嘢食重要散收收...人少少機本上無得咁叫.食粟米班塊啦.骨髓三仙,有鮑片帶子蝦仁

環境衛生：正門係個大魚江，好有風水feel。上到樓上感覺裝修簡單乾淨，不過就暗左少少（其實暗D都好既，唔會咁熱，不過老人家就唔係好鍾意）。喺水吧前面坐埋位後，同行既友人就話覺得好似坐喺個大走廊到食緊飯。服務：由入門口到叫餸，食飯，所有人都好友善，而且睇得出個個都好落力。味道：一睇到個餐牌就覺得自己好似去左生記咁，所以都叫左兩味黎比較下。　九杞黃沙膶：味道ok，但係黃沙膶切得太厚，而且唔夠熱，所以覺得生記好食d。　泥鯭粥：兩款好難比較。金兜記既泥鯭粥比較多泥鯭，魚味重d，且唔腥，真係唔錯。而生記既就少泥鯭不過就有肉丸，所以甜d。真係各有千秋。　豉油皇鵝腸：夠熱，不過太長，應該要剪一剪。味道幾好，係值得試架。　蓮藕餅：夠熱夠乾身，咬落幾爽又唔溜唔咸，值得推介。　菜炒聖子：唔夠熱係食海鮮既大忌，所以碟野冇人食。味道ok la，冇乜特別。有一點要提既就係大家叫餸時請逐樣叫，如果唔係d餸係會一窩蜂咁黎。

Open rice 內揾到哩間所有食評一致'好' (雖然只有6個) 的海鮮餐館, 跟友人相量后立即訂位!因長假期中, 條街好少人, 但八点幾金兜已坐得七七八八. 喺Open rice 食評中已有心水菜式, 但當見到個MENU就忍唔住想試多兩樣嘢~~ 咗揀右揀, 見隔離枱的炸蠔好靚, 但又想要薑蔥蠔, 當決定兩樣都要齊時, 點知到落單桶蠔已賣清光, 非常失望. 最後揀咗~麻油海蜇~ 又香又爽手拍青瓜~ 唔係’手拍’, 本人覺得唔緊要, 而且伴上好多酸辣汁, 做得唔差蟶子王~ 超大隻, 開邊後都仲啖啖肉, 豉汁很惹味咕嚕肉~ 唔夠酸又唔夠甜, 無咩特別蓮藕餅~ 賣相幾吸引, 好搶手~我搶輸燒乳豬~ 要咗一隻, 但食唔晒. 味道不過不失清蒸紅瓜子~ 時夜主角!! 肉滑鮮嫰, 豉油汁又好味, 可惜唔夠熟!! 可能條魚都幾大同厚身, 較難蒸! 其實朋友想要價錢一樣的老鼠班, 不過無貨!菜圃蠔仔蛋~ 雖然係平價嘢, 不過煎得好香. 我好鐘意食, 下次去都會再叫啫啫生菜煲~ 用沙煲上, 遠遠聞到好香, 食落有蝦醬味, 唔錯唔錯火腿上湯娃娃菜~ 個名其實唔係咁, 不過唔係好記得. 都係

嘩....食咗好多野呀, 每樣都好好味呀!! 好值得一試呀~我地大大話話都食咗廿樣野燒乳豬: 係即燒既, 好脆架, 師傅仲幫你起晒d肥膏, 好好味~啫啫生菜煲: 我第一次食呢仲煮法, 焗熟d生菜豬潤苟杞: 我本身唔係好食豬潤, 因為出面d豬潤又硬又實, 但呢度d豬潤好似鵝肝咁厚, 仲好爽, 唔硬又唔實, 真係可以再三添食呀~沙薑雞: 呢樣都係好奇怪地好好味, 尤其係個醬汁.....令到隻雞多咗d雞味...好奇怪但好好食清蒸瓜子班: 條魚太大條喇...我地又好飽, 真係無試真條魚酥炸桶蠔: 呢樣都係要大讚架...好大隻又好好食, 而且好快買晒~豬油炒牛河: 呢樣我就無食, 但我d朋友食到飽一飽都將碟牛河清咗其如既仲有蟶虸, 炸豆腐, 豉油煌炒蝦, 干燒豆腐, 黑椒牛肉, 炒鮮魷, 齋煲, 順德魚餅最後, 記得吃甜品呀, 我果次食咗手磨合桃糊~yummy

