金源燒腊茶餐廳

營業中

休息中

位置在黃埔街的老店, 皆因一講這店太座大人已經話從前外母大人經常幫襯,這店其實面街(黃埔街)有兩個鋪位, 一間有掛燒腊嘅廚窗,而另一間則隔一個鋪位,只有堂座嘅鋪位, 但原來在這兩間鋪位之外, 在此鋪廚房後面還有一個頗大的房間可以放得落大枱的空間, 亦是用餐區, 估佢唔到一間橫街嘅燒腊鋪可以要咁多鋪位, 大部份燒腊都似模似樣(非常港式) 除咗燒腊之外, 大部份茶餐廳做嘅食物/菜式這裡都有做, 價錢属於中價但在這紅磡區的同類燒腊店來講算是中上價位吧! 店內坐嘅位置一般都係坐得唔多舒適那種, 裝修属於80’S講番食物, 來過幾次, 大致如下:23/April 燒鴨义燒雙拼飯 $36加熱飲奶茶加兩蚊即係$38啦! 碟頭上加番兩條菜芯都算有良心架啦, 燒鴨是胸肉部份, 本人唔介意, 鴨皮尚有少少脆, 皮下脂肪唔算厚, 义燒比較上有點硬但有豬肉味, 這可能同用咗豬的邊部份有關係, 淋嘅燒汁豉油唔算多但也勉強夠用, 飯的份量好夠, 奶茶只係好一般,24/April 燒腩飯 $49 比較上貴的燒腩啊, 今天不加錢只飲例湯, 湯水雖則是最基本的燒味下欄野做的湯但似乎沒下什麼加味嘅粉類, 味道只是很簡單的

今日打算去睇俄羅斯宮廷文物展, 扮藝青 所以走左黎紅磡搵嘢食!點知...想食個間竟然休息...由於二人異常肚餓! 唯有喺附近搵間睇落唔錯嘅做食堂既然係舊區食嘢, 梗係食啲有feel啲嘅見哩間啲叉燒好似好正咁, 就你啦!店面算細, 坐中間位無咁舒服, 店入面貼滿晒餐單, 花多眼亂, 都係老老實實食叉燒 叉燒拼油雞$34+2(熱飲)叉燒拼燒排$34+2(熱飲)阿姐再送多兩碗中湯!-半肥瘦, 肉質夠腍, 好好咬! 加埋外邊燶左嘅肉, 食落去好香, 有軟有脆!油雞-唔算多, 食落唔係咁滑, 一般般啦燒排-類似係金沙骨嘅排骨, 骨大舊, 小小甜好難咬, 味道都算OK例湯-個味就似合掌瓜煲豬骨, 飲落都唔錯, 食完飯就唔會口乾兩杯飲品, 菜蜜同檸水, 都OK, 菜蜜飲到啲檸檬味  好搞笑

千企唔好攪錯，黃埔街並非在黃埔花園，近年因時新漢堡包出名，多遊人行經此街，如果在黃埔花園落車，起碼要行廿分鐘才到，叉燒燒鵝飯，賣相唔多好，叉燒偏黑，燒鵝無皮，叉燒肥瘦得宜，但太多燶，肉質尚算適中，燒鵝肉質尚可，不太肥，但無皮，欠鵝味道，白飯只微熱，落單時要求"走色"，最後到來都係無件事，整體誠意欠奉，唯奶茶夠濃，價錢適中。

經過這店看到不少人在買斬料外賣，於是也好奇停步買$20叉燒過過口癮。這店出品的叉燒味道屬於偏鹹少甜，肉質也偏乾和欠了點肉香。十分一般的叉燒，試過就算了。

食lunch 食到唔知去邊間食好啦@@之後就同老公去左呢間野食@@講真呢間野開左咁耐..我都未入去食過嫁@@今次食到唔知食咩好..咁就同老公係呢一間野度叫左外賣食啦@@老公食左個叉燒油雞飯飯woo...真係好多送呀@@仲好大舊呀..真係冇呃人$嫁@@送同飯既比例係岩岩好@@仲有d 汁...撈飯真係一流嫁..油雞有雞味@@係真係有雞味..同埋好滑@@不過叉燒我就覺得肥左少少啦@@我就食左個肉餅飯啦@@個肉餅唔會係肥膏@@肥瘦係岩岩好@@@@ 仲有湯同野飲送囉@@三十幾蚊有咁多野...仲要唔係呃人既..呢間都算係咁啦..講真係呢度真係好多人叫外賣..@@真係等耐少少都係值得嫁@@

