金宴酒家

營業中

休息中

小米在淘大有活動，順便在附近晚餐，選擇了小巷中的酒樓食中菜。  淥過餐具後， 就要做最重要的事：點菜。發現今期有買４送１，計落有著數。另外加一碟小食，應該足夠４人享用。滷水鵝翼       口痕想來一個小食前菜咬下。但忘了影相.  芋頭雞煲      雞肉，正正常常餐廳的雞肉。香軟帶粉的芋頭最美味。苦瓜排骨煲      很正常的苦瓜, 但排骨肉味欠奉. 欖角梅子骨    因為是豬肋骨， 所以點這款。外層調味酸酸鹹鹹很惹味，肋骨的肉容易咬，但帶著梘水味。 菜芯炒牛肉     牛肉＝嗲牛麵那個口感，啤水後軟綿綿容易咬， 配沙嗲味的醬汁，真係以為自己在享用嗲牛麵。下方的菜心有了鹹香沙嗲汁調味，更美味， 要食多D食多D。餐後甜品＝紅豆沙埋單几舊水，但發現這次買４送１，是贈送滷水鵝翼。 原來＜贈送的款式＞係指MENU上任何一款，小食前菜都列入買４送１呢！

九龍灣隱秘茶樓 首推川芎百芷雞腳魚雲《川芎百芷雞腳魚雲》 $36.8 （下午茶32.8）平時好少見，大大舊魚雲，魚雲應該煎香過先黎一口湯，有藥材香味但又唔會大搶懶惰二人組係咁飲啲湯呀《鵪鶉蛋燒賣》 $28.8（下午茶 $26.8）個皮晶瑩剔透不過啲餡就淡左少少，豬肉有少少筋《鮮蝦素翅餃》 $28.8 （下午茶特價餐牌冇）皮薄，都彈牙 味道唔錯《醬皇蒸鳳爪》 $28.8 （下午茶特價餐牌冇）冇咩特別《杞子桂花糕》$29.8 （下午茶 $15.8）凍冰冰 桂花味清甜《花膠灌湯餃》 $37.8 （下午茶特價餐牌冇）大大隻，算係多料，有一塊仔花膠響裡面皮好腍，爛左之後口感我就唔太鍾意喇《特色煎蝦米腸》 $25.8 （下午茶20.8）好大碗，粉為主，唔太特別整體 食物味道中上，川芎百芷雞腳魚雲好特別，唔算特別貴。 環境略窄樓底矮，茶樓係大廈入邊唔大，衛生情況正常。 服務態度正常，職員都算好人，一般茶樓標準。  Rating： 懶惰鼠😻😻😻😻 懶惰虎 🤩🤩🤩🤩  📍金宴酒家九龍灣牛頭角道55號利基大廈地舖💰人均消費：$110 ⏰營業時間：6:30am-10pm  #九龍灣 #九龍灣餐廳 #九龍灣美

11月28日被此酒楼嗰個，懷舊點心青豆牛肉燒賣及嗰兜，川芎百子魚頭雞腳湯所吸引，揾食肥華和靚媽專誠搭車，入牛頭角此店飲早茶，初入此店肥華感覺並不佳，楼底偏矮，舖面擺位迫狭，仲要全廳都係搭枱區，單論環境此店衹值C級評分，肥華心諗呢次可能中伏！但當肥華品嚐咗今朝，在此店柯打之食品後，對此店評分竟然唻一個，大翻轉，因每樣食品，味道評分都係A級起錶，每一樣都係美味之作，就連此店之供客茶葉亦優勝過一般酒楼，而此店侍應員工，對客亦有提供良好服務態度，此店呢餐街坊價早餐，肥華俾👍👍👍👍👍佢

