金城小廚

營業中

休息中

📍金城小廚今次同大家分享呢間餐廳最大特色係可以食到好多傳統小菜‼️🐟古法焗魚腸 ($118)焗魚腸呢個餸唔係周圍都食到呢到既魚腸處理得好乾淨魚腸一D都唔腥魚腸加雞蛋再加果皮同其他香料一齊焗表面脆皮入面好香❗送飯一流👍🏻🍆杏香茄子 ($128)本身都唔知有呢碟餸見到隔離枱有嗌即刻試試佢好多杏仁片包住茄子炸真係做到外脆內軟既口感茄子出名吸油但廚師火喉控制得好唔會覺得好重油膩感👍🏻讚‼️🪿明爐燒鵝 (半隻) $240呢碟燒鵝係侍應姐姐話新鮮出爐燒好強烈建議我地嗌所以試下🤣燒鵝岩岩燒好外皮真係好脆燒鵝仲好juicy😋係無介紹錯既💯🍍菠蘿生炒骨 ($98)呢個生炒骨份量十足純粹因為我想食🙈味道正常發揮✅🦐蒜蓉粉絲蒸開邊蝦 (大約$200~)廚師逐隻蝦開邊再加蒜茸粉絲蒸蒸得岩岩好所有野都好入味🥳🐥藥膳雞腳 呢個係午市先供應但因為太好食所以打電話預留📞藥膳湯好濃雞腳煮到好淋好入味中意吮骨既可以試下🐥🤤🦑椒鹽鮮魷 （$118）鮮魷好新鮮‼️炸粉唔算好厚成件椒鹽鮮魷炸到好香口‼️好食✅金城小廚真係有好多一般餐廳食唔到既傳統小菜👨🏻‍🍳我只係介紹左其中幾樣其他就要等大家去試下發掘下啦‼️😋

閒日夜晚嚟，7pm啱啱好有位， 再遲少少已經需要等位，我仲聽見隔離枱客人話如果冇book到位，就唔會有枱😵‍💫。屋苑小舖，裝修一般，店內枱櫈擺得比較迫夾😨，但勝在有好多特色小炒👍， 我哋兩個大人一個小朋友，嗌咗個焗魚腸， 炆豆腐(已經唔記得咗個餸菜名)，老闆送咗一個例湯同埋餐前小食~雞腳。 埋單好似二百幾接近三百蚊，性價比都算ok， 下次有機會會再嚟💖!值得一提係有啲客人會擺低啲枝酒係店舖，晚上嚟攞返支私家酒，一邊飲一邊食晚飯， 呢間食肆應該都有長期擁躉🤩。🩷🧡💛💚💙🩵💜🤎

諗住打去訂位，打極都冇人聽，到打到有人聽，我話book聽日位，佢話你遲啲打嚟，然後cup我線，我想問遲到幾時先打得都嚟唔切，唉做食肆真係要做到咁差態度咩？幾好生意都唔會恒久

先講Book枱方面，book 12位比張枱根本迫到不能，仲9唔搭8話另一枱到先😂但我都係早到架！咁叫乜嘢做留枱，今次第三次幫襯，頭兩次食物還過得去，經過今次就不了，多客自然水準差，原來係真架。西檬雞似炸雞皮，又鞋又薄，簡單小菜什菜煲都出事，d菜仲硬到不得了。 做唔切仲要趕客走。12個人都未食晒，就話上甜品迫人走。 仲要態度差，地方又迫，不停加枱係路中間，又危險又叫我哋快啲叫餸，張枱細到咁，一次過叫你有冇位放先得架。用下腦啦！

有借有還上等人! 年初去車公廟參拜，年尾做冬前要還神，所以入咗大圍一轉，又好似有一段時間無飲早茶，於是同女友小熊入去金城飲個早茶先，再去拜車公.今次幫襯金城，留意到四粒蝦餃係分開無黐埋，咁就唔會攪到夾蝦餃時黐住哂弄穿薄皮! 哩個安排真窩心! 讚.唯一不滿意係金錢肚太厚變韌，有牙力都食唔到.望望個餐牌，價錢大眾化，性價比高，所以會再嚟幫襯.

