金屋泰國菜館

營業中

休息中

經過見到門面都唔錯，所以同朋友入咗去食晚飯。我哋兩個人，叫咗總共四樣嘢食，仲有兩杯嘢飲，加埋甜品，都係大約500幾左右。首先叫咗個泰式小食拼盤，入邊有四款唔同嘅小食，分別有香脆嘅泰式春卷，四件蝦餅同埋魚餅，仲有兩吋串燒，小食嚟講佢好足夠，一個拼盤有咁多款唔同嘅小食。再叫咗一個生蝦刺身，啲生蝦隻隻都啖啖肉好厚，我仲食咗少少佢放底嘅椰菜絲，啲蝦仲好新鮮。仲有馬拉盞炒魷魚通菜同埋鮮蝦金邊粉，魷魚非常之鮮甜仲好爽口，而通菜係非常之嫩，唔會覺得佢好老。鮮蝦金邊粉，每隻蝦都非常之彈牙爽口，金邊粉仲有好香嘅茄汁味，擺盤當然都非常之靚啦。我哋仲叫咗兩杯嘢飲，一杯係椰汁三色冰，另一杯係椰汁沙冰，我超級鍾意飲三色冰，因為佢嗰啲粒粒又煙韌得嚟又爽口。最後糕點可以自己任揀，$5一件，我揀咗椰汁粟米糕同埋椰汁珍多糕，粟米糕個口感比較特別，因為粟米嘅料比較多，所以佢嘅口感好多粟米衣，反而珍多糕比我想像中唔同，好有椰香味同埋煙靭。

住大西北嘅fd最鍾意食泰菜，想食正宗嘅泰菜但又唔想次次出九龍城咁遠，琴日近近地喺荃灣就搵咗呢間真正由泰國人主理嘅正宗泰國餐廳🇹🇭餐廳非常用心製作每道菜，以咖哩蟹、明爐烏頭、飛天通菜打響名堂🌟🌟🌟🌟🌟🌟🌟室內環境都好闊落光猛，坐落都好舒適🥘泰式煎蠔餅鐵板咋咋聲冒晒煙、火候十足，有別於潮式蠔餅，佢相對無咁熱氣，蛋香味更濃郁，蠔肉肥美唔腥，點埋醬食落一流😋😋🌯香芒軟殼蟹米紙卷一份有六件，裡面配料有米粉、紅蘿蔔、生菜；軟殼蟹幾酥脆，芒果肉香甜，成個感覺好清新🌿🧆泰式拼盤包括炸蝦餅、炸魚餅、春卷同雞肉串燒各2串，佢嘅炸蝦餅炸魚餅係炸得金黃脆口，入口仲好彈牙，一定要點埋泰式辣醬，我朋友都話好惹味；春卷餡料好豐富飽滿；雞肉肉質細嫩、建議食雞串燒時配埋沙嗲醬🤩📍金屋泰國菜館 (荃灣)荃灣楊屋道69-71號地舖

同老公有共識，每個月都一定要食返三至四次泰國嘢，因為自己非常之鍾意重口味嘅食物，今次就嚟咗呢間金屋泰國菜館度食，朋友食過話啲食物好正宗泰國未，應該係泰國人開👍🏻👍🏻👍🏻我哋一定會叫嘅前菜生蝦$98/8隻我自己非常之咁鍾意食蝦，無論點樣煮嘅蝦我都一定好鍾意食，所以生蝦刺身都走唔出我手指啦，呢度嘅生蝦有埋生苦瓜伴碟，因為平時見唔到有呢個伴菜，所以我都奇怪係咪可以一齊食，因為佢係未煮熟嘅苦瓜，不過我唔理三七廿一將生蝦同埋生苦瓜一齊放入口，又出奇地好食，味道非常之多層次，因為配埋生蝦嘅醬汁，超正👍🏻👍🏻👍🏻香葉辣椒肉碎炒飯$78呢碟炒飯黎到香噴噴，熱辣辣，每一粒飯粒都沾滿左味道，入口每一啖都有少少微粒，所以食呢一個炒飯嘅時候非常之快咁食完，超好味，仲開咗個胃添😂酸辣檸檬汁蒸鱸魚$158我想講呢一個蒸鱸魚非常出色，首先佢個酸辣湯底好開胃，但係真係比較酸，如果食唔到太酸嘅朋友真係建議唔好飲，但係我自己可以食到好酸，所以我可以當湯咁飲，真係好好味，鱸魚份量都夠大條，每一啖肉質都好鮮嫩，熟成度剛剛好唔會蒸到條魚太老👍🏻啲魚肉再朔埋啲酸辣檸檬汁放入口真係好惹味食過呢兩三樣菜之後，我好肯定真係泰國人開記一

