金枕頭泰國餐廳

營業中

休息中

朋友介紹呢間泰菜味道非常驚喜！作為泰菜愛好者，當然立即去探店！睇返餐牌價錢合理，更加設有抵食二人餐！！最終都係選擇咗單點，揀曬自己最鍾意嘅嘢食係最開心嘅！而內部裝修非常有泰國氛圍，氣氛異常地好，同時坐得非常舒適。泰式柚子沙律~柚子非常多汁開胃，配上脆脆嘅魚仔、新鮮彈牙嘅大蝦，口感異常豐富！串燒沙爹牛肉串~牛唔會燒到乾柴柴，配上較為甜口、花生味香濃嘅醬汁，簡直係絕配！豉椒青口~青口非常新鮮！份量亦都頗多，用上豉椒去炒，非常惹味！粉絲雜菜煲~一餐裏面總要有菜！雜菜煲係我嘅不二之選，可以食到唔同嘅蔬菜！而且粉絲吸滿炒菜嘅精華！

今日近近地，收工搵埋情人係屋企附近食個飯 。呢間仲要係以前食宵夜都黎既泰國餐廳，水準依然係度 👍🏻活蝦刺身🦐 $108先黎整個大蝦刺身，好大隻， 厚肉爽口，越咬越Creamy，食得辣連辣椒一齊食， 好刺激過癮，個泰式酸辣醬係靈魂，沾左更凸顯蝦嘅甜味 。好耐都無食過🥹勁回味另外再叫左個2人餐 $198蝦春卷🍤 即叫即炸，好夠熱，春卷皮香脆，咬落連隻蝦都爽口彈牙燒全翼雞翼，落足蜜糖去燒， 大大隻又好香甜，連隻尖都好多肉，識食一定要咬埋啲脆骨 ，勁正沙嗲牛肉串，沙嗲醬香甜唔辣，肉分量好多，牛肉咬落香口生菜包🥬豬肉碎分量十足，滿滿一大兜 ，食落仲帶點檸酸味，連埋清爽既生菜包住一齊食，清新開胃 。碗麵份量勁多，無論麵底定啲餸都好多，牛丸大大粒，有牛味，+$10 冬陰功湯底，抵俾，多左啲蕃茄粒配料，湯頭好濃唔咸，當湯飲都得😂另外，都叫多左一碗牛肉粉絲，牛肉湯頭一樣清甜，食每一啖都掛晒湯汁飲品🍹分別叫左泰式凍奶茶同椰汁紅豆冰 。紅豆冰椰汁味香濃，紅豆大大粒，浸到軟硬適中，耐糯香甜 。泰式凍奶茶絕對有泰國風味，夠晒甜😆唔甜就唔係泰式奶茶啦，你懂的😏甜品仲有椰汁西米糕2件 。椰汁品重，而不會太甜，西米糕

發現呢間由泰國人主理嘅餐廳！星期五晚座無虛席！而且價錢唔貴，食物選擇好多已經幾正宗。係到食嘅少不了都係點個幾款招牌菜，燒雞翼，海南雞，菠蘿炒飯，炒菜～蜜糖燒雞翼4隻，生燒方式等候時間耐啲，等咗45分鐘先有，雞翼燒到外皮焦焦脆脆，內裏肉汁鮮嫩，好邪惡👿半隻海南雞飯，嫩滑的雞肉和香噴噴的米飯，雞肉肉質鮮嫩多汁，外皮光滑，味道清新，米飯充滿雞油香味，搭配的醬料包括辣椒醬，令整個飯增添了豐富的層次感👍🏻菠蘿炒飯，菠蘿的天然甜味與炒飯中的鹹香味形成鮮明對比，口感豐富，配料有蝦仁、雞肉、魷魚，不僅增添了色彩，還增加了口感的層次，使整道菜更加豐富😍最後仲點了飛天炒芥蘭，鹹度剛好，唔會太重口味，芥蘭爽脆，煮得剛剛好😍