同男朋友想了好久要吃什麼 這樣濕熱 確實讓人食唔落野最後決定吃魚 健康D =]不說其他 光以價錢來講 金源家的梅菜蒸浣於絕對是紅磡區最平最抵食！再次，味道同分量也一如既往令人滿意。時間關係寫到這裡 詳情照片說話(^^)

尼頭食飯真貴，可能工作地方較遠，所以貴，金源...好多同事都找它外賣，話食物水準穩定，我又無得揀，得尼一張外賣紙...其實都想了食咩，番茄肉片飯，但又望見有番茄肉片河粉，我又未試過這個配搭，試下拉...原來兩樣野是分開的，仲以為係炒埋一起，我真的諗多了，番茄汁幾好，但河粉有些實，肉片就少了些，整體味道一般....

叫叉雞飯，等了40分鐘！都無所謂！送到來叉燒又干又瘦，雞全是雞屁屁，有無攪錯！以為一次是這樣，叫第二次又是這樣！打電話明明叫半肥瘦叉燒，都唔好兩次都過份到，全是干身的，差少少咬不到！比了多一次機會，也是這樣，以後我也不會再食呢間嘢！

今日同男朋友專程去到紅磡，目的就是想試下這間燒味店，男朋友以前係附近番學，試過後都大讚，我都係第一次去去到門口，有兩間店，但係都係全店滿座，那時七點多了。等了幾分鐘就有位坐，入到去男朋友介紹了一會兒，原來我們來是為了「燒味」，最後都點了小菜，當然唔少得差燒啦。差燒好正＄１０！唔太燶，而且半肥瘦的。。咸蛋蒸肉餅＄３０，真係好好食。好大碟，而且肉餅唔太淋，仲有汁好鮮呀！！！沙拉骨＄３８，初時上桌時嚇左跳，點解同平時食的唔同既？？點知一放入口，勁濃郁的沙拉醬，而且豬扒唔韌，又唔係個種好多鬆肉粉的感覺。以上兩個小菜都跟一碗白飯＋例湯，但係例湯絕對不是味精之作。我同男朋友食到飽飽飽飽飽飽，好滿足！環境方面唔算差，同普通燒味店一樣，而且都幾光猛，只是座位是較窄而已，這是可以理解的。一定會再去試其他小菜！！！！！！見到其他客人的炒粉面飯，都是勁大碟的！！

對上一次到訪這間金源,是來吃早餐,今次來是吃燒味飯,順便一提,蔡瀾先生也曾為此店,寫過食評.燒味雙拼加例水,例水是薯仔豬骨湯,薯仔一味夠多,未吃飯之前,淨吃薯仔也差不多飽了.叉燒併燒肉飯,前者燒得有蜜香,肉質軟稔鬆化,燒肉不是剛出爐之貨色,燒皮吃落有點點硬,皮下肉還有肉香.例水加碟雙拼,無須$30,水準不俗,此店的燒豬是受歡迎,很多人也會來訂燒豬來拜神.本來不想吃太多,但忘記叫扣底,結果有衣食地吃光,最後吃不下福元湯圓了.

今日去左紅磡本身諗住試下「時新」但系太多人搵唔到位-_-之後行左沿住右邊行入去見到有間叫「金源」既幾多人 決定揀依間食下一坐低 店員就推介下午茶餐叫左個「豉油皇叉燒炒麵」($22)餐杯要左凍好立克(+$2)杯野飲好夠味 絕對唔會好似某D餐廳咁偷工減料個麵就應該系即叫即炒穫氣十足 麵唔會太乾又唔會太濕叉燒都幾多 不過似頭頭尾尾-_-如果要挑剔既 我覺得略嫌咸左少少!!不過咁既價錢 有咁既水準 已經系合格有餘雖然鋪頭細細 但系都幾多人黎食 走完一台好快又有人黎有機會一定會再黎食^^

第一次在金源燒臘茶餐廳吃下午茶，估不到這店舖的肥义令我們有意外驚喜‧老公和我點了肥义瀨，雪菜肉絲米和熱奶茶，感覺味道如下： 肥义瀨： 义燒很多，而且半肥半廋，吃落又淋又好味，這碗义瀨真的十分不錯‧雪菜肉絲米：雪菜肉絲都幾多，但是味道只是普通，沒有什麼特別‧熱奶茶：有茶味和奶味，只是茶味有點澀，相信是擺放久了，所以味道差一點‧ 另外，我們見到豉油王炒麵的賣相都十分之不錯，下次會來試一下‧

