金寶泰國菜館

營業中

休息中

參觀完宋皇台站後，口痕痕想食泰國菜，出到南角道見到間間泰國菜都好貴，唔知太耐冇食唔記得價錢，定係開通左港鐵加左價。求其行去隔離街，見到呢間價錢平過其他餐廳好多，就姑且一試。呢度係四人份量。泰式海鮮炒飯 $60普通既蛋炒飯，有蝦有魷魚，正常好食。香葉炒大蜆 $80個汁好清淡，有洋葱青椒同香葉，但係冇搶到蜆既原味，蜆新鮮大隻，有13-14隻。泰式炸蝦餅6件 $60正常好味。鹽燒青口5隻 $60大隻，燒得好香，唔點醬都好好味。青辣椒汁好味好惹味。蒜子胡椒鮮魷 $80魷魚好新鮮，炒得好香。椰青海鮮焗飯  $98上面3隻蝦好新鮮，仲有蝦膏，仲預先剥左一半殼。個飯每啖都好濃椰青味，好温暖既味道，仲有唔少椰肉同魷魚，非常滿意。西米糕4件 $28好好味，不過質地有啲水。最後要批評一下，我地帶住兩隻導盲犬，佢地係香港可以入任何餐廳，但啲員工上上下下都堅持啲狗仔唔入得，好彩多得其他食客幫口，提醒經埋，我地先可以入去食。

一個人本來諗住去食粉絲🦀煲，17:30 係門口等佢開市，點知話一個人冇位，佢話枱枱都兩位，咁我咪話你計兩位，咁我叫嘢食，佢話乜都冇🤬🤬🤬呢啲鋪做起左，我話你都吾係做生意，真係應該多啲人知，杯葛佢唔好去，佢咁起市，發左達就吾好做啦⋯⋯

去九龍城食傳統泰國菜餐廳唔知係咪疫情關係，係用QR Code落單嘅⋯小食-蔗蝦正常 可以一試泰式拼盤 (大)6人份量嚟嘅喂嗌錯咗，多到差啲食唔嘥有炸蝦卷 、蝦餅、串燒雞、香葉包雞，各有6件好大碟。最鍾意串燒同隻蝦卷串燒嘅肉質都幾滑 ，啖啖肉，蝦卷都好香脆。主菜-青咖喱軟殻蟹唔夠咖喱味，唔知係咪因為揀咗少辣嘅關係

假日又到九龍城覓食，由於屯馬線開通，假日明顯多了很多人到九龍城，令到一向幫襯的食店都大排長龍。走了兩間飯堂都滿滿人龍，就試試其他餐廳，選了立足九龍城已久的金寶，剛好兩位不用等位，立馬入坐《招牌生蝦》老公最愛泰式生蝦，基本嘆泰菜都必點的。這裡的生蝦不錯，重點在於生蝦醬，跟其他的泰國餐廳不同，醬汁是直接淋在生蝦上，似乎是對自家調味的醬汁很有信心。確實醬汁是很惹味，偏向辣味。喜好辣嘅食客可以試試。《小食拼盤》小食包括蝦春卷，蝦餅，雞肉串燒及香葉雞。四款小食都是可以想像得到的味道，當中蝦春卷較為出色，蝦肉分明，春卷皮亦夠脆口而不油。串燒就非常一般，沙嗲醬也不美味，可以不用單點。《泰式炒粉》非常普通，不是不好吃是沒印象，該配青檸但卻配了檸檬，沒有花生，不香，味道偏甜，也炒很不夠火喉，可以不試。《椰青及咸檸梳打》椰青清甜，價錢合理。咸檸梳打可選多冰少冰走冰，甜正常少甜走甜，迎合不同客人要求。

星期一晚7點原本是想幫襯街口那家門口有隻吹氣公仔的泰國菜等位，等左45分鐘都未見起色，都係轉場，一心想食泰國菜，見唔使等位就行入左呢間。一開始侍應俾QR code電子落單，落左烤魚及串燒先驚要等得耐，跟住再想落其他餸但個自動落單無我想要嘅嘢，叫侍應幫我落單，妹妹仔好明顯係新嚟，其實佢地真係唔夠人手，但起碼侍應們忙到踢晒腳都無黑我地面無發脾氣，都好落力招呼。我地都叫左好多嘢食，樣樣嘢都好食，最推介係條烤側魚，肉質仲好滑唔鞋又唔醒，極力推薦。我地3大1小叫左3杯飲品，兩份串燒（12串），一條烤魚，一個咖喱牛腩煲，兩份法包，濕炒海鮮可，香葉炒大蜆，招牌甜品拼盤，又魚又飲品又甜品，仲以為要千二，埋單都係7百幾蚊真係相當抵食，相比上次街口吹氣公仔果間2大1小，叫左一份串燒一個抄金邊粉一個菠蘿飯一個湯就已經五百幾蚊。這家收費相當合理。下次都會再嚟幫襯

服务态度差到不能再差。来到之后发现没开门，但明明写着营业。打电话过去，服务员说是啊没开门，直接挂断电话。然后我以为服务员没听清，又打过去，直接被掐了。。。千真万确的遭遇，远离没有良心的商家。

一家13口，透過openrice 訂枱，系統只能book 8位，我早幾日打去同佢改返13位，安排左門口大枱8人加隔離一張4人枱比我地，呢個安排好滿意，可以傾到計。但去到時就同我地講8點交枱，講真，13人有大有細，叫左好多飲品同啤酒，沙津，主菜，個半鐘真係好趕，如果知道要限時，我就未必考慮呢度喇。

