金滿多餃子店

營業中

休息中

出返黎。最開始入去安排我哋三人坐在一個婆婆隔離，婆婆已經逼到屈，但又叫我哋入去坐，當時佢哋自己有個小朋友坐两張台大，但婆婆就迫到動不了，我睇到咁，當時店員指著可以枱之間十多厘米的可以枱與枱間距離（一手掌的距離）說大把位。就連行都入去坐都要動動枱先可入，我睇到婆婆縮埋。我就很憤怒，您地俾两張枱您地個小朋友唔知做乜，但就見婆婆迫到屈起身，就連我哋出入坐位的距離都要動枱先有得入。啫係是但有一方食完走，都會動到隔離張枱。對於老人小朋友太危險了。最後我決定走。

粟米芝士豬肉餃超好味啊！外皮脆脆的，內餡裡面有豬肉、粟米和芝士，一口咬下去，超多汁又有彈性。特別是那個濃郁的芝士味道，真是讓人停唔到！再配上一杯檸檬冬瓜茶，真是過癮到爆炸！那個清爽的冬瓜茶加上檸檬的酸味，真是解渴又提神。無論是下午茶還是晚餐，這組搭配簡直絕配啊！

太子區近年開左好多間餃子店，今日黎到位於荔枝角道嘅餃子店，都係性價比之選。同老公每人叫左一碗湯麵餃子麵。西洋菜餃子湯麵/椰菜餃子湯麵餃子大大粒，好飽滿，餡料都好足。個人更喜歡食西洋菜餃味道更突出。湯底有幾款可選，鮮茄濃湯/泡椒酸菜湯/粉葛鯪魚豬骨湯/重慶酸辣湯。毫無懸念揀酸辣湯（+$8），都夠惹味，椒麻味都幾香濃。加面底加$8，可選米線/烏冬/上海麵/紅薯粉。我哋兩個都揀咗上海麵，軟硬適中，掛湯感不錯。當然要加埋我最鍾意嘅辣菜脯。跟餐可以半價購買飲品，要咗凍荔枝同鳳梨紅茶，冰冰凍凍，食完辣嘢啱晒。

太子越開越多餃子店，經過見到，又見呢間經濟實惠都嚟又選擇多，就入去試吓🍽️西洋菜豬肉餃麵 $46湯底用咗粉葛鯪魚豬骨湯底，味道鮮甜，飲落好好飲，而且完全冇味精，好健康！可以飲晒成個湯底。餃子size大大粒，而且餡料豐富，滿滿都係西洋菜同豬肉，豬肉餡仲爽滑多汁，配埋烏冬，爽口彈牙，完全perfect match🍽️韭菜豬肉餃麵 $46同樣湯底都係用咗粉葛鯪魚豬骨湯，餡料好多韭菜，而且味道都好出！今次麵用咗上海幼麵，質感一絕，話咁快就食晒成個麵，再配埋自制菜甫，辣得來又幾惹味

🥣香濃芝士炸雞雞湯米線🥣：💰$49炸雞份量多外酥內嫩，好多芝士粉鋪面，啖啖肉之餘仲有陣陣芝士香，米線偏清淡可自行加秘制辣菜甫，更加惹味！🥣韮菜煎餃（十隻）🥣：💰$48店內餃子都係生煎，所以要等耐少少，每隻餃煎至兩面金黃，餃皮十分香脆，皮薄多餡，可額外加秘制口水汁一齊食，酸酸地，提升餃子味道，經典韮菜餃必食之選！🥤檸檬綠茶🥤：💰$6（跟餐價）食完煎餃，想飲啲好fresh既飲品，店內有不少果茶可選，檸檬綠茶感覺較清新，少甜，十分解膩。🥤荔枝紅茶🥤：💰$10（跟餐價）荔枝紅茶底較濃郁，荔枝味甜甜地，底部仲有椰果，幾足料！

【油尖旺區】【金滿多餃子店】同同事春哥相識多年，但係唔係咁多機會一齊食飯。適逢時間同地點許可，就搵埋佢一齊試呢間好多人都話唔錯嘅餃子店。咁點解無啦啦要試餃子店呢，又幾得意嘅，係有次無啦啦同春哥講開食嘢，佢就話佢中意食餃子喎。其實我都幾中意餃子，因此就促成咗今次呢餐。入到去發覺都幾光猛，進食嘅氛圍唔錯。餐牌大大塊，清清楚楚，印象幾好。我哋先試 $55 十隻嘅「芫茜牛肉餃」，本身係湯餃咁上，加 $2 轉煎餃，香口啲，春哥又中意嘛。個芫茜牛肉餃個餡幾大、幾足料，食落勁香芫荽味，因為就算係春哥食嗰陣，我都聞到啲餃陣陣芫荽味啊。而我哋接住試都係 $55 嘅十隻「麻辣白菜豬肉餃」，都有加 $2 轉煎餃，而佢都係好惹味，辣辣哋又唔會話太辣，好好食。加 $8 試「粉葛鯪魚豬骨湯米線」，無味精住家湯湯底，掂。再試碟 $13 嘅新鮮油菜「豉油菜心」，清清哋，一流。嘢飲方面春哥飲加 $11 嘅「檸檬水蜜桃綠茶」，我就飲加 $12 嘅「山楂雪梨茶」，都幾好，埋單 $158，唔錯啊。。。（地址：太子荔枝角道136號地舖）#1amfoodie #foodie #hkfoodie #thatfoodiething