早幾日,我個ACO去咗金源度訂咗隻中豬,隻豬要$2,380元一隻.點解要訂豬,咪因為早排第五組全組由一樓搬去九樓,所以,為隆重其事,老總同第五組老板,決定拍板,請大家食一餐燒豬加自助餐到會給大家.講番金源既服務...唔錯架.隻豬都算準時到呀,我個ACO叫佢地送貨時間係十一點四十五分,但係只見到大家樂既到會,於是我地個ACO便打電話去追,佢話已經係樓下,但上唔到黎,我個ACO叫我落樓下接佢....落到大堂,我最初見唔到佢,於是出大門迎接,終於見到個師傅推住架車,運住隻豬,同埋拎住一大包紙盒,我就好識做幫佢拎住D紙盒,一齊上樓啦. 個師傅幾好同細心呀,先幫我地睇下邊個位置切燒豬,然後將隻豬放係我地食野張枱度,等D老板一齊切燒豬,然後再拎番隻豬出去LIFT 口切,因為隻豬咁大,D汁會四圍飛.大家一見到隻豬,就流晒口水,但隻豬未切好之前,大家先食大家樂既到會,食咗一陣,燒豬黎啦.個個都爭住食,食食下....係喎,我要食第四條既骨,我既ACO話,第四條同第五條既肉係最貴,而且最好味,於是走出LIFT 口,問個師傅仲有冇第四條骨,佢話有,仲即刻斬俾我,咁先叫做好既服務態度呀講番隻豬,最初我個ACO

以前返工淨係拎住張外賣紙o係度篤前晚終於去左食原本係諗住出去街市食小菜, 但係朋友就話唔想去到街市咁遠於是就諗去金源店子細細, 都有電視睇價錢... 唔知點解叫3個會貴d例湯 - 木瓜湯, 冇乜渣, 都冇乜味精碗飯好大碗, 見到就覺得唔會食得晒, 但最後都ko紅燒豆腐, 唔係好多汁, 可能o係晒底, d "獻"唔係打得好杰時菜斑腩, 時菜都係紅燒豆腐下面d 菜. 不過d 菜多到好似平時出去叫碟油菜咁啫啫排骨, 一上o個下啫啫聲, 好滾, 幾過癮, 不過唔係食左好多, 因為我唔食骨既梅菜扣肉, 扣肉都係好明顯一層肥一層瘦, 不過肥膏就唔夠爽, 仲係油淋淋咁另外個底仲有幾舊瘦肉, 幾大碟, 不過梅菜少左d佢有梅菜扣肉同梅菜扣肉煲, 可能我地講o個時講得唔清楚, 所以冇落到個煲.每個set 都係$32. 算抵食之選不過選擇唔算多, 有d 好行既菜好似西檸雞, 粟米斑就冇, 京都豬扒就冇. 但哩d 都冇得要求咁多, 一分錢一分貨啦總算其實我想去食煲仔飯, 但行到去見到好似收晒爐咁, 定還是冇人叫呢上次經過見到佢既煲仔飯好平, $28 仲好似有埋野飲, 一定要再試

今晚依然夜放工，回到紅磡已近10點，成條街都幾冷清，唯獨仲有幾間食肆燈火通明，尤其係呢間更是座無虛席，因為門口以煲仔飯招徠。正想離開老細話隔籬鋪位都係佢地，個邊比較人少，坐落叫咗個膶腸雞煲仔飯（$30），即叫即煲，等咗十零分鐘就到都算快，食煲仔飯應該唔好立即揭蓋俾佢焗十分八分鐘，等D飯收番乾水就唔會太濕或者生米，因為太餓認唔著唔夠五分鐘就開蓋，D飯果然太濕而且仲有少少生米，非戰之罪唔可以怪人只怪自已心急。價錢雖平但材料唔少，雞都好多件但係無乜味，膶腸好香但好多肥豬肉，仲有菜同冬菇，食到尾仲有驚喜因為有飯焦。其實都好滿意，不過有位阿姐要趕收工，不停催趕食客，有D客食完想睇吓電視都俾佢鬧，叫人唔好阻佢收工，佢話已經做咗12個鐘乜都夠喇！阿姐唔好以為淨係得你辛苦，我都朝九晚九啦，今時今日應該俾D心機做，唔好同老細趕客，到無客個時你想做都無得你做。