金沙小廚

營業中

休息中

蒸帶子蒜味唔太濃，唔會遮蓋帶子原有鮮味，火喉恰到好處，熟得黎仲保持到帶子原有鮮嫰，粉絲淋得後仲係彈口，吸晒帶子汁（只有鮮味唔太鹹)燉湯足料花膠滑而彈牙，鳳爪淋滑，只有簡單火腿調味，帶出材料示原有鮮味，真係想添飲。炸生蠔唔使講咀多，一個字，「鮮」夠晒！糯米飯曾經有一碟軟硬乾爽，壯健蝦乾嘅糯米飯我錯過左，今日終嘗到相逢恨晚，暫時呢生人食過最好食嘅糯米飯（要煮得軟韌適中，真係唔簡單）蒸斑一上菜見到魚肉半透明已經知有幾嫰滑，重點是好材料不用落重味，每口都食到魚的鮮甜。炸子雞雞皮薄如豬肉紙，夠脆瑤柱荳苗瑤柱多到成座山咁......腰果露店主自家磨，夠滑夠香（唔會太甜)

📌 金沙小廚 - 紅磡崇潔街12號地舖🗓(11/6) 星期日 ⏰ 晚上7點左右 💈特式：因為呢間小廚我好就腳，所以我去日都會幫襯，最近如果有朋友生日，人數又唔多，我城就會選擇嚟呢度食海鮮，不過有好多海鮮要起碼提早一日訂。🥩🍔🌭🌮🥗🥯🥘🍲🍝🍣🥟🍤🍱食物：今次一行4人，所以叫左個龍蝦4人餐，不過菜單上我就作出左以下更改：-上湯龍蝦個炸麵底改左伊麵底；-清蒸沙巴龍躉改左做豉汁蒸蟶子皇；-另外再額外加左個酥炸椒鹽瀨尿蝦；等我同大家講下🦞🦐🦀味道先。上湯焗澳洲龍蝦(伊麵底) - 呢個龍蝦做得比酒樓好好多，平時酒樓做嘅龍蝦出嚟通常都好韌，呢度做嘅龍蝦就真係可以用爽口彈牙嚟形容，因為係用上湯焗，味道就比較清啖，但就可以易d食得出新鮮龍蝦嘅鮮甜。原盅燉魚翅螺頭湯 - 一人一盅嘅燉湯，好足料，湯頭又消，味道又濃郁。滷水冰鎮鮑魚 - 首先隻鮑魚size都幾大隻，同埋鮑魚呢d比較難入味嘅海鮮，佢都食到有滷水味，佢仲有配埋wasabi嚟食，但佢地個wasabi真係超嗆鼻。豉汁蒸蟶子皇 - 蟶子皇成隻筷子咁長，用左豉汁蒸，而且佢地d豆豉蒜蓉醬入面再加左陳皮，味道更為特別。酥炸椒鹽瀨尿蝦 - d 瀨尿蝦直

同一班朋友去紅磡金沙小廚食晚餐估唔到鋪仔細細原來收埋咁勁既廚師最尾食到捧住個肚走 大滿足雖然餐廳唔算寛敞不過老闆娘服務超好而且友善又好客  龍鬚炸蝦丸**** 酒樓飲宴大廚房質素爽口彈牙酥炸生蠔(美國桶蠔)***** 唔洗入西貢鯉魚門都食到咁正既酥炸生蠔啖啖肉勁滿足杏汁菜膽燉白肺湯**** 清甜滋潤唔怕杏仁味既一定鍾意豉油王花竹蝦**** 隻隻都又大又新鮮仲有膏 送飯一流紅酒燴牛尾***** 牛尾炆到好淋好入味 鋪底既紅蘿蔔好食到不得了炸子雞**** 炸到啱啱好超香口瑤柱扒西蘭花 瑤柱蛋白炒飯 菠蘿咕嚕肉 椒鹽鮮魷 最後食到差啲行唔郁小炒夠鑊氣 炸野有功架 燉湯又好飲住附近既街坊好幸福 T^T誠意推介經過個頭既朋友去試下

