金寶甜品 (已結業)

上次經過呢間甜品店的時候因為店內無客, 所以唔敢入, 因為唔知會唔會唔好食前晚經過見入面都坐左一半客, 所以就大膽入去試!我呢杯甜品, 名堂係: 綠茶雪糕芭菲, 盛惠$32雖說是甜品, 但份量都幾多, 有綠茶蛋糕, 雲呢拿CREAM, 士多啤梨, 威化餅同藍莓, 底屠仲有紅豆 一杯甜品有多種食物, 感覺會複雜D, 無咁單調件綠茶雪糕幾軟熟, 威化餅夠脆, CREAM滑, 只係底層的紅豆同杯芭菲唔算好襯仲有好多其他選擇, 最利害見有個人一口氣食了二份豆乳布丁, 係唔係真係咁好食架? 下次要試吓先得

last night 應朋友之邀請, 來到九龍城金寶, 不過係食甜品, 唔係食泰國餐!這位朋友比較喜歡周圍覓食, 不知何故給他找到了這間甜品店, 因為位處偏僻, 而且舖面細細毫不起眼, 只知朋友仔係有日搭黃大仙小巴經過, 試過一次好食, 於是就約了我們三人一同試食!我自己食綠茶parfait, 此parfait 與一般芭菲不同在於有好多野 "口趙". 例如有紅豆粒, 綠茶軟糖, 仲有一件綠茶味蛋糕, 夾埋軟滑的cream食, 口感, 味道都唔差呢朋友的北海道豆乳味parfait賣相都幾吸引, 件豆乳布丁仲彈下彈下咁, 搞到我都有啲想試試, 不過唯有留下次客人唔多, 不過相信間甜品店都唔係好多人知佢既存在

又一新的甜品店開張, 唔通做甜品舖真係好好賺? 呵呵, 我都想開一間, 特別係去完呢間位於九龍城的"金寶甜品", 骨子的裝修, 氣氛舒服, 如果間舖係我開都幾正餐牌比較簡陋, 相都唔係好吸引, 款式係多, 但係有點混亂, 都唔知邊款先係主打, 整體感覺就係一堆的芭菲甜品的相, 所以我覺得似芭菲店多的!試了朱古力mosse芒果雪糕芭菲, 一杯$34, 杯仔細細, 份量唔算多, 朱古力味的mosse唔會太甜, 有淡淡的黑朱古力味, 芒果雪糕過得去, 似某某gelato的雪冰, 特別愛吃mosse加粟米片的配搭, 只係粟米片脆一點會更好庭位幾好坐, 仲有柔和音樂聽, 個人一邊食一邊relax, 爽

一行五人去完金寶泰國菜館食完lunch. 員工話佢地間甜品店新開張, 持即日單據可有八折. 於是就起行往金寶甜品去.一入到去, 新裝修仲有少少裝修味. 全店除咗員工外就只有我哋. 睇睇menu都唔係特別吸引又啱啱食飽飯. 我哋order咗3種甜品五個人share.有new york cheese cake 嘅芭菲 - OK睇menu以為好大杯, 原本只係一般size. 所以即刻加多一款甜品. cheese cake麻麻地, 我自問屬於整餅初哥都整得好味過佢. 雪糕只係一般貨色(好過dairy farm少少啦). 玉米片咪現成玉米片囉, 不過都幾好食.cream brulêe - OK幾creamy, 表面幾crispy, OK滑. 迷你生果盤加心太軟 - Bad一上枱, 不禁等個姐姐仔就開咗就爆句"Mud個心太軟咁樣衰架!". 生果盤問題不大, 但係個心太軟就... 好苦(我本人係超鍾意食75%dark chocolate). 啲蛋糕完全冇蛋糕應有嘅texture. 加咗跟嚟嘅creamy sauce都只係好少少. 後加嘅芒果酥皮拿破崙 - Good芒果好甜

睇過雜誌介紹, 去o左金寶甜品店呢間甜品小店似乎開o左唔係好耐, 餐牌上的食物唔係樣樣有, 好似想食豆乳芭菲都無, 再問之下原來所有豆乳的產品要遲D先有得賣.. 仲以為有得食北海道豆乳一場來到,,, 唯有試試其他的款式, 個樣最吸引就係tiramisu parfait, 面頭係一件都幾香嘖嘖的tiramisu, 質感幾creamy, 令我好想食多舊, 但原來一係就叫連埋芭菲食, 係無散叫tiramisu的, 失望呢 放棄encore了......份量唔算好大杯, 味道係ok的, 不過如果雪糕的份量更多便好, 像麻布茶房一杯雪糕賣四十幾蚊, 但份量有番咁上下, 因此人客不少, 此處的巴菲價錢三十多元一杯, 不算貴但我吃完有點不夠的感覺, esp.係雪糕的份量好想試佢地個豆乳巴菲, 有機會先再嚟, 食完過隔離買冬蔭功的材料返屋企同老婆玩吓煮飯仔

今日星期六, 我同女友都有半日假期, 於是去左九龍城廣塲間觀世音食左齋....食完後, 行左一陣...之前食既o野都落晒隔, 女友就提議去食甜品....平時都有食開甜品, 黎黎去去都係食西米露, 楊枝甘露, 冇咩新意...我地週圍行, 行到去近富豪酒店附近, 我地見到一間門面好靚既甜品舖....佢地主要賣日式同法式甜品, 雖然款式唔多, 但毎樣都做得好別緻, 好attractive....我同女友分別食左New York Cheese Cake 雲呢拿雪糕芭菲同咖啡果凍雲呢拿雪糕脆餅芭菲, 女友讚件cheese cake好香, 夠香滑, 又唔會太甜...雲呢拿雪榚裏面仲有雲呢拿籽tim...聽老闆講, 佢地d雪糕係o係日本製造, 雖然價錢中上, 但材料絶不馬虎.. 至於我食o個杯parfait, 咖啡凍d味道好香濃, 混合埋d雲呢拿雪糕入口, 好match..我見佢地都仲有好多款partfait, 下次黎九龍城食甜品, 又多左一個選擇lu....