金枕頭泰國餐廳

營業中

休息中

1800一開門就入左去，入面加埋我得兩枱。1802手機落單叫左青檸梳打，菠蘿炒飯，燒原隻魷魚，泰式蝦春卷。1810左右來左杯青檸梳打，之後乜嘢都冇再嚟。1835，淨係見佢哋不停咁出外賣，遲過我黎既都開始食緊個菠蘿炒飯，餓到頂唔住問侍應啲野食如何，佢先話個燒爐「剛剛」先撻着咗，條魷魚「剛剛」先放咗落去燒，我個菠蘿炒飯先剛剛開始炒🤪。1845，條魷魚放咗落去15分鐘，個炒飯炒左15分鐘，都黎吾到我張枱，但係果15分鐘外賣就不停咁出，連其他遲過我入嚟啲枱都開始食緊炸蝦餅。聞到野食味，餓到頂吾順發老脾，比左杯青檸梳打錢走人。結論，肚餓想食佢上網買門口交收好啲。BTW，杯青檸梳打，雖然未飲晒，但係好飲既。