金禾田餐廳 (已結業)

有時為求食個「頹」飯返上樓辦公，不過如果咁食法就。。。呢間一般啲餐都50元左近，質素認真麻麻啦。。。是日想食辣嘢，地獄府日式雞扒湯烏冬。食第一啖，辣味咁熟嘅，tabacco，碗湯係辣，但tabacco味嘅湯底就真係。。。我地6個人點，乜肉都有，偏偏乜都係點酸辣醬，真係夠特別。我塊未點酸辣嘅雞，淡味，食到中間仲有小小雪藏味。。。真係要點醬先食到。。。最後叫左可力，直頭feel到粉未溶，定多得濟。。Well... 我對食要求唔係太過分，不過50元食呢餐，我相信觀塘有更多選擇。

約左朋友去食lunch，朋友話食過一次去試下囉，上到去格局麻麻、昏昏暗暗咁扮有西餐氣氛囉。等朋友途中竟然有大家熟悉既小昆蟲爬上檯！本來細細隻整走左都算，點知佢地好鬼熱情、定係我座錯左位呢？整完一隻又一隻！整走一隻又一隻！仲越黎越大隻！好鬼好客呀！雖然餐廳有佢地招呼人客係好正常既，但咁多走上檯就真係太鬼熱情喎。唉！食晏時間仲邊得閒再去第度搵位！咪拿拿聲即刻要搬去第二張檯！拿拿聲食完走！食物質素比難食好少少、觀塘區唔洗揀呢間囉！

Kwun tong黎講我最中意呢間餐廳約人正常時間食lunch唔洗迫，有car位坐，唔會好似附近個啲茶餐廳啊譚仔個啲禁迫Lunch餐牌有好多款選擇，有西餐有日式拉面，我今日嗌左個炸大蝦意粉，都幾好味另外有西湯+野飲

呢篇文章係長啲，不過希望大家比時間去睇.媽咪話試新野，又唔知食咩就話好。一上去坐低就睇餐牌，唔知邊一圍叫寫野但侍應就走在黎我地枱，只好同佢講唔係我地之後決定叫:辣味薯角 日式餃子送雞串配拉面媽咪叫在個 魷魚仔田園沙律配餐湯同餐茶。首先黎在個餐湯，因為我都想飲啲，但發現湯匙唔乾淨就叫人換個隻，再之後就黎左我既拉面，拎餐黎既待應話，比對筷子我就隨手收在原本既餐具，包括用過既湯匙，好好手尾咁放返入堆乾淨既餐具櫃到，個刻除在用目瞪口呆黎形容之外真係唔知比到咩反應。再後侍應就拎沙律黎我地枱。黎既時候碟沙律賣相真心覺得係麻麻既。50幾蚊全部係生菜，魷魚就濕淋淋咁放係上面。但始終都係自己叫既咪食完就冇下次既心態照食，但一食落口就發現魷魚仔似個種就咁係雪櫃拎出黎既冇分別，成陣啲雪水味之外仲有陣唔知咩味。唔知係我地大鄉里定點，因為我地食其他食肆係冇呢啲味，真係食唔落，諗住叫侍應換過佢，個侍應就反映比師傅聽，但個師傅大大聲話，佢地係想換姐炸，咪換比佢囉咁，佢地一開始就唔想食啦。咁講，我地就話，師傅你食下再講啦，陣味真係食唔到，後尾都冇理佢，諗住換左就算，但佢仲企係到話想換咪講囉，咪換比你囉個時我真係火起，

今日去左個新地方食午餐同事介紹下叫左個地獄府雞扒手打冷烏冬估唔到依個冷烏冬會咁好食少少辣 凍凍地 烏冬有彈性同好有口感而且烏冬煮得剛剛好 唔會太林或太硬夏天真係必食可能因為食左烏冬先 相比下雞扒有d乾同無乜味不過有泰式辣醬點 都算ok午餐份量充足 非常抵食

