金牌冰室

營業中

休息中

係北角同鰂魚涌交界，想食個快嘅lunch 可以來呢到！ 呢間又係我同同事經常食嘅餐廳，因為夠快。而且都算夠飽，佢午餐會有湯飲，所以飽肚咁OK。徐經常食嘅係佢嘅燒味，多數食油雞瀨粉。油雞瀨粉是一道充滿傳統風味的美食，擁有迷人的口感和豐富的味道層次。雞肉入味，唔會過於油膩，而是有一種適中的濃郁口感，不過不失。有個問題就係唔知係咪師傅把刀唔夠利，雞件不時都會有骨粹食到。湯底通常是以雞湯為基，再加胡椒粉。環境嘅話，如果12點到一點去食好似打仗咁好多人，有好多人喺你後邊行嚟行去，同埋都會好嘈，唔建議咁早過去食。

咁岩出開去，鰂魚涌站C出口一出嚟睇吓有乜好食下午茶時間見到呢間金牌冰室好似唔錯又幾抵食必食古法濃湯瀨粉配叉燒$36（下午茶）😍超抵食！勁多叉燒！叉燒係我嘅喜好，仲要係唔太多肥膏位，叉燒帶佢甜味好好食，唔靭！推薦👍🏻👍🏻👍🏻瀨粉嘅份量都幾多下午茶送熱飲：薑蜜奶茶（出邊好少見一於試吓！）有驚喜！冬天凍凍地，飲杯奶茶，帶啲薑蜜味都幾香👍🏻👍🏻👍🏻必食古法濃湯瀨粉配油雞$36（下午茶）🤤同樣油雞都幾多件，有油香，夠滑，比較細件，但有少少碎骨。熱天然蜂蜜👍🏻都幾正，一飲就知真係用蜂蜜沖👍🏻下午茶都幾多選擇，而且都幾多人入黎食👍🏻可惜舖面比較細，有d迫總結：推薦👍🏻👍🏻抵食！叉燒真係冇得輸！！！🔥

講真食茶記都係諗住快靚正，都無乜要求，但真係令到我lunch好嬲。去叫外賣，12.35分叫完，諗住等陣都好快有，十後鐘後去到，見前面幾個比完錢人仲係到。叫到683, 之後再叫下個冧巴已經係8分鐘左右，人哋食常餐，都可以咁耐。（仲有見到啲餐嘅油多腸仔盒好哂，應該差咗麵，但見到出哂水氣個包都一定好難食🫤）去到1點先叫到我餐，25分鐘。得返半個鐘食，都算希望下咗啖火。哇一打開，有菜，好似幾好，但佢加咗麻醬！同麵放一齊，但我係叫葱油撈面，最後啲麻醬又流哂去麵到，哇搞到陣味撈埋哂，勁難食。仲未講，啲面淋、霉，葱油：少、鹽未溶，入口成口油，仲要淋咗上塊扒到，撈到落面嘅得勁少。🫠然後扒餐比筷子⋯⋯塊扒用手拿？無諗過一個葱油撈面可以咁。煮得難食係一件事，佢係勁求其，塞個餸比你就算。完全無考慮過食客用餐體驗。$55蚊加涼茶味檸茶$5，真係食唔落👎🏻返工已經好辛苦一個鐘食嘢，搞到我成個下晝好bad feeling.

王牌冰室係一間我經常都會午餐時候幫襯嘅茶餐廳，我特別鍾意佢嘅燒味飯，，係而家少數有得揀燻趾做其中一個餸嘅燒味飯。除咗燻蹄之外，佢嘅叉燒油雞都好唔錯。作為午餐一個set lunch佢仲會送埋例湯同埋餐飲，而且份量亦都好多絕對夠飽。另外佢有一個金牌叉燒滑蛋飯係常餐其中一個項目，我亦都非常之推介。啲蛋好滑一啲都唔老，同叉燒嘅配合亦都好match • 再加上佢會跟少少沙律菜，中西合璧，都幾開胃，難怪午飯時間會排曬隊！

