金沙角大牌檔 (已搬遷) 新店位置

睇完話劇，想找找小菜吃，沙田出名地之一，當然是沙角村，那就不妨一探，全場很多人，忘了那間最好，那就試試老字號，不過入耐人不多，但又不想等其他，那就去吧！四人同行，啤酒先上，再來小菜．豉椒炒聖子，很多水又不入味金銀強炒波菜，真的很大碟，不過只是一般沙拉骨，是全部算最美味，骨很入味，汁料適中椒鹽九肚魚，完全不乎椒鹽的感覺，好像脆醬炸魚，又不好味，賣相又差，完全失望價錢雖是平民化，但食物就比預期差，下次都試其他．

墨魚咀--very very good!其它---very very bad!地方--very very dirty!曱甴,老鼠--very very 多!根本上and事實上, 可以不去! 除非你痴線! (如有關人等收到以上comment, 請從速改善!)

想同女友今日反璞歸真，平平哋踎吓大牌檔食番餐...想起十多年前响呢度同老友們邊食邊劈酒，不禁百般滋味在心頭..家陣已從酒壇退出江湖，但現在依然不斷週圍揾好嘢食...往事只能回味...可惜事隔多年，呢度嘅水準卻係急劇下降...大家估吓係張相最前面嗰碟係乜嚟 ? 唔講都唔知係沙拉骨...賣相已令人倒胃...蠔餅D薯粉多過乜，揾嚟揾去D蠔仔都唔知去咗邊，油又多過乜...算吧la....>__<

很久之前食過，雖然唔算太出色，但也不像今次這樣差的。我們叫了菠蘿咕嚕肉、椒鹽沙和蒜茸炒菜花。菠蘿咕嚕肉- 味道太酸、咕嚕肉又韌，骨又大舊，食到牙都軟。椒鹽沙- 唔新鮮又韌，味道只有辣味，相信係唔新鮮作為僻味用吧。食了兩舊便放棄了，認真差又難食。蒜茸炒菜花- 都唔算太差，只是菜花偏老，比較上韌，但總算食得落肚。食的途中，還看到一隻大老鼠過，真係慢慢行的那一隻，看來都是食店大的了，真係....全部食物都偏韌，食完也要一段時間，牙肉才沒有這樣酸軟，看來都唔再來食的了。

昨晚一行五人去食，不過食完之後一致都覺得唔掂，又或可以用垃圾黎形容，食完仲即時肚痛添。椒鹽九肚魚- 完全無椒鹽味，粉厚，似炸完再炸，食淨半碟。口水雞- 似剛係冰箱拎出黎解左一陣凍咁，隻雞冇雞味，雞完全俾杰檀壇而冇味既醬覆蓋住。椒鹽腰果蝦干- 叫做ok，腰果仲脆。煎蠔餅- 極少蠔，似煎蛋餅，無味。蝦多士拼魚多士- 賣相好怪，不過對比其他都算過得去。涼瓜魷魚- 涼瓜不過不失，不過魷魚有怪味，似變壞左。

之前睇到大家收到0甘好食, 所以擒日都去試下.我0地一行人6點半倒去到, 食到8點鐘, 全場都未坐滿.我0地一行4人, 叫0左以下菜式:粟米魚肚更$38 - 幾好咪, 最小0的蛋花都算滑溜墨魚脆波波$58 - 成個都係用墨魚打成0既, 外面用杏仁片包住0黎炸. 墨魚肉熟得0黎而杏仁片一0的都無燒焦, 都算大廚手藝幾好.紅燒乳鴿$28 x 2 - 略嫌0的皮唔夠脆馬拉盞炒油墨菜$28 - 有0的overcook, 0的菜太淋, 馬拉盞又唔香.蒜蓉蒜海中蝦$60 - 0甘多碟0黎講, 都算做抵食都好味.大致0黎講, 我都打算第日再去encore.