時間過得很快，一眨眼二零一五年已經過去，光陰似箭這句語便最能形容此時此刻的感覺了。二零一五年發生過很多事情，無論開心抑或不開心，做人始終要向前看嘛。之前小弟特地相約姨姨到觀塘金禾田共進晚餐，為二零一五年劃上一個完美句號，同時展望二零一六年希望做得更好！甫進內餐廳食客不算多，可能是位於工廠區關係吧。待應非常貼心為我們安排一張鄰近魚缸位置的桌，好讓我們邊晚餐邊欣賞。餐湯小弟一如既往喝白湯，湯裡面有些彩椒、煙三文魚，為這碗湯增添一份鮮味。主菜小弟就點扒雞扒配薯角，主菜擺位好精緻，而且雞扒一上原來都幾大件，肉質鮮嫩又帶些肉汁，不錯。薯角炸得非常香脆，沾上茄醬更添滋味！香煎龍脷柳配薯蓉，龍脷柳驟眼看雖然不算非常大塊，但姨姨吃完之後都覺得好飽。薯蓉口感非常幼滑，而且薯味甚濃。藍莓芝士餅，芝士味道不算濃厚。意大利芝士蛋糕就口感軟滑，甜而不膩，不錯！即使有段時間沒去，整體水準依然保持到，就如當年第一次去的味道。不過更難得是今時今日即使百物騰貴但價錢依然沒有變，換言之主菜一樣沒有變，所以希望老闆未來會嘗試加入一些新元素吸引更多食客！

第一次寫食評，如果悶親大家唔好介意因為有一個知心好姊妹將會係今個星期日受浸，我上網搵到間種籽書室，所以相約其餘兩個姊妹去買受浸禮物順道聚一聚，買完禮物之後，大家都見有少少餓，又咁啱食晏時間，書室行入少少就係呢間餐廳，加上又唔係好洗等位，一行三個人入咗去。場內環境都好大，都幾舒服，算係工廠區中既小綠洲，我地都以為無卡位座，坐另一個枱都無所謂，突然場內有個侍應手腳快，而且反應好快，啱啱走咗無耐既卡位比我地望下菜牌，有熱食有凍食，又有西餐又有類似日式既餐食下，問下其餘兩個姊妹有咩想食，只係一句話唔會食好多野！咁只好我幫手諗下啦！叫咗個地獄府雞扒凍烏冬，香燒羊仔腿配意粉同埋金禾田特式薯餅。講下呢個烏冬，烏冬好滑溜，辣汁好香好辣，味道好似平時涼拌海蜇個種汁差唔多；但辣啲，份量都夠食；雞扒燒得顏色尚算均勻，雞肉肉質嫩滑，唔嚡口。跟住香燒羊仔腿配意粉，醬汁唔係好多，汁味道偏淡，兩位姊妹嫌味道唔係好夠味道，羊腿都好多肉，可惜有少少難切；但食落肉質中規中矩，意粉如果多少少汁應該會更好味。金禾田特式薯餅，炸得嚟食落唔會話好膩，裡面薯仔味都幾濃，裡面有一啲既牛肉碎粒；如果旁邊醬汁係沙律醬應該一絕總括呢一餐食

今天到觀塘和朋友晚飯，朋友介紹了一間工廠區餐廳，說是不錯，就到來試試。地點很近朋友工作的地方，所以很方便，我們是吃晚餐，所以人不多。(工廠區餐廳晚上較少人)一入到餐廳，很寬敞，感覺不錯，我們兩個人就坐一張六人卡位，是談天的好地方。食物的價錢也算抵，Set dinner有湯、飲品及Cake作甜品~湯的質素ok，味道濃郁。主菜的份量不多不少，味道中規中矩﹐不過不失~甜品的賣相很好，味道就普普通通。雖然食物整體普通，但並不差，以食物的價錢和寬敞的環境來說，這裡很不錯，下一次來到這裡附近，仍會把這餐廳納入選擇範圍﹗

假日要OT已經慘，點知食咗個咁差嘅 lunch-tea 就更陰公！之前lunch都有食過依間，午餐嘅燒春雞真係抵食又好食！點知下午茶質素會差成個宇宙。酥炸乳香雞翼 同 香草雞翼 完全無分別d 生菜一舊舊，點會洗得乾淨。係咁2淋咗少少黑醋就完。酥炸乳香雞翼 ＝香草雞翼：太咸，太油蘋果沙律：得沙律醬味（最欣賞）多士，烘到外脆內軟，沒有烘濃！原本帶朋友並推介依間，但今次真係失望。－－－－－－－－－－－－－－－－－－－－－－－－－－－－－回頭率（下午茶）：0/10 回頭率（午餐）：3/10

