金城香港仔魚蛋粉

營業中

休息中

早餐想簡簡單單搞掂，我通常都會揾間粉麵鋪，金城香港仔魚蛋粉應該係我既食堂之一。每次到金城，十次有九次半我都會叫牛腩河，因為呢度既牛腩湯底加左腩汁之後香濃又唔會太咸，牛腩炆得入味，食得出五香味既加持，牛肉紋路清晰，肥瘦適中，瘦既部位肉味香濃，肥既地位唔會太油膩，仲好重牛味，所以每次食完都好滿足。

正係度諗緊中午放飯去邊食之際，就自然上黎睇下有咩好食啦，無意間睇到呢間金城香港仔魚蛋粉d牛腩好靚喎，1層肥1層瘦仲帶少少筋，個樣似崩沙腩但只收普通牛腩價錢，就一於黎試下啦，位置都新朗屏西鐵站，世宙對面馬路，唔難搵。店內環境唔算大都有幾張卡位，今日坐左係比較角落既位，由於店內每個位都間左板同有d食客係度所以就唔方面影咁多啦。係咁意睇下餐牌，除左一般粉麵類都有飯類，豬排雞排果d都有，輕食有3文治，都係十幾蚊，下午茶餐西多薯條果d都有，最特別仲有海南雞飯，幾多原化。原汁牛腩河主角牛腩切得好靚，真係成個崩沙腩咁，有大約7件，肉質腍滑半肥半瘦帶少少筋膜，河粉唔會碎濕濕，湯底味道唔算好濃，飲落還可以唔覺太重味精，33蚊食到呢個質素既牛腩絕對超值。原汁牛腩米同事叫的米粉，牛腩一樣咁出色。菜心跟餐加8蚊有飲品或油菜，我就揀左菜心，菜心上黎底有1層油，聞落有少少炸蒜味，食落都有d，唔知係咪特色黎，菜黎講唔會淥得太腍，菜本身就未算好甜，但都ok既。整體黎講牛腩質素係高，就算呢份唔係崩湯沙腩但食到差唔多款既牛腩，以呢個價錢都相當抵食，而其他粉麵類既價錢就同其他粉麵店既差不多。

見到社交平台 元朗group有介紹過依間餐廳經過肚餓諗起就去試吓雖然有好多選擇，但最愛牛腩河既我 - 目標清晰落單姐姐無幫我remark肥腩 （有啲失望🙍🏼）但上到黎，啲牛腩好肥好靚仔😍一層肥肉一層瘦肉啲肉仲要好軟腍 $39包埋飲品，超值🥰（凍，熱同價）另外試埋牛根 都好好味😋炆左好長時間，又係好腍反而豬肉丸 普通，無特別 係group到好多人推介：墨魚鬚、酸菜同埋豬手已經諗定下次要去試埋！！！

香港宜家好多潮州粉麵，都轉賣所謂嘅潮式扎肉，唔再賣魚扎…搬咗嚟大西北之後，搵左好耐，好難先喺元朗搵到間潮式粉麵店有魚扎賣！一間貌不驚人，OpenRice評分唔高，店面亦極之普通極似普通茶記嘅麵店，但食落又覺得幾好味！叫左紫菜四寶河，魚扎大大舊，彈牙味道亦幾好！墨丸好香同彈牙！肉丸好爽！佢個辣椒油都好香，夠辣！另外，好耐無見過，跟餐只係$8嘅生菜淥得咁翠綠，亦無草青味，好爽脆！唔可以話非常出色，不過整體好滿意，足料實在！

以前住呢度附近嗰陣 成日食搬咗之後就少咗好多今日特登行過嚟呢邊買外賣行得咁辛苦都係值得嘅因為真係超好食啲牛腩勁香食過嘅牛腩河店都比唔上呢一間半肥瘦嘅牛腩真係超級正不過其實啲湯可以唔使俾咁多買左兩碗牛腩河拎左兩碗湯返去次次最後都淨係用得一碗😅啲牛腩真係好靚勁好食而且睇到晒廚師嘅工作（玻璃窗）見到都流晒口水而且食得安心仲有服務員嘅態度勁好特別係成日出嚟招呼人嘅男職員（唔知係咪老闆）十分親切呢一間真係十分抵食 係我最鍾意嘅其中一間餐廳不過有件事好搞笑就係我FoodPanda落單（外賣自取） 多蔥佢哋睇錯咗走蔥🤣但都依然係超級好味😋😋😋😋

放工返到朗屏成八點幾，就嚟到附近金城⋯我哋叫咗兩個套餐，一個牛腩河+菜心($39)，另一個就牛筋河+凍檸茶($39)。呢度個牛腩真係好正，肥瘦均勻，肉質鬆軟，腩汁湯底惹味濃郁，加上爽滑嘅河粉，冇得頂。而牛筋Q彈爽口，唔會太腍而失去口感。呢度簡直係平靚正之選！

This restaurant is very competitive in the same district because of the price. The taste is okay, not bad but not very good.Knuckle skin is very sticky, I believe it is full of collagen but the size is too large for ladies.The noodle is good, it won’t smell and taste like alkaline.If you pay additional $8, you can have lettuce as sides.Portion is not big enough, I would suggest you better go with veggies🥬 as well.

