金利來食坊 (已結業)

二個人夜晚凍凍地坐係出面食飯特別有風味, 叫左:1. 羊腩煲($48)- 無冬旬有D失色, 羊腩都算多2. 蒜蓉炒豆苗($25) - 有鑊氣3. 豉汁蒸白鱔($48) - 汁濃, 但鱔片唔夠厚大咁既價錢我覺得好抵食a, 抵食過快餐店同茶餐廳, 食完都不太口渴喎! 會再試其他嘢!

已經幫親咗2次啦！完全同意係抵食，不過水準不穩。第一次食"辣酒熟花縲"，夠辣，入味。第二次就唔得，縲肉冇味，而個汁就太重酒味。推介：蠔仔粥，蠔仔夠大，粥好甜。又抵食。又試過蒜蓉蒸"線背"，好味，清清地。豬大腸拼炸生蠔- 豬大腸夠薄，脆口。生蠔係幾大隻，但唔係熱。值得一班嘈喧巴閉嘅鈙腳地！仲有訂位服務。唔洗等！正！

我每個星期都會來食飯因為又平又好味，飄香雞＄３８，蠔仔粥，炒蟶子＄４０，啫啫雞煲＄４５，炒蜆＄２０都係必食推介！百幾蚊真係食到呀．．．．

我都幾常黎呢度食飯~ 一來好味, 二來好味, 三來都係好味~不過好多時都係我同男友兩丁友, 多極都係叫埋D朋友四個左右, 所以每次都食三個送, 四個係頂籠啦!炒蜆係叫硬既, 因為佢個汁好正~ 另外有時會叫小菜一時叫海鮮...瀨尿蝦真係好正架! 唔嫌麻煩記住叫! 三十八蚊抵到爛!其他送都正! 沙拉骨, 茄子煲, 肥牛煲等... 全部都係送飯首選!最令我深刻係辣酒煮花螺. 好耐之前同我家姐食, 叫少辣但都超級辣! 上次食飯隔離枱叫, D煙攻到全場人有一半以上都向度咳(包括我...)...真係超級辣!

今晚去左十二座既分店食飯叫左枝竹火腩白鱔煲,荷葉米酒蒸雙雞同蠔仔粥每樣份量都唔少味道又夠其中蒸雙雞即係雞同田雞兩種都好算幾多肉食雖然蒸起黎無乜荷香味但雞就有好香既蒜味好味道可惜係用左太多油去醃所以蒸起d汁都幾油下蠔仔粥料都好多雖然係小窩但都可以分成5個飯碗咁都只係賣23蚊好抵食d湯底都幾甜下不過真係好多人七點半未夠已經差唔多滿座而且服務好好臨走時問阿姐toilet o係邊因為位置比較偏最後無去點知阿姐見我咁快番黎俾錢好主動咁問我係咪唔識路

我住響附近，所以去過幾次~~每次都會食炒蜆，因為$20好平，味道好正...雖然都okay辣，但味道好特別，我鍾意用d汁油撈飯!沙薑雞都okay好味...飄香雞個味我就唔係咁鍾意(都幾大陣芫茜味)...而荵油雞就好好味喇~~

今晚同男朋友黎哩到開飯西寧雞$40-----正！酸酸地好味！炒蜆$20------- 普通，同埋D蜆肉好細粒椒鹽鮮尤$40---男友話唔好食，一D都冇椒鹽味！其實之前都黎過，但上次覺得好好味喎！可能岩岩游完水肚餓，所以覺得好好味！但我都會再去既！

忽然間想食小炒同打冷, 跟住諗起呢度就去左食, 兩個人點左三樣野生腸拚鴨賢($35) - 整熱過, 但過火, 兩樣野都太un韮王炒鱔糊($38) - 比想像中大碟好多, 鱔很爽, 味道亦很濃, 唔錯椒鹽鴨舌($45) - 又係好大碟, 炸得好香口, 送酒一流另叫了三支啤酒, 埋單$154, 撤除冷氣唔太夠外, 咁既價錢絕對抵食

今晚同男友行完德福,行過黎呢度食晚飯,6點9左右已經有吾少客,我地叫左3個送:九王炒鱔糊$38---正!鱔,九王同芽菜都十分爽口!而且不太油膩.麵豉炒油麥菜$25---亦相當正!油麥菜炒得好入味,且鮮甜.黃金炒肉蟹$67---黃金即咸旦,炒得乾身夠味,蟹肉夠實.埋單$130實在系超值!絕對值得一試!

以前有段日子都成日呢度食,但食食就發覺食開始好鹹又好油,而且味都無咁好,所以少光顧.早一個星期因朋友好想食,所以再重遊舊地,發現食回覆當初水準,真係好...值得一提係瀨尿蝦真係整得好好食呀,又經濟又實惠,大家可以試^o^

大排檔風味，"獲" 氣夠、香口、新鮮熱辣。款式較多，會轉款，最鐘意食椒鹽雞軟骨、芝士焗西蘭花(+伊麵底)不過好多人好嘈，如果你大堆人去仲要book位tim @@"唔好去0個度大邊爐...因為真係好貴。不過d 野係好食，服務算唔錯，只係人多既時候佢好難aware倒你要幫忙，不過佢一服務你既時候態度會好好!兩個月幫襯一次都唔覺悶~

我同四個朋友去食晚飯, 叫左椒鹽瀨屎蝦, 蠔仔粥, 蒜蓉白菜仔, 炒蜆同芝士焗龍蝦伊麵底, 炒蜆好普通, 但瀨屎蝦好好味, 有多膏,好有椒鹽味,但係細隻左d, 蠔仔粥好鮮味, 芝士焗龍蝦伊麵底就好正, 龍蝦肉好彈牙, 芝士味好濃, 食完真係好難忘, 真係好正, 但我覺得佢地既水準好飄忽,我上次去食椒鹽瀨屎蝦同辣酒煮花螺,兩樣都唔得!但今次好滿意,我地五個人隻都係$290, 每人都係五十零蚊, 食到咁正既野, 真係好抵! 個老闆又好有禮貌, 所以食得好開心! 我一定會再去~

沙士前都經常去食, 因為好鬼抵, 廿零蚊都有一個小菜. 個人推介就係炒聖子, 好大碟. 而且個汁係好正, 辣辣地, 唔錯!! 仲有風沙雞, 唔比嫦記差架. 但係煲仔飯就麻麻啦, 之前食左佢個招牌腐乳雞翼煲仔飯, d雞翼都幾大隻, 但就冇咩腐乳汁, 唔係好夠味. 其他小菜都幾好. 而且呢度係有汽水送, 仲可以揀添!! 每晚都會有d特價小少, 好似係廿蚊一碟, 不過賣晒就冇.

兩個女人, book o左檯, 早到o左, 未有檯~ 企o左一陣, 位大肚老板娘見我個friend"腹大便便", 即刻請兩位熟客轉檯俾個位我o地~ 個老板娘仲送o左兩罐汽水俾我o地o添~我o地order o左:巨無霸瀨尿蝦(椒鹽), $70 三大隻斬件~ 雖然唔係咁新鮮, 但好甜, $70 真係超值!!!椒鹽豆腐, 一D 都唔油, 又夠多蒜茸~ Yummy~~~~籠仔蒸田雞, 好似北菇蒸雞咁, 好鮮甜呀~~蒜茸炒白菜~食到捧住肚走, 埋單只係$180!!!!!臨走個老板娘仲問我個friend 幾時生~ 係咪衰呢!? 著D 咁o既衫, 搞到個個以為你大肚~ 枉廢人家美意~