荃灣可說是本人長大的地方，十多年間這個社區變化很大，商場食肆林立，應有盡有🙂數年前荃灣楊屋道開了一間由泰國人主理的泰國菜館「金屋泰國菜館」.冬陰功海鮮湯 冬陰功湯酸辣味剛好，層次分明👍🏻有香茅、椰醬與南薑香味，湯裡還有秀珍菇及大蝦，用料豐富😋.泰式拼盤包括魚餅同蝦餅，蝦餅脆而不膩，滿滿蝦肉；魚餅比較重調味，有一點兒泰式酸酸辣辣的味道😋還有入口酥脆的雜菜春卷同拼盤必備的雞肉串燒，相當豐富😆.泰式明爐烏頭菜館招牌菜，烏頭放在爐上面繼續保持熱度，烏頭肉質嫩，配上魚上的芫荽酸菜肉粒等，更令到整體味道昇華👍🏻.馬拉盞炒通菜通菜偏幼身，葉莖均衡，非常新鮮👍🏻配合不少乾蔥、蒜頭以及辣椒，非常開胃😋

第一次去荃灣搵泰國菜食上網做咗啲功課，知道呢間比較正宗，就喺openrice 訂咗枱坐低後，枱上嘅餐具都好有泰國風味呢個拼盤整體算中上，最好味係蝦餅其實最緊要都係佢兩個汁，完全令味道昇華咗椰菜仔超好味，好新鮮生蝦刺身啲辣椒令到成個味道多咗層次不過如果唔食得辣，建議除去佢啲辣籽炒金邊粉夠火喉，好味推介食泰國菜一定要食返個芒果糯米飯做甜品個人認為紫米同普通糯米比較，紫米略勝一籌，好食啲整體來講，呢間泰國菜由泰國人主理，好有泰國風味

金屋泰國菜館(荃灣)我每次食泰國菜，一見到有生蝦，就一定叫黎食泰式生蝦刺身$98蝦肉都彈牙，真係正。鮮菠蘿海鮮炒飯$98超多料嘅炒飯，有青口、鮮魷、腰果、提子乾、豬肉鬆、原隻蝦、臘腸粒、新鮮菠蘿粒，炒得都乾爽，好食。泰式黃咖哩牛腩$98咖哩唔辣嘅，又好多咖哩汁，所以叫左蒜蓉包沾黎食，牛腩夠淋，所以每舊都好滋味。泰式香葱蒜蓉包$42每一片好香脆，沾咖哩一流。原個鮮椰青$33好大個，重係好清甜。椰汁三色冰$30可以叫減甜，咁飲落嘅甜度就啱啱好。

朋友介紹下第一次嚟幫襯🤨入到餐廳後，見到啲老闆員工都好多係泰國人，就知道今次餐飯一定夠曬泰國🇹🇭風味喇😎連餐具同枱布都好有泰國feel 點甜品前，叫咗4樣主菜第一道係必食嘅生蝦刺身 - 好新鮮，不過如果本身唔係食得辣嘅話，建議唔好食辣椒仔入面啲籽，因為辣度乘100😭拼盤就同其他泰國餐廳🍴差唔多最重要都係醬汁，令成個味道提昇咗呢碟炒椰菜仔好夠鑊氣又入味炒金邊粉超正超香，啲蝦又勁大隻最後點埋個芒果🥭糯米飯就完滿

去荃灣會合放工的男友，見一段時間冇食泰國菜🇹🇭所以就揀左間泰國菜館試試啦餐廳裝修富泰國風，放置不少帶有泰國特色的擺設，座位寬敞舒適，環境衛生🫠==========🔹冬蔭功大蝦湯（小）$88雖然點左小的，但份量一點也不少，估計有平日2️⃣飯碗冬蔭功的料頭非常充足，酸辣的味道恰到好處，飲到豐富的香茅，南薑和椰醬香味，層次分明🥳有大量的秀珍菇同兩隻大蝦，秀珍菇夠厚身而且好滑，大蝦仍帶微微的鮮味係近期飲過最好飲的冬蔭功湯😋推介指數：9.5/10==========🔹生蝦刺身 $98有8️⃣隻，擺盤非常吸引，有大量椰菜絲墊底及涼瓜圍著碟邊，賣相吸引生蝦大小適中，入口有彈牙口感，有輕微的蝦鮮味，搭配醬汁及蒜頭一起吃倍感惹味推介指數：7.5/10==========🔹碎肉生菜包 $88每次食泰國菜必點的一道菜🤪份量適中，生菜新鮮爽脆豬肉肥瘦比例適中，醃料充足用上大量青檸去煮的肉碎帶較酸的味道鹹度跟辣度適中，乾蔥及芫荽份量剛好🫰🏻推介指數：8/10==========🔹泰式鹵水豬手 $98份量非常充足，而且有大量菜心墊底豬手炆得夠腍，富骨膠原的豬手皮及肉均非常嫩滑鹵水味道不過鹹，如鹵水味再重一點更完美菜心新鮮

