金泰園 (已結業)

呢間街坊價泰國菜認真抵食又好食。今日下午茶時間黎，人流唔多，坐得好舒服。點左扎肉雞絲冬陰功湯河粉。一上枱湯粉賣相一流，十分吸引，亦聞到好香。冬陰功湯酸酸辣辣，味道濃郁，配撘河粉岩岩好，雞肉算嫩滑，扎肉中規中矩，整體而言，係高質既一碗湯粉。熱奶茶亦岀奇地好飲，係港式茶餐廳沖岀黎既味道，茶底夠濃。決定要下次晚餐黎食多次呢間泰國餐廳。

太甜嘅龍眼冰，見到隻色都覺得伏炒金邊粉太酸，冇左我最愛嘅花生碎，少左d香味馬拉盞炒通菜都幾香，但太咸，咸到苦😅芒果糯米飯芒果冇乜味，糯米食都冇乜香味，個椰汁得個甜字

今日下晝黎左青衣長發商場，過晒lunch time唸住去食個tea 啦， 但又唔想食快餐店，唸起5樓有間泰國嘢都好少食，所以就黎試下啦一入到餐廳大概坐左一半人到啦，位置都好闊落，好多卡位，裝修環境都唔錯呢到既下午茶由2點至6點，選擇都好多，有成30款，湯粉麵/炒嘢/多士都有咩口味都滿足到啦我最後就揀左肥牛湯金邊粉，加左4蚊轉冬陰公湯底，個湯底好濃郁，好好味，同埋食完都唔會覺得口乾，正！埋單$45蚊，我用支付寶比，再減多2蚊

當晚6點半進店只有4，5台客，叫了餐，一路等到7點，開始多人客，我們點的海南雞飯沒帶出現，問了服務人員，之後跟進話就有，7點15分，我們看到有幾台客人遲我們進場，但有海南雞飯，到我再次問服務員的時候，他說今天沒有雞飯，說要幫我轉燒雞飯，餐廳經理聽到我再問為什麼我早到場，早下單，反而會冇？餐廳經理聽完就大叫，海南雞飯冇，換個燒雞比佢。態度十分惡劣，我們不會再吃這家店了

有天假宵禁，各區人士都可能會留在自己屋苑屋村附近吃東西，跟住很多餐廳都大排長龍，但我們竟然碰巧有幾張桌子一同離開，因此有空桌可以坐下吃東西。剛剛好亦都非常肚子餓，看看餐牌，除了船河，還有一些炒飯炒粉或是海南雞或是豬脾。奇怪的是，反而我們叫炒粉、炒河、金邊粉的，比較快來到，而要海南雞以及豬脾，幾乎最尾先來到，他們都等了20分鐘有多。金邊粉的用料不多，好像是有些蔥、芽菜、蟹柳、金邊粉、豆乾，味道沒有特別，也沒有見到香茅，或是辣椒，反而味道較平日的特別甜，由於很快來到，因此不算鑊氣很強。旁邊還有少許花生碎，如果比較淡味，加少許花生碎都可以令到炒金邊粉多一層香氣。凍檸茶，即使叫了少冰，也足足有5分3杯冰，茶味已經不濃郁，還有這麼大杯冰，凍檸茶又怎會好喝呢。雖然有不少人在外邊排隊，但內進試過之後，感覺食品質素也極之普通，還有店內的人員溝通好像你爭我吵，不太完善，一試也算罷。

泰國菜一向都係我favourite, 由於同行入面有老人家，想搵一間坐得舒服既餐廳，於是一行6人去左青衣長發商場呢間泰國菜食晚餐。座位寬敞，唔會坐得太逼，又有梳化位，用膳途中仲有侍應幫客人加水，服務唔錯。2食物方面，有長者既關係，今次無點到辣既菜。叫左酸辣鳳爪，菠蘿炒飯，馬拉盞炒通菜，肉碎生菜包。甘多樣菜裡面，最好食係肉碎，肉碎食落好juicy,又唔太辣。酸辣鳳爪都唔錯，酸酸甜甜，當開胃菜甘食就一流!

