金玉滿糖冰室糖水 (已結業)

點解質素下降哂，夏天會買芒果豆腐爽，最近天氣乾燥，轉食中式熱糖水，以前覺得係全元朗最好食嘅糖水，金玉滿堂係咪轉左老闆？我一星期至少買四次，每次都買腐竹發果薏米糖水，最近十次有9次都煲燶，一打開蓋已經聞到陣燶味，食落口燶到苦，最近一兩次啲湯圓係冇乜餡同硬掘掘，究竟咩事？好失望🤦🏼‍♀️🤦🏼‍♀️如果冇轉老闆嘅話⋯⋯可否留意下啲品質，好唔好食都其次，燶到苦就真係食唔到落口，其實裝外賣碗時一定會聞到，點解都仲可以照出比客？我身上都發生咁多次都仲比機會仲會買，係因為真係好想食番唔燶嘅時候真係好好食嘅味道

一入到去老闆娘掛住打電話，唔理客人，打唔通都要繼續打，之後先至肯收線收錢，返嚟攞外賣個太子女問我做乜，我話攞番薯糖水，明明見到攞得外賣，佢又唔理，之後見到佢阿媽出嚟仲叫佢阿媽收錢，九唔搭八，服務態度惡劣，佢阿媽先至如夢初醒俾返碗糖水我，返到去仲嬲，得五舊細番薯，仲要全部番薯爛姜又爛，好心做生意有啲良心，最後成碗要倒咗，諗住支持吓小店都吾平要$25，呢間列入黑名單以後不再去，如不想受氣或食爛東西，就不要去啦，貼錢買難受

元朗就出名食甜品，不過之前食過元朗好多間甜品店，都係覺得一般！唯一呢一間我覺得係最好食同埋最足料嘅甜品店，之前已經食過好幾次，今次特登過嚟買佢嘅榴槤甜品！講真佢嘅貓山王榴槤爽真係好食，當然食貓山王榴槤價錢就一定會貴啲，但我又真係覺得值呢一個價！另外再買咗碗芒果西米露，本身想要芒果四重奏，但因為天氣太熱我哋係外賣，坐車要半個鐘先返到屋企！所以決定轉做芒果西米露！之後我哋叫咗的士因為未黎到，疑似係老闆嘅人勁貼心，將我哋嘅甜品先放入雪櫃，話車到先幫我哋拎出嚟！雖然店舖細小，只有幾張枱，但食物質素好，服務也好！如喜歡食甜品或榴槤的人不妨一試

以前係元朗，食黎食去都係食個兩間糖水。難得係元朗朋友屋企打完邊爐，佢就話要帶我哋試好嘢。於是我哋就動身去食呢間金玉滿堂。鋪頭唔算大，等左一陣決定轉外賣。大概兩個字左右，外賣就到手。呢個椰皇係非常驚喜，椰汁底又香又濃，唔會稀到好似水咁。個鮮奶蛋白好嫩滑，時間控制得剛剛好。成兜仲有勁多桃膠同西米，不過食到一半先記得影，好足料啊！同埋我最欣賞佢個椰皇一刮就可以起到肉，我哋嗌左兩個椰皇，兩個都比我哋刮得乾乾淨淨！呢個益力多冰超級大份，咩料都有啲，絕對係貪心人士嘅恩物。個益力多冰都好重益力多味，食到最底都仲係勁濃，我哋去到最後要分住黎食都食唔晒。

今日夜晚諗住去食糖水，點知只係食到一肚氣。事源同朋友入到去，叫左三個糖水之後，一路等，見到陸續好多人催單，但只係見佢地係咁做外賣單，然後又見到遲過我地黎個啲都出左糖水，我地都好有耐性咁等左七八個字先催單，侍應催左廚房，但都無反應，有幾張枱都出現呢個情況而取消，實在等得太耐，最後我地等左一個鐘再催，佢地都未做我地張單，我地真係忍無可忍，唯有取消張單，佢地都無歉意，真係好激氣，浪費曬啲時間，都仲未計係出面等位，呢間店以後都唔會再去食。