由於自己疏懶的關係，原本上年「應該」完成的第二百篇食評，要到這刻才能成事。於我來說，也不能掉以輕心。週二晚相約一個知心朋友，作一個簡短飯聚，順便提早慶祝自己的生辰。兩個月不見，見他愛情事業甚有得意之勢，心中也著實高興。原本議定了一個地方，竟然見到「內部裝修」的字樣，立時轉走到灣仔道向上的路段，見到這一間名為「金兜記」的食肆。看裝環格局，以致食物風格，都是走中高檔的路線，朋友心水清，詢問部長是否和佐敦「新斗記」有關 ? 看他支吾以對，只說有點淵源，我們也不便追問下去。 二個人吃不了多少東西，大部份東西都是由他發辦，四份一隻的烤乳豬、煎藕餅、上湯雙菇浸時蔬，再加兩碗招牌的生滾粥，已經很足夠。而這個沒專用傳菜員，沒有感性旁白，亦不作電視轉播的小型飯局，就此正式開始。由於以前吃過佐敦「新斗記」的關係，所以也可略作比較，先來的乳豬來說，似乎屬於麻皮的一類，論其外皮確實香脆，其皮下之肉也是爽嫩，本身已不算過油，配套除了甜醬和砂糖之外，也加入薄身的饅片，夾著同吃可中和那剩餘的膩感，總的來說是水準之作。煎藕餅倒是有點失色，下的蓮藕不多，口感與味道上欠了一點爽口和淡甜，這住家小菜除了注重刀剁功夫之

朋友話想食生炒骨同飲老火湯，咁我搵下搵下發現左呢間金兜記。見招牌菜有我鍾意食既燒乳豬，而且地方又幾靜，好岩傾計食飯，咁就決定去試下。由於時間尚早我地就由灣仔太原街街市行過去，順便當行下街睇下玩具。其實直上太原街係交加街轉左直行再轉右都唔使5分鐘就到。期間見到有間潮菜館都好似好得，下次要試。題外話，原來灣仔尚翹峰就係正街市樓上咋！我地睇完一輪菜牌，竟然冇生炒骨!? 只有咕嚕肉 (朋友話兩樣野好大分別喎!)。最後落單 ﹕甘筍粟米煲唐排兩碗 $28一碗 (一煲就$98) – 超細碗，一碗係等於屋企兩殼湯啦，味度好一般，冇咩料到。 招牌乳豬例牌 $108 (1/4隻係$128)– 份量一般，皮是卜卜脆，肉連骨好香脆，果然係招牌菜 !薑蔥美國桶蠔煲 $128– 蠔都算大隻，非常好味，有意外驚喜丫!茶 $8一位 (我地叫左水仙但冇咩茶味)酸菜 $4 一位 兩餸一湯，都冇叫，甜品都食唔落，但好飽喎 ! 不過我估係我地細食。