九龍灣性價比最高的酒樓 - 金宴酒家近排我地一班舊同學仔先去金宴食晚餐，大家晚上7點黎到，入座率都已經接近一半，餐廳地方雖然細小小，同埋位放到有D迫，無乜點裝修過，但餐廳既出品，好多都俾到我地有驚喜，價錢亦算公道什至算係便宜!我地因為有預早訂座，俾左一間有得打麻雀同唱K既房我地，正 ! 我地26人，叫左以下既食物 : 鴻運燒味拼盤上湯海中蝦碧綠炒蝦仁蚌片發財多子柱甫咸肉白葉浸娃菜海皇瑤柱羮脆皮燒鵝皇清蒸沙巴躉瑤柱蛋白炒飯壽桃包西米露食物味道唔算勁高級水準但平民價錢黎講係過得去既，同埋都係順住次序咁上菜而唔會一下子推哂出黎，安排都周到，人手唔夠但期間都換過兩次碟，走之前經理都黎打多次招呼問大家餐飯可唔可以，好貼心。金宴酒家地址 : 九龍灣牛頭角道55號利基大廈地下訂座電話 : 2513 9200營業時間 : 星期一至日 06:30 - 23:00

If you're a seafood lover, you won't want to miss out on the delicious offerings at this Chinese restaurant. Their pre-order scallops and oysters are particularly popular, and for good reason - they're incredibly fresh and tasty. And if you're a fan of siumei, you'll be delighted to know that this restaurant serves the best siumei in Kowloon Bay. But what really sets this restaurant apart is their dedication to providing a family-friendly atmosphere. They offer baby chairs for young diners, as w

話說我早前單拖去飲茶, 咁見到有空位就坐啦, 點知個女樓面話一個人唔可以坐一張空檯,叫我同另一個人搭檯. 仲要超級冇禮貌. 之後仲要叫埋經理過黎串我, 多多野講. 埋單果陣仲要話下次唔好黎啦咁 俾錢買難受 

上星期去左食晚飯到今日先有時間寫下食評九龍灣酒樓晚飯選擇其實好多有幾間真係特別抵食呢間唔算係最抵但亦唔算貴環境方面酒樓面積不大冷氣略嫌爭啲啲但工作人員非常熱情唔係hard sell個種熱情十分溫馨兩個人叫了五個小菜1.大班兩味大斑兩味算係不過不失炒斑球上臺已經有點涼唔知係咪放左廚房一陣先拎出來蒸斑塊味道比較淡整體不過不失2.蒸元貝平時食開既蒸元貝都會有汁但今次唔知點解汁非常少粉絲仲蒸到有啲乾身3.蒸細躉蒸魚應該算係最穩陣既不過我覺得蒸過龍左少少肉質較老4.燒鵝餐牌寫「脆皮燒鵝皇」但我覺得名過其實皮一啲都唔脆之餘鵝仲要偏肥正常鵝比鴨瘦但今次隻鵝仲肥過隻鴨我比較有要求呢隻鵝真係令我失望埋單$5xx總括黎講呢餐中規中矩唔算物超所值埋單前送左兩碗糖水左邊碗西米露反而有驚喜出乎意料既好食

聽朋友推介去試這間開業不到一年的酒樓，點心質素不錯！尤其是馬拉糕和炸煎堆。馬拉糕熱騰騰很鬆軟，煎堆涼了點但很脆身。雖然價格並不是特別便宜，但我覺得性價比很高，值得再去。

