金坊泰國美食

營業中

休息中

放假兩三點搵地方食個下午茶，，煎炸又太熱氣，西式又悶悶地，經過金坊見到入面咁多人就望下餐牌有咩食，午餐好抵，55$有個飯加個小菜再加杯野飲，感覺好好，唔知近排係咪食得太多5-60蚊得頹飯，，再望下下午茶，都唔錯，40幾跟小食野飲，，入左去發現入面都幾大幾舒服，個個他他條坐係到嘆餐😂叫左個豬頸肉湯河，湯底野味，，有d通菜同豬紅，味道幾好，闊身湯河仲幾滑溜😊😊老公個黃咖哩雞飯都好味，椰香唔太辣，食左佢小小飯都幾唔錯🤗🤗埋單80幾，覺得選擇多而且味道好，性價比幾高😊

生蝦不太新鮮亦不太特別好食醬料都是一般泰式豬手不錯之選泰式鳳爪小小辣無咩特別海南雞飯不過不失呢個蠔煲勁腥！上菜姐姐就同我地講係咁架喎！加d 辣醬一齊食就唔覺！好啦！咁就照佢咁講咁食！點知食完個口勁臭🤣秋葵幾好食個個爭住食芝心蝦丸炸得幾出色可取代炸蝦餅角色燒魷魚🦑都清哂個醬幾好食講起呢碟野就嬲，本來叫咖哩蜆🐚無又唔一早講，等左勁耐燒餅硬實哂同凍哂，食唔到我地就好有禮貌咁叫黑衫店員換過碟！黑衫店員塊面仲黑過佢件衫咁掉低過碟比我地，都算啦！換過碟既燒餅都係難食！新鮮黑著面咁出場都係硬實囉！無蜆我地就轉蝦！等到我地差不多食哂所有野呢碟咖哩蝦先出現！期待以久！好彩都正正常常！但最後係食哂d 蝦先記得影蝦相！最後蒜蓉包都淋哂！最後要encore 多份！因想清埋d 咖哩佢！同比多次機會呢個包！榴連炸彈！榴連控必叫！

今日去新都城看醫生，看完剛好二時，這店下午茶二時開始，我和太太未曾一試，又剛好有二人枱，旋即入座。原來此店今年一月已開張，是第四分店，第一店源於荃灣。 下午茶有所款選擇，價錢很相宜，我們就選了泰式鴨肉湯河和海南雞飯，並送兩杯熱飲。不知由那一間餐館開始推車送菜，現時越來越 多餐館都採用推車送菜，進車送飲品，有點像飛機餐。 說也奇怪，現在訂菜用手機，送菜又用推車，店員應該更用心服務，卻事與願違，服務素質越來越差。 舉例說，很多食肆的店員備上飲品或餸菜，都不問是誰人叫，求其放上枱，您們自己負責分工。今日如常見此現狀已見怪不怪。說回下午茶套餐，每款不到$40，結帳只需$74，很難再左挑右剔。  老實說，質素也不賴，下午茶的份量來說算很夠，鴨肉湯河肉質入味，粉夠嫩滑，配上濃濃湯底，整體口感不俗。 海南雞飯雞肉算多，皮有點過肥，不過我們一向走皮才吃，不太相干，肉質嫩滑，配上自制醬汁，一絕。簡簡單單輕吃，加一杯熱飲，性價比高，下次下午茶充肚首選。

睇完戲同媽媽食個午餐不是第一次來了，午餐真的抵食主菜，湯品加小吃配上飲品都只是$55而且選擇有好多，味道也很不錯媽選了泰式無骨豬手飯配鹹魚炒芽菜我就要了冬蔭公豬頸肉金邊粉泰式無骨豬手飯豬手好入味！好淋滑！泰式辣醬也好惹味，吃時一點小辣，但不會持久，吊下味剛好！👍👍冬蔭公豬頸肉金邊粉原來不是冬蔭公湯底，加了$10改了賣相欠奉，豬頸肉都不見了不過搞一搞就出現返了豬頸肉份量不少，但沒有香烤過，不夠風味值得一讚是，麵內有不少通菜，平衡一下只有肉的麵食👍加錢的冬蔭公不辣，有點茄甜，比淨飲的冬蔭公湯好味

