金寶冰廳

營業中

休息中

個人比較鍾情有香港風味既餐廳, 難得發現公司附近有間懷舊冰室, 當然去試下地方環境都算乾淨, 但d坐位細左少少, 坐得唔算舒服同同事們一行5人, 我叫左例牌野特餐(沙爹牛肉面+餐包+奄列), 同事們就叫左麻婆豆腐飯, 叉燒煎蛋飯同埋午餐(叉燒湯意粉+餐包+奄列)叫完餐, 大約5分鐘左右就上菜, 先黎餐包同奄列, 個包算大件比起出面茶記, 牛油都足夠, 但個奄列煎得太熟, 個人喜歡d半生熟型, 所以呢個就還好個沙爹牛肉面賣相正常既, 食落個面都正常普通公仔面, d沙爹汁份量足夠味道都OK, 但d牛韌左少少到個奶茶, 個人最為欣賞,  茶底夠濃, 飲落係幾香滑 至於同事們點既叉燒系列 即係叉燒煎蛋飯同叉燒湯意, 佢地都表示太乾個叉燒, 似食緊唔咸既燒肉到同事揀既麻婆豆腐飯, 個味就缺少左四川風味, 有少少失望整體來講, 個奶茶係最欣賞既, 值得再黎飲返, 荼餐做得算合格, 而服務黎講算唔錯, 會主動大聲同你講再見, 又幫你開門, 今時今日好難得

向來對冰室或冰廳這類老派茶記有感情，因此對新蒲崗呢間老牌的「金寶冰廳」，早就有意一試。加上係呢區工作的朋友推介此店的奶茶，這天下午經過，不趕時間下終於可坐低食過下午茶。叫一個下午茶餐（其實其他時段也有此餐供應，但價錢會貴幾蚊），選了沙爹牛肉公仔麵配火腿炒蛋，飲品則要了熱奶茶。一如所料食物的味道唔算特別，但總算牛肉唔會過鹹過軟，炒蛋也非太老，但整體只屬一般貨色。不過，其奶茶水準卻是第一流的！茶葉調配得宜，有茶味且回甘，順口，亦有掛杯的效果。單純為了這杯奶茶，我應會再來。而且看餐牌還有窩蛋奶水這些快要絕種的飲品，更想下次一試呢。

有本書叫<消失中的香港>，其中一間被記錄既舊店鋪就係呢間餐廳，同友人6點半行係新蒲崗搵野食，見到佢仲有下午茶食，即刻入去!我叫左個傳統茶餐:雪菜米，火腿炒蛋，熱谷咕!雪茶米份量超多! d 米粉多到滿佈左個碟! 火腿細細塊，但夾落個包到仲腿蛋治就岩岩好炒蛋唔算話好滑，都幾油下，但對於一個好好好鐘意食蛋既人黎講，食緊既係一啖滿足XD谷咕有點失色...比較淡味>.<!!  但人地話呢到最好飲係奶茶...但6點半我就怕今晚會訓唔著...話說...我地入黎餐廳既時候,坐住幾枱都係D叔叔係到吹下水，睇下電視~睇得出呢到係一個聚腳點仲有...好鐘意佢有大量啡色既卡位，加上綠色既地板，係懷舊既餐廳氣息呀!

服務差，落錯單，又不肯改正態度不好~~~~ 很不開心的用餐體驗.Very bad service and dining experience. No next time.

之前去過新蒲崗幾次， 但每次都係為工事路經同短暫停留，亦同呢間金寶擦身而過多次， 到琴日先有少少時間終於可以坐低品嚐下香港其中一種文化歷史 "冰廳" 嘅食物。雖然真正嘅"冰廳"依家已經剩餘唔多， 特別係現今香港處於超貴租時代， 仲有機會品嚐， 除咗係多得有懷舊同傳統風味嘅吸引力外， 佢地嘅實力就一定係包括在內喇， 唔係邊有可能可以繼續維持生計頂貴租， 除非係自己物業就另計喇， 哈~入去坐低睇一睇個餐牌就叫咗我去開傳統"冰廳",或者 "冰室" 最常叫嘅食品： 就係常餐嘅"沙爹牛肉公仔麵" 或者係 "叉燒意大利麵粉， 配奄列等等~~ 因為天氣太熱， 唔想食刺激性嘅野同唔太鍾意食火腿， 所以無揀沙爹個常餐， 叫咗佢地嘅午餐: "叉燒湯意粉"， 火腿奄列就改做"腸仔奄列"。 除此之外， 我當然會叫埋香港茶餐廳應有嘅傳統美食： 西多士食奶 (i.e. 配煉奶唔用糖漿， 我個人覺得西多士咁配係最好食), 而飲品就緊係。。。"冰檸茶"喇~~~係我等緊食物到嘅時候， 我就好鍾意欣賞冰廳擁有嘅懷舊裝修， 因為可以反映到以前當時嘅潮流係點， 其中一樣我一定會留意嘅就係有"花紋圖案嘅階磚地板"！！ 同依