臨近聖誕節嘅平日去到 餐廳只係坐左一半人都冇一入門口 個員工已經愛理不理 隨手指一指 示意我隨便坐 於是我揀咗張四人枱坐低左，點知過咗陣個員工又好不滿咁過嚟叫我轉去二人枱，嗰陣其實成間餐廳都大把位，不過咁食飯時間驚一陣多人都明白。轉左二人枱冇幾耐 又見到有一個人坐咗佢嗰張枱 點知個員工竟然又照serve佢😂 好正嘢食方面 叫咗個雞翼船河 湯同雞翼嘅味道都算OK，但啲粉淋到冇牙都食到，如果唔係粉嶺冇嘢食都唔會再考慮嚟食呢間

之前媽媽生日去左食泰國菜啲間係到開左好多年，成日都好多人今次終於有機會試下泰式明爐烏頭個湯汁好夠味，酸酸辣辣，野味一流！ 泰式酸辣脫骨鳳有啲辣，但好爽口，好好味！ 泰式燒豬頸肉好嫩口，醃得好入味！串燒沙嗲6串豬牛雞都有，啲肉夠味入味又嫩口，一啲都唔柴支！飛天炒通菜泰式蝦餅蝦肉夠多，炸到脆卜卜！生菜肉碎包（豬）炒得好夠味，配埋生菜一流！ 菠蘿炒飯好新鮮既菠蘿，炒飯粒粒分明！精美甜品～椰汁糕芒果沙冰/龍眼冰/椰汁冰椰青

今次我嚟到粉嶺嘅金枕頭泰國餐廳試吓佢哋嘅地道泰國菜，整體經驗都幾唔錯。餐廳環境幾舒適，同時有一種濃厚嘅泰國風情。牆上掛滿咗泰國風格嘅裝飾，氣氛輕鬆，適合同朋友聚會或者一家大小嚟食飯。食物質素方面，我叫咗一碗冬陰功湯河粉，味道真係唔錯。湯底酸辣適中，海鮮味濃，河粉彈牙，真係好滿足。除咗冬陰功湯河粉，仲試咗佢哋嘅菠蘿炒飯，炒飯粒粒分明，菠蘿嘅甜味同香味配合得恰到好處，食落口感豐富。至於服務態度，餐廳嘅員工都好有禮貌，會耐心解答我嘅問題，並且推薦咗幾款受歡迎嘅菜式。佢哋嘅服務速度都幾快，等咗唔耐就已經上菜，呢點值得加分。總括嚟講，金枕頭泰國餐廳係一間值得推薦嘅泰國餐廳，不論係環境、食物嘅質素定係員工嘅服務態度，都有唔錯嘅表現。特別推介佢哋嘅冬陰功湯河粉，真係有泰國街頭小食嘅味道。如果你喺粉嶺附近，唔妨嚟試吓呢間餐廳，相信你都會有唔錯嘅用餐體驗。

又到左午飯時間，係時候出去搵吓有咩食，嚟到一間喺粉嶺區，開咗有一段時間嘅餐廳。叫咗個豬頸肉炒飯，蒜蓉炒通菜。豬頸肉炒飯，豬頸肉唔hea喎, 係有另外煎香先落鑊炒嘅，而且大大塊，絕對唔吝嗇。炒飯底仲有洋蔥，豆角，蛋，炒飯底粒粒分明，又唔覺油膩，很不錯！蒜蓉炒通菜同樣有鑊氣，有大排檔的風味不會過鹹，份量適中。價錢相宜，不少中學生也是座上客，說不定學生會更優惠。

