金滿象正宗泰國菜

營業中

休息中

經過聞到好香好香既味道就入左去首先呢度既環境好好 暗黃既燈光好舒服好有氣氛 啲吊燈裝飾都好靚野食都不算很貴 今次叫左個半打串燒（雞牛豬） 金邊粉同飛天通菜 但佢份量好大 兩個人分一碟金邊粉同通菜已經飽了金邊粉係幾好食既 但友人好鍾意食花生 佢略嫌唔太重口味 不過就花生味唔夠出而我就反而覺得飛天通菜唔夠入味 食落去冇其他泰式餐廳既好味串燒就正正常常 啲肉唔鞋不過我就建議要上左菜趁早熱辣辣食我地食左其他兩樣最後先食 搞到凍左環境真係好好 好乾淨企理 又唔迫

今次第二次食呢間秦國菜，入到去比較迫，四人座坐入面既會比較迫。然後決定點餐，之後我朋友點既耶青水，店員拎左一杯耶汁西米露俾我地咩都冇講，到我地問先講冇耶青水所以轉左耶汁西米露俾我地。之後兩位女店員都好有禮貌，而且等我地食左一部分食物先再拎其他食物另外，我朋友點左一個辣蟹，後來店員到我地食左一半先話冇，希望下次如果冇可以係餐牌上表明食物方面全部都好唔錯，呢個價錢黎講算係中上，唯一一碟炒蝦比較淡。而青咖哩同上一次食一樣都係唔錯，比較想讚個炒牛肉烏冬同之前係泰國食既一樣都好入味飲品就中規中矩，嗌小冰真係有小冰既，不過味道正常整體方面覺得會再去既，不過會只叫某部分既食物

這間泰國餐廳上個月來過食，都覺得好好味，所以再來，今次有驚喜，夜晚加多左泰式串燒，不錯哦，食材好過好多食店，燒雞翼非常入味juicy又有泰國地道風味，泰式魚蛋無得頂，食落去就知不是普通貨式，真的100％值得推介，試梗（掛住食影得甘多相）

又係旺角搵午餐既時候。呢間泰國餐廳係性價比幾高既餐廳。四句總結晒：1. 價錢合理2. 食物好味3. 坐得舒服4. 服務都好我通常黎都係食午餐。佢有個lunch set係粉麵，有時候我都會㨂冬蔭功湯底，正！不過我今次就叫左牛仔骨飯。好搞笑咖，次次佢用既咖哩汁都唔同。有時青咖哩，有時黃咖哩。重點係佢個餐牌無寫咖哩嘛，哈哈～不過好味就算啦。價錢真係超抵！咁樣都唔五十蚊有找！服務都好，大部份都係識講廣東話既疑似泰國人，一般都好nice。所以我成日都都會黎食lunch⋯⋯

提起「冬蔭功」（Tom Yum Goong）三個字，腦中自動聯想起酸咪咪的味道，口水不自覺分泌旺盛!這是一道舉世聞名的的泰國酸辣湯，由南薑、酸子、香茅、青蔥、酸檸檬、辣椒和魚露調製而成。 英語音譯為Tom yum，其中，Tom表示湯，yum表示酸辣之意。其實對泰國人而言，冬蔭功不僅是酸辣蝦湯，更是一種有歷史、有感情的國民comfort food , 非常有代表性呢 這個湯煲得很夠味, 充滿酸辣之餘, 亦充斥蝦的香味, 很開胃！還有炸蝦餅， 香炸食物最啱我的味蕾， 雖然怕熱氣，但也絕不能放過

泰國菜是香港人常食了，今晚就來到旺角金滿象，因為時間尚早6點未夠，客人唔多，呢間店細細間，環境舒適，兩個人就叫了一個泰式金邊粉，冬蔭功湯飯，泰式炸蝦餅，咖啡同洛神花茶。其實泰國菜大家都食過，無咩突別，菜色款式間間都差不多，最重要既係廚師煮出來既味道~泰式金邊粉炒得夠乾身，夠惹味冬陰功味道剛好，湯濃不太辣要特別推介既泰式炸蝦餅，肉質彈牙最後兩人埋單都係$180，一餐晚飯咁既價錢絕對合埋泰式炸蝦餅脆口彈牙，值得推介

