金滿都越南餐廳 (已結業)

放工走到長沙灣和舊同事吃個晚飯，選了在街角的金滿都。晚市時間人不多，而且餐廳夠大，所以坐得舒服。 看過餐牌，最後選擇單點。坐低先來個棷青水和珍多冰下下火，清涼解渴!!我點了個招牌生牛金邊粉。粉的份量很多，牛肉上枱還是嫩紅的，份量也足，我喜歡其湯，清得來也夠熱夠味。 同事也點了雞翼金邊粉，牛油雞翼炸得香口，而且隻隻肥美，肉質夠滑，皮亦夠脆。因為她是咖哩控，所以點了個咖哩雞。大大一鍋，咖哩醬滿瀉，她直接用來點金邊粉食。我在旁看她吃得滋味，也吃了件雞，啖啖肉，好滑嫩。 我選擇健康一點，所以點了上湯生菜。這生菜很得我心，因為湯是奶白色的，飲落好甜，菜也爽脆，而且無油浮面，感覺健康又好食!! 最後因為口痕，又點多了個生菜包。因為豬肉賣完轉了雞肉。生菜包上了炒雞肉、蒜片，花生碎、香葱，好簡單但好好食，全部都俾我地清光了。 這裏的店員都是些姐姐，好開朗健談，又會好熱心介紹有咩好食。見到有BB仲會好主動為客人放上BB椅，真係好貼心。

話說我有個比賽要控制體重 尋日餓咗全日，就係為咗今日比賽過磅, 由於我唔熟長沙灣九龍，去比賽場地途中，我已經揾定最近×最好嘅餐廳。成功過磅後，我滿心歡喜去依間所謂"114☺好評，3😢負評"既越南餐廳食佢所謂嘅"招牌炒飯"去到成個場得小貓三四隻 基本上成個炒飯既肉就淨係得圖中3-5粒， 味道亦好差， 唔講以為食緊齋。我討厭浪費食物， 但我都食唔曬我從不上網寫食評， 都忍唔住要第一次寫，費事再有人中伏

去完旅行後, 工作量排山倒海... 所以今晚決定同老公近近地求其食就算. 老公突然想食VIETNAMESE 所以就去左呢間. 估唔到餐牌既選擇都好多, 我地都真係需要一D 時間先可以選擇到.餐廳位置都算大唔會好迫, 我地2個人都可以坐到4人枱! 食得好舒適. 首先黎既係咖哩牛腩, 呢間係我第一次預到如果要麵包係要加 $20 既餐廳. 我地又叫左個炒飯所以今次我地冇叫包. 不過老實講有咖哩冇包, 就算咖哩再好味再香都係差左小小. 咖哩本身係好有椰香, 牛腩都好林而唔痴牙. 仲有我最愛既薯仔. 係好味既. 跟住就叫左2個小食同一個炒菜. 蒸粉包中間好多饀抵食又好味. 豬頸肉個面都脆卜卜加埋個馬拉SATAD既花生SAUCE, 更加野味. 通菜呢D 就好難會出事, 呢個又炒得唔油同埋又夠鑊氣. 最後就係呢個冬蔭公炒飯. 個飯唔辣只係酸酸地, 炒得都好乾身上面仲有一隻煎蛋俾我地夾埋D飯食. 份量同味道都十足.食左咁多樣野都唔洗300... 又唔洗自己洗同煮!!! 真係抵呀~~~

好多時想食越南野 都唔係咁易揾到正宗/好味既而連鎖嗰d又好貴 今日見到長沙灣呢間越南野 看似茶記山寨越南野點知又幾surprise d 野正宗嫌好食 真係抵晚市一碗檬粉都係五十幾蚊仲有套餐揀 我地兩個人 叫左個招牌咖哩牛腩 配蒜蓉包 蒜蓉包 又大塊 又脆又多蒜蓉牛腩比想像多 仲有牛筋tim 正跟住叫左個生菜包 原先以為係泰色嗰種 點知真係有越式 肉粒 加埋葱蒜 檬粉 好滿足小食拼盤 春卷好味 好脆庶蝦都唔錯 有蝦味 好多鏈鎖店既庶蝦都係一舊膠咁無味老闆娘 仲好熱情招呼 介紹左千島焗蠔