走入呢間泰國菜館，一陣濃郁香味即刻撲面而來，令人食指大動。派頭十足嘅泰式無骨鳳爪，啖啖肉，入口即溶，梳乎嘅口感夾埋嗰個酸甜微辣醬汁，真係嗲到不得了！😍🍴接著，黃咖哩牛腩嘅香氣撲鼻，牛腩腍得化開，同椰香打咗個完美配搭，搞到我唔自覺嘅又夾又舀。嗱嗱嗱，又點少得泰式招牌菠蘿炒飯，啲飯粒粒分明，食落口裏有臘味嘅香，又有菠蘿嘅清甜，簡直係口味嘅大碰撞！又一叫，泰式濕炒牛河，滑溜嘅河粉、爽口嘅牛肉，一切嘅搭配就猶如泰式電影，有起有落嘅戲味。飲品方面，清新嘅青檸薏米水，一啖下去，整個人都爽朗起來。噢，最後當然唔可以唔提，椰皇，咁滋味咁正宗，飲完之後，真係似行雲流水咁暢快！喺這家店，你可以體驗到地道嘅泰式風情，每一樣菜嘅味道，都有一種“泰”樣嘅美妙。總之，喺飽食一頓之後，心情都似乎跟住舒坦起來，我只想講，下次會再嚟！👍🌶️🥥

1800一開門就入左去，入面加埋我得兩枱。1802手機落單叫左青檸梳打，菠蘿炒飯，燒原隻魷魚，泰式蝦春卷。1810左右來左杯青檸梳打，之後乜嘢都冇再嚟。1835，淨係見佢哋不停咁出外賣，遲過我黎既都開始食緊個菠蘿炒飯，餓到頂唔住問侍應啲野食如何，佢先話個燒爐「剛剛」先撻着咗，條魷魚「剛剛」先放咗落去燒，我個菠蘿炒飯先剛剛開始炒🤪。1845，條魷魚放咗落去15分鐘，個炒飯炒左15分鐘，都黎吾到我張枱，但係果15分鐘外賣就不停咁出，連其他遲過我入嚟啲枱都開始食緊炸蝦餅。聞到野食味，餓到頂吾順發老脾，比左杯青檸梳打錢走人。結論，肚餓想食佢上網買門口交收好啲。BTW，杯青檸梳打，雖然未飲晒，但係好飲既。

冷冷冬日山長水遠來到粉嶺  一定是因為有一間非常好吃的餐廳開胃菜 - 生蝦刺身主菜 - 泰式菠蘿炒飯蔬菜類 - 馬拉盞炒通菜（係有非常多非常多的肉碎 喜歡肉類的人可以嘗試飲品 - 珍多冰 熱蜂蜜柚子茶泰國南北中東西部嘅菜式其實有略略不同看菜單時 看到菜式簡單分為  肉類 ／海鮮／飯類／泰式粉類／甜品etc 而且有辣味 咖哩的料理方式 以為是一間中規中矩的泰國南部料理餐廳等菜真的上到來才發現口味 與 烹飪方法都更近似於泰北的菜式 很新奇- 開胃菜 生蝦好明顯蝦大隻 肉質鮮嫩軟熟，是沒有經過預先烹飪 醃製過的蝦dressing with garlic and red pepper 最大程度保留了食材本身的味道- 泰式菠蘿炒飯有別於一般的菠蘿海鮮炒飯內部原料除了常見的 魷魚 蝦 蘿蔔 菠蘿，還有油脂很厚的燒臘（是為了在地客人的口味特別改進了嗎？作為topping的是一大堆肉鬆（真的意料之外）飯是黃色的油飯，而炒飯用到的也是動物油，所以這道主菜就是油脂非常濃厚也很飽肚的一道想起 “泰國北部因為氣溫較低的關係 烹製菜餚過程中加入很多動物油脂 以補充身體所需要的能量口味方面，也並沒有刺激的辛辣，沒