元朗好多大大小小既糖水店 但想搵到好食既都吾易...呢到係難得食完想再黎食既一間👍🏻👍🏻👍🏻雜果西米露 - 甜度適中 水果鮮甜 西米彈牙楊枝甘露豆腐爽 - 足料！芒果好甜～榴連雪糕豆腐爽 - 老闆話今日係D24榴連所以貴幾蚊.. 好值得既！味道非常香濃 榴連蓉下面係榴連雪糕🍦超正～～同豆腐爽口感好夾👍🏻實在太足料喇..食完之後超超超飽🤤總結* 雞地有幾間糖水店、相比起另外大名氣既兩間..雖然價錢差不多 但感受到只有金玉滿糖用心製作！支持小店

食飽飯大幾約9點幾去到，吾洗等位！入到去侍應冇招呼我地，自己搵左個位坐底，睇左陣Menu，都有吾小榴連款式既甜品，叫左個榴心心。♥️榴心心 $49(榴槤、西米、桃膠、椰果、榴槤汁底)將榴連肉整成球狀，望真啲先發現吾係完整球體，係半個球體先岩，可能未完全解凍，食落有啲硬，要浸一陣先稍為軟化。榴槤汁底味道香濃，同其他材料一齊食幾夾，桃膠&椰果味道發揮正常。整體而言，份量同價錢成正比例，味道不錯，服務有待加強。

今天年初一，很多店舖當然都在休息。不過媽媽想吃糖水，弟弟就駕車到處碰碰運氣，結果找到金玉滿糖冰室糖水剛營業，媽媽說吃這吧，別的都沒有營業。弟婦想喝果汁和奶昔，可是全都需要冰攪拌，店舖開門不久，冰塊仍未準備好，所以轉吃魚蛋，腸粉。弟婦除辣醬外其他醬料都要，但甜醬，麻醬味道偏淡，腸粉嫩滑度一般，魚蛋尚算彈牙。弟弟吃鮮雜果涼粉，我沒拍照，他說雜果冰冰的，從雪櫃拿出來一會吧。媽媽點了榴槤黑珍珠，她沒有評論，我想應該普普通通呢。至於我的榴槤撈豆腐爽榴槤肉香，豆腐爽滿有彈性，奈何入口有點清淡，略為失色。

足料好食。剛跟家人說起找不到好食糖水。經過這間小店決定一試。結果有驚喜。有heart食市，腐竹和綠豆都好有水準。下次想試埋其他！鋪頭乾淨。服務員有禮。我們坐了很久都沒有不悅。極力推薦

夜宵時間 想食下糖水 大家總係B仔 泛后 貪其容納到多啲人 更重要係 慣左 唔想諗了 但其實論質素 B仔真的每況愈下 大量的罐頭生果雜果堆砌而成的甜品 人頭湧湧的客人中 交替著送餐倒了一半的外籍傭工 泛后則選擇不多 舖位不大 而性價比也持續下降 今日心郁郁就黎試下呢間金玉滿堂啦店子不大 一眼睇晒既舖位 每每經過都有人等位/ 等外賣 今次好彩一去就拎到最後兩座位 貓山王豆腐爽 $66 自從安娜隔離間貓山王執左後 榴槤控表示郁悶 這間的貓山王很「夠臭」而且好靚沒有渣 初試豆腐爽 眼看以為像大菜糕一類的口感 誰知有驚喜 如果說大菜糕是爽彈的話 豆腐爽更多了一種滑溜 而且跟花奶好夾 亦較大菜糕能吸收花奶香味 很愛很愛！腐竹白果薏米（熱） $23 腐竹及蛋花都煲到融和了 糖水舖整腐竹蛋方法各異 個人是喜歡這種融和版多於另食熟蛋的店子小小 但出品不俗而有誠意 難怪人流不絕 會再來的～～～

