金大班

營業中

休息中

食物係不過不失，但唔會再去！！我哋不嬲間唔中都會幫襯吓～！今朝早一入門口企隔離等卡位，待應生執嘢成碗湯兜頭淋落我女個頭度，上身，書包，全部都係油！你d湯唔係熱啫！熱咪大件事！淋到仲一句唔好意思！連返轉頭走過嚟道歉都冇！！第一個遞紙巾嚟係食客~~都唔知有冇搞錯！！！ 我女企嗰個位等卡位我嚟唔切叫佢已經比你淋！大家都有唔啱！係意外！連坐低咗一陣都冇人埋嚟抹枱落單！早餐貴過人，d麵包烘到掉死人！又唔係好食過人！態度又唔係好過人！你哋部長仲要唔知發生咩事！到最後我同阿女換倒件衫走過去同佢講先話唔知道發生件咁嘅事！！同你講你先講對唔住，唔好意思有乜用！！！淋我個女嗰個冇道歉！！   

是被冬菇亭吸引進來的，現在想這樣子的屋邨冬菇亭越來越少了，所以個人覺得更加要支持一下！這裡的裝修比較新，座位也寬敞，三五知己坐下聊天食個經濟下午茶也幾寫意的。鹹牛肉炒蛋菠蘿飽 熱辣辣的菠蘿飽好鬆軟，中間夾有份量十足的鹹牛肉炒蛋，非常juicy!

想食英式早餐唔一定去到cafe先品嚐到 黎到金大班都可以點到份量十足嘅早餐！呢度嘅全日早餐有唔同餸可以揀：雞扒、豬扒、魚柳、吉烈豬扒⋯⋯埋面仲包埋一個牛角包、茄豆。可以揀薯角或沙律！十分推薦去試一試！

樂華邨裡面有幾個冬菇庭，原來是幾個大排檔，自今年年初全部改為企理餐廳，金大班是其中一間。內部環境尚算舒適，客人也是以街坊為主。每天有特價餐，今天13號，我叫了個燒汁西冷加例湯 $48，好平。個扒上台時覺得好薄，不過以現時的消費指數，是差不多了。食落反而有驚喜，個扒不是港式處理，無用蘇打腌甚至可以話無加調味料處理，同鬼佬做法相似。不過鬼佬就燒，而這塊扒當然不會是燒，表面也沒有港式煎扒的痕跡，表面一點油水都無，我認為這塊扒係用慢煮方法煮到7成熟左右再切片就上碟，快靚正又唔使腌又省料，食落軟身，唔太“孩”，又有肉汁，因為完全唔落其它腌料，可以食到少少肉的甘香味，始終用下价肉，要有油脂就未免不切實際，我覺得這做法是聰明的。個燒汁就真係打得麻麻地，因為太鹹太黏稠又無香味，我已經係飯食剛開始就幫襯，個汁如果再係汁爐放多陣將水份蒸發後更加鹹和黏稠，但塊扒的處理值得一贊。個例湯就係一貫茶記中湯，不提也罷。

今晚未夠6點pm就食我既癲拿😑平時嗌外賣食得多，今次第1次堂食😎火腿奄列：正呀，我鐘意既蛋蛋好好味😍紅豆冰：好耐無飲過🤔，好多紅豆食唔晒😑炸雞脾沙律：正想拎起個雞脾竟然有攤血水😱侍應幫我換碟+翻炸隻雞脾，新鮮熱辣食雞脾唔錯既。。。👍因為個女侍應拎走我碟雞脾沙律後另一位女侍應同我講炸過隻雞脾俾我等唔夠5分鐘點知拎返黎既雞脾係我剛才說碟上有血水那隻雞脾來的因為雞脾上仲有紙巾痴住左但食落雞脾熱辣辣熟透還可以接受其實我舉手叫左3次至有侍應理我那是剛入門口既侍應😐有些女侍應站在水吧前篤手機沒望過坐在卡位正在舉手嗌人的我

細細個已經食開早餐係湯粉類~ 早餐系列之蕃茄湯底通心粉腸仔炒蛋+牛油麵包, 再配杯熱奶茶呢個組合完全係香港人的醒早早餐蕃茄湯底愈食愈開胃, 而且入份有好多配料(牛肉.薯仔,紅蘿蔔,蕃茄)份量岩岩好, 食完好滿足

是日經過樂華南邨，覺得有啲肚餓就入左呢間餐廳食野。餐廳入面既環境同設計令人感覺舒服之後點左個全餐，成隻碟都滿晒野食，好有驚喜味道都非常好如果下次再經過我都會再黎食

夜ma ma 等左almost 30 mins , probably 乾炒牛河漏單, 但今晚其實唔係好多枱客。D staff 好耐先發現, 跟我尾order 果個都巳經走左！Bad experience

今日探朋友上到半山就一行幾人去試下依間新開的茶記做晚餐，點知星期一依d日子都要等位，好似都幾有料到咁入到去每人叫左個小菜share食，招牌的西蘭花虾球/ 牛仔骨/椒鹽鮮魷同荔芋滑雞煲招牌菜點知係最中伏的，d虾球個做法係先炸左的，但凍左後d炸漿甩左，都唔知想點而最驚喜就係個雞煲同個鮮魷雞煲嘅芋頭好粉，炆完好入味，用煲上嘅時候喺凍冰冰嘅天氣更加覺得溫暖而魷魷份量好足，而且肉質亦好新鮮，好大件牛仔骨就一般，冇乜特別但總括嚟講，茶記算係咁，仲有人頭招牌例湯送

同阿囡學完游水之後，佢超級肚餓，唯有係附近快快脆搵下午茶俾佢食。咁啱見到有間新式茶餐廳係露天冬菇亭附近，即管去試下。招牌豬扒包 $27漢堡包很脆，豬扒亦佷入味，內有蕃茄和生菜，而沙侓汁唔會太多，啱啱好。最怕食到成手醬汁, very dirty, 幸好這個不會。炸雞脾配薯條 $32雞脾除了咸左D外，味道不錯。薯條很脆，即炸即起。蕃茄湯火腿螺絲粉 $31大大碗，有很多紅蘿蔔、薯仔、番茄，螺絲粉，味道不會太濃太酸，很適合小朋友食。

公共屋村裡的冬菇亭，可是是不少人的童年回憶。尤其近年領展接手公共屋村的商場（及冬菇亭）後，舊式食肆便買少見少。不少人為尋求昔日味道，不惜去到一些舊屋村，食食懷舊食品，回味一下兒時樂趣。雖然樂華村的冬菇亭仍有舊式食肆，但部分似乎已退租了，換入新的店鋪，例如是金大班。金大班將原本的冬菇亭重新裝修，加了冷氣，雖然這會減少舊式冬菇亭和大排檔風味，但夏天能在冷氣間吃飯，始終舒服一點。餐廳的裝潢似是茶餐廳格局，食物和取價也是茶餐廳水平，算是合理！是次點了章魚蒸肉餅飯，配中湯，味道不錯，感覺也健康一點