金泰棧

營業中

休息中

聖誕節有咩做？去商場行下打下卡先啦😆喺屯門行咗一圈，最後嚟咗華都商場食嘢，揀咗好受歡迎嘅泰國菜金泰棧。十二點多來到，仲未爆場，嗱嗱林霸個靚位叫野食先。⭐海南雞飯朋友叫咗海南雞飯，雞件嫩滑入味，點埋醬汁酸酸辣辣好開胃，黃飯唔油膩仲幾香添，好食👍⭐青咖哩豬頸肉飯自己叫咗青咖哩豬頸肉飯，個青咖哩滿到瀉，哈哈，不停咁流落嚟添。青咖哩微微辣有香料味，豬頸肉有咬口，仲有青豆角同茄子等配菜，撈飯一流😋⭐泰式炒通菜整返碟菜嘆下先，叫咗個泰式炒通菜，通菜爽脆嫩，辣辣地幾惹味。⭐泰式併盤再叫咗個泰式拼盤，入面有春卷、魚餅、蝦餅同豬肉腸，望落炸得有啲燶，食起上黎又無事喎，春卷包住粉絲、木耳等好香脆😋魚餅辣辣地，蝦餅彈牙，中間幾粒疑似豬肉腸？🤔⭐冬蔭功湯仲叫左冬陰功湯添，細size都好大鍋，酸酸辣辣有奶香🤤放耐咗店員仲主動加蠟燭熱返鍋湯，好貼心呀。⭐泰式奶茶 & ⭐泰式奶綠跟飯餐加八蚊有特飲，叫咗泰式凍奶茶同綠色泰奶，茶香加上香料味，甜甜地好好飲。晏晝唔使加一喎，抵食👍

在華都商場新開的泰國餐廳，晚上六時半已幾乎滿座，新開張便這麼有人氣，食物應該不錯，和朋友進去試試吧！這裏的座位很舒適，沒有壓迫感，店員招呼週到，一座下便送上洗餐具的水杯，再說明另外兩杯水是喝的，這是很細心的安排呢！先來柚子沙律$88，份量也不少啊！柚子真的大大塊，不是撕開小粒的，每口吃下更多柚子汁刺激味蕾，連著酸甜的沙律吃，又爽又清新，開胃之選。香茅爆炸蝦$128，這道菜必試！是職員推介的。炸過的蝦，連殼也能吃下，超級香脆！而且蝦肉很新鮮，大大隻，啖啖肉，香甜爽口，鋪滿炸蒜蓉令炸蝦味道更香，我們吃得不能停口。乾炒金邊粉$88，賣相漂亮，用蛋漿煎成網狀，包著裏面的炒金邊粉。要㦸破漂亮的蛋網才可夾出金邊粉，是邪惡的玩意啊！不過金邊粉連著蛋吃，又十分香口的。金邊粉炒得乾身，微微酸甜，裏面的蝦肉爽滑，吃得很開胃！酥炸魚芒果沙律$158，上桌見到這麼澎湃的芒果沙律，覆蓋在酥炸魚上，非常驚喜！這個價錢絕對超值。酥炸過令魚乾身，但裏面魚肉還保持濕度，咬下外脆內軟，而且沒有燋灼的苦澀味。炸魚本身沒有醬汁，靠芒果沙律汁調味，做到沒有油膩感，不會口乾，吃得清新舒適，是意外的驚喜呢！泰式奶茶，茶底非常清香，

口淡淡搵啲惹果開胃菜食下都好喎，係華都呢間金泰棧開左2.0，地方寬落左，新裝都唔錯！好，坐低睇下有咩好食先。冬陰功湯細，細都唔少野，兩個人飲，一人都起碼兩碗，仲有菇同海鮮，微酸帶辣，店員仲好貼心，稍後攤凍左，可能幫忙番熱。泰式火車炒飯，有芥蘭、蕃茄仔、豬肉、洋蔥、炒蛋，個飯炒得好香，用料又豐富，好味又暖胃。泰式炒通菜，用上辣椒和麵豉去爆炒，啲菜仲好青綠，又唔會滿佈油光，食落爽甜。紅咖喱雞，有雞肉、南瓜、茄子、豆角，咖哩味道好椰，好惹味，紅咖哩偏辣，叫多個蒜蓉包點咖哩，正！蒜蓉包就咁食都好有蒜味好香，焗到外脆內軟。青檸梳打和龍眼冰，地道飲品，爽！餐後仲送甜品南瓜椰汁糕，唔太甜，糕身似啫喱彈彈下。

