金源燒腊茶餐廳

營業中

休息中

有些人會因為叉燒上加個可愛太陽蛋就傾到眾生.有些人會因為早上有叉燒吃而感動.你我不一樣,感覺自然大不同,小弟面對著這個叉燒意粉加太陽蛋方包早餐,感覺像....早上的叉燒如果是剛燒起就好,最怕係用隔夜貨色,這間金源的蜜汁叉燒,都幾重蜜香,肥位夠肥,瘦位夠鬆化.每條意粉都有點咬口,係個湯底比較淡.蛋要太陽蛋,篤穿蛋黃用蛋汁塗上牛油方包同吃,再來大杯冰凍檸茶...咁,究竟感覺係點架?兩個字,滿足,我說肚皮上,步出門口,已無力轉左去時新,吃個晨光第一飽了.

之前想揾"金源"寫食評點知揾極都揾到，今日竟然見到人寫！！男朋友係附近返工，所以知道有間咁隱閉既燒味店！哩到既义燒真係好OK架，同"再興"有得比！！最好既係，哩到可以慢慢食，唔會係"再興"咁有壓迫感！

早餐的配搭很多，打正燒臘旗號，我當然要我喜愛的叉燒湯意，因為不是來貨，叉燒很蜜味，肉質也很實在，意粉每條很爽口，難得還加了幾條青菜，令這個早餐十分感動；而老公的沙爹牛麵也不弱。另有太陽蛋、三大塊厚紅腸及牛油方包，再加上很香濃的醒神奶茶，這個早餐相當豐富，也只是$18，十分經濟抵食。