金海閣海鮮火鍋專門店 (已結業)

跟舊同學議事，選了火鍋店，貪其坐得吓！七點三入座，巳經半場滿。點了鴛鴦鍋（沙爹拼清湯）、牛肉（細碼）、黑豬肉、鯇魚片、菠菜、鮮腐竹。以及細藍妹三枝。鴛鴦鍋幾多料，就連酸瓜都有好幾舊！牛肉係厚切，不像坊間那般薄到透明，但因為肉質OK，所以厚切片都唔係問題。黑豬肉的肉質幾鬆化。鯇魚片係脆肉的，超讚！好彩無叫到鯇魚腩！菠菜係好滑溜。菠菜洗得好乾淨，好新鮮。侍應服務中上，儀容不俗，大概店家對員工的質素有相當要求。店裡裝修高雅漂亮，座位舒適。係一份錢一份貨！貴係貴些少，但環境服務唔錯，我地兩個人坐足三個鐘，都無話趕客。好！

世伯於澳門建造業界人面廣，知道我將會到澳門工作，便特意約埋我食晚飯，順道將佢嘅澳門經驗傾囊相授，令我獲益良多。我地是晚在此店打邊爐係阿K嘅主意，佢話呢間金海閣係靠火鍋打響名堂。一如一般人一樣，我地叫咗鴛鴦湯底，仲有以下火鍋料：桂花蚌；肥牛肉；生蠔；竹笙肉絲卷；鱔片；鴕鳥肉；鮮蝦水餃；蟹肉墨魚滑；牡丹蝦；油麥菜打邊爐我認為最緊要就係用料一定要新鮮，正所謂不時不食；另外就係煮嘅時間，呢樣就關乎食客嘅經驗，與食肆無關。鱔未到時候，所以未夠肥美，熟咗後肉質較韌，煮耐啲會冇咁韌，肉質都仍然爽。生蠔夠大又夠肥，稍為灼一灼入口好鮮甜。鮮蝦水餃即叫即包，所以內裡雖然有蝦，但唔會話唔新鮮，我食完之後冇皮膚敏感可見一斑。值得一提嘅係呢度啲墨魚滑，咬落十分彈牙，亦有墨魚嘅香味，至於蟹味就唔係咁察覺得到，不過我都覺得呢味一定要嗌。食完嘢，身體冇出現異常徵狀，証明呢度火鍋料係新鮮嘅。一行有五個人，埋單八百幾，世伯又唔俾我找數，呢舖真係又食又拎喇！

一班人黎食晚飯, 六點半已經開始有人等位, 好墟埳, 好彩我地有訂位.見人多就叫左兩個窩, 分別係皮蛋芫茜湯底同鴛鴦湯底, 後者個沙爹湯幾香濃.循例叫左好多野, 牛肉係朋友推介, 自己覺得韌左少少, 不過都ok. 無睇價錢, 所以唔知抵唔抵食. 大家對牛展既評價高d, 比牛肉有咬口, 肉味就無咁濃.西洋菜餃係朋友另一推介, 我覺得西洋菜可以多d添. 鮮蝦水餃食到大大隻蝦, 貨真價實. 兩款餃既皮都好滑, 又唔會一淥就散.墨魚丸都ok, 另外有叫四寶丸, 但我無食. 豬潤都幾靚, 不過食過更好既. 其他仲有魚蓉麵、豬肉片、鱔片、生根、粟米、生菜、唐萵等, 一般.象拔蚌賣$20兩, 我地叫左隻斤幾既黎試下, 鮮甜. 腸臟另上, 灼熟黎食, 味道唔突出. 之前叫左三文魚刺生, 於是阿姐拎左兩次芥辣豉油黎, 埋單先知每碟收$3 (本身有收茶芥, 好似每位$10). 可能menu有寫而我地睇唔到, 亦唔係收得過份, 不過如果有人提一提我地, 感覺會好好多囉.飲品方面就叫左細青島、菊花茶及酸梅湯, 菊花茶幾好飲.環境方面, 檯椅擺得好迫, 坐得唔係太舒服. 洗手間唔乾淨.可能近排打邊爐多左, 呢間