九龍灣區嚟講算係抵食， 啲侍應都ok嘅， 係鄰居介紹我去嘅呢間， 因為我住開果區附近嘅酒樓服務質素 唔好， 食完嘢 經常性冇侍應 執枱， 同換枱布， 所以唯有轉地方飲早茶， 飲食業忙起 嚟嘅時候 ， 服務質素點都爭啲。星期一至六係抵食啲， 因為有孖寶套餐， 同埋 茶位 為平一至兩蚊， 我多數會叫 牛肉腸粉併 翡翠餃 埋單都係37蚊 但服務質素 同環境都 好過 我屋企附近嗰間。今日星期日就食叫咗 個上湯菜肉餃 同 炸脆蝦腸。上湯菜肉餃-入面有肉有菜， 菜味唔多濃郁， 但ok嘅 ! 一碗有五隻， 👍湯入面放咗好多韮皇， 湯底 好好味，雖然飲得出唔係上湯😂至於個👍炸脆蝦腸好特別，之前未食過 ，係隔離枱介紹! 食囉 有啲 脆脆地 ， 腸粉入面有蝦，菜同有啲沙葛 。 味道都幾豐富！兩樣嘢加埋， 埋單好似係 61蚊， 都算抵食啦！ 😋而且份量都ok，如果嗌多一碟，其實足夠兩個人食。 我見隔離枱仲有嗌豬手， 好似炆得好冧 😋，不過我一個人食唔曬，所以冇叫到。呢個價錢嚟講算係好食又抵食， 因為同區，如果要食特別啲嘅點心，三碟加埋都過100蚊。

2O19年1月16日早上11点多去一間蚊型酒家早茶的奇遇記，該蚊型酒家坐落在牛頭角道一條小巷內，連招牌也要用放大鏡才找得到，心中以為該段青黃不接时間应該找位子比較容易，進入店內客人不超过三十人，大吉枱几大張，开了茶点好了点心，就有不穿制服的男人勸你立即搬枱，当拒絕以後又來女的也是冇制服穿的，又說是留枱，如果是留枱起碼有个纸牌放枱上。就算忘記放客人開茶前也应該同人溝通，茶开好点心点好才找些不穿制服的人好像古惑仔一样叫你立即搬枱，我不是用台灣幣找数我也是用港元，為什麼就算叫我搬枱亦应該找穿制服的人同我講，冇制服的人不知何方神聖，还是該酒家欠人债给外人接管了，结果匆袖而离开去别間飲茶，該酒家名字叫金宴，全香港冇地方飲茶，我都不會再去光顧的，除非轉了招牌！

由上一手寶湖金宴幫襯到依家，質素依然👍🏿👍🏿👍🏿係舊寶湖金宴正門 左手邊行過少少係爭鮮 已經見到招牌 然後沿路直行一家大細，早茶、下午茶、晚市，幾年黎，可以話每日緊有一餐係呢度搞掂😆唔止我地，如果你黎開會發現好多老顧客/街芳😆😆今晚叫左梅菜扣肉、咕嚕蝦球同蒸左條魚，大件夾抵食😋😋😋👍🏿👍🏿而且晚飯保持傳統有糖水送😍😍食物keep住有質素，環境企理乾淨，啲人又有人情味，依家呢種餐廳真係買少見少支持隱世酒家💪🏿💪🏿💪🏿

在較早之前，牛頭角道曾經有一間寶湖酒家，但未幾便消失了，並改由其他食肆進駐。不過，就在前寶湖酒家的後方，亦即位於利基商場 (擬似私家路) 的置，開立了一間名為金宴的酒家。市場消息指出，金宴酒家是由前寶湖員工上下集資所開立，他們都由員工變身老闆，繼續經營食肆。對食家而言，食肆的傳說和背景並不重要，食物質素才是重要。在新張期間，酒家推廣一些特色菜，這次便點了迷你冬瓜蛊及生炒骨。迷你冬瓜蛊雖然名字叫料你冬瓜盅，但其實份量不少，足夠3-4人飲和食用，用料甚足，適合在大熱天去食和飲用。再者，冬瓜也可當成瓜菜，一味兩吃，提高了其性價比。生炒骨生炒骨味道酸味，整體質素四平八穩，最適合用來送食。紅豆砂在用餐之後，酒家會奉上甜品，品種包括紅豆砂或綠豆砂，味道不錯，值得一試。這個紅豆砂，其實也甚有寶湖的影子，似乎也能承傳下來。除了甜品之外，其實酒家的名字，似乎也埋下伏筆，是寶湖的延續。原因是之前在牛頭角道的酒家，全名其實是寶湖金宴。此店取名金宴，大有承繼之意味。