上網見到呢間金牌冰室燒味幾好食，餐廳主打都係燒味！就買個燒味飯試下，不過佢一個都唔平，雙拼要成$50，包一個嘢飲，貴過酒樓十幾蚊，不過贏在份量足，幾唔錯！🍴燒味大碗飯雙拼 叉燒燒腩仔 $50 (7.8/10)睇落好大碗但其實正常飯量！叉燒同燒肉都有7舊，份量都足，對得住$50呢個價錢🤣飯煮得太淋，食到一pat好淋嘅飯，真心扣分，唔要求粒粒分明，但個飯唔係咁爛得唔得🥲燒味幾唔錯，叉燒燒肉燒得一啲都唔乾，叉燒微甜，有肉香，唔會有雪味同怪味，肉質都彈牙，好難得咁瘦嘅叉燒都好食，食得出真功夫，仲有少少微燶邊，好香口🤤燒肉冇叉燒咁好食，但意外一舊燒肉有幾層，都有肥有瘦，唔會淨瘦肉，個皮都脆身，唔鹹，肉質唔硬有水份，幾唔錯！☕️熱奶茶 (4/10)奶茶唔重茶味，亦冇奶香，飲完有陣微酸微苦，應該係茶膽唔靚，唔好奶茶唔好叫，極一般😂推薦指數: 7.5/10燒味幾唔錯，真心燒得幾好唔會太乾太硬，對得住$50呢個價，嘢飲就飲返檸檬茶安全啲！

係北角諗住食個lunch醫下個肚，附近又唔見有啲咩食，就求其揀左呢間金牌冰室食。餐廳應該主打燒臘，見佢個menu有燒味大碗飯、金牌燒味，就連常餐都有叉燒意粉。講真質素就普普通通，但係勝在唔洗排隊，而且價錢唔貴，仲有老火湯飲。想食餐快飯都ok既。1⃣️金牌叉燒炒滑蛋飯（$48） 一坐低店員就擺低碗老火湯我地。係蓮藕豬骨湯，飲落味道偏淡，但係應該冇加味精。叉燒份量好多，食落口有少少甜味，但係冇乜蜜香。炒蛋好散，一啲都唔滑，而且都冇蛋香😂普通茶餐廳質素但係絕對食得飽你。幾欣賞伴碟仲有啲沙律，仲配埋少少沙律醬。  

其實呢間野除咗好迫之外，缺點就無乜！要留意番，呢間餐廳係A類餐廳！只可以食到六點！二人一枱！今日本來想食乳鴿，可惜又話要訂先有，如果想食嘅話記得要預先預訂！無乳鴿食，咁不如就點個雙併飯，有雞有燻蹄！雖然細細份，但味道都唔差既！仲有個例湯送。個湯又幾好飲，唔算好鹹，有啲甜👍，雞係醃鹹左嘅！即係可以話係鹹雞，燻蹄就普普通通，唔算肥亦都唔算瘦，都ok!飯煮德有少少硬，仍然可以接受！而飲品就普普通通！個茶底就未至於話太難飲最後總結：比得呢個價錢，做到應該既質素，員工大部份都有禮貌，如果公司喺附近嘅話，建議買外賣！

尋日放學經過鰂魚涌，屋企人話想買啲燒味做團年飯嘅餸，見到呢間餐廳嘅燒臘幾吸引😍就入嚟買燒味外賣返屋企～切雞例牌$68白切雞好新鮮🤩肉質好嫩滑☺️口感幾好😍送飯一流☺️而且有一大盒，幾抵食👍🏻油雞例牌油雞調味幾正🥰鹹鹹地，肉質同樣咁新鮮☺️食落啖啖肉😆幾有嚼口😚而且好香😍配埋佢嘅薑蔥幾好味😋叉燒例牌佢調製嘅醬汁好好味😋幾香甜☺️係半肥瘦嘅叉燒，配埋醬汁，食得好滋味💕餐廳除咗有燒味，仲有唔同款式嘅港式茶餐選擇，價錢經濟又實惠👍🏻餐廳主打嘅燒味有燒鵝，燒腩仔，切雞，油雞等等～全部都唔錯☺️