家人都知道小弟唔鐘意生日大肆鋪張所以話只係食餐飯就算點知上菜先知道唔係話食餐普通飯咁簡單而係一餐都幾富豪o既一餐...世上只有爸媽好地點:家人都一早到逹, 小弟後join間鋪位於灣仔舊街巿對面, 因為少弟唔熟對面海而且間鋪個門面都唔係話好顯眼所以都搵得小弟一陣陣不過走o既時候發現如果識路的話其實灣仔站B3一出,行唔洗兩分鐘就到環境:鋪面係地下, 但原來營業係一樓有知客姐姐幫你按lft上樓, 都幾過隱好有傳統大酒樓o既感覺但上到去一啲都唔似大酒樓(咁老套)裝修唔係話非常靚但都feel到係做中高級餐館路線環境都算憩靜舒適食物:頭盤---海蜤 : 小弟鐘意味濃o既野, 所以覺得唔係好夠味, 但夠爽滑頭盤---卥水豬腳仔: 味道啱啱好, 又夠稔頭盤---卥水掌翼 : 味就夠喇, 但個賣相一麻麻, 炆到溶溶地咁主菜---清湯大鮑翅 : 咁大個仔都未食過咁大塊翅 , 條條都粗過牙籤!!! 個高湯都好正, 好濃郁o既金華火腿甘香, 亦唔會話好鹹主菜---原隻四頭南非鮑 : 又係咁富貴o既一道菜, 雖然唔係好明點解咁細舊野要賣到咁貴, 但真係好好味。個汁都好香口, 搞到小弟為左唔浪費啲汁, 立刻叫左個

好開心呀!原來係open rice己經有金兜記海鮮菜館既資料, 我雖然唔係open rice的會員,但我經常參考open rice的食評及在open rice尋找食的地方.其實喱間菜館我已經係2月頭,佢地新開嗰陣試過了, 因為有個friend係外國返左呢,所以同佢洗塵,剛好經過見到新開張所以入去食, ……都唔錯架. 我嗰次6個人食晚飯,食左一千蚊左右.我地都食得幾豪架……哈哈 我地想醒下謂所以頭盆食左沙薑雞腳 --- 奇怪有卥水味,不過好食喎,而且够𡘘 海蜇 --- OK,一般水準手拍青瓜 --- OK,一般水準主菜我地叫左燒乳豬1/4隻 --- 嘩嗰然係招牌菜,的確够晒脆,好食鹽焗雞半只 --- 一般水準啫啫生菜煲 --- 當個煲蓋一打開,妳就聞到好香,你會急不及待想食, 好够味咕嚕肉 --- 沒有驚喜炸蠔 --- 嘩一流,我鐘意食蠔,我覺得喱道菜好新鮮,咬落有汁, 正崧子蛋白炒飯 --- 賣相十分吸引而且香味十足,够鑊氣之後仲有甜品同生果送添這次晚飯,我地食得好滿意,

金兜記其貌不揚，想不到食物與環境都符合水準。四人同行被安排坐「卡位」，能欣賞窗外風景—舊灣仔街巿(欣賞其包浩斯風格建築，但聞說其實並非包浩斯，實仍Art Deco風格)。建築的事我不太懂，我只知道舊灣仔街巿上蓋的樓盤仍未建成，自然光線能進入茶樓，相當不錯。金兜記的點心款式不算很多，我們試過以下9款，即叫即蒸，款款美味，使人甚覺驚喜：帶子菜苗餃—動作太慢… 未能品嘗，遺憾~~木魚魚蓉燒賣—咀嚼時發現有臘肉粒，燒賣質地有彈性，帶有陳皮味，十分美味。順德煎魚餅—同樣有臘肉粒與陳皮，煎香後非常可口。鮮蝦韮菜角—與煎魚餅一樣的處理，用料變了鮮蝦韮菜。高湯鯪魚球—味道有點像街頭小吃的生菜魚肉，份量較小。雪山焗餐包—原來是叉燒餐包!外脆內軟，熱辣辣，好味!六層咖啡糕—真的有六層(見相片)，很香的咖啡味，不會太甜。時菜牛肉球—質感鬆軟，有陳皮味。家鄉咸水角—新鮮熱辣，論驚喜不及其餘點心。吃個飽飽，價錢又合理(小點12，中點15，大點18，特點22)，每人三十多塊錢。新張期間，以上有8款是小點(除菜苗餃以外)。第二次光顧時(已近農曆新年)，味道依然，但「小點點心」已有一半升值至中點/大點。希望金兜記繼續