大概十八年前左右，因在沙田區工作關係，每晚十時半收工後，總愛和八至十個同事到金沙角打冷食宵夜，其菜式製作水準甚高，當中的韮菜猪紅、生腸併墨魚、鹅片、蒜茸炒蒜芯、椒鹽竹仔魚、炸大腸和蝦乾小炒皇都是一眾人的喜愛之選，間中會蒸條魚和蒜茸蝦，再飲十零廿枝啤酒，呻一呻返工的寃屈氣和講一講老細的壞話，簡直係一樂也！直至零晨過後就拖着闌珊的腳步回家，我們喜歡到金沙角是除了喜歡它的菜式好味外，還喜歡它位處街邊大排檔，大家可以粗聲粗氣地高談闊論唔怕失禮。如是者，在金沙角渡過了幾載寒暑後，小弟终於要離開沙田到別處謀生了，由當天至今都沒有再到金沙角食飯了，但腦海對金沙角的小莱依然歷久不忘，直到最近，舊同學相約到金沙角食晚飯，對舊地重遊，我感到莫名的興奮，經過十五、六年時間的洗擦，基本上沒有太大的轉變，只是以前坐的膠櫈改為較舒適的有柄木椅，再加部LCD大電視，可供邊食邊睇劇集，菜式方面，我刻意點選了韮菜豬紅、生腸併墨魚和鹅片，此三款菜除了可以懷緬一番過去之外，還可試一試當年的高水準作品有沒有質素下降，但當我一試之下發覺其水準果然歷久不衰，其他菜式包括：羊腩煲、油鹽水泥鯭和金菇肥牛煲也有不俗水準，結帳每人花費八

踩完車終點係大圍，搭了兩個馬鐵站落o黎食，可能大家都去了長洲搶包山關係，竟然冇乜人，換轉一般的星期六、日，都幾難虛。因為除了我之外，仲有兩位老友都鍾意食生炒骨，避免大家爭食，索性生炒肉、咕嚕肉各一碟，最後兩碟都沒有分別，因為每碟裡面有骨亦有肉，可能分開落單情況會好D。大排檔當然夠鑊氣，所以兩碟都做得算有水準，可惜食到最後時，有幾舊骨(肉)有少許油"益"味。煎蠔餅-這個比尚興好好多，起碼唔會濕、唔會腍，是脆脆的，唯一唔好就是蠔仔唔多。墨魚脆脆波-外層脆、中間爽口彈牙，而第三層有略溶的芝士，一啖咬下去感覺幾得意，芝士味幾濃，除了已過了墨魚味外，食了一整粒後都好溜。薑蔥魚云煲-雖然用薑蔥整法，決少了薑蔥的香味，但勝在熱辣辣。雞、羊串燒各半打-終於搵到間燒得好食的雞肉，雖然係急凍肉雞，最起碼唔會燒得乾"爭爭"，好似食雞肉乾。羊肉串有羊羶味，不過咬落好腍，感覺怪怪得。蒜蓉炒莧菜-有一段酒樓炒菜的問題，就是多油。6個人加埋啤酒、汽水都係$310，真係抵。食飯時我老友見到有兩三隻「鼠輩」橫行，其實係大排檔食飯都預o左。

我地J.A.M.今日去咗沙田行街,重搵到間好野,就係去金沙角大排檔食飯.6點幾去到,揀左對住大電視個張檯坐,叫左3個小菜.墨魚脆波波- 內裡D墨魚打到好滑,重加入左芝士,而外面用咗杏仁片,炸到脆卜卜.不過食得多會好漏千島汁明蝦球- 蝦好爽,用咗蕃茄,蜜桃,芒果,西瓜一齊炒,甜甜地幾開胃,D西瓜唔夠甜,好難入口紅燒斑腩煲- 有燒肉,豆腐,東菇同主角斑腩,好入味,送飯一流.小菜都算OK,價錢合理,下次要叫多D人去試,咁就可以試多幾款啦,哈哈!!!

我同男朋友第一次去金沙..食避風塘炒蟹($60)-- 好好味..D蒜頭同辣椒都好香...不過D蟹就細隻少少...還可以啦.D蟹大隻DEE的話我就會比100分京蔥炒肥牛($28)-- 主角肥牛不錯啦...配白飯...正...不過我就覺平凡D...可有可無...蒜蓉白菜仔...熱騰騰...I like it..