閒日返工成日經過～食飯時間成日都大排長龍每次都因為怕多人折返左但原來食好野真係要排隊🤭今日見放工終於都冇人龍黎到近六點好多正野都冇晒了一定係好好味先日日清倉我既first choice當然係燒鵝同燒腩仔可惜黎到既時候已經賣晒了點左叉燒切雞飯叉燒肥瘦比例岩岩好有少少燶邊夠晒香口配埋少少麥芽糖響外層甜絲絲切雞仲跟左大大份雞胸雞肉夠嫩另外仲點左沙薑雞最欣賞唔係得兜磨到爛晒既沙薑雞醬係堅係有沙薑粒用黎撈飯真係一流份量超足D燒味真係日日清夠晒新鮮

今日收工過左去北角送禮，之後約埋老公一齊去食個 early dinner。記得健康東街有間食清湯腩嘅茶餐廳，諗住過去食碗腩河，嚟到發現原來舖頭已經轉左手，換上一間門面光鮮嘅冰室。睇過門口餐牌，見除咗冰室常見嘅茶餐、特餐等之外，仲有燒臘飯供應，一於入去試下。我哋點左個燒味大碗飯，一隻乳鴿、一碟油菜同一碗淨湯瀨粉。原隻切雞髀拼油雞髀飯 ($68)：呢個雙髀飯賣相真係超吸引，兩大隻雞髀，幾乎將成個飯面完全遮蓋，氣勢十足。切雞髀油亮有光澤，雞皮薄身香甜，夠清爽又唔會油淋淋。雞肉雪白嫩滑，雞味濃郁，而且食落完全沒有多餘嘅脂肪。至於隻油雞髀亦醃得非常入味，雞皮微爽、富彈性。雞肉嫩滑結實，入口充滿豉油嘅甜香。套餐送老火例湯及咖啡或奶茶，碗蓮藕湯真係好正，真材實料，有湯有渣，感覺到無落味精，好飲。另外隻紅燒石岐乳鴿 ($52)  外形亦相當得睇，乳鴿即叫即炸，件頭夠大又脹卜卜，上檯時熱辣辣。外皮勁香脆，而且不滴油，鴿肉嫩滑多汁，配細滑爽口的瀨粉 ($16)  吃，既滋味又滿足。食完咁多肉，梗係要點返碟白灼油菜 ($20)  中和下，碟菜心灼得啱啱好，碧綠多汁，入口鮮甜無比。臨尾加左客下午茶餐：珍寶法蘭

今日帶狗狗去狗公園 順便去買外賣返屋企食 見到呢一間餐廳新開張 外賣仲有九折 ！🤩 一於入去睇吓有咩食睇下個餐牌有燒味丶有常餐丶飯餐 相當豐富見到侍應推介話呢度啲燒味好正 🥳一於就叫半隻沙薑雞丶例牌叉燒 同埋澳門咖喱豬扒飯😝等待嘅同事見到呢度其實座位都好寬闊～坐得好舒服 ～ 侍應態度好好 😛半隻沙薑雞 份量超級多 ！！鋪滿了很多沙薑～雞肉新鮮嫩滑 肉質鮮甜 非常好食 配上沙薑味道濃郁 鍾意食沙薑嘅人不容錯過！叉燒配上蜜汁 甜甜的很好吃 肥瘦啱啱好 比例均衡 大人細路都一定鍾意食澳門咖喱豬扒飯 咖喱不辣 非常有椰香 配上洋蔥薯仔為底 超大塊豬扒 味道啱啱好 相當啱送飯 ！🥰呢間餐廳食物高丶價錢平 再加上侍應又好好服務 下次真係要試吓其他餐先！😛

今日喺北角，想簡簡單單食個quick lunch, 見到呢間冰室茶餐廳，光猛企理，感覺非常地道，咁就入去試吓😁要咗$68嘅「叉燒拼原隻切雞髀飯」，我唔係好肚餓，所以叫咗少飯，呢個燒味飯送「老火例湯」，兼包熱飲，咁我叫咗「熱奶茶」；另外加$20要咗個「白灼油菜」😊「叉燒雞髀飯」好快就上，真係原隻雞髀兼大大隻，肉質軟滑，幾好味；叉燒亦都肉質軟熟，燒煮得好入味😋。「白灼油菜」係菜心，簡單新鮮好食😋。非常滿足嘅一個簡單味美quick lunch😋