金枕頭泰國餐廳

營業中

休息中

農曆年假前，約朋友下班來吃泰菜，有住粉嶺區的同事介紹來金枕頭，味道好價錢又經濟，即管試試。這裏的飲品價錢十分經濟，比一般泰式餐廳便宜。泰式珍多冰$25，這裏的珍多冰味道很香甜，除了椰子香，甜度也很適中，吃完辣，再喝一口很舒服，而且紫色的粒粒很有咬口呢！椰汁紅豆冰$28，同樣是香甜椰汁底，配紅豆永遠好味！吃泰菜，喝最經典的椰汁紅豆冰一定不會踩雷。泰式無骨鳳爪$68，酸辣味道屬於小辣，醬汁拌得均勻又入味，而且份量很大碟，吃完爽口的鳳爪，還有泰式沙律酸香辣味迴盪，很開胃。牛肉船粉$45，可加$10轉冬陰功湯底，這個價錢非常抵食，份量也多，點了粉絲做麵底，吸收湯味超夾。冬陰功湯真材實料，有蕃茄煮湯，味道偏酸小辣，紅湯配牛肉味道很好味，牛肉熟度剛好不韌。生菜肉碎包$88，可選雞肉豬肉，我們選了豬肉。泰式香料炒過揮發香味，但不鹹也不辣，屬於偏酸的口味，包著生菜吃超開胃，又清新，份量很多，可以當一個主菜吃。串燒豬頸肉4串$65，燒得金黃，帶蜜糖味，豬頸肉爽口多汁，好惹味！馬拉盞炒通菜$69，有很多蝦乾炒，超香口！炒完上桌已經聞到蝦香，通菜鮮嫩無渣，喜歡炒完的醬汁，除了香口又濕潤，好好味！整頓晚飯吃得

粉嶺牽晴間地下有間門面好搶眼嘅泰國菜，食物選擇都幾多～～泰式蝦餅，即炸熱辣辣上枱，蝦肉彈牙厚實飽滿，啖啖蝦肉，外皮幾酥脆～燒豬頸肉呢個份量幾抵食，燒得好靚，切到一塊塊薄切，肉質粉嫩，幾爽口，配醬汁辣辣地幾過癮～串燒沙嗲6串，豬、牛、雞各兩串，一次過可以食晒三款肉，各有特色，沙嗲醬幾香濃惹味～菠蘿炒飯口味清淡啲，唔會過鹹，配上海鮮，蝦同魷魚，材料幾豐富呀～芒果椰汁冰同泰式珍多冰充滿椰香，解渴之選～～

雖然新正頭係應該食d新年應節食品，但我已經由年三十冬菇花膠鮑魚，食到今日年初五lunch都仲係食緊蘿蔔糕。。。我同男朋友講我頂唔順喇唔想再食乜糕物糕或者做節嘅餸喇XD佢問我食咩，我話不如是但喺屋企附近睇下有咩餐廳先再決定啦！結果見到呢間金枕頭勁多人，雖然未食過但感覺可以一試！爆曬場都等左兩三個字先可以入座（但同時間隔離餐廳係得少少客人）今日勁full但人手緊缺，好彩呢到有得QR code落單，所以又唔算等好耐就上菜又冇出錯！黃咖哩雞 （$78）好香口同埋夠入味，如果唔食肉可以叫黃咖哩豆腐！飛天炒通菜 （$65）通菜炒完仲係好嫩。菠蘿炒飯 （$78）用半個菠蘿殻上好香，而且夠乾身粒粒分明。串燒沙嗲牛4串 （$64）唔會好老，加埋沙嗲汁更惹味！泰式珍多冰 （$25）同青檸冰 （$25）都係解渴之選，但我更偏好青檸冰酸maymay幫我解曬新年應節食品嘅膩感！整體CP值高唔怪得咁多人食啦！

今日去粉嶺探朋友，附近有間泰國餐廳朋友帶咗我去食，餐廳好有泰國特色，見到Menu價錢都比較大眾化，而且晚市去到餐廳已經坐滿晒人！.燒豬頸肉泰式燒豬頸肉香口又惹味外層燒得焦香內裏非常Juicy，完全唔乾身肉質爽口彈牙，再加上泰式辣汁非常配合！.泰式金邊粉一上到枱原來都好大碟，份量十足而賣相非常唔錯好夠鑊氣！麵質柔軟 口感一流！旁邊亦有花生碎伴碟可自由配搭青咖喱雞青咖哩散發着濃濃嘅椰香，微辣惹味雞肉非常滑嫩 配上白飯一齊食，非常開胃.燒薄餅薄餅即叫即整熱辣辣，充滿油香口感酥脆又帶點煙韌舀將薄餅用嚟點咖哩一齊食，簡直係絕配😋😋