早排朋友食完後話好食既一間小店~環境雖然有d細，但係食物性價比好高！而且自己帶酒去飲唔收開瓶費，開心仔 🍷🍷🍷🍷小弟就偏愛食炸野既，朋友就介紹脆皮炸子雞🤤隻雞一黎到，就急不及待起筷啦！隻雞外脆內軟，皮炸到好可口好乾身，雞肉仲有汁同好嫩口！平時唔食雞皮既我都因為佢d皮夠脆食多左幾塊🤤🤤另外點左4舊炸蟹鉗，又係好食既小食！配啤酒真係冇得輸！可惜我唔係住個頭附近，如果唔係會周不時去食下d家常小菜 😭

📌 金沙小廚 - 紅磡崇潔街12號地舖🗓(12/12) 星期一 ⏰ 晚上6:30左右 💈特式：呢間隱世嘅小廚，我返屋企成日都會經過，但可能佢門面唔係好起眼，所以開業近10年，Openrice都係得5個評論，所以除左熟客都無乜人識去尋覓佢嘅美食。🥩🍔🌭🌮🥗🥯🥘🍲🍝🍣🥟🍤🍱食物：因為冬天佢地推出左羊腩煲，我早幾日已經幫襯過一次，因為真心好好食，所以今日特登要帶另一個朋友起去食，等我同大家講下🐐味道先。古法羊腩煲 - 佢個羊腩煲賣$288，仲會包埋一大碟生菜，雖然出面多數都有包生菜，但佢呢度生菜嘅份量起碼係平時嘅兩倍。另外，講返個羊腩煲味道真係一絕，味道香濃得嚟又唔咸，我最尾係連所有汁都當湯飲埋，羊腩炆得夠淋，就連佢切得比較大舊嘅肉都係炆到好淋，皮又有咬口，仲要食得出係用正宗黑草羊，入面配料仲有冬筍/冬菇/馬蹄/炸支竹等等。菠蘿咕嚕肉 - 今次叫多個常見嘅小菜試埋，朋友對呢個小菜讚不絕口，話下次再嚟一定要再叫呢個，佢地用嘅唔係圓轆轆有骨嘅排骨，係用無骨嘅豬扒，炸粉唔厚，但好香脆。晚市仲會有糖水送，我剛剛食呢兩次都係送腰果露，真係做得比坊間嘅糖水舖仲更加好，好香濃腰果味又唔甜。☕️🍵🥤🧋

同朋友慶祝生日，路過想食中餐見佢唔駛開瓶費就試下佢。 本身見佢細細間餐廳諗住普普通通，點知好surprise ，價錢唔算好貴，仲要好好食！ 食得出D食材好新鮮，特別推薦個金磚豆腐外脆內軟，好好食黑椒牛仔骨唔Un,又夠味，食完唔會覺得好口渴。燉湯好好味，平時唔係好飲湯既老公都話飲完好暖胃，搶黎飲好好服務，自帶酒同蛋糕唔收開瓶費同切餅費，無諗過佢仲會比埋個冰桶我地凍住枝清酒！ 但餐廳唔算好大間，多人食可能要打電話book定檯。

是日午餐一試金沙小廚，一入到去有個肥女人待應呼呼喝喝。食飯時，一放底個碗即收你食物同餐具。突然出面有三位客人等位中，個肥女人待應即刻走過來拎張單放落枱上，然後佢同那三個客人講 ＂入面埋緊單啦！＂。個時我們枱上的飲品都仲有成杯，我地都未打算離開。最後只是食了十五分鐘就俾人迫走，感覺不好，對客人不專重。而且待應只對熟客有禮貌 其他生客就態度差，好似得罪佢咁。我都明白在限聚令之下只能兩人一枱，生意做少左，自然想翻多幾次枱做多幾轉生意。但都未至於如此趕客走，實在對此店大感失望。下次不會再光顧。