位於元朗鳳攸南街的街坊小店 - 金玉滿糖，雖然名氣、位置都不及B仔，泛后般多區外人來光顧，前來的多以街坊為主，不過用料及味道質素沒有因此而將價就貨。 以港式甜品為主路，選擇也挺多: 中式糖水、豆腐爽、涼粉、黑珍珠、西米露、鮮果冰等，不過價錢稍稍略高一點。 腐竹蛋糖水 $24看似簡單易煮的腐竹蛋糖水，也有分不同版本: 蛋花、原隻雞蛋；有薏米無薏米；有白果無白果，而這家是加有薏米煮成的蛋花腐竹。當中的薏米挺多，都很足料。煮溶了的腐竹與剛熟的蛋花，口感似豆漿般幼滑，豆香味不錯，味道清甜，甜度亦適中。 桑寄生蓮子蛋茶 $26這款既滋補養顏又有安胎作用的糖水是我近來的大愛。原隻雞蛋相信浸泡於桑寄生茶中有一段時間，蛋白染深了也挺入味；去芯蓮子爽口鬆化，當中也加了不少；桑寄生茶味香濃又不會過於甘澀，易入口，甜度控制得剛好，不會因為要蓋過桑寄生的甘澀而落得重手。 唯一要挑剔的是價格定位，雖然糖水是足料，但價錢略高於同區的糖水店，若不是離家不遠這優點，也較難說服再去光顧，因為走遠一點的話會有更多選擇。

想食糖水，當然要搵朋友一齊啦，朋友介紹呢間，就即管一試。芒果豆腐爽，感覺有d似杏仁豆腐，但係又似豆腐花，唔爽口既，但無豆腐味既。原來係用海草粉做既，咁又幾健康。椰汁，芒果，豆腐爽...三樣野做成既。食完比未食前更肚餓兩碗野埋單77蚊

金玉滿堂在我家附近，所以有時想吃一點甜，都會想到去這兒吃一碗豆腐爽，不過這小店一直人氣很旺，夜晚經常有人龍，幸好這晚只有我一人，不用排隊就能入座。點了芒果豆腐爽（$35)，成品顏色鮮艷，鋪滿黃澄澄的芒果汁，令人食指大動。芒果肉份量其實不少，但芒果豆腐爽我之前曾經吃過一次，雖然已經是一段時間之前，但還是肯定份量比以前少了。芒果依舊又甜又多汁，配上滑捋捋的豆腐爽，簡單而美味。自家獨創的豆腐爽其實沒有豆腐成份，純粹是質感像豆腐般滑溜而命名，所以吃來沒有豆香屬實正常，如果喜歡吃豆腐花的朋友應該會喜歡。豆腐爽味道偏淡，所以芒果汁就顯得格外重要，不過因為芒果汁份量少了，所以吃到後期味道就較為寡。

看圖以為金玉滿堂非常出色，豈料也僅屬元朗地道小品甜點店，路過附近一吃無坊，但毋用專程來。豆腐爽，其實好像椰汁糕，椰汁味較濃，可說是吃不出豆腐味，不知為何稱為豆腐爽。比較吸引的是可配楊枝甘露，有柚子碎，而西米更起用較大顆的西米，帶嚼勁，可咬三兩口。芒果涼粉撈，也以名字取勝，其實就是底下涼粉，上面有數片芒果，不見怎麼另類特別。看來下次該試榴連豆腐爽🤔

元朗甜品鋪好多，佳記、泛后、炒冰乜都有，佳記我自己覺得係得其他區Ｄ人先黎食，真係好普通野黎。呢間金玉滿堂就特別喇　—　豆腐爽。而我自己鐘意食榴槤，就每次都叫呢隻榴槤豆腐爽。榴槤同豆腐爽都十分之滑，而料亦都十分之足，一開蓋就聞到好大陣榴槤香味一野［筆］落去，半匙榴槤半匙豆腐爽，十分之夾，令人唔停食落去。自從食完呢間之後我就無再幫襯過佳記同泛后ＬＵ