週末剛去完朋友家，就到朋友樓下屋邨商場食晚餐門口看過餐牌後，就決定試試這間越南餐廳街坊生意，價錢經濟實惠先來份三色拼盤春卷，庶蝦，粉包個人較喜歡沒有炸得過火的蔗蝦，質感彈牙粉包內餡也夠多，不過要盡快吃，不然皮會變硬豬扒雞翼飯，幾乎每次到越南餐廳都會點來吃喜歡大量蔥油可撈飯吃可惜這家的蔥油不夠香明爐酸辣烏頭配上一大碗酸辣湯，可不時加進魚身上烏頭只有半熟，要煮一下才吃！魚肉沒有來得嫩滑，但鮮味不錯酸辣湯來得惹味長沙灣元州街303號元州商場地下1號舖

今日就同朋友食一個越南菜因為係Re u gathering所以搵一個地方又大又可以叫都唔同菜式嘅地方食飯而且多男仔都要搵一啲多澱粉質同多飯嘅地方先啱佢哋法式黑椒牛柳粒紅飯$$85可以見到佢連個飯都係有味嘅好似番茄味咁再加上黑椒牛柳汁係勁單牙勁多同埋唔止肉好多左好多菜添汁都係好香好重黑椒味香茅豬扒拼雞翼飯併雞翼飯$$65好大塊豬扒而且香茅味好重今日都係炸得好香脆睇吓佢嘅雞翼係整得幾香點埋啲辣醬仔勁好味啦椰青$$32你都越南餐廳又點可以唔食椰青鮮甜嘅椰青可以令到我哋消化得更好而且用黎配飯食更加有越南嘅風味凍奶茶$$9 2 杯金滿都炒飯 $$55係好足料嘅炒飯又多菜又多肉而且炒得好香一啲都唔油無骨海南雞飯 轉白飯 $$65 啲雞肉係超級滑而且啲飯粒都好正

今日收工喺長沙灣元州商場附近，行經這間金滿都越南餐廳，看到宣傳星期三/日有精選套餐，咁啱星期三，唔試都唔得。豬頸肉厚身大片，肉質爽彈有韌勁，配有酸紅蘿蔔絲 、炸蒜片和生花碎，加上越式撈檬汁，整體都不錯。咸檸柑橘蜜茶 凍+$13好夠大碗，當中有生牛肉、熟牛肉、牛丸、牛柏葉，生牛肉嫩滑牛味濃，熟牛肉亦不錯，牛丸爽彈，牛柏葉都夠腍，配金邊粉湯河，幾好。熱咸柑橘蜜茶 +$13今日碰巧特價比平時平$30，驚喜的是都真係幾大條，两個人食都有點多，另外再附上越式酸辣湯汁，邊煮邊落湯，魚吸上越式湯汁味道更佳。非常脆口，餡料夠熱夠蓉，正。馬拉盞炒得香，入口帶微辣，菜有些炒得過火變得太腍。

幫公司拎完野係長沙灣簡單食個飯，依到表面係間越南餐廳，但都幾多創新菜色越南咖哩牛腩飯$48牛腩大大舊，薯仔好淋好入味，咖哩較結身但唔會好辣，好莣味；仲配上大大碟飯，要黎食咖哩岩哂冬陰公牛尾飯$52好特別所以覺得依到好多創新菜，冬陰公有少少辣，但再酸Ｄ會更好，牛尾好嫩滑輕易做到骨肉分離黑椒豬手煲$78超好食！必試，脆卜卜既豬皮，食落啖啖骨膠原，加埋黑椒汁口感唔會太油膩明爐酸辣烏頭$108 配上冬陰湯，下面有個火熱住，但第一次夾開食既時候粉紅色唔熟，侍應幫我地拎入廚房要再加熱

