金沙餐廳

營業中

休息中

叫左份鐵板燒炒烏冬，好香，味道唔錯。跟住我地叫埋枝竹牛腩煲，冰梅焗肉排，啫啫通菜煲。+9蚊中有套餐，一個飯，湯+菜。。好抵。牛腩味道一般，不過竟然有好多牛筋，我最中意食，不過有d 牛筋軟身有d 就一般。最好食係啫啫通菜煲，配飯一流，肉粒勁多。配飯就唔咸。冰梅肉排唔評價，因為我唔中意食酸，但見到好大塊..我屋企人就話好好味。值得讚的係服務態度。good ，我要杯水，佢問我要熱的還係岩岩好的。平時去餐廳鬼有人甘問你咩，係唔係都懟杯熱水比你，飲都飲唔到。值得讚。

星期日唔出街, 休息下HEA下, 係屋企附近慢慢食個下午茶啦.鮮茄濃湯肉碎水晶通粉: 蕃茄湯不算濃，水晶通粉幾滑，份量多，肉碎不多，其他配料蕃茄，薯仔同蘿蔔都多同大舊腸仔炒滑蛋迷仔牛油脆豬飽: 蛋滑但不夠蛋味及調味，略淡口, 豬飽尚算脆但不夠牛油香，腸仔煎得恰好凍檸茶不過不失埋單 $42 份量多, 味道OK

今天下午工作經過大角咀，念住是但找間茶餐廳食個午餐。入了這間叫金沙的餐廳，看看餐牌除一般午餐、特餐外，還有什麼青藏牛肉麵套餐咁搞鬼。試試佢，叫了個火辣牛丸湯拉麵，都只是$26還有杯熱飲，都幾抵。火辣牛丸果然夠火辣，辛辣味道十足，未在其它麵店食過，我估可能是自製，牛肉混入辣椒再打成肉丸，我吾太食辣所以覺得都ok辣，不過又幾好味！湯底味道非常濃烈，似十足青藏的那種風味，去過西藏玩就會明白，異常野味。拉麵是以粗麵條造成，有韌力、富彈性，配合這濃湯很正！

成日喺深水埗搵食有d厭，呢日行過d去大角咀食個靚早餐。一入金沙普通茶餐廳格局，無乜特別。時間還有5分鐘就11:30(早餐時間至11:30），拿拿臨叫早餐，可惜全場只有一個樓面，有點應接不來，幸好也趕得及點餐。我點了蕃茄肉碎水晶粉配奶油豬連熱飲($29）。看餐牌時以為水晶粉是透明的，怎料來到卻發現不是(那為甚麼叫水晶粉呢）。嘗嘗味道吧，蕃茄肉碎湯底是不錯的，酸甜味適中，也很開胃，粉是小小圓條型的，比通心粉滑一點，總體ok!奶油豬真的值得推介，首先包是大大的，切開2邊。一入口又熱又脆口，口感很好，加上表面是甜甜的奶油，跟包底很夾! 下次會為左奶油豬再來哦！

這是樣的，見這餐廳門面不錯，看一看門外餐牌，打算點個下午茶餐再加多個菠蘿油，之後進入坐下再仔細看，見B餐的牛扒便叫了個女侍應來，點了B餐牛扒跟薯菜，要蒜蓉汁，熱奶茶。奶茶很快就到，可惜茶味薄弱，奶亦不足，似是稀釋過的一樣。 之後一個中年男侍應把帳單插在玻璃下面，位置不靠近我這邊，沒有把它拿出來我看不清楚。最後主角來了，我還沒有想過不是牛扒的，先吃那薯角，很炙熱，有新鮮炸起來的香脆口感。 切下"牛扒"才發覺不是牛扒是雞扒 ， 我不吃雞皮的，吃雞肉只屬一般，不粗糙也不嫩滑。其實沒有牛扒說清楚就可以了，我是絕對沒有問題的，不過做事隨隨便便「側側膊，唔多覺」，這個我倒是不能讚同! 

