金坊泰國美食

營業中

休息中

本身我同朋友想食意樂餐廳，星期六下午茶時間竟然冇位。友人食過呢間泰國餐廳話OK，我就抱住試新野試試吧。我點左黃咖喱雞配印度薄餅加熱奶茶，至於朋友就食青咖喱雞配飯加熱奶茶。咖喱雞配印度薄餅: 咖喱汁帶少許甜味，唔辣，汁好稀，似醮咖喱水。雞得兩件左右，雞無味，雪味重，食雞時咖喱水根本帶唔到任何味落雞度。連鎖快餐店o既咖喱都好食過呢度。印度薄餅唔脆，且微暖，似將煎好o既薄餅加少暖而已，薄餅醮落咖喱水都冇味。青咖喱雞配飯: 青咖喱雞所謂o既汁都係水，仲稀過黃咖喱果啲，辣o既程度比黃咖喱辣少少而已，其實都係唔辣。雞得兩件左右，雞無味。熱奶茶: 滑，冇苦澀，冇茶味。未試過咁失望食泰國咖喱，將價就貨都唔應該咁水準。下午茶下次next。