今次同朋友食呢間位於屋邨商場嘅越南餐廳。餐廳係普通屋邨茶記感覺，環境唔算非常好，但兩個人都有卡位坐，位子都寬敞嘅。整體都幾抵食，質素亦唔差喎！.小食都幾平。蒜蓉包($26/四塊)蒜蓉同牛油份量多，食落都幾油、幾肥嘅感覺，但就係咁先好食嘛哈哈😆串燒($23/兩串)可以兩串咁叫，人少少都可以叫嚟食。雞同豬肉質都幾滑幾好食，但沙嗲醬唔夠香🤨蝦餅($60)正正常常。.當然要叫我一向鐘意食嘅越式牛肉河粉！貪心啲叫咗火車頭河粉，咁就生熟牛肉同牛丸都有😛料都幾多，生熟牛肉都各有四塊。湯頭都幾清甜，整體都唔錯。海南雞飯早知加錢轉髀位😭海南雞被分到了雞胸位置，也許因為係雞胸位置吧，食落都嚡嚡哋😭油飯粒粒分明，但可能因為我地擺到最後先食，所以凍哂😅(所有食物幾乎同一時間上，食唔切呢😅).難得係落單後食物上得好快，但小食都係熱辣辣嘅。可能餐廳人客少，所以廚房全部人都同時做我地嘅order😂不過其實係唔會食得切，所以某啲食物都係攤凍咗😫如果可以分開少少咁上嘢食就好啦😳.又不至於要專登去食，去開附近或住附近的話，都可以去食吓😌

睇餐牌見佢有每日精選嘅set餐，好似都幾抵叫，本身平咗之餘，加少少錢仲有嘢飲。一嚟就一人一個椰青先唔係講笑！超級清甜！自己叫咗個海南雞飯，啲飯好香嘅雞油味！啲雞都好鮮嫩，食到停唔到口！朋友再叫咗個豬扒撈檬，豬扒炸得好鬆化，檬粉嘅份量都好多，撈檬粉個醋唔夠仲可以不停添！小食就叫咗串燒拼盤，我哋叫咗沙嗲牛肉同雞肉。啲沙嗲汁燒得好入味，因為太好食，食食吓會發現啲沙嗲汁唔夠點啲肉都整得唔錯㗎，食個陣唔會話黐住支竹籤。甜品叫咗個椰汁粟米黑糯米，唔會話甜到漏，為呢一餐畫上完美句號

同同事喺長沙灣個邊收工太晏決定食埋晚飯先，發現咗呢間唔錯嘅越南野～餐牌有唔少選擇，多人嘅話叫多人set好似都幾抵～但我哋得兩個人就決定散叫算，廢事食唔哂！我地total叫咗3個小食同一個主菜。小食方面叫咗個大嘅海蜇扎肉雞絲，啲海蜇醃得好好味，好開胃！份量都好多，62蚊好抵食！再黎叫咗庶蝦（$30）同越南春卷（$28），兩款都係越南特色小食嚟，整得好有越南風味好好食，真係價廉物美！最後叫咗個咖哩牛腩煲（$90）再加$20要4件蒜蓉包，呢咖哩好夠味，用哂點蒜蓉包好配！

今次試左長沙灣嘅金滿都夜晚7點半食 人唔多每日有唔同嘅套餐, 亦有每日唔同嘅特飲我地總共叫左6樣嘢呢個咖哩牛腩煲，牛肉好腍，但啲根位比較韌，仲有少量薯仔同牛根，牛根無乜味，咖哩都唔會太辣，加埋蒜蓉包，正. 呢個牛腩煲唔跟蒜蓉包嘅 要加$20，有4片，都好多蒜蓉喺面，好香我地仲叫左火車頭河粉，有齊牛𦟌，牛柏葉，牛根，牛丸同生牛肉，河粉分量都算多，飲完個湯都唔口渴，幾好食牛𦟌都好腍好有牛味呢個牛根都係無味牛柏葉好食，有好多舊生牛肉及牛丸都唔錯小食我地叫左三色拼盤，有蝦棒，粉包同春卷，蝦棒唔錯，同埋個泰式辣醬，酸酸甜甜好味粉包都幾好食，個皮煙煙韌韌，唔厚，又多料最好食呢個越南春卷，外皮勁鬆脆，熱辣辣，好好食仲有個飛天通菜，一啲都唔辣，有啲失望，好普通嘅一碟炒菜仲叫咗個椰青呢間越南嘢都唔錯，環境都坐得舒服，價錢都唔算太貴