來了埃華街, 想食包/三文治做下午茶,見依到有,就入去試下.等左10分鐘左右, 終於有得食啦新鮮, D 醬又剛剛好, 豬扒有味, 我覺得同中環蘭記有過之一不及下次再來試其他野

那天晚上我行完旺角見肚餓就去左大角咀金莎餐廳食反  到左D侍應服務態度都唔錯  尤其係著藍色制服戴眼鏡既部長  唔止招呼好  英文仲好厲害  同D外國佬有講有笑  GOOD   入番正題  我當時非常肚餓  就叫左鐵板肉眼扒  飲羅宋湯  仲有一件朱仔包送  正  YUMMY YUMMY  紅湯配朱仔包  冇得頂  之後  鐵板到啦  塊扒都幾大塊  黑椒汁又唔會太辣  最緊要塊扒真係岩岩好  又唔會太淋  又唔會太硬  吃完諗住抺嘴既時候  果位部長走過黎收野仲話有雪糕甜品送  天呀   邊有咁多野食架  非常抵食  埋單連凍飲都係80蚊 

一入到去，我搵位仲快過個帶位果個跟住坐左係個卡位，得我一個當然我坐埋一邊啦 叫左個下午茶「沙牛公」跟火腿炒蛋再配冬田對面坐左位女士，叫左熱央同「朱扒炒冬」佢個杯冬田整到好似杯冬央錦到個下午茶「沙牛公」跟火腿炒蛋，睇得出份量係少過早餐囉，都食得落肚，但唔飽得去邊。食完晒下午茶想叫個西多，個肥仔一直企係旁邊同個客仔吹水，跟住又走埋兩個伙記係旁邊，但係叫左兩次三條友都無一個應我，對面位女士幫我叫佢地都無一個應，之後個肥仔望到我眼神先肯行埋來，入完單繼續同個客仔吹水個西多來左佢無俾位我，我細聲話我用手指食呀=,=對面女士都笑左叫個肥仔，跟住我同個肥仔講唔該俾刀叉我呀，佢俾左我之後我叫佢唔該俾埋糖醬我呀，佢好似聽唔到錦繼續同個客仔吹水對面位女士都忍唔住話佢叫你俾糖醬呀，個肥仔先俾我之後到個西多啦切開後發覺入面係勁軟淋淋而且中間同個薄多差唔多薄 ooooooooooooooooooooooooooooo對面位女士都有同感，佢都話佢的「朱扒炒冬」凍的==食完晒後先發覺碟上有毛髮

今天點了焗葡國雞飯, 真的後悔不得了.賣相係似葡國雞, 整個焗窩, 都鋪上葡汁, 總有椰絲粉洒在中央.食落就知大件事, 雞肉並沒有掛上半點葡汁.雞肉食得出係雪雞, 煮之前好似沒有先調味醃製而直接拿去白烚, 跟住放係炒過既飯上面, 再撈上葡汁拎去焗咁.雖然雞肉與葡汁係同一個焗窩內, 但出奇地冇相遇過, 一些葡汁都滲入唔到雞肉內!食緊白烚雪雞撈葡汁飯, 超難食.

金沙餐廳新開張既第一日, 我地夜晚去了試佢既食物。裡面既燈飾同裝修比其他港式餐廳誇張, 估唔到裡面有咁既吊燈。我地點了幾款經典小菜, 加 $8 轉套餐, 有例湯, 白飯, 凍飲或者熱飲, 都幾抵食丫。番茄薯仔湯味道還可以, 有點太鹹, 而且浮一粒粒油, 唔係 that appealing...., 但可接受。京都肉排 ($54):肉排份量幾多, 大大件。酸酸甜甜既醬汁, 幾開胃。菠蘿咕嚕雞球 ($54)咕嚕雞球既味道都唔錯。略嫌雞肉唔係好嫩滑, 但好彩脆皮唔係好厚, 唔會粉粉地。涼瓜炒牛肉 ($54):我平時好少食苦瓜, 但涼瓜唔係好苦, 炒得唔錯, 我都食了好幾件。牛肉鬆軟, 但食落, 唔會覺得放了太多鬆肉粉, 味道唔會過鹹。 紅燒班腩 ($58):呢碟小菜要貴少少, 但無我想像中咁好食。可能因為之前o係第二間餐廳食過用砂煲炆煮既紅燒班腩,魚塊會入味 D, 同有一些 bubbles 煮呀煮呀, 所以難免會覺得金沙既呢碟小菜差少少。

中午經過見新開張。門面裝修都幾靚,入去試試。午餐五款點左兩款。燒汁豬肶肉飯,豬肶肉又軟又淋。唔系疏打粉拿淋。入味好食。馬來蝦球炒貴刁.即炒夠鑊氣.用幼河粉更入味.蝦球爽口,原隻大蝦球重有七八粒,足料,系唔夠辣,可能我愛辣d女孩子散叫咸魚雞粒炒飯。咸魚切到好細食起上來唔會有硬同太咸,飯本身炒得干身香口,女仔都成碟食晒環境漂亮闊落。食物質量不錯。 整體不錯。下次要試試晚餐又如何先