因為有馬鐵,好方便,成日去, 介紹幾款心水俾各位啦! ^Q^黑魚脆波波--- 好好味架, 係用新鮮黑魚打成黑魚丸,再響入面加入芝士, 外層係杏仁片, 脆卜卜咁,一碟有10粒左右,都幾大粒, $58一碟, 好美味煎蠔仔餅--- 即叫即煎, d蠔仔唔係太細粒, 個餅好脆, 必叫豬紅韮菜--- 熱辣辣, 又夠味, 以我精細既味覺話我知,應該真係豬紅而唔係雞紅黎架!豉汁蒸鱔--- 一般大家食到既水準蘿蔔饟鮮魷-- 唔好點.. .....食落種感情....好奇怪... ...好特別...~o~''田雞粥-- 唔鐘意咁多古月粉既就叫佢落少d,因為佢地慣左落好多!

今朝一早叫終極請食飯，去沙角村熟食檔o既金沙角~ 以大排檔o黎講，依度算乾淨，地下唔冼，燈光夠光猛~ 仲有好多部電視俾你睇~ 一坐低，一位好高o既啤酒妹就成功要終極order o左三支藍妹~ hahaha!一望個餐牌.....除o左韓國菜館，估唔到依度都有"大長今御膳"~ 食肆阿叔就介紹我地食:沙薑爽肚- 好似終極咁講，太濕，唔夠乾身，沙薑味出唔到~ 泰/越式燒羊肉串- 阿叔好老實，話泰式同越式係一樣o既~ hahaha! 一上檯就好香孜然味，面仲有d芝麻，肉好酥，o岩我，但係d肉係爽o既... 露荀炒班球- 起碼露荀夠甜，班球夠爽，合格~ 椒鹽腰果墨魚嘴- 真係幾好味，連腰果都好脆~ 不過依d食得飽o既腰果都係少食為妙~食完四碟終極都話未夠飽，左選右選之後就要o左: 燒釀吊桶- 唔錯! 外面燒得幾香，汁o既甜味o岩o岩好，餡有蝦米，白蘿蔔同肉碎，食晒都唔覺漏~ 飽到頂上心口，埋單$228，幾抵食~

今朝晨咁早9點未夠就已經比隻病貓約食晚飯，差D打亂我整個plan，好彩我禽晚已經諗好今晚食咩。放是收工E然可以飛完個靚髮先食飯。今晚選左沙角村熟食檔的金沙角，想試下大牌檔風味小炒。估唔到見到的竟然係大長今御膳…天啊！點菜時先問下有咩係金沙角的金沙GOOD介紹，幾驚佢叫我食金沙骨。介左個墨魚嘴嘴，好味，由其相比之前個燈映魷魚鬚。不過就嫌腰果多左小小。跟住有個燒羊串，就梳打左小小。沙薑炒爽肚中庸啦，莞西搶味之餘沙薑味唔夠，可能因為太濕身沖淡左。露荀炒班球有酒家風味，一樣係咁無性格食完都唔記得咩味。最後未來見未飽諗住食個口水雞or麻辣鴨舌好呢？結果要個炸釀吊桶，估唔到咁先反高潮。桶內釀左蘿蔔絲、冬菇絲等，香口得來又清甜。可能因為今餐無叫個重味的送，所以硬係好似無咩野食過咁。雖然碟頭唔大，不過一樣係飽飽。味精當然有小小，食完口乾乾地。埋單連B酒$230 有找，抵食。貓就當然更加會話抵食啦！現場無冷氣，食完即閃。

昨晚我和男友去沙角村取錢,去金沙角小販食沙肚,我想食,我試下吃,我feel很好食,我想買,算了,下次我會幫襯,我男友鍾意食^^,如下次我去買番薯紫心和黃金,再有和男友在食堂吃小食,^^~~ 等再吃糖水,再去博康村熟食有燒烤食物,我想食,我流口水,我會食,我前有食烤蜜糖腸,很好食^^

以前成日去食,d野好抵食同埋好好食~~大家得閒去試下啦^^