我哋一向鍾意光顧小店，估唔到第一次寫食評竟因為唔好嘅經歷。整體食物唔錯，仲一路食一路講下次食咩，証明小炒有風味。4個人叫咗5個餸6支啤酒$1255？？起初都無留意，朋友一句點解咁貴？唔收加一喎！叮一聲～即刻叫阿姐俾張單我睇下係咪計錯數？等咗10分鐘唔見回頭再追！係等期間自己計一次$792，阿姐終於拎差額返話唔好意思計多咗，應該$932！我反應緊係又唔啱！我話不如你話我知點計啦！阿姐又拎張單去再計過，跟住一個話得事嘅嚟話今次$850啱㗎啦，加返茶錢$12/位，我話魚皮$98同潮式腐皮卷$118，都唔啱，我哋跟牆上面價計$792就算加茶都係$840，佢竟然話$10佢補？加咗價唔記得改價，如果真係唔記得改就應該$860吧！點解要你補呢？數要清楚嘛！最終我比$850完結件事！來來回回……張單寫到花斑斑！第一次唔啱第二又係咁，數字好似砌出嚟咁！大家自己判斷吧。

星期六晚搵野食，想食d特別得來又好食既，友人提議去金城，話呢間野好出名，舊時係顯徑，而家搬左去海福，但一樣咁多人幫襯。好彩去得早，比我地搵到一張六人枱。一坐低都未叫野食，阿姐就奉上例湯同白雲鳳爪。個例湯份量都唔細，我地每人飲左一碗以上，飲完唔口渴，應該冇落味精，同阿媽煲既湯差唔多。個白雲鳳爪雖然唔算好熱，但暖暖地有𡁻口，可以接受。我地六個人叫左五個餸同白飯。梅菜扣肉，色香味俱全，反而我覺得有d扣肉再肥少少再好食d。炸蠔餅，鬆脆得來又有蠔味，唔會乾爭爭，食完一件又想食第二件，這個餸師傅拿捏得恰到好處。香橙琵琶蝦，有五隻，隻隻都大大隻，蝦肉爽而不膩，有d似去飲既時候食既炸蟹蚶，加上香橙汁，香香甜甜，開胃又清新。琵琶豆腐，這個餸下過不失，冇咁乾身，亦冇乜特別。胡椒豬肚鷄煲，d鷄浸係胡椒湯度，鷄肉嫩得來有鷄味，又有胡椒味，而兩種味道係埋一齊並沒有違和感，相反來說幾好味。埋單時阿姐送上啫喱，當係飯後甜品，very good.總括來說，每個餸都大大碟，而其中有d餸煮得幾有特色又好味，唔怪之得呢間茶館雖然坐落係橫街雜巷，環境不算理想，又唔係坐得特別舒服，都咁多人幫襯，真係有佢既道理。

香港飲食業嘅服務態度，除咗高級餐廳之外，基本上都冇咩服務態度可言，但🖤黑白配⚪️係呢間餐廳感受到濃濃的人情味🥹話說當日落好大雨，是但入咗呢間餐廳，喺門口放遮嘅時候怕比人拎咗，店員姐姐好好咁俾咗個膠袋我哋，濕住身入餐廳，姐姐即刻俾咗包紙巾我哋，仲同我哋講快啲抹乾唔好冷親！之後即刻畢咗兩碗湯過嚟🫶🏿🫶🏿真係超級好沙薑雞腳湯同沙薑雞腳係唔洗錢贈送，雞腳好淋好入味😚古法焗魚腸 $118工序繁複嘅順德菜焗魚腸唔係好多地方都有得食，好香蛋味，焗到面頭脆，入面熱辣辣，送飯一流😚百靈芝菇四季豆牛柳條 $118有鑊氣，菜式嘅醬汁甜甜地，送飯都係好正最後仲有細細杯芒果布甸送，味道似羅拔臣啫喱，係兒時回憶😆

由細到大住係沙田一直都知金城小廚好出名，今次難得帶埋屋企長老試下佢地既手勢，夜晚6點左右到已經要等位，大約等左半個鍾頭左右就有位喇，雖然位置唔算闊落但都叫做舒服的～一坐埋位，侍應姐姐就送左幾碗湯，服務一流。另外今次叫左幾樣餸質素都唔錯！咸魚煎蓮藕餅，咸魚味唔算好出，但勝在大大件，煎得好脆，好岩小朋友食呢百花裂茄子，一上到枱就覺得好震撼，大大碟，茄子同墨魚肉配搭得恰到好處黃金蝦球，呢碟菜式好出色，食2落好濃既咸蛋黃味，正