崇㓗街內食肆林立中的一間，但在午市時常看到有人排隊在外等候。通常為避免人多，可以的話會選開午市時或2時後才去。每月更新一星期的午市套餐，每天不同，基本有煲仔飯、蒸魚、小炒等。但很多時2時後才去，熱門的煲仔飯便售完了。故今次早些來。豉汁蒸白鱔煲仔飯，要有些耐性等候，約等15-20分鐘左右，熱辣辣煲仔上始，豉汁唔算太多，味濃，飯乾身但無飯焦的。白鱔有4塊中型size的，味道鮮甜，是煑到爽身彈牙的口感。還配有飲料。 

晚飯時段5個人食，消費共$882。因為當晚有點肚餓，未來得及拍照，故只有影了餐牌的價錢可以提供各位有興趣的人士參考。當中的黃金鮮魷丶黃金蝦和炸子雞值得推介！特別係炸子雞肉嫩皮薄(這個要提早打電話預訂的)，值得推介！

紅磡工廠區每日有大量打工仔上班，所以食肆種類繁多。以茶餐廳黎講，金莎小廚質素尚算出聚。每款快餐即叫即製，天冷時候仲有煲仔飯。唯一缺點是等候時間較長，呢度啲飯特別好食。

在紅磡區返工已經很多年，但平時不經常在紅磡區食午餐。今日難得跟同事一齊出去食午餐，就選擇了佢推薦的「金沙小廚」。中午12:30去到，已經見到門外有幾個人等位。咁就證明這間餐廳一定係唔錯，先至令上班族都願意在午飯時間排隊等食。等位期間，一於睇定餐牌，揀定午餐。原來間餐廳每日都有固定餐單。是日星期五，發覺佢的午餐有好多選擇。搞到我即刻出現選擇困難症又想食「清湯蘿白牛腩飯」、又想食「蜜桃生炒骨飯」。最後我都係揀「蜜桃生炒骨」，感覺開胃些。果然無揀錯生炒骨係新鮮即炒的，味道酸甜適中，有蜜桃、青椒、洋蔥做配菜，生炒骨表皮脆脆地，而且唔係有骨無肉果種$45仲包一杯熱飲，真係物有所值。我決定下次再去試埋「蘿白牛腩飯」。

細小店子，只有約四張四至五人枱及兩張兩人枱，裝修平實，但都很整潔，好像只有老闆娘一人做樓面，但是招呼都很殷勤和細心，入座提供一壺茶，是英記茶包，點了炸子雞，皮炸得又薄又脆，肉質都不錯，值得一試。又點了蟹肉豆苗，很清新又。這裡的湯很好味，雖然都不便宜，一盅小小佛跳牆要六十五元，不過才料十足，湯味濃郁，有一隻小小鮑魚。最後有甜品送，是日有蛋白杏仁茶，非常好味！

因為家住附近, 所以常在祟潔街一帶搵食. 早2年前開始已常幫襯金沙小廚, 發現openrice上竟然無佢地資料   所以2月幫襯過後, 即刻拍下相片提供資料給openrice介紹給大家!  小店只有夫妻2人打理, 從店內相片得知, 大廚曾獲得??廚神大賽的獎項. 小店來說, 算幾多選擇. 燉湯好好飲, 推介! 我們食量較細, 平常會叫2人餐, 再加一個小食或小菜, 就夠3人share食! 第一次幫襯煲仔飯, 好多餸! 飯焦香脆好好食! 蜜桃咕嚕肉, 改用香口的腩肉, 走過油所以較香脆. 同平時的咕嚕肉有點不同. 怕肥膩的人可能比較不合口味! 金沙小炒皇, 足料夠鑊氣, 係我至愛! 蝦醬欖菜肉碎炒飯, 聽個名都知惹味, 每次黎都會叫!! 每次幫襯, 老闆娘都會送糖水. 食過紅豆沙, 紫米露都好正! 今次係滋潤木瓜雪耳...不過我食晒d木瓜先記得影相! (糖水送完即止)