返完聖堂，行過路過，見到間餃子店，好有特色，就入去幫襯，一嚐究竟 ~紫菜餃 (粉葛鯪魚豬骨濃湯底)：湯頭十分鮮甜，並沒有特別的鯪魚魚腥味，也沒嚐到有味精的怪味，餃子包得脹卜卜，紮紮實實， 材料豐富，紫菜加上豬肉碎，味道獨特又出乎意料的匹配，非常正 ~菜心餃 (粉葛鯪魚豬骨濃湯底)：湯頭十分鮮甜，餃子包得脹卜卜，紮紮實實， 材料豐富，菜心加上豬肉碎，清香又鮮味，非常正氣 ~加上一杯非常特別不知是什麼的 特飲，正！正！正！本篇完 ~

近排返工有好多飯局，食到腳趾公隱隱作痛，到夜晚黑只有食啲comfort food太子有間主打冇味精製作嘅餃子店，反樸歸真啱晒大胃呢間嘅餃子size都幾大嚿吓，包得實淨又靚，外皮有咬感，餡料係滿滿嘅粟米豬肉，粒粒粟米都好爽甜，豬肉肉香撲鼻，啖啖滿足湯底係粉葛鯪魚豬骨濃湯，飲落既pure且濃，魚香充足，湯料嘅純粹更顯餃子嘅美味加錢就可以配彈牙嘅上海麵，質感一絕除咗餃子麵，呢度都有香辣米線提供肥牛配香辣湯底好有川味感覺，湯底味道特別，帶有肉香肥牛肉質都唔錯，肥瘦剛好，蘿蔔勁爆大嚿，但又好入味喎整多碟小食歎吓，涼拌皮蛋完全冇押味，又係好清新嘅味道，帶點辣嘅刺激，質感好靚好動L，少少剔透，味感一流

太子好多餃子店，隨便都叫得出名幾間。今次黎食呢間金滿多餃子店，經濟實惠而且選擇都幾多。 1️⃣西洋菜豬肉餃（$38）（加配米線+$8） 湯餃配上粉葛鯪魚豬骨湯底，店家標榜無味精，飲落果然清甜唔油膩😌係可以飲曬成碗既～餃子大小適中，菜肉比例啱啱好。另外配上米線夠曬飽肚。  2️⃣粟米芝士豬肉餃（$42）（煎餃+$2） 煎餃香口好多！芝士唔係好濃好漏既果種，少少地又幾好食😋配上店家既菜甫食，辣啲又正啲。  3️⃣菜心（$13） 我要健康！我要食菜！新鮮既而且唔貴～   

太子呢邊餃子店臨立，平時幫襯開另一間，但有同事食過，覺得呢間都唔錯，所以推介俾我。我點了10隻煎韮菜餃，1碗粉葛鯪魚豬骨湯同一碟油菜。呢度的餃子皮係薄身的，表面煎到金黃色，咬落超香脆。個餡好飽滿，不會散開。韮菜好香，豬肉食落新鮮，咬開多汁，食落有驚喜。平時食開個間因為皮比較厚同用半煎炸，食落比較膩。但呢間就比較無負擔，食不停口。粉葛鯪魚豬骨店家稱是新鮮即日煲，飲落真係有住家的味道，很鮮甜，飲得出落足料，一點味精都冇。油菜就叫左菜心， 菜梗下面是滿滿的菜葉，加13元真係超值。呢間煎餃好出色，自家湯水好飲，而且價錢又合理，值得推介 。

講起餃子🥟最鐘意食皮薄餡靚、新鮮製作，熱辣辣，即叫即煮😋😋今晚去太子就試咗間新開嘅小店，環境企理潔淨，大大粒餃子飽滿夠足料，湯底仲係自家製老火湯，值得推介‼️🔹芫荽豬肉餃。粉葛鯪魚湯配紅薯粉濃香芫荽味撲鼻而來，嚴選靚荽好清香～豬肉餡爽滑多汁，口味精緻豐富！配以粉葛鯪魚湯，暖胃潤肺、清熱生津，啖啖鮮甜～紅薯粉煮得岩岩好，彈牙又滑溜！🔹粟米餃。蕃茄湯配米線鮮甜粟米加入豬肉，大大粒餃子飽滿爽彈，入口甜脆爆汁！蕃茄湯底酸酸甜甜，原個蕃茄熬製，真材實料極香濃～米線偏軟身，熟至熟透，軟滑柔韌。🔹椒鹽四季豆清脆四季豆配上香氣十足嘅椒鹽製法，令人食唔停口～🔹椒鹽娃娃菜脆嫩鮮甜經椒鹽後帶點微焦，食落特別惹味。金滿多餃子店 📍太子荔枝角道136號地舖