帶一班長者去食，個個讚不絕口。預早點菜時老細仲會提議，邊啲啱老友記食會易咬啲，最後仲送咗一人一杯小啫喱，個個都食得好開心😁最終菜單(足夠12人食)1. 粟米班塊 98 2. 蟲草花蒸雞 983. 滑蛋炒蝦仁 1384. 北菇扒時菜 1285. 鮮魷馬帝蒸肉餅 986. 豆腐火腩煲 98 7. 芝麻百花釀茄x 2 個 2568. 豉油雞 2009. 古法焗魚腸 118佢地服務十分好，啲嘢食樣樣都好好味，老實講真係好食過好多酒樓。十分推薦呢間，位置好方便，好過食新x記。。。平靚正！

今日叫左三樣食物，一碟避風塘三寶，好似煎釀三寶咁不過唔可以用鯪魚肉，用墨魚滑，辣辣哋幾好味，另一碟系椒鹽魚下爬，超級特別同好味，又唔咸，最後一碟系椒絲腐乳時菜，好少可喺街度食啲椒絲腐乳通菜係唔咸，另外仲送咗兩個例湯，糸木瓜湯，同埋四隻雞腳，都幾好味，只係環境太嘈雜，完全傾唔到汁

#金城小廚 有跟開我既朋友都會留意到，我係極少係新界區出現，今日終於機會來了，飛雲😀 今早去大圍整野，事前已經搵咗想試邊間。點知，人算不如天算，去到店鋪原來冇開😓 網上資料果然不能盡信，於是轉到依間試吓。門口餐牌見到 #乾炒牛河 ，$52，梗係入去試啦。坐低阿姐問我飲乜茶🤔 唔係茶餐廳咩？原來係一間食點心為主既鋪😅 唔係唔啱食，只係唔知叫幾多先夠。最後都係叫返牛河，冇叫點心。牛河附送一碟辣醬，醒目👍 都夠晒辣，不過牛河雖然見煙，但食落咀唔覺好熱，而且牛肉唔算多，切得比較細。河粉係幼身，色水夠，味道尚可。牛肉味一般，配菜洋蔥直頭冇乜爆如生蔥，辛辣味重。整體算係一般，加埋$7茶錢，埋單$59。可以讚吓整體服務態度幾好，好多相熟茶客幫襯幾有親切感。建議可以擺幾個餐牌係張枱度，等我地依類新客知道間鋪有乜食，價錢係幾多。金城小廚大圍海福花園商場地下33號舖@foodiehck2022 #港飲港食平靚正 #大圍 #午餐

今日嚟到呢間大圍嘅金城小廚飲茶，中午嘅時候咁多人，之前都食過好幾次都幾好食，但今次食都係一般。🍴燒賣 $23 (7.5/10)蝦肉爽口，肉都好多，又夠大粒，幾好食。🍴菜肉菜苗餃 $23 (3/10)個皮太厚，菜同蝦肉都太少😂冇乜味，好一般。🍴牛肉球 $20 (4/10)牛肉都幾滑，唔算好重鹼水味，正常。🍴奶皇包 $15 (4/10)皮比較黏口，奶皇甜甜哋，有奶香味，但都麻麻哋。🍴千層糕 $20 (7/10)口感都鬆軟比較濕潤，唔會好甜，中間有奶黃醬同鹹蛋黃，幾ok!推薦指數: 5.5/10覺得比較普通，唔會再特登去食。

Haven’t visited 金城小廚 ever since they relocated closer to Taiwai Station. Honestly speaking, I don’t remember the quality of the food from the last time I visited, but it’s safe to say that this time it did not disappoint! My favourite dish was actually their most famous one - inside out chicken wings 😂 it was just so well marinated with wok hei that it’s perfect to go with some white rice! Steamed eel was good, though it wasn’t any much better from what you can make at home 🤣 (if you’ve got the

全部食物不合格，溫度溫味道差，甚至與餐牌說明不相符，鹹魚煎耦餅完全沒有鹹魚及蓮耦，只是山竹牛肉的味道，午市餘下的山竹牛肉做煎餅，餐牌明明寫是鹹魚蓮耦煎餅，樓面覆單完全正確沒有錯，唯一稱讚的是樓面服務好，最後食具衛生很差。這是第一次寫食評，忍不住要評一下。實在太伏了