今次路經黃大仙個頭見到一間有啲歷史嘅冰室決定感受一下懷舊風情見到餐牌寫推介叉燒意粉 於是就叫左一份下午茶餐可惜叉燒口感柴 麵包亦都太腍不過蛋就炒得香口其實說白了 就是一份普通茶餐 一種茶餐廳的味道其實有時候去冰室食嘅唔係味道 而係一種感覺雖然食物一般 但我第一次去老板都會同我吹下水好似朋友咁講兩句看似好簡單 但我好開心 依家香港好難揾翻依種感覺有時忙到麻木 可以嘗試下去依種冰室感受下人情味有一種人情味 叫冰室

遊走於新蒲崗得龍附近，見到一間頗具歷史的的金寶冰廳，內面裝修傳統而殘舊我二話不說入去試左個比較少見的咖哩麵餐 （ ＄38 ）同一般坊間的沙嗲牛肉唔同，牛肉略醃製，卻有微辣而且帶少許咖哩香，算幾特別......比一般茶餐廳多一d特色同賣點配太陽蛋同麵都幾配合，而多士夠厚，但略嫌烘得唔夠，牛油同煉奶落得幾重手，口感豐富，奶茶雖偏向多奶，但亦算香濃滑溜，絕不失禮，呢間舊式餐廳都算合我心意！！

今日同朋友揾間茶記傾下計，行過見有2人卡位，即入去啦～坐低吾夠2分鐘，旁邊有4人卡位結帳，但係中午食晏繁忙時間，真係吾好意思轉位，亞姐卻熱情叫我地搬去坐，此乃街坊窩心人情味是也~我叫了一份特餐，大大份之餘仲有驚喜。沙爹牛丁的沙爹味惹味特出，牛肉份量算多，有牛味而且爽口又沒有崩沙味，用上丁麵成本高，丁麵咬落零舍彈牙同爽口。奄列一般茶記貨色，有菠蘿包本身就係一個超驚喜，吾係方包吾係隔夜包吾係權頭衛星包，係大大個熱辣辣一整個菠蘿包，超感動，菠蘿包挺身呈深啡色，望落比一般麵包店飽滿深色及大件，包身微甜超新鮮軟熟，上面的菠蘿一塊塊仲有小小脆，熱辣辣末咬落去己聞到菠蘿包味，係高水準傳統茶記菠蘿包的色香味。朋友要茄牛飯，一般茄膏茄汁，番茄及牛肉份量多，幾醒胃飽肚，一個大男人都夠食，係窮人恩物。$71埋單，2個人食得飽飽，仲喚醒兒時回憶，爽！

好耐無食過「熱辣辣嘅乾炒牛河」雖然味道較淡，但熱辣辣好夠鑊氣，真係好正！配埋杯茶走，開心開心！（順帶一提，金寶奶茶茶味夠，茶/奶比例幾好，吉吉喜歡）店內環境雖然舊及細，但好喜歡有幾張2人卡位，唔洗同其他人share枱。店內衛生度都唔差，起碼地下好乾爽。仲有，老老闆(估計係爸爸) 好nice，好有笑容，俾錢果陣見到佢會好開心☺️ 都係舊小店正👍🏼

等小友放學時百無聊賴。外面的天氣大熱人自然也口渴得很。此時路經老字號的"金寶冰室"，就因利乘便跑了進去喝杯東西....既然走得進去，就唔爭在叫些東西吃吧。叫了一件奶醬多，再添一杯凍啡，看來就已差不多了....凍咖啡頗為香濃，而且真的夠晒冰涼。喝後尤如在吃著以羅果子鹽一般，成身爽晒....至於奶醬多就更是一個驚喜 --- 外表烘至金黃已是甚吸引；咬落亦真的夠軟綿；再加上牛油及花生醬也塗得夠多，吃起來自然過癮。縱然食後甚有罪惡感，但也顧不了那麼多，還是吃完先算好了....邊吃邊在看雜誌來消磨時間，很快便坐夠鐘去接小友了....不過若每次都用這個方法去消磨時間的話，相信不久之後小弟的腰圍便儘會很快大一至兩吋了....