呢一日來到粉嶺踢足球，踢完波梗係附近找東西吃，行到牽晴間購物商場，地下有一間名叫金枕頭的泰國餐廳，睇到個名幾特別，於是同朋友入去呢間餐廳一試。一坐低餐廳職員已即時遙上暖水及餐牌，今時今日香港吾係好多食肆做足，有時要舉手呼叫侍應，可能人手吾夠未必即時招呼客人，我覺得此餐廳人手足夠，而且掃碼落單夠方便直接。我望左菜單就叫左半隻海南雞，細份量既冬陰功湯，泰式酸辣鳳爪，冰鎮活蝦刺身，然後叫了椰汁紅豆冰同椰青。食完我覺得印象最深刻的是冬陰功湯，我可以話泰國當地餐廳都食吾到呢隻味道，我真係俾好高評價，原因係湯既味道好濃，主要係呢個湯落足料，細份量都要5-6大蝦，番茄，冬菇，加上廚師獨家煮法，我第一次飲到咁正宗冬陰功湯，細份量2個人平均都飲到3碗。另外要讚個活蝦刺身，好辛鮮，加上香蒜涼瓜配料，點埋泰式酸辣獎，令人食完一隻又想食另一隻🤭🤭另外泰式海南雞，份量出奇地多，上到黎時已去骨，點泰式酸辣獎，雞肉好滑好香，熟既程度剛好，太熟會好粗，到食泰式鳳爪時已經飽肚，鳳爪又係份量超多，飽到吾想食落去，試左少少味便放棄了，整體食物質素有一定水准，可以廚師是泰國人吧，煮出黎就係地道食物。總結：一定會再返黎幫襯，雖

朋友介紹呢間泰菜味道非常驚喜！作為泰菜愛好者，當然立即去探店！睇返餐牌價錢合理，更加設有抵食二人餐！！最終都係選擇咗單點，揀曬自己最鍾意嘅嘢食係最開心嘅！而內部裝修非常有泰國氛圍，氣氛異常地好，同時坐得非常舒適。泰式柚子沙律~柚子非常多汁開胃，配上脆脆嘅魚仔、新鮮彈牙嘅大蝦，口感異常豐富！串燒沙爹牛肉串~牛唔會燒到乾柴柴，配上較為甜口、花生味香濃嘅醬汁，簡直係絕配！豉椒青口~青口非常新鮮！份量亦都頗多，用上豉椒去炒，非常惹味！粉絲雜菜煲~一餐裏面總要有菜！雜菜煲係我嘅不二之選，可以食到唔同嘅蔬菜！而且粉絲吸滿炒菜嘅精華！

今日近近地，收工搵埋情人係屋企附近食個飯 。呢間仲要係以前食宵夜都黎既泰國餐廳，水準依然係度 👍🏻活蝦刺身🦐 $108先黎整個大蝦刺身，好大隻， 厚肉爽口，越咬越Creamy，食得辣連辣椒一齊食， 好刺激過癮，個泰式酸辣醬係靈魂，沾左更凸顯蝦嘅甜味 。好耐都無食過🥹勁回味另外再叫左個2人餐 $198蝦春卷🍤 即叫即炸，好夠熱，春卷皮香脆，咬落連隻蝦都爽口彈牙燒全翼雞翼，落足蜜糖去燒， 大大隻又好香甜，連隻尖都好多肉，識食一定要咬埋啲脆骨 ，勁正沙嗲牛肉串，沙嗲醬香甜唔辣，肉分量好多，牛肉咬落香口生菜包🥬豬肉碎分量十足，滿滿一大兜 ，食落仲帶點檸酸味，連埋清爽既生菜包住一齊食，清新開胃 。碗麵份量勁多，無論麵底定啲餸都好多，牛丸大大粒，有牛味，+$10 冬陰功湯底，抵俾，多左啲蕃茄粒配料，湯頭好濃唔咸，當湯飲都得😂另外，都叫多左一碗牛肉粉絲，牛肉湯頭一樣清甜，食每一啖都掛晒湯汁飲品🍹分別叫左泰式凍奶茶同椰汁紅豆冰 。紅豆冰椰汁味香濃，紅豆大大粒，浸到軟硬適中，耐糯香甜 。泰式凍奶茶絕對有泰國風味，夠晒甜😆唔甜就唔係泰式奶茶啦，你懂的😏甜品仲有椰汁西米糕2件 。椰汁品重，而不會太甜，西米糕