黎到屯門市廣場，唔知食咩好，就去到華都廣場睇吓。發覺呢間泰國菜好旺場😍二話不說就入去啦！一坐底店員還會俾個洗兜杯黎洗餐具椰汁雞湯細$68好暖胃既菜式丫！ 第一啖酸酸辣辣之後滲透啲椰子香味，好省胃😍材料豐富，有菇、蕃茄、好多件雞肉！飲唔晒的話，店員仲會比個爐幫你坐熱佢，非常貼心！青咖喱（豬肉）$68青咖喱甜甜辣辣 送白飯一流啊豬肉件數很多、入邊仲有茄子🍆，掛汁力強！泰式菠蘿炒飯$128份量超滿的菠蘿炒飯，一上枱仲會出煙有蝦魷魚以及青口，沒有腥味！炒通菜$68 我地叫左馬拉盞炒通菜，超級惹味，加上通菜有鑊氣 加埋蒜蓉同埋食落少少辣，令人一口接一口。Ps: 家庭式小店，店員非常有禮貌！蜂蜜青檸金桔$25非常潤喉🤗蜂蜜柚子茶$25正常發揮👍🏻推介指數：⭐️⭐️⭐️⭐️⭐️

侍應態度好好，一坐低會俾水你，另外仲有一杯for洗餐具用，食物質素好好，價錢亦算合理。冬陰功湯帶少許辣味，唔算食得辣嘅我都接受到，芒果蟹肉炒飯味道幾好，只係略嫌啲芒果一般，冇芒果香味，串燒好食，雞牛豬各兩串，最後仲送咗兩個椰汁糕做飯後甜品，整體嚟講可以再食😃

首訪位於屯門華都商場的泰國餐廳「金泰棧」感覺出品地道正宗且價格親民，餐廳最近於同一商場再開分店，今天到訪一嚐其菜式；富泰國風情的裝潢格局，環境四正衛生-🔹椰汁雞湯 (小) $68加入芫茜、秀珍菇、紫洋蔥、蔥花及紅椒等雞肉嫩滑鮮香，秀珍菇爽滑細膩；湯品熱度足又毫不油膩，飲到濃郁的鮮雞及椰汁味道，毫不單調，酸辣平衡夠暖胃-🔹肉碎生菜包 $68生菜新鮮爽脆，豬肉碎肥瘦適中，緊緻細嫩帶鮮肉香；加入紫洋蔥、蒜頭、蔥花、九層塔、魚露及青檸汁等，味道層次豐富，調味適中，辣得過癮-🔹燒羊架 $783 支羊架燒至微燶，肉嫩緊緻鎖住肉汁，肉香出眾卻不帶羶味，脂肪部份甘香美味，蘸上特製微甜醬汁有提鮮作用-🔹泰式椰青海鮮焗飯 $128椰青內盛載著滿滿的米飯，更堆砌至圓拱頂，份量十足；海鮮有青口、大蝦及𠝹花魷魚，爽鮮帶鹹香；粒粒分明的米飯加入腰果、椰肉及三色豆令口感更豐富，沾上椰漿後添滋味

新店開咗一段時間，終於可以用Open Rice訂位，店內裝修新淨，座位比舊店寬敞，店員服務殷勤。綠色泰奶唔係我點嘅，問番飲家，佢話比原來嘅泰奶無咁甜，飲到最後綠茶會帶點苦。差不多每次都點嘅鹹檸七鹹鹹甜甜，好解渴。泰式酸辣無骨鳳爪，少貴，同一般食開嘅味道無大分別。鐵板蠔仔蛋，蛋同蠔仔都好豐盛，仲有好多芽菜添，鐵板上熱辣辣，蛋味香，蠔仔鮮，一定要醮辣椒醬，好味。乾炒金邊粉酸酸甜甜，好開胃，炒得夠乾身，有花生碎嘅香同芽菜嘅清爽。泰式火車炒飯，好有鑊氣，但比較普通。泰式拼盤，炸雞棗、炸蝦餅同香茅魚餅好好味，但春卷炸過火，燶之餘裏面粉絲乾硬，又充滿油炸味，唔好味。最後仲送上甜品，唔太甜嘅大菜糕，為這個聖誕節午餐劃上完美句號。

屯門雖然對住喺市區嘅我哋嚟講，有一段距離，但如果有好嘢食，呢程長途車就真係值得！嚟到屯門嘅金泰棧，顧名思義餐廳主打泰國菜，並由泰國人主理，喺繁忙時間，仲要排隊先有得食呢！冬蔭功湯冬蔭功湯可以話係每間泰國菜餐廳必備嘅菜式！金泰棧嘅冬蔭功入口偏酸，繼而辣味再湧現，極具層次，而呢種酸辣味亦正好喚醒我哋嘅味蕾。而冬蔭功嘅配料當然唔少得彈牙又鮮甜嘅大蝦啦！紅咖喱牛+酥炸薄餅泰國咖哩以顏色分類，其中紅咖喱相對黃咖喱同青咖喱偏辣，加上唔同嘅香料，味道層次除咗香辣味之外，仲帶有少少嘅甜味。至於牛肉非常入味，肉質嫩滑；加上南瓜、茄子同四季豆等配菜，鮮味得以提升。另外，紅咖喱醬汁香濃，最啱就係配上口感鬆脆嘅酥炸薄餅，非常惹味。粉絲蝦煲香噴噴嘅蝦煲鑊氣十足，粉絲吸收咗蝦湯嘅精華，質地彈牙煙韌。炒過嘅大蝦數量多之餘，鮮甜惹味。