牛肉係得,但大家去攞位時就感受到咩叫態度差, 其他食物冇乜特別啫！

30幾度都坐滿，證明食物質素不差。昨晩同個朋友唔知食乜好，記得嗰次來食過都唔錯所以再以今晚再來。我哋叫咗:大雪花牛$138 - 好有牛味，同可以食得出無雪過，很新鮮墨魚滑- 很"旦"，都係我食過最好味魚餃- 賣相不太討好，但係就好味桂花蛘- 無味，應該係交來嗰隻再加上corn同西瓜汁，總共$450唔係平，不過食得好開心，應為服務真係好，又細心，唔係得一個半個好招呼，係個個都係咁，啲野食有好味，一定會再來。

星期二, 原本估計七時左右搞掂所有工作, 結果比客人無理扣押到十點鐘, 餓到肚都扁, 女友都等左幾個鐘, 怒從心上起, 惡向膽邊心, 決定今晚果餐Charge 個客, 食餐好D.我幾次都好想再光顧登龍街金海閣. 第一次係同班中學同學除夕聚會, 跟住一齊去時代廣場倒數. 那晚對這間火煱店印象不錯, 用料新鮮, 尤其個魚滑, 十分不錯. 但每次想因為九點半前真係唔捨得食, 因為九點半特價前後真係價錢差好遠, 所以當晚可以一嘗心願.店鋪以金色為主, 客人不太多, 坐得很舒服. 菊花茶及酸梅湯是任飲, 細青島10 蚊2 枝, 所以很放心大喝.特價火煱料最平是18 蚊, 選擇都頗多, 我大約叫了滑牛, 雞子, 魚皮餃, 螺片, 馬碲等, 我掛住個魚滑都係28 蚊, 湯底最平是38 蚊, 我要了個出名的皮旦芫茜湯底.本地滑牛做得不錯, 味道調得很好之餘, 份量亦不少. 反而個螺片就一般. 如相片所見有一舊舊的炸物, 女友一直以為是山根, 其實是鯪魚腐, 奇怪感覺不到魚味, 但又不似魚腐, 咬落覺得很豐富, 但又很油膩. 若果要形容, 好像將個牛脷酥放去打邊爐一樣. 不是不好吃, 但是怪怪的.值得一

好似過咗去既成個冬天，幫襯得最多就係哩間食店。<br />第一次去印象麻麻，因為抱住一個「啲人話佢\度啲牛肉超級正」既心態去.. 結果收近百元的牛肉令我都幾失望，再加上佢\地既生雞蛋全無蛋味，攪到我哩個牛魔王竟然頭一次覺得食牛肉係一件苦差。<br />但第二次俾人再拉去食，因為已經無期望，所以開始留意到佢\啲好嘢，之後就好似上咗癮咁，幾乎每星期都去一次。<br />其實哩間嘢真係幫襯得過，尤其是晚上九點半開始既特價時段，兩人幫襯五碟左右，約二百元。試過一次正價時段去，嗌多咗碟貴價嘢，埋單五百，爭成倍..<br />總括而言：<br />1. 佢\既莞茜皮蛋湯底超正，而且加埋馬蹄同醃菜，既夠味，又夠下火及滋潤。(抱歉我從不打算試其他湯底，因為哩隻湯底既平又下火，可以balance番打邊爐既熱氣。)<br />2. 佢\地既白鱔、脆鯇片都好新鮮、好好味道。有啲舖頭既鱔片有陣潺味，但佢\哩間食咗十幾次得一次有少少味。<br />3. 佢\既桂花蚌十分鮮甜且份量足，試過同山林道某豬骨

服務態度不錯, 食物新鮮, 但酒水比較貴

朋友請打邊爐，來到銅鑼灣食肆雲集的登龍街；呢間金海閣可以說是街內龍頭，因為舖頭竟至少有四間，攪到叉燒搵舖搵到兩頭騰，訂位人仕記住話俾朋友知訂左幾號舖幾號檯，咁就方便好多。呢度大檯欠奉，超過十二人便要留意。講番Ｄ料，就首推呢度Ｄ本地滑牛；滑牛是用來炒牛河那種，與薄薄的那種肥牛不同，又滑又稔，食到唔停得口。另外一定要叫水餃，Ｄ料之強勁實屬難得，裡面的蝦亦很新鮮。Ｄ乜丸物丸夠晒大粒，唔可以錯過。飲野就要叫菊花茶，絕無介紹錯！雖然地方淺窄，但一邊朋友圍埋一齊滾來滾去，真的暖在心裡！