同朋友在太子搵食，經過見到這間店食物選擇多 好吸引，一於同朋友試吓😚 有多款米線同餃子，價錢平均約$50，性價比好高。夜晚同朋友嚟試吓😚 午市好多街坊光顧，值得一試～ 蕃茄湯鯇魚米線大大件魚尾好吸引！蕃茄湯頭鮮紅誘人，味道十分香甜，鯇魚肉質鮮嫩，搭配著細緻的米線，好好味👍🏻麻辣肥牛蘿蔔米線推薦，香氣撲鼻！肥牛片口感細嫩 爽口彈牙，搭配蘿蔔的清甜多汁，再加上麻辣湯底 啖啖惹味，回味無窮🤤 檸檬綠茶檸檬茶檸檬綠茶味道更清甜解膩😋

手工椰菜牛肉餃也很美味，餃子的皮厚薄適中，包著大量牛肉餡料和新鮮的椰菜絲，牛肉多汁新鮮，不會過瘦，搭配椰菜絲的清爽口感。椰菜的甜味和牛肉的鮮美融合，食多幾隻都唔會覺得飽同濟。手工特式芫茜牛肉餃非常特別，這道餃子的獨特之處在於添加了芫茜，芫茜擁有獨特的風味，爱的人就超愛，不愛的人就不愛。芫茜的清新香氣與牛肉的鮮味完美融合，似山竹牛肉，又比山竹牛肉有口感，肉質鮮嫩多汁。餃子配上餐廳特製的口水汁及自家製辣菜脯更加惹味，加8蚊配上烏冬及上海麵非常飽肚。湯餃配上嘅係自家製無味精鯪魚粉葛湯，湯底濃郁而不“傑”，有家的感覺而且不會口渴。粉葛的甜味與鯪魚的鮮味絕配，一個人可以渴幾碗。

呢排喺太子發現咗一間唔錯嘅餃子店，佢哋嘅雲吞同米線都唔錯🥰🥰我首先叫咗一份$36嘅紫菜豬肉雲吞湯，紫菜湯非常之香，而豬肉雲吞嘅味道都唔錯，而且湯底下嘅菜心仲充滿咗紫菜湯汁嘅味道，非常好食。我仲叫咗一份$49嘅香辣蘿蔔肥牛米線，蘿蔔非常之軟腍入味，而麻辣湯底非常香辣，令人一試上癮。小食方面，我哋仲叫咗一份涼拌牛柏葉同埋菜心，牛柏葉相當爽口彈牙，仲有青瓜絲作為配搭，帶來酸辣嘅味道，非常開胃。🥰🥰

作為一個經常出街食飯嘅人，金滿多餃子店嘅菜單有好多選擇，真係好豐富嘅。首先係佢哋嘅甜粟米豬肉餃配烏冬。呢道餃子以鮮嫩嘅豬肉同甜甜嘅粟米為主要材料，口感好鮮美，甜甜嘅同時仲有啲嚼勁。再加埋烏冬，味道更加獨特，試咗一次就難以忘懷。其次係正氣菜心豬肉餃配上海麵，呢道菜食落去有種輕盈同埋健康嘅感覺。餃子嘅餡料入面有豬肉同新鮮嘅菜心，味道鮮美同埋豐富。同上海麵一齊食，面條有啲嚼勁，同餃子嘅味道互相襯托。呢道菜食落去又飽肚又唔會太膩，好適合做個輕食晚餐嘅選擇。最後，我仲要推薦佢哋嘅香辣魚皮。呢款小食以脆脆嘅魚皮為主，再配上微辣嘅醬料，帶嚟一種獨特嘅風味。魚皮嘅酥脆同埋辣椒嘅刺激互相襯托，真係令人難以抗拒。呢款小食可以當開胃菜或者下酒菜，絕對可以滿足味蕾。值得一提嘅係，金滿多餃子店係用粉葛鯪魚豬骨濃湯底嚟煮佢哋嘅湯麵。咁樣加咗湯底之後，味道更加豐富同獨特。呢種湯底令整個用餐體驗更加特別，留低好深刻嘅印象。總括嚟講，金滿多餃子店嘅食物款式多樣同埋好好味，每一款菜肴都令人難以抗拒。不論你想試下清甜嘅粟米豬肉餃配烏冬，定係想嚐下正氣菜心豬肉餃配上海麵，甚至追求刺激口味嘅香辣魚皮，都可以滿足你嘅需要。相信你