每次在安寧路覓食都會去咗金城香港仔魚蛋😉選擇頗多但就是喜歡食它的牛腩米$30，每片牛腩厚度均勻，肥瘦軟淋適中。友人點了魚蛋河$30，落單的姐姐細心提問，你要魚片河就冇魚蛋㗎😄但魚蛋河就有魚片喇！經姐姐提點下當然要魚蛋啦，有魚片送喎🤣魚蛋十分彈牙👍🏻

又係無開飯嘅lunch，去買個外賣食！食午餐唔太講究，快買快食就得，就去有幫襯過嘅金城香港仔魚蛋粉買個牛雜河走牛蒡拎走！返到屋企仲keep到好熱，但個湯勁滿，滿到要即刻搵張報紙墊墊先得！大碗份量足，多牛雜多河粉！牛雜味正正常常，夠新鮮！中意食牛雜嘅朋友一定中意食牛腸，佢嘅牛腸好香，又唔肥，仲有三四舊，正喔！不過湯底味就清左少少，辣椒油又唔夠香辣惹味！佢全日價$30，外賣要多$1，合理價錢吧！食完再繼續係屋企宅！

成日經過呢間舖都無試過今日終於啲走心肝去叫個外賣下午時間去都幾多人見個個都買飯，好似好正咁但剛起身嘅我都係選擇左食河粉🤣🤣經過一番掙扎之後最後揀左牛什豬手河+油菜共45大元分量超多，牛肚都有幾舊，豬手2大隻簡直超值豬手好冧又入味！超推介！牛什都處理得十分好！無怪味！油菜十分新鮮！食完吾口渴，十分抵讚！下次泥試下d飯先

之前嚟過食麵配油菜覺得加$7一碟好抵，今日見下雨天，而且餐廳入邊非常多人，所以來買一個外賣回家試吓，上次食個麵餐，今次試吓南乳豬手飯😬仲有個紫菜湯餸添😁豬手和白飯都是分開左右的，一共有三大隻豬手，而且醬汁都有很多，與白飯混在一起吃一流,汁入面有花生，豬手紋到已經好林😝又夠大隻👍🏻$34 送埋紫菜湯無論飯餐或者麵餐加$7都有碟油菜，外賣另加兩蚊，今日用咗$43😬油菜比較多油，如果我下次會叫少油，菜都好爽口新鮮😬

又到下午茶時間，剛剛去完元朗最出名的餅店金蘋果😍購買蛋糕🤙🏻行前些少見到一間粉面餐廳，入面很多人😱相信質素不錯，所以我就同老公入去一試，我叫了四寶河，加$7有一杯凍檸茶！魚皮餃皮薄餡料多，而且外皮很軟， 墨魚丸亦非常彈牙，加左紫菜鋪面，非常吸引，味道一流，最重要的是我食完之後，亦不覺得口渴，證明他味精很少，這是最重要的一點！我老公叫了牛腩粗面，加了$7，有一碟油菜非常抵😍

系金城香港仔魚蛋粉叫左個肉丸泡飯32元,再加5元酸菜,点知碗泡飯黎到的酸菜小到嚇死人,得小小,之後同店員講,佢態度愛理不理,再三同店員講佢先再加小小酸菜!唉!5元酸菜吾會小得咁離譜呱!

下午茶時間，我同一班friend咁啱路過呢間餐廳，見到佢個下午茶餐好似好抵所以就入去試吓，點知佢個下午茶餐又平又好食沙嗲牛肉公仔麵配多士同奄列都係＄30咋，多士咬落口很香脆，再配上牛油簡直是絕配

現在普遍餐廳都好少有3X幾元飯食, 經過這間餐廳聞到好香的牛腩味, 見到一個飯都只是33元, 去試一試~ 平時大X樂, 大X活最平都接近40元一個飯 !2個月人點了一個牛根飯和牛腩飯, 值得欣賞牛腩和牛根是另上, 分碟上, 份量都算多, 白飯好大碗, 再送紫菜湯 ~ $7 可以有一碟油菜牛根牛腩好淋好味, 份量多又飽肚~ 值得再去