發現呢間由泰國人主理嘅餐廳！星期五晚座無虛席！而且價錢唔貴，食物選擇好多已經幾正宗。係到食嘅少不了都係點個幾款招牌菜，燒雞翼，海南雞，菠蘿炒飯，炒菜～蜜糖燒雞翼4隻，生燒方式等候時間耐啲，等咗45分鐘先有，雞翼燒到外皮焦焦脆脆，內裏肉汁鮮嫩，好邪惡👿半隻海南雞飯，嫩滑的雞肉和香噴噴的米飯，雞肉肉質鮮嫩多汁，外皮光滑，味道清新，米飯充滿雞油香味，搭配的醬料包括辣椒醬，令整個飯增添了豐富的層次感👍🏻菠蘿炒飯，菠蘿的天然甜味與炒飯中的鹹香味形成鮮明對比，口感豐富，配料有蝦仁、雞肉、魷魚，不僅增添了色彩，還增加了口感的層次，使整道菜更加豐富😍最後仲點了飛天炒芥蘭，鹹度剛好，唔會太重口味，芥蘭爽脆，煮得剛剛好😍

臨近聖誕節嘅平日去到 餐廳只係坐左一半人都冇一入門口 個員工已經愛理不理 隨手指一指 示意我隨便坐 於是我揀咗張四人枱坐低左，點知過咗陣個員工又好不滿咁過嚟叫我轉去二人枱，嗰陣其實成間餐廳都大把位，不過咁食飯時間驚一陣多人都明白。轉左二人枱冇幾耐 又見到有一個人坐咗佢嗰張枱 點知個員工竟然又照serve佢😂 好正嘢食方面 叫咗個雞翼船河 湯同雞翼嘅味道都算OK，但啲粉淋到冇牙都食到，如果唔係粉嶺冇嘢食都唔會再考慮嚟食呢間

之前媽媽生日去左食泰國菜啲間係到開左好多年，成日都好多人今次終於有機會試下泰式明爐烏頭個湯汁好夠味，酸酸辣辣，野味一流！ 泰式酸辣脫骨鳳有啲辣，但好爽口，好好味！ 泰式燒豬頸肉好嫩口，醃得好入味！串燒沙嗲6串豬牛雞都有，啲肉夠味入味又嫩口，一啲都唔柴支！飛天炒通菜泰式蝦餅蝦肉夠多，炸到脆卜卜！生菜肉碎包（豬）炒得好夠味，配埋生菜一流！ 菠蘿炒飯好新鮮既菠蘿，炒飯粒粒分明！精美甜品～椰汁糕芒果沙冰/龍眼冰/椰汁冰椰青

今次我嚟到粉嶺嘅金枕頭泰國餐廳試吓佢哋嘅地道泰國菜，整體經驗都幾唔錯。餐廳環境幾舒適，同時有一種濃厚嘅泰國風情。牆上掛滿咗泰國風格嘅裝飾，氣氛輕鬆，適合同朋友聚會或者一家大小嚟食飯。食物質素方面，我叫咗一碗冬陰功湯河粉，味道真係唔錯。湯底酸辣適中，海鮮味濃，河粉彈牙，真係好滿足。除咗冬陰功湯河粉，仲試咗佢哋嘅菠蘿炒飯，炒飯粒粒分明，菠蘿嘅甜味同香味配合得恰到好處，食落口感豐富。至於服務態度，餐廳嘅員工都好有禮貌，會耐心解答我嘅問題，並且推薦咗幾款受歡迎嘅菜式。佢哋嘅服務速度都幾快，等咗唔耐就已經上菜，呢點值得加分。總括嚟講，金枕頭泰國餐廳係一間值得推薦嘅泰國餐廳，不論係環境、食物嘅質素定係員工嘅服務態度，都有唔錯嘅表現。特別推介佢哋嘅冬陰功湯河粉，真係有泰國街頭小食嘅味道。如果你喺粉嶺附近，唔妨嚟試吓呢間餐廳，相信你都會有唔錯嘅用餐體驗。