差評喺無骨鳳爪裡面搵到條頭髮....碟鮮蝦金邊粉係甜味嘅有幾伏自己諗啦大家 價錢不但止貴 而且食物衛生有問題 喺鳳爪裡面搵到條頭髮真係咩胃口都無晒 一次咁多好喇 啲嘢難食到

今晚去左食金泰園既晚餐，都幾好既環境，人都唔算好多，幾適合一家人去食飯😋但係職員既服務就麻麻地，我想叫人過黎落單，舉左手勁耐都冇人理。佢地淨係掛住傾計，最後我行埋出去叫人先有人理🙈⋯⋯不過食物都ok既，我地叫左一個炒金邊粉，一個小食拼盤，一個芒果糯米飯（仲有得揀白糯米定柴糯米，我地揀左紫糯米😍），一杯龍眼冰，同一杯珍多冰。本來仲叫左個甜品拼盤，但佢漏左單，最後都係cancel左算🙈⋯⋯不過d野食上得好快，落完單無耐就上菜！個金邊粉都幾足料幾好食。而小食拼盤有蝦餅、鳳凰餅、春卷同魚餅4樣野，蝦餅同鳳凰餅勁好食，食到停唔到，相反春卷同魚餅就好一般，魚餅仲有小小怪味。個芒果糯米飯既飯都幾好食，但甜品黎講份量都幾多，有d飽。個芒果都有小小酸，不過overall 都可以接受。

今日去完畢業典禮，去長發商場醫肚仔，正值下午茶時間，記得五樓開咗幾間新嘢，於是帶兩位少爺去食下先~2：30不用等位，只開放半場，但只有寥寥幾台客人，可能位置不太就腳吧～我地揀咗卡位坐，叫咗一個菠蘿海鮮炒飯丶一個下午茶嘅海南雞飯同埋一個下午茶嘅豬扒包加雞翼。仲加＄9要咗杯珍多冰。先講個炒飯，賣相👌，份量適中。味道也不錯，炒飯炒到一粒粒，$51連凍飲合理價位。而海南雞飯就略為遜色，雞肉較＂鞋＂，但有雞味～個黃油飯又不夠香濃，下午茶份量，夠女孩子吃。個汁就不錯。反而豬扒包配雞亦就好出色，豬扒都好厚身，包同雞亦都好脆口。而且佢杯珍多冰也很不錯，有椰奶，有果肉，同D綠色一條條的顆條，值得加錢飲嫁～

上星期第一次試食間新開既午餐泰國菜 都係例牌嗰類野食😂試返平時常常食開既試下啦！首先叫左個泰式海南雞飯個職員都真係冇安全意識的，依碟野成碟放係小朋友嗰個位，應該要提高下依方便知識，餐廳最忌就係熱野放小朋友度碟海南雞飯唔太掂，d雞好唔滑濕炒肉片可ok但份量係十分小，得半個碗仔既河粉跟餐加錢既特飲，簡直係食過更多間泰國餐廳最難飲既一間，椰汁 係淡到冇朋友，冇椰香既味道，似飲稀到加水既椰汁 第一次食左睇黎真係........

周末懶惰唔想煮飯，所以就索性一家人就出街食晚餐，正好商場新開左間泰國餐廳，我地襯機去試下。泰式青木瓜沙律 ($58)青木瓜和紅蘿蔔絲清新爽脆，加上酸酸辣辣的醬汁令人愈食愈開胃。沙津整體唔算太辣，本身怕辣的家中兩老都能接受。泰式鮮蝦炒金邊粉 ($68)金邊粉炒得乾身唔油膩，夾住蛋絲香味，味道適中唔會太咸，算是不錯。脆香咖哩大包軟殼蟹 ($108)麵包過硬不夠鬆脆，咖哩味亦都不夠香濃且過於甜膩。軟殼蟹份量太少了，吃了一大半也找不到半隻蟹腳，確實令人失望。泰式原隻鮮菠蘿海鮮炒飯 ($83)飯量都算多，把大半個菠蘿都裝得滿滿的。雖說是海鮮炒飯，但餸料唔算豐富，也就只有雜菜跟幾塊雪藏魷魚，不過味道甜甜地幾易入口。香茅冰 ($18)香茅味頗為濃烈，味道偏甜，沒有想像中的清新。

