金峰靚靚粥麵

營業中

休息中

7-1-2006 0936一大朝早要去I記攞番部notebook，記得經過這裡成日有人排隊，睇下係唔係真係咁正先。得我1個人也要等了5分鐘，不斷有人出入及外賣，睇黎差極都有限。入閘後，睇下有乜好食先，其中一款的銀杏白粥只有朝早供應，當然我唔會放過佢，不消一分鐘已有，還附送一細包鹽作調味，食落去夠味就唔駛落，銀杏係預先整碎及煲溶，還落了少少腐竹，粥底當然唔會好綿及開花，夠料係事實，不過我食落去時點解好似白果腐竹糖水冇糖版呢？食咁少唔會飽，再叫一碟銀芽炒麵，turnover都好大，新鮮食都還可，一擺得耐及凍，會比較鞋，建議可以叫粉腸或粽，唔好意思，應該係腸粉先岩。有機會的話一定會再黎試其他。

今日經過，老公說每次經過都見到有人在門口排隊等待，記起這店的評語相當不錯，就買外賣回家吧。牛肉粥($16) - 粥底綿，味道好，牛肉多，如果少一些梳打粉更完美。魚腩豬潤粥($24) - 魚腩好好食，又鮮又滑又好肉，雖不像生記附送薑蔥豉油但本身味道很足。豬潤略遜，不夠爽滑，但可能回家返熱所以過火了。此店每天會有一款粥品特價- 今天是豬紅($12)。其他粥品有︰瑤柱白粥- $10及第/滑牛/魚片/瘦肉/豬潤/豬肚/豬心/鯪魚球/皮蛋瘦肉- $16鮮鯇魚腩或雙拼(魚片/豬肚/豬潤/牛肉/皮蛋/豬紅/瘦肉/魚球) - $20魚腩+ 豬潤/牛肉/魚球/豬心/豬肚- $24

區內最有水準的粥店：粥底好綿，真係幾靚！最喜歡叫皮蛋牛肉粥（用鮮牛肉，非常滑，亦足料）(HK$16），不過本身粥底已有味，所以有些咸！但真係好味。門口經常有人等位，就算一位，而入面有位都要等她安排，或者都要等一等，而有時都安排坐得奇怪，經常要6人迫坐一張細，但其實隔鄰張只係有3個人，可以安排新到的2人坐那張小人坐的，而不需迫入這張已坐了4人的。牛腩都幾淋，腸粉可以，炒麵就真係即炒（因經常見啊嬸係到炒），相信老板娘非常有原則，試過6:29 pm，走到去，鋪內仲有人食緊，她就話快要關門，守全門口唔比我入；就算平時鋪內有位，她都唔比人入，等佢再叫。經常去到都係比個牌你，等佢叫，幾有規定。但真係經常都好多人等，亦經常因為這麼多人而唔想等，改而去了其他地方吃。

以前同街都仲有間粥店可惜而家接左被逼去呢間例牌一碗粥一碟炒麵一碟炸襾三十$ 好鬼貴水準尚算幾好但食完都唔覺飽

我在魚涌附近也去過不少粥麵店，不過這間可真不錯，今天我與朋友叫了一碗豬紅粥、一碗牛肉粥、一碟炸襾、一碟炒麵，總共HK $46。炸襾內的油炸鬼還是香脆可口，值得一讚。

今天下午終於可以一嘗此店的粥了。要了：皮蛋瘦肉粥(特價HK12.-，正價HK16.-)：粥底好綿，食到碗底仍未變水，用肉片，皮蛋份份量銀芽炒麵(HK8.-)：即炒鑊氣，麵不會淋一共到此店四次，可是三次望門驚叫！兩次未到6:30pm老板娘己在落閘收舖！第三次互在12:40pm,門外已有人仔排頭位!但我可保証這是區內有水準的粥店^m^，值得一試！否則我同事不敢在三十多度高下>m<，要我徒步去試。