金泰屋

營業中

休息中

大概只有東涌人先熟悉既餐廳喺東薈城2未開之前喺呢個東涌沙漠入面金泰屋係數一數二好食既餐廳今次先介紹小食❤️.🍢泰式串燒豬肉3串+雞肉3串 $78燒得非常好呀 唔會燒到乾哂保持到肉汁喺入面 嫩嫩的點埋個汁 jeng🤤.🍞蒜蓉包(六件) $38小編曾經覺得呢度既蒜蓉包可能係世界上最好食既蒜蓉包但今次竟然退步咗😭明明之前食十次 十次都好食😭平時係海量級蒜蓉 烘得剛剛好但今次烘得太耐 個包脆到有點硬希望下次黎 會食得番之前既感覺🥺.而家呢度食肆多咗唔知大家有冇忘記咗佢呢🙈而小編仍然深愛著佢😂無論係爐魚 炒菜 咖哩 小吃 blahblahblah 都好有水準遲啲再介紹他們家其他菜式😌.前往方法:🚶🏻‍♀️東涌地鐵站A出口往消防局方向步行18分鐘🚌東涌消防局站下車北大醫院方向步行10分鐘

黎到東涌outlet行街,有段時間冇食泰國野，就上網搵到呢間金泰屋，呢間餐廳既位置係北大嶼山醫院格離，較為偏僻，吾熟路既可能都要睇下地圖先黎到。中午黎到有set lunch，就叫左個蝦醬炒飯同咖喱牛腩飯，另外叫左個蒜蓉包。蝦醬炒飯既份量差不多有兩碗飯，黎既時候都覺得好香，食落蝦醬味突出，配有炒蛋肉鬆同切粒既豆角，食落有咬口。黃咖喱牛腩飯既咖喱汁比較稀身，個人就比較鐘意濃d,但牛腩燜得冧身，薯仔未夠入味，如果炸左先煮會更好。而最驚喜既係蒜蓉包，一份有6件，蒜蓉同牛油係渣滿哂成個包，蒜香味濃，咬落外皮香脆，麵包鬆軟，完全吾會硬，就咁食已經好味，食食下想濕濕地又可以沾D咖喱黎食，值得推介珍多冰既配料份量多，配合左一條條既大樹菠蘿，好有咬口呢間餐廳既食物份量算多價錢亦合理，可以邀請埋三五知己一齊黎可以試到更多野食。

餐廳位於東涌北大嶼山醫院隔離，距離市中心都有一段距離，要喺東涌地鐵站坐巴士大約五至十分鐘先到。餐廳以露天坐位為主，好有係泰國街頭品嚐緊泰菜嘅風味。餐廳有五六部涷風機安置於室外，即使係露天亦都唔會覺得太熱。✨泰式豬手（半隻） $78豬手份量十足，炆得非常之冧。豬皮充滿膠質，入口煙韌。🧡中意佢有啲鹹酸菜做配菜🧡✨泰式肉碎生菜 $78可以自行選擇要牛、雞或豬肉。我揀左雞肉，感覺冇豬肉咁肥😛肉碎份量都幾大。香茅味十分濃郁，感覺唔到有辣味，主要鹹中帶酸，加埋生菜一齊食就岩岩好平衝番味蕾。如果可以辣番少少就更加惹味🙈✨泰式蝦醬炒飯 $78份量係平時係街食嘅泰式蝦醬炒飯一點五倍咁嘅size😆炒飯上蓋鋪左一層蛋加大量肉鬆，拌勻一齊食好惹味。😋略嫌蝦醬味淡左少少。總體感覺，餐廳位置偏遠，食物味道中規中矩，食物定價沒有比市區平好多，但勝在以份量撘救，所以CP值都算高。如果黎東涌行山、行outlet 、坐昂坪360.....之後大家要搵野食嘅話都可以試下呢間泰菜

點了三道午餐，海南雞飯，香茅豬扒，咖哩軟蟹殼飯。先說三個之中最好的，蟹飯:咖喱普通，尚食得出蟹味，飯量足。海南雞飯:飯足，汁中上，雞太難咬，太硬，配合汁勉強食得落。最後既豬扒，不能說是香茅豬扒，因它只是塊無腌製過且過多粉既炸豬扒，要不是另外叫了咖喱送飯，整碟給回店舖，難食不在話下，當向店舖反映時，他們只冷淡回應道:係咁架啦，個個都知。所以他們是擺著欺騙消費者嗎?性價比偏低。只能說不再回頭食兼不推薦。