聖誕探望朋友，樓下新開泰國菜館，一於今晚去吃。新開不久，乾淨俐落。天花的燈用花裝飾，增加了泰國風情。柚子沙律 $88一碟非常開胃的沙律，集合柚子、椰絲、蝦球，口感清新，酸甜適中。柚子的香氣，令整道菜充滿生氣。泰式炒芥蘭 $68芥蘭的口感爽脆，保持了青菜的鮮嫩。還富有營養，是一道健康的選擇。燒豬頸肉 $68燒豬頸肉的肉質鮮嫩多汁，搭配的醬汁濃郁，增添了風味。值得一提的是，這道菜的份量相當充足，非常抵食。泰式鹽燒魚 $148鹽燒魚有鰂魚和乌頭可選，鰂魚無細骨，魚肉鮮美，帶少少咸香，更加豐味十足。泰式奶茶 $22泰式奶茶的奶香味十足，比較偏甜，帶來甜蜜的感覺。餐廳誠意呈送飯後甜品：士多啤梨椰汁大菜糕，甜度啱啱好，清爽自然

今天來到了新開張的泰式餐廳，服務員招呼周到，座位寬敞，光線充足，屬朋友聚會之選。海南雞半隻半隻海南雞份量充足，雞件啖啖肉，雞皮薄而不膩，雞肉富有雞味，配上特製的泰式醬料，惹味可口，味道濃郁，令人回味無窮，實屬送飯之選。泰式肉碎生菜包豬肉碎配上新鮮的紫洋蔥，香蔥，小辣椒去伴炒，帶有清新的青檸味，令人垂涎欲滴，配上生菜包，中和了豬肉的油膩感，令食物充滿層次感。馬拉盞炒通菜馬拉盞炒通菜炒得剛好，保持着脆嫩的口感，搭配着特製的馬拉盞醬，味道濃郁，香氣撲鼻。辣高炒蜆辣椒高炒蜆的辣度溫和，上菜時香氣四溢，用上特製的香料去拌炒，蜆肉肉質飽滿，肥美新鮮，送飯之選。

由細到大屋企放滿幾個透明嘅玻璃櫃都係高達，適逢屯市有個高達45週年展，去唔到台場都可以睇下呢度嘅3米高有型嘅PGU元祖高達，仲有4 米高可愛嘅充氣造型SD EX 版本高達。睇完之後，朋友話帶我去食間行多幾步就到由泰國人開嘅地道泰國菜🤤📌爽滑墨魚餅🐙墨魚餅煎得好香口，鮮甜煙韌📌泰式炸蝦餅🍤即叫即炸，炸得金黃又熱辣辣外層香脆可口，裏面嘅蝦肉非常彈牙沾上泰式甜酸醬更能提升蝦肉鮮味📌海南雞飯🐔雞肉嫩滑可口、啖啖肉，雞皮爽滑且富彈性油飯乾身、粒粒分明，唔油膩，飯量仲好足添📌乾炒金邊粉🦐🍝幾隻鮮嫩彈牙嘅蝦球同豐富嘅配料，例如雞蛋、芽菜、蔥、豆乾同香料等一齊炒金邊粉條條分明，炒得乾身又煙韌攪勻埋碟邊嘅花生碎，更加可口📌香茅蒜蓉椒絲爆軟殼蟹🌶️🧄🦀上枱嘅時候份量大到有啲震驚，數之不盡嘅軟殼蟹堆疊住，睇到都好興奮😍香茅蒜蓉椒絲香氣四溢，鑊氣十足軟殼蟹肉質肥厚細嫩又鮮甜，酥脆又可口最正係唔使好似炒蟹咁要剝殼甘麻煩😆😆😆📌芒果黑白糯米飯🥭🍚必食泰國飯後甜品😋椰漿同新鮮香甜嘅芒果，仲有軟糯煙靭嘅糯米飯係絕配最正係可以黑糯米同白糯米兩溝，有選擇困難症都唔驚，可以一次過試曬💯📌芒果沙冰🥭🧊🍹即叫即製，打得好細滑新鮮