🍴👠荃灣出名餐廳林立，有行高檔路線的fusion菜，也有街坊親善的小店。今次光顧的是楊屋道街市附近、荃新天地對面的泰國菜館，以泰國人主理為招徠，泰皇畫像、橙黃裝修、雙手合十的泰國人像，種種地道元素齊全。🧡🦑昨天風大，特別叫了暖胃菜式。原條鮮魷有煙燻味，口感彈牙，不會起渣。🍍菠蘿炒飯比想像中大份多料，有臘肉、魷魚、肉鬆等。馬拉盞通菜味道較濃，應該很適合送大碗白飯。🥥椰青很大，初送來時，不知為甚麼破了個小洞，滲出椰青水，侍應姨姨招呼很好，立刻給我們換新的。🥭💚愛吃甜食如我最期待的是芒果糯米飯加4款甜品，其實還有更大盤的選擇，可是圖片中簡直如山般的擺盤，怕太貪心，只好等大伙兒來時再點。糕點來到後，花了些心思想吃的次序，先吃椰汁糕，再吃晶瑩剔透的杞子桂花糕、層次分明的煙韌珍多糕(像幼時吃的三角椰汁糖），最後是邪惡濃郁的芒果糯米飯，連糯米飯都分有黑白雙色，為這個款式的貼心感動了一下子。最印象深刻的是杞子桂花糕，好像比一般的桂花糕更香更多料。🌸🌸💨不想迎接門外的寒風，一直窩在暖色餐廳喝椰青吃甜糕，磨蹭到店家更換明天的餐牌。瞄見午市套餐也是52元左右，決定下次找個周末再試試長得很肥美的豬手飯。🐷▪️▫️

金泰屋泰國菜館店內環境唔算大，有卡位及圓枱位，充滿泰國風情。平日晚飯時段經過店舖，多見要排隊等位，今日特意早點到店一試。小食沙嗲 2串雞肉 2串豬肉，上枱沙嗲熱辣辣，雞肉軟滑，豬肉鮮嫩，配上花生沙嗲醬～好食非常。酸辣鳳爪～鳳爪酸辣適中，鳳爪爽脆好味鹵水豬手鹵得入味，豬手不膩不油，肉質淋滑多汁，豬皮彈性有咬感充滿骨膠原肉碎生菜包～生菜新鮮爽脆配上咸鮮肉碎包裹入口，清新可口菠蘿海鮮炒飯豐富非常，有蝦、魷魚、腰果、提子、菠蘿、肉鬆……飯炒得酸酸甜甜，非常開胃，可惜魷魚過熟，有點硬及無味，有點尾中不足，但整體也不錯。明爐烏頭～烏頭大大條肉質鮮嫩，配上泰國酸辣湯底，開胃送飯之選。三色冰、青檸梳打 整體價錢唔算貴，食物質素也不錯，算是平靚抵泰國菜之選

又食泰國野喇哈哈🇹🇭今次我地飄左去荃灣 我地點了幾款小菜同埋兩杯飲品馬拉盞炒通菜 份量都幾多幾足料 有啲辣 不過好惹味 通菜都炒🉐️好好 好入味啊 推介🤤泰式黃咖哩牛腩🇹🇭🟡🍛🐮都幾多舊牛腩的喔 肉質腍返少少就更好 但都🉑️以接受的呢🤪😛薯仔夠哂腍 入味🥔配埋蒜蓉包就真係不得了🧄🥖麵包烘🉐️脆脆的 無🉑️挑剔～香芒軟殼蟹米紙卷🥭🦀有六大舊 軟殼蟹炸🉐️好脆👍🏽🦀芒果肉肉都好甜 整個配搭正正 米紙卷都好煙韌 好食😀飲品係龍眼冰🧊同埋芒果沙冰🥭🧊龍眼冰🈶️大約六粒龍眼肉 甜道適中 芒果沙冰好大杯 正常發揮 唔算好甜 𝚑𝚎𝚎～