金枕頭是一間位於粉嶺牽晴間的老牌泰國菜, 由泰國老闆主理。其實一直都是粉嶺甚至北區人的泰菜首選。因個人原因, 有一段時間沒在回來北區, 所以一回來馬上到這間老字號光顧。主食有泰式炒河以及火車頭炒飯, 一如以往, 份量很足, 而且火喉十足。今次稍為有一點點咸, 可能是廚師重手左, 要少鹽下單時可以向老闆提醒一下。河粉不是中國那種一條條的, 是傳統泰式那種, 很有特色。炒飯炒麵已附帶芥蘭, 如不想另外叫一個炒菜也可以。小食叫了一份豬頸肉, 但不應該叫小食, 因為份量實在太多, 最後只如打包。千萬不要以為份量多, 質素就會下降, 味道同樣是非常好的, 炭燒味很出, 同時很有肉汁, 100分。飲品老闆推薦了椰青, 是當天送到的, 果然很鮮味, 很有椰子味, 值得推薦。總體來說, 以價錢, 味道, 份量來說, 都是北區最好的泰國餐館, 值得再次光臨。

今日和朋友往粉嶺牽晴間金枕頭泰國餐廳食晚餐,我們點了冬蔭功湯,酸甜蝦球,蒜蓉炒什菜,菠蘿炒飯,椰汁沙冰和椰汁紅荳涼粉冰,冬蔭功湯我們點了細伤,兩個人飲份量啱啱好,冬蔭功酸辣度剛剛好,飲落開胃,酸甜蝦球酸甜度適中,蝦的肉質彈牙新鮮,食落惹味可口,蒜蓉炒雜菜夠熱,菜食落新鮮爽口,菠蘿炒飯飯炒得乾身,肉鬆食落惹味,菠蘿鮮甜,食落口感豐富,最後椰汁沙冰椰汁味香滑,甜度適中,餐廳座位闊落舒適,食物美味,食了一頓好食泰國菜

最近收工 。同同事近近地食晚飯不嬲都知道呢間泰國餐廳正宗又好食 價錢又抵食而且夜晚人流很旺 今次叫左幾款美食 。泰式拼盤叫咗個泰式拼盤 好適合兩個人食 即叫即整 熱辣辣 每款都有兩件 有蝦餅、春卷、雞肉串、豬肉串同雞翼 最緊要係佢哋嘅靈魂醬汁 沙嗲汁 濃郁又惹味 配埋小食食就一流馬拉盞炒通菜通菜唔會好鹹 炒得好香口惹味 少少辣 乾咖喱蝦球呢一款有驚喜 裏面有香葉料 等 而且蝦球爽口彈牙 醬汁好掛汁 咖喱汁唔會好辣 撈埋其他配料一齊食 好滋味泰式乾炒牛河 爽口惹味 食落去好有鑊氣👏🏻👏🏻

假期去咗探朋友，在朋友屋苑商場的「金枕頭泰國餐廳」吃晚飯。泰式蝦餅~外脆內軟，原味吃也很鮮美，喜歡吃得味道濃郁，可蘸醬汁增加增次口感。泰式燒魷魚~燒魷魚擺碟很有線條美，肉質夠鮮爽，醬汁偏甜像照燒汁。泰式海南雞飯~ 雞肉有醃製，多一份鹹香，口感也挺好。泰式特飲~珍多冰&青檸薏米水。泰式燒豬頸肉~豬頸肉燒得很香，肉質軟滑沒有油膩感。泰式濕炒牛河~牛肉與蔬菜覆蓋河粉，十分足料，味道不錯，惟是河粉炒得比較碎。奉送椰汁大菜糕~香甜又爽口，很窩心的甜品。

食泰國嘢唔一定要去九龍城，喺粉嶺一樣可以食到高質嘅泰國菜！而且價格親民，有意外驚喜！用qr code落單快捷方便！座位方面尚算寬敞~食物嘅賣相都非常吸引！冬陰功湯~大大隻蝦已經去殼，食得非常方便！湯較酸，非常開胃，而且啱曬女仔口味😋份量亦算頗大，每人可以飲到兩至三碗泰式炒金邊粉~金邊粉拌了花生碎可增添口感，金邊粉獨有嘅香味，充斥住整個口腔😁黃咖哩牛腩~咖哩汁偏向甜口，椰汁香味濃郁，牛腩口感同數量亦都令人滿意！額外點了蒜蓉包，沾汁食一流！食泰國嘢當然要飲泰國嘅特飲！非常解渴解膩👍