揸車去友人新居的途中 大家都好肚餓 咁岩見到金泰屋好似好正咁 即刻拿拿林泊車🐶衝入去食🤣本身係想食類似亞萊嘜嘜的蒜蓉包🤤 可惜呢度無💔 不過係店員姐姐熱情推薦話必食招牌菜的情況下 我地都係忍唔住手 嗌左一份🤪 有驚喜‼️ 蒜蓉包選用傳統法包做基礎 上面放左滿滿的蒜蓉😍 見識少既我真係第一次見咁多蒜蓉的蒜蓉包🤣 重口味既朋友仔可以要試下😆 不過個人都係偏愛亞萊嘜嘜的蒜蓉包🤪是次美食の美味排行榜📝🥇泰式蒜蓉炒椰菜苗🥬 HKD78🥈泰式肉碎生菜包 - 豬 HKD78🥉泰式青咖哩 - 雞 HKD78🎖泰式木瓜沙律🥗 HKD68泰式生蝦🦐 HKD98泰式冬陰公湯 - 小 HKD88泰式串燒 - 3串豬肉🐷及3串雞肉🐥 HKD78泰式炸蝦餅🦐 HKD78蒜蓉包 - 6件 HKD38薄餅 HKD38椰汁冰🥥 HKD28.推薦度：🌕🌕🌕🌕🌕🌗（滿分十分）

首先我就叫咗生蝦刺身有連埋蝦頭。食落都幾新鮮另外都叫咗個泰式炒通菜而我覺得太辣 所以食得唔多不過我覺得佢個泰式蝦餅真係好好食好有口感同埋蝦味都有嘅 食完之後重點就叫咗個芒果羅米飯芒果唔會酸

有一日踩完單車 經朋友介紹就黎左呢間餐廳 全部野食都好好食 尤其是佢地既沙律同埋金邊粉 全部都整得好有泰國感覺 係東涌好食既餐廳唔多 所以下次再黎玩既時候一定會再黎呢度食晚飯

在東涌最愛歡迎的泰菜館非金泰屋莫屬他是位置於醫院旁邊。除了住東涌人會光顧外，現在愈來愈多到附近行山的人士光顧，所以一到傍晚就會滿座，金泰屋的廚師和侍應基本上都是泰籍員工，所以食物都很正宗一到夏天，天氣悶熱我就基本上都會點泰式木瓜沙律，因為酸酸辣辣，非常開胃而且木瓜沙律的配菜也很豐富，有花生碎，豆角，車厘茄。由於木瓜沙津是即整，所以辣度可以預先跟侍應講。泰式春卷很香脆，入面有粉絲/芋頭。而且份量好多，共有5條。建議多人食用才點。泰式碳燒豬頸肉基本上我每一次都必點，而且是最快清碟的。豬頸肉微甜，由於是碳燒，出爐 非常香，肉質嫩滑。咖喱農夫海鮮包是第一次點，有驚喜雖然是點了(小)，但其實4-5人食都足夠。淡淡的咖喱味，香濃的椰漿味。咖喱汁加上蛋白炒了多種類海鮮，最尾麵包索曬咖喱汁，非常美味有青口/魷魚/蜆肉/蝦肉本新點了牛肉炒河粉，但沒有河粉最後轉了金邊粉。但也不錯，很香 香草味，炒得乾身。但味道帶有一點辣。食泰菜不吃炒通菜，有點對不住自己基本上每枱都必點菜式。但通菜也不是四季也有的菜，有時老闆會說，今天通菜不靚，沒有通菜！哪我也會點燒肉炒椰菜。生菜包炒肉碎也很受歡迎👏他有3款選擇(豬/雞/

真係未食過咁難食嘅青咖喱， 水汪汪嘅配料都唔多粒， 得果幾條雪藏雞扒切出黎嘅幼雞絲， 其實咁嘅quality 真係唔好賣依個item 好過， 配個唔熱嘅白飯酸辣鳳爪沙律，賣相無野，不過好淡，又唔酸又唔辣菠蘿炒飯就正常東涌還有其他更好嘅選擇

今日放工 局長決定同友人一齊relax一下係一個似寒還暖既春冬交界之間 食下泰國菜 因為局長我好喜感受一下泰式風味 仲可以懷勉一下當年今日去泰國旅行既境況結果經友人推介既情況下 我地就專程去到東涌既金泰屋共晉晚膳局長我本身都算係0.32個泰國菜達人 曾經一個星期食足七晚泰國菜所以對泰國菜都有d研究 而且因為生得比較似泰仔(2pm個NICHKHUN) 又喜泰國菜 搞到成日比人誤會係泰國人我地專登揀左室外露天既枱坐 因為咁樣感覺chill d大聲d吹水都唔怕比人投訴 唔怕嘈襯人一坐低就點野飲先啦 決定嗌杯荔枝冰爽下先好清新既荔枝味 返左成日工好攰 飲完就即刻幫我叉返電跟住就叫左d串燒食 因為太好味 唔小心食哂d牛同埋豬頸肉先醒起要影相所以剩係影到雞串燒 但d雞串燒真係好嫩滑 局長我一個人食左8串雞作為泰國野達人都食左咁多串 你就知道哩度既泰式串燒是咁幾把炮泰國菜必食既就一定係生菜包 看似簡單係裡頭既學問係非常深澳如果各位有幸同局長一齊食或者見到我食生菜包 即管黎問我點樣先為止識食生菜包係度就唔多講啦 因為要分三章分三日先講得哂 哩度既生菜包水準都不差 生菜夠爽脆 肉碎又夠惹味 辣味 香料味