今日同朋友們去開青衣長發，睇下有咩食，一路搭電梯一路睇，都無邊間想食，正感失望，上到５樓見到呢間金泰園，一於試下！入到去好多位，就隨便搵個位坐，即刻有侍應黎招呼，好好笑容，落單時仲有講有笑，服務好好！講返食方面，我地有幾個都叫左泰式炒金邊粉($48)，好大碟，而且濕度剛剛好，唔會太乾而入唔到口，不過太大碟，我朋友食唔晒！我另外有朋友就叫左個香芋海鮮焗飯($48)，都係大大碟，睇相就知好足料！至於我就叫左個食親泰國野都一定叫既泰式海南雞飯啦($50)！我仲專登叫加飯，因為平時既我一定唔夠食，佢都俾，好抵！Ｄ飯既雞油味香噴噴，Ｄ雞就好滑，份量就少Ｄ，不過好味就得！總括黎講，叫間屋邨泰國野新開無耐，乾淨企理服務又好，野食ＯＫ，大家快Ｄ試下！

約左朋友食晚飯,係附近食泰國餐,食完返屋企都好快,間餐廳幾靚,員工都好有禮貌,感覺唔錯入到黎店員介紹左D食物比我地,有個二人餐288蚊都幾抵食， 有嘢食有嘢飲仲有埋甜品食 先嚟頭盤，泰式酸辣鳳爪呢個前菜夠曬開胃，帶點酸酸辣辣馬拉盞炒通菜喺泰國菜必叫嘅一個菜式二人餐份量有四分一隻海南雞啖啖肉雞肉超滑而且無骨，食落好方便泰式蝦頭油炒飯 呢個炒飯入面仲有蝦同少量海鮮炒到粒粒分明C有3款揀仲有咖哩/辣椒膏炒大蝦而我就揀咗呢個粉絲蝦煲粉絲煮得好乾身 唔會成餅嘢又唔會太多油 大蝦啖啖肉又彈牙椰汁紅豆冰同青檸梳打夠大杯甜品，椰汁大菜糕

這間泰式餐館外觀不俗。店內的裝修亦有泰國feel, 卡位亦算舒適，座位亦不少。午餐選擇頗多，飯麵小食及特飲式式俱全。亦有精選午餐提供，屬連熱飲的套餐，價錢亦屬經濟實惠。泰式船河選擇頗多，亦可加添小食和特飲。女士若嫌飯和炒粉麵太heavy,可在這多類湯河中選擇。若二人或四人以上而又不欲多費神選擇，可選這些現成的套餐，價錢亦算合理。下午時段選擇亦不少，價錢比正價時段略平。這個海南鷄飯賣相不俗，食材推砌用心，外觀頗能引起食欲。油飯調味頗佳，而鷄肉亦甚嫩滑而無靭的感覺，足証泡制得宜，而泰式醬料更增添鷄肉的醒胃味道。縱觀是次光顧經驗，該店進食環境不俗，出品亦佳，價錢亦算合適，惜未能主動提供白開水，要顧客要求才提供，實屬待改善之處。

最近聽朋友介紹青衣有間泰國餐廳幾正，咁岩今日放工經過青衣，就帶埋女朋友去試一試！呢度普遍泰式料理都有，仲發現原來呢度嘅2人餐都幾抵食，而且選擇類型都幾多，一於就試吓！泰式酸辣鳳爪中式鳳爪就食得多，泰式嘅就真係第一次食，鳳爪係一樣好容易入味嘅食物嚟㗎，所以配料係好重要㗎！呢味係泰式酸辣鳳爪，我覺得佢嘅辣係非常之入味，而且唔係齋辣，佢仲有一股香味，做到真正嘅香辣。至於孫個方面，佢係用咗泰國上等嘅醋去淹製，亦都令人好開胃。最後，加上生菜同蘿蔔絲嘅點綴，更加色香味俱全、馬拉盞炒通菜馬拉盞係比較偏鹹嘅一種調味料，但係煮得唔好嘅話好容易就變成死鹹，尤其是係炒菜呢啲咁容易入味嘅菜式。整體上呢味餸，菜唔會「乾爭爭」，最緊要嘅係個馬拉盞有鹹香，唔會食到你狂飲水！泰式海南雞雞最怕就係「乾」同「柴」，但係呢間海南雞能夠鎖著雞既肉汁，最緊要係唔油膩，啱晒注重健康同埋有追求味道嘅人蒜蓉包呢個蒜蓉包值得一讚，應該係我食過最趣嘅蒜蓉包，好過有時平時食嘅蒜蓉包淋芝芝，呢個相對比較出色！椰汁珍多冰飲品亦都係我哋其中一個期待嘅地方，因為我哋好鍾意飲泰式嘅飲品，尤其是泰式奶茶，但係今次我哋想試吓佢嘅椰汁珍多冰，甜度適中，而