同朋友行街行到三點幾四點腳仔軟軟肚仔餓先醒起原來我哋都未食午餐，就拿拿林走去呢度間泰國餐廳開餐⋯⋯一行到入去真係高興，估唔到星期日都有下午茶餐食，下午茶唔係得小食叫，因為我地真係冇食午餐，一於下午茶餐當午餐食，叫左一個海南雞飯同一碗泰式鴨肉湯河。海南雞飯啲雞肉好滑、油飯又香; 至於碗泰式鴨肉湯河又真係好一流，湯底味濃，仲有好多菜喺入邊添。話明係下午茶餐，價錢當然好抵啦，加埋兩杯嘢飲都係每人$50有找，所以幾時都話識食就梗係食下午茶餐當午餐啦

話說今日係7夕 （其實都係搵個借口食飯je) 所以落街食個飯 去之前成日都要排隊既金坊餐廳裝修都幾有泰國風味同埋好大下其實都好耐冇食泰國菜 所以揀左好耐先點菜首先黎左個串燒😍咁就牛豬雞三款配沙爹醬 正常配搭 口感同烤功唔錯 雞肉幾好食 但豬牛就一般啦跟住就黎左馬拉盞炒通菜唔夠泰式 唔夠辣 一般般啦好 跟住係波羅炒飯呢個唔錯 又足料 都幾多蝦同帶子嫁 跟住就黎左金邊粉金邊粉加青檸 芽菜就爽口 都有唔少蝦係入面 同埋金邊粉炒得幾好食全場最好食 我要推介呢個酸辣感一流 豬肉肉質鮮美 夾埋入去生菜既爽 一次過擺入口簡直係人間美食 無得彈呀！好多年前食過荃灣果間 好似當年好食點 但都開心樓下多個泰式選擇👏

去完新都城行街見到呢間新開既泰國餐廳都幾多人食，價錢又幾抵（55蚊有飯+小食+湯+飲品），羊群心態決定入去試下👻椰奶雞湯味道唔算好濃，個人覺得冬瓜湯香啲冬瓜湯入面有埋雞腳🐔三色冰（跟餐+$6）有椰香味，比較甜，同埋好大杯，差啲飲唔晒😂。蠔仔都幾多，醬汁開胃。個蛋都煎得岩岩好。白咖喱香濃，好岩送飯haha，而且就算怕辣都應該食到。雞肉嫩滑，外皮香脆，份量都多。小食就不過不失，唔算話好特別，不過呢個價錢有埋小食都抵既

馬拉盞通菜無味，菜很老，無咩醬汁，無鍋氣，係我食過咁多泰國菜之中最差的一間炒通菜燒肉串雞無雞味牛無牛味，無肉汁，差反而最好的係下午茶的咖哩薄餅，雖然唔係出色，但係點的菜中算係最好、薄餅有椰香味脆脆的但咖哩就好似出面買的調味咖哩咁、唔算出眾亦唔特出呢間野我真心唔推薦食正價，唔值得可食下午茶餐$3x/4x 普普通通的一餐

之前食過幾次午餐都OK，上次食個豬扒河粉，來到嘅時候望住塊灰色嘅豬扒已經心知不妙！心諗會唔會係泰式豬扒嘅做法，咬咗一啖立即吐出來🤮啲肉係霉、硬完全好似千年豬扒，比🐶都吾食，全塊豬扒冇食，朋友叫我同經理講，我話送粉過嚟嗰個咪係黑衫囉！所以費事加料、費事轉！之前差不多每個星期食最少一兩次，而家已經一兩個月冇去過！希望佢地有改善啦！

較早前開業的泰國菜館，剛開業時長期排滿人龍，難得姊姊今日有空提前等位，我們一行四人一同前往。環境：傳統泰國餐廳離不開金碧輝煌的佛像，牆身掛了紅木雕刻畫。 餐廳除了卡座亦有圓枱。服務：侍應生有本地人亦有泰國人，每個都笑容可掬😊😊👍🏻👍🏻侍應數量足夠總有一個在附近。 餐具、水杯、大水壺已放齊在客人枱面上，既省時又方便。食物：餐廳提供許多傳統泰式食物，同時亦提供一些得獎的新派菜。我們今次先試傳統。咖喱炒大蜆 $102大蜆新鮮又清潔，完全沒有沙。咖哩汁非常惹味，配白飯或法包味道一絕。雜錦拼盤 $105拼盤包括有春卷、蝦餅、魚餅及香葉包雞。 每款味道及水準不錯，特別欣賞春卷的外皮又薄又鬆脆，蝦餅十分彈牙。沙嗲串燒 $92豬、牛、雞肉各兩串，味道尚可。燒雞半隻 $95以明火炭爐燒烤，需時較長。雞肉肉質嫩滑多汁。清炒秋葵 $85由於整餐肉類太多，所以後加一份簡單的清炒秋葵作為結尾。特別優惠：免費甜品，送完即止。用餐到尾聲時段，店員為每枱客人送上了紅豆糕。價錢：除了特別日子外，平日都是免加一的，以同類型餐廳、服務及食物份量作比較，這裏的收費十分親民。