岀親東涌做嘢都係食金泰屋，今次都唔例外！lunch time 12點半度已經開始多人，好多地盤師傅都好識揀，lunch 揸車入黎食！Lunch menu 間唔時會轉。今次發覺有印尼炒飯，即刻試吓！果然無失望！炒飯唔洗講，好食夾大份，仲有埋串燒，蝦片同煎蛋！仲叫咗個咖哩軟殼蟹飯，有成隻蟹係入面，咖哩保持番正常水準，餸飯一流！50蚊有找，又包埋湯同嘢飲，真正嘅好味又抵食！東涌住or番工嘅朋友仔唔好錯過！搵日有機會試吓晚飯先！

香港嘅泰國餐廳裏面算係不過不失，不過黃咖喱炒蟹就麻麻哋，成碟野杰撻撻，加埋應該有兩隻細嘅蟹仔，但係價錢就偏貴，冇乜咖喱味。飛天通菜味道可以接受，不過都係細份咗啲，不過覺得個冬陰公湯幾好飲，酸辣程度亦都係中等，反而蒜蓉包同其他開胃菜做得幾好。推薦大蝦柚子沙律同埋芒果糯米飯，呢兩樣同喺泰國食嘅都差唔遠。泰式菠蘿炒飯就建議大家唔好期望太高，上次叫左個濕身而且冇乜配菜嘅泰式菠蘿炒飯。都係果句，呢間野嘅份量比較少，價錢都唔算平。

作為美食沙漠既居民，都清楚明白區內好食既餐廳五指可數。金泰屋就係其中一間一直維持到水準既店鋪。當中最出色既一定係燒物：1．鹽燒魚：要知道整魚既火候同時間既掌控非常重要，過左一分鐘都可以令本來鮮嫩既肉變成粗糙，但金泰屋處理「燒物」真係非常出色，汁料亦恰到好處，能提昇魚肉的鮮味2．燒物拼盤：除左火侯控制得剛好，保持到肉質既軟硬度同鮮味之外，汁料亦做得非常好，香辣之餘唔會搶味！3．冬蔭功：較為一般之作，略嫌唔夠酸，但配料多，送飯一流   4．泰式沙律：美味，香料和材料豐富，開胃之選呢間餐廳絕對值得 7／10分，我都經常幫襯

已經第五次食金泰屋，其實每樣食物都好過其他食過嘅泰國菜！今次講吓服務，今晚第一個幫我地落單係平時嘅收銀，我先order咖哩羊架，佢竟然話佢地無，我話我地食過幾次喎，佢話我地係咪去錯地方，我話點會呀⋯⋯又話你地第一次嚟㗎嘛⋯⋯我食過起碼兩次呢個咖哩，佢話只得燒羊架。。。我老公就話個羊架有咖哩有麵包有薯仔，佢先話，嗰個唔係叫咖哩羊架，叫唔知咩蜜三文咩羊架？！我都唔記得，其實就喺咖哩類嗰版😓佢嘅態度以為佢係老闆，對住其他客都係呢個黑面樣！點解我要寫呢？因為其實呢間餐廳，其他服務員都好，係佢影響晒！其他認得我地嘅都會主動打招呼，仲有一位叫高高瘦瘦的女服務員非常nice，主動介紹有咩好食，叫我地下次試吓！呢d咪識做有service囉👍🏼👍🏼

服務質素還可以，態度不過不失，亦算有禮貌，執枱時不小心將汁液彈到我身上，有即刻講對唔住，仲攞紙巾畀我。但係食物就認真嘛嘛，個青咖哩雞，我以為黎錯左個青咖哩雞湯，稀瑯瑯、水汪汪，又無乜青咖哩味。個 Roti 薄餅，根本就係一個走蔥嘅蔥油餅，完全同 Roti 薄餅係兩樣野。個肉碎生菜包，雖然有泰國青檸嘅清新味道，但並無泰菜中嘅肉碎生菜包應有味道，最失敗係肉碎中夾雜左好多碎骨，唔想咬壞牙就務必要小心謹慎咁食。總括黎講，完全唔覺得自己食緊泰菜，仲要驚咬崩牙，只此一次，絕對唔會有下次。