又到左午飯時間，係時候出去搵吓有咩食，嚟到一間喺粉嶺區，開咗有一段時間嘅餐廳。叫咗個豬頸肉炒飯，蒜蓉炒通菜。豬頸肉炒飯，豬頸肉唔hea喎, 係有另外煎香先落鑊炒嘅，而且大大塊，絕對唔吝嗇。炒飯底仲有洋蔥，豆角，蛋，炒飯底粒粒分明，又唔覺油膩，很不錯！蒜蓉炒通菜同樣有鑊氣，有大排檔的風味不會過鹹，份量適中。價錢相宜，不少中學生也是座上客，說不定學生會更優惠。

走入呢間泰國菜館，一陣濃郁香味即刻撲面而來，令人食指大動。派頭十足嘅泰式無骨鳳爪，啖啖肉，入口即溶，梳乎嘅口感夾埋嗰個酸甜微辣醬汁，真係嗲到不得了！😍🍴接著，黃咖哩牛腩嘅香氣撲鼻，牛腩腍得化開，同椰香打咗個完美配搭，搞到我唔自覺嘅又夾又舀。嗱嗱嗱，又點少得泰式招牌菠蘿炒飯，啲飯粒粒分明，食落口裏有臘味嘅香，又有菠蘿嘅清甜，簡直係口味嘅大碰撞！又一叫，泰式濕炒牛河，滑溜嘅河粉、爽口嘅牛肉，一切嘅搭配就猶如泰式電影，有起有落嘅戲味。飲品方面，清新嘅青檸薏米水，一啖下去，整個人都爽朗起來。噢，最後當然唔可以唔提，椰皇，咁滋味咁正宗，飲完之後，真係似行雲流水咁暢快！喺這家店，你可以體驗到地道嘅泰式風情，每一樣菜嘅味道，都有一種“泰”樣嘅美妙。總之，喺飽食一頓之後，心情都似乎跟住舒坦起來，我只想講，下次會再嚟！👍🌶️🥥

1800一開門就入左去，入面加埋我得兩枱。1802手機落單叫左青檸梳打，菠蘿炒飯，燒原隻魷魚，泰式蝦春卷。1810左右來左杯青檸梳打，之後乜嘢都冇再嚟。1835，淨係見佢哋不停咁出外賣，遲過我黎既都開始食緊個菠蘿炒飯，餓到頂唔住問侍應啲野食如何，佢先話個燒爐「剛剛」先撻着咗，條魷魚「剛剛」先放咗落去燒，我個菠蘿炒飯先剛剛開始炒🤪。1845，條魷魚放咗落去15分鐘，個炒飯炒左15分鐘，都黎吾到我張枱，但係果15分鐘外賣就不停咁出，連其他遲過我入嚟啲枱都開始食緊炸蝦餅。聞到野食味，餓到頂吾順發老脾，比左杯青檸梳打錢走人。結論，肚餓想食佢上網買門口交收好啲。BTW，杯青檸梳打，雖然未飲晒，但係好飲既。

冷冷冬日山長水遠來到粉嶺  一定是因為有一間非常好吃的餐廳開胃菜 - 生蝦刺身主菜 - 泰式菠蘿炒飯蔬菜類 - 馬拉盞炒通菜（係有非常多非常多的肉碎 喜歡肉類的人可以嘗試飲品 - 珍多冰 熱蜂蜜柚子茶泰國南北中東西部嘅菜式其實有略略不同看菜單時 看到菜式簡單分為  肉類 ／海鮮／飯類／泰式粉類／甜品etc 而且有辣味 咖哩的料理方式 以為是一間中規中矩的泰國南部料理餐廳等菜真的上到來才發現口味 與 烹飪方法都更近似於泰北的菜式 很新奇- 開胃菜 生蝦好明顯蝦大隻 肉質鮮嫩軟熟，是沒有經過預先烹飪 醃製過的蝦dressing with garlic and red pepper 最大程度保留了食材本身的味道- 泰式菠蘿炒飯有別於一般的菠蘿海鮮炒飯內部原料除了常見的 魷魚 蝦 蘿蔔 菠蘿，還有油脂很厚的燒臘（是為了在地客人的口味特別改進了嗎？作為topping的是一大堆肉鬆（真的意料之外）飯是黃色的油飯，而炒飯用到的也是動物油，所以這道主菜就是油脂非常濃厚也很飽肚的一道想起 “泰國北部因為氣溫較低的關係 烹製菜餚過程中加入很多動物油脂 以補充身體所需要的能量口味方面，也並沒有刺激的辛辣，沒