人常謂一個人年老之後, 很多時近期發現的事都忘記得一乾二淨, 但偏偏數十年前, 年輕時所發生的一點一滴都記憶猶新. 宅女雖未到髮鬢斑白之年, 但人越大, 面對越來越多的新科技, 反而開始懷念八,九十年代或懷舊一點的事物起來. 這天跟大爺來到新蒲崗的MIKIKI辦點事, 準備離開前往銅鑼灣之際, 大爺突然提議不如在附近先吃個下午茶才走吧. 但我隨即說銅鑼灣不是有更多選擇嗎? 大爺馬上回應說去的是懷舊冰廳呢. 聽到冰廳兩個字, 馬上兩眼發光, 便乖乖的跟著大爺前去.這家冰廳其實就在MIKIKI對面街, 只需轉個彎便到. 但好奇的問大爺為何他貴為新蒲崗地膽, 這家冰廳反而沒去過呢? 原來這裡由以前開始到現在一直都有做學生餐, 特別優惠附近的幾家中學. 所以他說以前平日經過時, 內裡總是會坐滿學生, 人山人海的非常熱鬧. 我們周日下午2時多來到, 沒有了平日的學生們, 只有2,3枱零丁的食客, 頓時顯得有點冷清.餐廳門口果然仍是非常的富六,七十年代味道, 近門口坐在收銀處的老伯雖然年紀老邁但仍帶著幾分神采. 內裡的燈光不太光猛, 格局也較為簡陋, 左邊一列的舊式卡座跟右邊的一張張小圓枱, 加上

年初五我雞脾哥"辣"落去新蒲崗嗰間凍肉店去買靚牛扒兼吃個午餐, 正諗緊食嘜好.....左眼眉突然戚兩戚....到前面有間冰室....七八＋年代格局...仍營業至今....應該有料到,入閘....坐低....睇餐牌我叫咗碟鮮茄牛肉會意粉....呀雞脾嫂就叫咗個常餐(朱扒蛋公仔面+奶油多)個面就一般茶餐廳水準....但個多士居然掂 厚度有大半吋, 外脆內軟...但練奶略為多咗D...奶茶唔夠滑..... 咖啡都得跟住听到厨房一輪ping ping pong pong炒煱聲, 心諗有冇咁@跨張呀....碟意粉來到我面前...真係吹佢唔漲....意粉係炒過嘅...仲好有Wow氣tim....嗰種茄汁味好有細路仔時食嗰種味道.....味覺同感覺都好正若你都有同感, 你都同我一樣.....一把年紀囉....

正所謂古老當時興，新開的茶餐廳也可以叫冰室，原有的冰室，已經越來越少。在新蒲崗康強街，得龍旁邊的金寶冰廳，看門面，沒有四十年，也有三十年歷史。當人人也說澳牛不值得這麼多好評，被神化，吹噓之批評不絕於耳，舊冰室賣的常餐，也是差不多款式，煎／炒蛋加麵包，來多碟叉燒湯意，熱奶茶，非常簡單，為何澳牛如此地屈機？大約是他們上桌速度夠快！某程度上，如果被稱為最快的男人，絕不是一件光采的事！！不過上桌速度快，也是其中一個最大賣點。煎太陽蛋邊位帶焦，蛋黃香甜，方包則有點偷工減料，牛油塗得很少。奶茶是一大驚喜位，有茶甘，香滑，茶與奶之間均衡適中，有沒有掛杯，我趕時間，沒大留意。叉燒湯意粉平平無奇，用上的叉燒，肉質有點霉。十多年前，很難想到連新蒲崗，也會出現像譽港匯的大型屋苑，還有中上路線商場，如果再過多十幾年。。。這裡的工廠還在嗎？得龍大飯店還在嗎？這一口奶茶，還可以在此喝到嗎？大家不妨立此存照，十多年後再看這篇短文，來對比一下。忽然間想知道，八十多年前，居住在啟德濱的前人，有沒有我今日的想法？

今日行經新蒲崗，距晚飯時間尚有兩三個鐘，見肚子有點空虛，於是便打算隨便的選間餐廳吃個下午茶。在芸芸食店中，這間舊式冰室「金寶冰廳」最合眼緣，雖然此店樓面地方不大，裝修簡陋，座位亦有點迫狹，不過店內有冷氣，有電視，而且環境、裝修、擺設......都有一番「古味」，算是另一番味道吧。下午茶餐要了花生醬多士跟熱奶茶($16)，價錢十分大眾化。先來的花生醬西多士，西多份量算足，十分之厚，外層亦炸至金黃色，吃落鬆脆，沒有油膩味。切開西多時，裡面滿是充滿鹹香的花生醬，一點也不求其，再塗上了牛油及糖漿，真的好好味!此時此刻，哪管他什麼的反式脂肪，吃下肚子才算!!!我一向對舊式茶記的奶茶充滿信心，十居其九都不會出太大問題，這裡當然也不例外，奶茶入口順滑，茶味夠濃，好喝!!!!!!!整體來說，此店算是平靚正之選!!!!!

之前係新浦崗訂左野有得攞，所以第一站去新浦光崗，上去拎野前我同親愛的兜左個圈搵野食。見到有間叫【金寶冰廳】，就同親愛的貢入去，試下有幾【冰】先？！不過ｄ食物真係超平，我地２個食下午茶，成檯擺滿哂食物，加埋都係食左４０蚊。不過沙嗲牛米就唔夠沙嗲汁，如果唔係就真係合哂我心意。