我哋用本平台訂位服務，訂左金寶泰國菜食用。今次金寶泰國餐廳人員話，訂幾點需要齊人先可以入，但其他人可以隨意一人都可以先入？然後話自己帶酒開瓶費，平台上寫啲好清楚30蚊一隻，金寶經理服務人員話100蚊一隻，剛剛訂左規矩。玩野！我已打電話上來問清楚話，消費餸菜400蚊，唔洗開瓶費。擺明又玩野！咁樣服務，菜品其實一般，我哋食過。唔夠味。份量少，服務成咁樣。你唔想做平台訂位生意，可以出聲，洗咩玩顧客。唔想做生意最緊要出聲，我哋唔會再幫襯。

去親九龍城都係幫襯金寶食物種類多、抵食大份之餘仲要好味，真係好難得最好味就係生蝦刺身，好夠辣，非常建議嗌杯冰凍甜野飲解辣😂食完辣野飲杯凍野真係好爽不過要預左成個口都係個陣蒜味，歷久不衰泰式拼盤除左今次荷葉雞乾左啲之外，整體味道都唔錯，樣樣我都鍾意食至於個蒜茸牛油雞翼，牛油味唔算好重，但係炸得香脆，屬於好味既雞翼鳳爪既調味同生蝦刺身相似，不過冇咁辣，底下索哂汁個啲會辣啲，我會食左底個啲先😂最後就係成座山既炒A菜，份量一啲都唔飄忽，次次都咁多，我經常性食唔哂😂下次會再努力啲食哂啲菜先食其他野🙊

真的要改善服務態度。臨走急不及待執枱，宜得即刻將你剔出門口，人家袋也未拿好，未起身呢！尤其那位好像是泰藉女侍應，進餐前的招待及結賬時的態度都係咁差，食物係ok嘅。

食咗咁多日韓國嘢都要試吓啲泰國嘢仲要近排冇旅行去真係想飛去泰國食餐泰國嘢好冇🥲🥲今日嚟到九龍城試泰國嘢呢間泰國嘢係朋友推薦👍🏻👍🏻今日決定黎試一試味🤗🤗叫咗生菜包豬肉 冬陰功湯 鳳爪 仲有少少串燒呢幾樣嘢食本身我去泰國都成日食我覺得個味道同我喺泰國食差唔多😋😋😋冬陰功湯真係要大力推薦👍🏻👍🏻好辣 啱晒鍾意食辣嘅朋友😚😚我都差唔多飲晒一半鳳爪就好爽口 生菜包豬肉同串燒就一般般唔係話太特別 四個人食每人計返都$200有找所以都好優惠呢度座位都算闊落 同朋友嚟食下晚飯傾吓計我覺得幾好 都值得推薦

自從公司行AB更之後、我已經有2個幾3個月冇見過我拍檔！睇完鬼滅就同佢會合再落九龍城食晏。九龍城泰式餐館多到唔知揀邊間好😅 又去Open Rice參考下、金寶呢個名都有聽過、一於試下！兩個人只係點咗3款食物再加每人一樽細枝裝泰啤。蝦剌身、燒豬頸肉、炸蝦餅、樣樣都幾好味！蝦剌身爽甜、豬頸肉真係不得了、嗰陣燒肉嘅香氣真係沒法擋、每一啖都好滋味。蝦餅都算彈牙甘香、除咗蝦之外、我估可能加咗些少肥豬肉🤔 泰啤嘛…我都係鍾意象啤多啲😌 Overall呢個Light Lunch唔錯呀！#กุ้งแช่น้ำปลา #คอหมูย่าง #ดมันกุ้ง

😋 30年傳統 🌶💰 午市套餐特價加配特飲🪑 相連鋪位，週末都唔太需要等位💛<香辣雜錦乾炒河 $𝟼𝟾>夠火喉，夠香。少少香辣，原本不吃辣的爸爸都一試便愛上<泰式炒粉 $𝟼𝟻>茄汁味濃，無乜火喉味，相比之下，失望<泰式生菜包辣豬肉碎沙律 $𝟼𝟶>青檸汁和香草，酸酸辣辣，使豬肉碎更清新更開胃。再搭配生菜包裹🥬，滿載著肉碎往口裏送😋<泰式奶茶 $𝟸𝟻, 午市套餐加配+$𝟷𝟼>泰茶普遍都比較甜。「少甜少冰」，正合想飲特色奶茶，又不愛甜的香港人口味👌🏻

Weekend決定特登揸車出去九龍城食個lunch，見到金寶門口有lunch set，仲要唔使等位，諗都唔諗就入咗去。入到去發現lunch set 同普通單點價錢冇分別，只係加配嘢飲會平啲。我本身都係想飲椰青，但係發現lunch set冇得加錢配椰青，所以單點算數。叫咗個生牛肉河粉，好食！個牛肉唔係普通肥牛，唔會有好多肥肉，好正仲要幾厚(⁎⁍̴̛ᴗ⁍̴̛⁎) 美中不足係佢比既係黃色嘅檸檬，唔係青檸，我就唔到份量搞到個湯好酸，不過都好食嘅。個炒粉絲都好食，係類似粉絲版既pad thai幾有鑊氣，仲要有好多櫻花蝦，10分足料。椰青都好好飲，個椰青上邊貼住from Thailand 🇹🇭 ，真係好清甜，入邊d椰子肉好林，超正。

九龍城泰國餐廳！九龍城呢個小泰國出名多泰國餐廳🤤呢間性價比算好高，價位偏低但味道都保持到！而且泰國姨姨們都好熱情好好服務！會再去🥰🥰🥰🥰🥰🥰🥰🥰