今晚同家人一齊出去旺角食飯，去到廣華街附近，有好多食肆，花多眼亂，都唔知食邊間好，但因為屋企人喜歡食泰國菜，所以選擇呢一間，入到去環境都OK，1）香葉玉碎飯，冇咩驚喜，不過不失，2）海南雞飯，雞肉好滑，唔錯，3）泰式金邊粉，只有酸味，成碟冇咩食過咁制🙈，4）泰式酸辣鳳爪，都係一樣只有酸味，一啲都唔辣，5）泰式海鮮粉絲沙律，呢個好少少，但都係一樣只有酸味，但可能因為有粉絲底，個粉絲吸收左啲汁，所以呢一個都可以接受，6）生虾刺身，都幾新鮮蝦肉夠爽，7）泰式拼盤，除咗個炸蝦餅之外，其他真係麻麻地🤦🏻‍♀️，8）泰式馬拉盞炒椰菜苗，好香馬拉盞味，有少少辣，唔錯，9）海鮮冬陰公湯，,都只係酸味😱完全唔明白點解呢一間餐廳所有酸辣的食物都只有酸味，仲要係好酸，一啲辣味都冇，完全平衡唔到，整體來講，咁嘅質素，真係唔會再有下次🤦🏻‍♀️🤦🏻‍♀️

呢個“唔諗飯”(個名真搞笑）,有好多餸，好正多嘢味， 我問啲泰國姐姐點解個名咁搞笑， 原來 泰國姐姐話係用新鮮豬肉炒的， 可以食曬成碗飯，所以選擇困難既我埋可以「唔洗諗」🤨！杯奶茶都沖得好好飲， 以後都可以當飯堂吖

我男朋友一向都好鐘意飲冬陰公 但係又怕叫一個冬陰公湯 之後再加兩個主菜就會食唔晒見到佢有冬陰公湯飯所以就即刻解決咗我哋個問題啦就咁睇個橙紅色既湯已經覺得好吸引 呢碗冬陰公除咗辣之外仲有淡淡嘅椰汁味 雖然材料唔算得上係好豐富 （大量既菇同埋幾隻蝦） 不過個味取勝 而且價錢亦都好平 只係要＄49 其實我之前試過就咁叫佢既冬陰公湯 係用個椰子裝住啲冬陰公湯 個個都一樣好味 不過我建議如果大家想平平哋試吓先 可以叫呢個冬陰公湯飯 因為佢個湯底其實係一樣只不過係啲配料有分別另外我叫左個青咖哩炒米粉 佢係可以揀牛/雞或豬 我就揀左雞肉 雞肉既份量好多 就咁睇你會覺得個賣相好一般 但係其實佢個咖哩味好濃 而且每一條米粉你都會食到有青咖喱汁 佢真係炒得好均勻 呢個都只不過係＄48好抵呀

收工混混沌沌獨自在旺角一角落搵食，門面光鮮食泰國菜，試下囉！平時食來食去都係燒味，今晚食貴dd慰勞自己，菜單上炒金邊粉樣子頗爲吸引大敢落左單！事實上果然冇令我失望，凈係睇好有心思味道粉炒得干爽、帶有些甜甜地的味道，感覺不錯

三五知己唸住徐夕晚倒數，旺角成條街迫到嘔！行入少少廣華街原來都有好多好西！選擇左泰國菜，好彩呢間的價錢不算貴又可以飽肚！四條友點左3個餸。嘩！總知好滿足，詳細睇圖片！下次會來原來逢星期一至星期四都有不同優惠推出！

我好少寫食評。真心難食！粉絲(冇相)鑊燶味、菜喊到講粗口、重點係个甜酸蝦 好似食麵粉咁 仲要冇味 齋酸 硬。講真成200蚊一个餸齋食酸 我不如去麥當勞食茄醬😓好嬲 原本諗住開開心心同我朋友食生日 依家覺得好對唔住佢😭😭😭😭 實在十分之難食.............. 各位小心總之就係好難食 唯一好少少嘅就係個廁所比較乾淨 態度方面 一般般 大部份員工都好似趕住收工 你食嘢佢就係你隔離不停咁抹枱 執嘢，對於食客來講感覺不太好。

什麼都不能點，想點咖哩都沒有。要撈麵沒有。換成公仔麵還要加錢。冬陰公湯不標準，只是普通餐廳的羅宋湯。金邊粉淡而且甜。香葉肉碎炒公仔麵比較能接受，但也只是普通茶餐廳既標準。問店員紅綠咖哩有咩分別，答都答吾出。

The staff has very bad attitude and bad service. Beef pot arrived and no plates, then toilet no soap I asked them they just say have, although there was none, and so on. Food was horrible as well. Beef pot sauce looks gluey (see pic) won't come again don't come unless u want low quality Thai food with even worse quality service or u like black face staff.

今日約咗朋友來食泰國嘢，行行吓見到呢一間，就試吓佢啦。店內裝修擺設幾好幾有泰國風情，而且員工都似係泰國人哈哈。呢間逢星期一就做優惠架，條魚好似半價咋。我哋四個人都爭住食條魚呀哈哈。佢其他嘢食都幾好味架，我最鍾意飲個冬陰公湯，我覺得佢做得幾正宗，夠酸夠辣。另外個炸蝦餅都好好味，都幾多蝦又夠脆，在點埋個泰式辣椒醬，正呀！！！另外仲帶咗個炒金邊粉同炒通菜，都係合格之作黎架。我記得佢哋仲有啲套餐叫，計落應該平啲啲。