一邊行街一邊諗緊晚餐食乜好既時候，突然見到有間食泰國菜既餐廳，都幾多人流，於是決定試下。鮮菠蘿海鮮炒飯$98炒飯材料好多，有菠蘿、腰果，魷魚，青口、粟米、青豆、蘿蔔、肉鬆，食落口感幾豐富😋，特別係用左新鮮菠蘿，味道酸酸甜甜夠晒開胃。泰式鮮蝦炒金邊粉$88金邊粉有芽菜、蛋絲、大蝦一齊炒，擠少青檸調味，更加清新😊馬拉盞炒通菜$72通菜唔會太咸，食到好香馬拉盞味道，餸飯唔錯😋整體份量都多，味道唔錯，都算係親民抵食既選擇，以上份量足夠3人分享。餐廳職員服務態度唔錯，會主動幫手增闊座位同加水，令用餐過程更舒適😊好味：4/5環境：3/5客服：3.5/5

呢間菜館係由泰國人主理嘅泰國餐廳，味道正宗，款式應有盡有而且價錢十分親民，性價比極高 🇹🇭 整體環境舒適，闊落，門口同裏面仲放咗好多得意嘅擺設，果然充滿泰國風情呀💞 幾適合一大班人坐低吹水品嚐吓地道嘅泰國菜！菠蘿雞粒炒飯呈現金黃色🍍，除咗有鮮甜嘅菠蘿同嫩滑嘅雞粒之外，仲有提子乾、青豆同蘿蔔，口感豐富，酸甜開胃😬 泰式濕炒豬肉河粉幾有驚喜😳 豬肉大大片，啖啖肉🐷 河粉透簿，唔會黐住一嚿嚿、醬汁甜鹹度適中，搭配芥蘭同蘿蔔都幾match！泰式鴛鴦串燒要咗雞同豬肉串～ 雞肉大大件，嫩滑多汁，完全唔嚡口😋 豬肉乾身但唔油，搭配沙嗲醬真係冇得頂😉 蒜蓉炒芥蘭都幾出色，新鮮爽口，大件夾抵食！飲品方面要咗比較常見嘅椰汁冰同珍多冰！椰汁味都幾出，搭配粒粒嘅珍多幾有咬口😗飯後甜品當然唔少得芒果糯米飯～ 上枱時熱辣辣，未食已經流晒口水🤤 呢間比較特別，有紫米同糯米飯，飯粒軟糯，上面仲鋪咗滿滿嘅椰汁，味道香濃，甜而不膩～ 芒果都唔錯，軟熟新鮮，必點之選🥺最後仲叫咗幾款糕點🍮 千層糕煙煙韌韌好可愛、西米糕椰香濃郁，入口順滑、珍多糕爽口彈牙、紅豆糕甜甜地幾好食🫘 下次要試埋其他糕點先得！

趕快讓美食重新填飽ni的胃吧🤩今天要介紹的料理是📣蝦仁炒泡麵🇹🇭豐富營養的高麗菜與清脆爽口的芥蘭加上新鮮飽滿的蝦仁君，我滴天，有了炒泡麵，那個來一客還是其他的泡麵真的都先借過！！

好耐冇食泰國野一入黎就同friend叫兩個椰青🥥🥥我個個係正常，椰子肉都滑嘅但我個friend個個就好老，啲椰子肉食落去係咔咔聲跟住叫左一個主食、一個小食👉🏻蟹柳芒果炒飯因為冇見過係用芒果炒飯，所以好想試下味道一般，食落好重椰奶味材料就講真好失望，如圖所見：得兩片蕃茄、兩片青瓜，好多蛋同飯，仲有芒果，菜名嘅蟹柳就真係唔係好覺有，係咪熔左？👉🏻炸蠔餅佢聲稱係炸嘅，但得個邊係脆脆地，可能唔係好識炸？食落係好油好冧，同冇乜味仲有個主角，啲蠔係腥腥地咁💀個底仲有一大拃芽菜，又係冇味嘅賣到好貴，但又唔值呢個價😞想講仲要收加一⋯但係真係唔抵食叫左兩個人食4樣野總共要$266😯飽就係飽，但好空虛