影片
更多
2022-12-12
552 瀏覽
📌 金沙小廚 - 紅磡崇潔街12號地舖🗓(12/12) 星期一 ⏰ 晚上6:30左右 💈特式：呢間隱世嘅小廚，我返屋企成日都會經過，但可能佢門面唔係好起眼，所以開業近10年，Openrice都係得5個評論，所以除左熟客都無乜人識去尋覓佢嘅美食。🥩🍔🌭🌮🥗🥯🥘🍲🍝🍣🥟🍤🍱食物：因為冬天佢地推出左羊腩煲，我早幾日已經幫襯過一次，因為真心好好食，所以今日特登要帶另一個朋友起去食，等我同大家講下🐐味道先。古法羊腩煲 - 佢個羊腩煲賣$288，仲會包埋一大碟生菜，雖然出面多數都有包生菜，但佢呢度生菜嘅份量起碼係平時嘅兩倍。另外，講返個羊腩煲味道真係一絕，味道香濃得嚟又唔咸，我最尾係連所有汁都當湯飲埋，羊腩炆得夠淋，就連佢切得比較大舊嘅肉都係炆到好淋，皮又有咬口，仲要食得出係用正宗黑草羊，入面配料仲有冬筍/冬菇/馬蹄/炸支竹等等。菠蘿咕嚕肉 - 今次叫多個常見嘅小菜試埋，朋友對呢個小菜讚不絕口，話下次再嚟一定要再叫呢個，佢地用嘅唔係圓轆轆有骨嘅排骨，係用無骨嘅豬扒，炸粉唔厚，但好香脆。晚市仲會有糖水送，我剛剛食呢兩次都係送腰果露，真係做得比坊間嘅糖水舖仲更加好，好香濃腰果味又唔甜。☕️🍵🥤🧋
🗓(12/12) 星期一 ⏰ 晚上6:30左右
💈特式：呢間隱世嘅小廚，我返屋企成日都會經過，但可能佢門面唔係好起眼，所以開業近10年，Openrice都係得5個評論，所以除左熟客都無乜人識去尋覓佢嘅美食。
🥩🍔🌭🌮🥗🥯🥘🍲🍝🍣🥟🍤🍱
食物：因為冬天佢地推出左羊腩煲，我早幾日已經幫襯過一次，因為真心好好食，所以今日特登要帶另一個朋友起去食，等我同大家講下🐐味道先。
古法羊腩煲 - 佢個羊腩煲賣$288，仲會包埋一大碟生菜，雖然出面多數都有包生菜，但佢呢度生菜嘅份量起碼係平時嘅兩倍。另外，講返個羊腩煲味道真係一絕，味道香濃得嚟又唔咸，我最尾係連所有汁都當湯飲埋，羊腩炆得夠淋，就連佢切得比較大舊嘅肉都係炆到好淋，皮又有咬口，仲要食得出係用正宗黑草羊，入面配料仲有冬筍/冬菇/馬蹄/炸支竹等等。
菠蘿咕嚕肉 - 今次叫多個常見嘅小菜試埋，朋友對呢個小菜讚不絕口，話下次再嚟一定要再叫呢個，佢地用嘅唔係圓轆轆有骨嘅排骨，係用無骨嘅豬扒，炸粉唔厚，但好香脆。
晚市仲會有糖水送，我剛剛食呢兩次都係送腰果露，真係做得比坊間嘅糖水舖仲更加好，好香濃腰果味又唔甜。
☕️🍵🥤🧋🍺🍷🥃🍹🧉🍾🍶🥛
飲品 - 食得羊腩煲都係想保暖，但又驚燥，咁就梗係叫返支啤酒啤啤佢啦。
🍽環境：餐廳室內位置唔算多，只有5~6張4人圓枱，環境同裝修都比較舊，但都算乾淨企理。
🤵🏻🤵🏻♀️🤵🏻♂️服務：職員態度都幾親切，但樓面得老闆娘一個就好似有d忙，另外可能真係做開熟客，見佢同其他客人都好熟落。
💰💸價錢：今日叫左一個羊腩煲，一個咕嚕肉，兩支啤酒，埋單都係$450左右，我就覺得抵到震，咁嘅價錢食到私房菜嘅味道，真係超值，淨講個羊腩煲，呢個價錢出面未必搵到咁好食。
🐲💬總結：我因為住附近，所以長期都會幫襯，尤其係而家食羊腩煲嘅季節，我一想食羊腩煲就一定係去呢間，希望我介紹完之後唔會搞到我自己要排隊先有得食啦。
推薦指數：❤️❤️❤️❤️❤️
古法羊腩煲
$288
19 瀏覽
0 讚好
0 留言
古法羊腩煲
$288
16 瀏覽
0 讚好
0 留言
菠蘿咕嚕肉
$88
24 瀏覽
0 讚好
0 留言
張貼