最近到訪了一家街坊越式餐廳，感覺不錯，而且價錢親民。餐廳有數家分店，這次吃的是長沙灣店。經營感覺似茶餐廳形式，但主打就是越菜。無骨海南雞配油飯 $61海南雞已去骨，食得放心。入口啖啖肉，雞肉嫩滑，可配上三種不同的醬，自由配搭。另外，油飯也充滿雞油香。越南咖喱牛腩煲 $95蒜蓉包 $20咖哩味道香濃，裡面的牛腩又大又腍，不論加配飯或加配蒜蓉包都好合適。選擇了加配蒜蓉包，口感香脆。將蒜蓉包沾上咖喱食，非常惹味。飛天炒通菜 $55通菜的份量多，蒜香味濃，椒絲沒有帶來辣的味道，所以也適合不吃辣的朋友。香茅雞扒撈檬粉 $42雞扒香口，將酸醋加入檬粉，撈勻各樣配料，酸酸的感覺非常開胃。有時候心血來潮想吃越菜，居所附近有一家越式餐廳的確好方便。

寫食物之前要讚讚呢度嘅服務！店員好熱情介紹我哋食乜朋友想飲啤酒，又建議咗隻越南啤俾佢食得好開心 🤣【越式手作春卷】好香脆入面啲餡料係自家製人手包加少少醃蘿蔔仲用菜包嚟食香口得嚟清爽啲啲餡真係幾豐富飽滿～【越南 333 啤酒】食脆口嘢飲啤酒就啱哂呢隻啤酒幾溫和易入口，啲泡都算綿密啤酒仲有買一送一𠻹！【越式沙嗲串併盤】一份有 6 串，有齊雞肉、豬肉同牛肉串三種肉串都好好味，啲肉好滑嫩唔嚡口沙嗲醬香濃好食 😋【越式香草焗羊架】係用錫紙包到冚咁上菜打開嗰陣仲有種拆禮物 feel 🤣羊架加咗香茅香草去焗果然有越式風味得多兩件羊架都幾大塊，好嫩同埋唔羶【越南咖喱牛腩煲】一樣都係即叫即焗非常熱辣辣，有好濃郁嘅咖喱味～牛腩大件但好軟滑索哂啲咖喱味真係超正！呢度啲特式飲品都幾多花款唔止得三色冰、青檸梳打呢啲後面嗰杯係【鮮柑汁什果冰】酸酸甜甜都唔錯【金滿都炒飯】原本叫個炒飯撈下咖喱食炒飯落咗秘製黑椒肉碎同厚切豬扒粒望落平凡，不過炒得好好食！就咁食都已經好掂【椰汁栗米黑糯米】見啲嘢全部都好好食，就加多個甜品呢餐真係好滿意！

嚟到長沙灣搵好嘢食，見到呢間越南嘢，條癮即刻嚟到，所以就入咗去食舖頭樓底好高，感覺好闊落，座位都好大，坐落都舒適叫咗兩個set dinner加啲小菜咁，餐飲嚟先，熱華田同鹹檸7，就咁睇落有茶記feel鹹檸7嘅檸檬飲落好鹹，要溝多啲7喜沖淡個味咖哩牛腩飯嚟到呢度嘅咖哩味道好特別，唔會太辣，椰味又唔會太重，有啲似泰式咖哩+印度咖哩嘅混合版牛肉炆得好淋，咬下去全不費力腩位幾靚有根，入面仲有啲炸過嘅薯仔燒豬頸肉好香好脆，真係好香口惹味，但同時又keep到入面嘅肉汁配上炸蒜同蔥油一齊食，好好餸飯十分推介沙嗲牛肉串燒好香，燒好嘅嫩牛肉串上面撒上花生碎，再醮上沙嗲汁牛肉味濃，唔會俾沙嗲味蓋過，兩者味道平衡蒜蓉炒通菜調味剛好，有炸蒜同生蒜，蒜香甚濃每條通菜都炒得夠淋夠入味，每次食東南亞菜都忍唔住要叫一碟去骨海南雞飯配上黃油飯同三色醬汁雞肉係髀位，嫩滑味濃，食落更有點似港式嘅切雞飯，加埋蔥油同醬汁一齊食好百搭粟米椰汁黑糯米冰凍好食，甜度剛好，配上玉米粒，整體味道好配搭呢度啲嘢食價位低，又大大份，真係好抵食