見到最近開緊新分店，即刻試下，好適合聚餐，水準都keep到好好！❇️椰汁雞湯雞湯口感滑順，帶有淡淡的椰香，少少辣冬天飲返一口，個人即刻暖晒❇️泰式炸蝦餅（6件）外脆皮薄，口感彈牙加埋甜辣醬，必叫小吃❇️烤雞（半隻）皮脆肉嫩，外面嘅特色香料，烤到隻雞好香，又能夠鎖住肉汁❇️泰式乾炒河（豬肉）炒河粉滑順，搭配新鮮的蔬菜，推介❇️泰式炒雜菜雜菜色彩繽紛，有紅蘿蔔，芥蘭，西蘭花，椰菜花，菇等等新鮮爽脆，微微辣，食不停❇️龍眼冰超清爽可口，十分解渴！最後仲好好送咗個甜品俾我哋食，好完美嘅正宗泰國風味！

泰印蝦膏海鮮炒飯 $88蝦膏味唔算重，食落有微微嘅鹹同埋令海鮮提鮮！配料好豐富，有蠔、魷魚筒、蝦！同埋都好大隻！性價比幾高！炒飯都幾有鑊氣！夠乾身亦有微微嘅焦香！半隻烤雞$98 小編認為呢間鋪嘅燒烤做得非常出色！烤雞價錢算中等！但質素好高！雞皮烤到香脆走油好似薯片咁！雞腿嫩滑爆汁！雞胸都唔會乾！雞本身都唔細隻，份量ok!細冬陰功湯$68 每間餐廳冬陰功都各有特色！呢度嘅冬陰功辣度會比較低，酸味比較突出！小編覺得餐前小品開胃/食食下解膩都好適合！燒羊架$78燒羊架性價比就好高！$78有3支骨就算平時街市買價錢都唔會差得遠，羊架肥瘦分明！肉質嫩滑彈牙，醬料仲有一個酸辣汁用黎解解膩！幾有特色！泰式綠奶茶$22蜂蜜青檸金橘$25

最近發覺屯門華都有間隱世高質泰國菜🇹🇭雖然話隱世，但原來同一層已經開咗兩間分店除咗食物價錢貼地以好味之餘連老闆娘都好nice啊❤️‍🔥生蝦刺身賣相一流🦐擺盤伴上生蝦頭生蝦口感新鮮爽口沾秘製酸辣汁好開胃啊🤤海南雞飯轉雞髀都係加$10雞肉肉質嫩滑，鮮嫩厚肉🐓雞皮冇太多脂肪，口感唔油膩配油飯最夾啊！泰式沙嗲6串只係$78雞、牛、豬各2串，每串都啖啖肉！沾沙嗲夠哂惹味😋一定要留肚食泰式蒜蓉包厚切蒜蓉包上下都舖滿蒜蓉烤，每啖都香口滋味🤤🤤香葉肉碎太陽蛋飯 聽聞呢個係泰國名物所以老闆娘特別推介🌶️肉碎拌勻辣椒香料炒，辣得嚟好惹味綠色泰式奶茶同泰式奶茶 好正宗！別有一番泰國風味🇹🇭

金泰棧是一間位於屯門華都商場的泰國菜小店，由泰國人主理，可以吃到地道的泰國美食，服務態度又親切，讓客人都食得開心。餐廳內環境舒適，適合聚餐或與朋友小聚。不知是否新開張，每位客人均可獲得LIKE&SHARE餐廳社交媒體有一杯飲品或甜品優惠，實在非常划算。乾炒金邊粉吃泰菜國必吃乾炒金邊粉，蛋絲包著粉條，配上蝦隻和肥肥的芽菜，感覺正宗，味道酸酸甜甜很開胃。泰式芒果魚整條魚炸過，配上大量的以青芒果製作成的拌菜，非常有泰式風味！魚肉可以一塊塊取出來吃，外脆內軟，很香口而魚肉滑溜，搭配酸甜辣的芒果配菜，讓整體更加清新，有不同層次口感，印象中第一次嚐試。酸辣鳳爪選用無骨鳳爪，吃得方便，鳳爪的口感十分彈牙爽口，酸辣的醬汁恰到好處，令人感到開胃，多吃幾件也不會膩。冬陰功湯冬陰功湯是泰國菜的經典代表，我們選了小的份量，但都有不少湯，湯底酸辣適中，香料味濃郁，蝦仁和秀珍菇搭配得當，十分暖胃。馬拉盞炒通菜泰國的通菜比我們平常買到的較小型，炒至剛好，保持了脆嫩的口感，搭配特製的馬拉盞醬，味道濃郁，香氣四溢。辣椒膏炒蜆辣椒膏的辣度比較溫和，小辣程度，它用上金不換去拌炒，香料味突出，蜆隻肉質飽滿，醬汁充滿風味。蜂蜜