街市好食過佢佢話冇芒果沙冰 轉頭見到有幾杯出到我走仲見到有好幾杯出個冬陰公湯 冇辣味 得酸味 仲要唔係一般酸 係要好酸 酸的程度我覺得佢好似侵蝕緊我喉嚨 我喉嚨一直俾佢食緊然後嗰個椰汁雞湯冇雞味冇椰汁味 好澀我未飲過咁難飲嘅湯 仲有個冬瓜湯我真係唔夠膽想像佢個菜係生㗎仲要係冰㗎 俾起學校啲佢啲嘢飲比吉豚屋啲嘢飲重難飲珍多冰佢裏面青色嗰啲好似軟膠 啲嘢真係難食到我唔想埋單呢間野難食不特止服務態度極差員工對客人嘅態度不知所謂 收野個阿姐架車撞到我張凳望下佢佢同我講「咩事呀」好似我撞到佢咁而且我落單嘅時候阿姐知個嘢飲俾我睇叫我揀一個跟住我嗌左一個之後佢同我講要加$6跟住我同佢講要轉佢話已經落左單啦冇得轉 細路都呃 學生細路都唔放過 不過講真佢啲小食比起主菜係唔錯嘅

As boyfriend and I were in the Tseung Kwan O area, we decided to stop here for a late lunch (which was actually afternoon tea time) as we haven't had Thai in a while.Golden Thai is one of many restaurants located inside MCP mall. From first glance, it didn't appear to be very big but when we went inside, there were a lot more seats behind the wall, making it a pretty huge establishment.They had the tea set menu out as it was afternoon tea time. Menu is in Chinese only but there are photos of eve

午市套餐相當多選擇，價錢由$42至$55，都算實惠冬陰功湯，味道較酸，有好多菇海南雞飯，雞夠滑，略嫌飯較軟唔夠乾身小食揀咗西米糕，迷你咗少少珍多冰好好飲，竟然有啲芒果絲，仲可以少甜套餐$55，加$6可以轉特飲，有湯有小食有飲品，我覺得算好抵食，而且味道亦不錯

本身我同朋友想食意樂餐廳，星期六下午茶時間竟然冇位。友人食過呢間泰國餐廳話OK，我就抱住試新野試試吧。我點左黃咖喱雞配印度薄餅加熱奶茶，至於朋友就食青咖喱雞配飯加熱奶茶。咖喱雞配印度薄餅: 咖喱汁帶少許甜味，唔辣，汁好稀，似醮咖喱水。雞得兩件左右，雞無味，雪味重，食雞時咖喱水根本帶唔到任何味落雞度。連鎖快餐店o既咖喱都好食過呢度。印度薄餅唔脆，且微暖，似將煎好o既薄餅加少暖而已，薄餅醮落咖喱水都冇味。青咖喱雞配飯: 青咖喱雞所謂o既汁都係水，仲稀過黃咖喱果啲，辣o既程度比黃咖喱辣少少而已，其實都係唔辣。雞得兩件左右，雞無味。熱奶茶: 滑，冇苦澀，冇茶味。未試過咁失望食泰國咖喱，將價就貨都唔應該咁水準。下午茶下次next。

55蚊有飯，有湯，有野飲同小食但千萬不要期望好食，個飯質素差過茶記。仲要係成車推出黎派飯咁款， 頹飯一碟，觀感已經衰，肉又鞋，無乜汁。椰汁雞湯 ，難飲到，唔應該係呢個味。55蚊包咁多嘢呢雖然呢本身都冇乜 期望 但難食到咁真係一絕。唔會再有下次，好在唔係夜晚黎食，咪中伏仲金仲傷心。