第一次寫食評，因為感覺太差所以都要寫一寫佢因為屋企裝修關係去左附近多盛酒店住左幾晚，夜冕諗住週圍行下睇下有咩好食，住左觀塘咁耐都好少去工業呢邊行下，行到阿信屋附近見到樓下到個餐牌都多野食，又有套餐，又唔算貴喎，同女朋友咪上去試下囉。入到餐廳感覺ok，樓底高裝修一般，似工業食堂格局，勝在燈光較暗，都有d 西餐廳feel。侍應俾左個卡位我地坐，有半個場冇人，可能夜晚係工業區既關係啦。我地叫左兩個set ，一個叫牛扒，一個叫雞扒，諗住陣間可以share 下黎食，叫野食既時候覺得d 侍應無乜禮貌，不過我覺得係咪工業飯堂關係所以佢地慣左咁呢？算數，我係黎食野既，野食好既都冇乜所謂。先黎兩個湯，一紅一白，女朋友鐘意忌廉湯，飲左一啖，見到佢變樣，我再試下，嘩﹗好稀，似係飲白色既水，女友狂落鹽同胡椒粉都唔得，飲左半碗都冇，唔飲。我個紅湯都係淡，不過好過白湯dd。我女朋友鍾意食牛，所以佢食份牛扒，佢較鍾意食生d ，叫左5成熟，黎到喇，女友好期待咁食第一啖，冇肉味，係就5成，但冇肉汁，好明顯係用d 鬆肉粉o拿到冇晒味，就算d 汁都係唔好味。到我份雞扒，諗住雞扒應該好難唔好食得去邊，點知...... 食落同

雖然住得很近觀塘區，但每次約朋友吃飯，總會跨區覓食。原因很簡單，就是有些餐廳很多吃完就罷，不會令人有衝動想再去。今次去的西餐廳位於觀塘工廠大廈，地點雖然比較不就腳，但CP值較高。餐湯方面，有意大利菜湯、周打魚忌廉湯選擇。湯份量恰好且用料足，喝起來口感很濃郁綿滑，每口都載滿煙三文魚鮮味。蒜容多士烤成金香色，外層鬆化香脆。Set Dinner選擇雖然不太多，不過最基本的選擇都有。主菜是大蝦雜菌鮮茄燴意大利麵，蘑菇菌類很多，配搭不俗。所謂大蝦，其實也不過是雪藏海鮮。鮮味欠奉，但就勝在爽口。一向認為，意大利麵靈魂在於麵條，茄醬平均沾上每一條麵條，味道自然得來不做作，麵條柔軟度恰到好處，不會偏淋或偏硬。再來黑松露鮮蝦燴意大利麵，黑松露清晰可見，但味道不算突出，純粹為這道菜增添一份矜貴。香煎豬肉眼扒拌蘋果燒汁，往往沒有期望的，就有驚喜。蘋果燒汁與主菜出奇地配。蘋果燒汁酸酸甜甜，令整道菜更配搭。至於我一向對豬扒沒有太大好感，就連出外點餐都盡量不點豬扒。不過，嚐過一小口，就令我對豬扒從此改觀。豬扒肉質嫩滑，咀嚼時更是鬆化，完全沒有一般豬扒又韌又乾的口感。順帶一提，薯角也是炸得香脆飽滿。至於安格斯牛扒比

金禾田是以前經常去的地方，後來因為實在太懶的關係，所以都已經很久沒有去了。跟很多觀塘的食肆一樣，為處工業大廈之內，在走過幾層的樓梯後便會看到金禾田。餐廳佈置是有點舊了，我吃的時候正值聖誕節，所以佈滿了一條條的花球，反正有點老土便是了！這裡的餐牌我記得應該是十年如一日，沒有任何改變，值得推介的是羊仔腿與燒春雞。但最出名的要數燒春雞伴粟米蘋果沙律$49，基本上午餐時段是很快便售完，很多時候12：40分左右便沒有了。整個燒春雞賣相不錯，很能夠提振食慾，火候掌握得挺好的，外皮金黃色，靠近一點嗅會聞到淡淡的香草及黑椒味，蘋果沙律則是茶餐廳的款式。燒春雞的好壞取決於到底雞胸部份是否濕潤/Juisy，金禾田的燒春雞當然做得到，每一刀切下去時也有肉汁流出，而且因為混有黑椒，所以帶點微辣及很開胃！蘋果沙律的蘋果挺甜的，但我比較不大喜歡醬汁下得太多，不太健康。這頓飯其實是很抵吃，價錢不是太貴，但份量卻很大，難怪每天只是限量發售！不過要注意其他食物不是特別便宜

星期五工廠妹終於離開公司，到餐廳食飯去。最近傾向點自己未試過的菜式挑戰下平日自煮的飯盒:-D金禾田位於巧明街，港貿中心一落電梯對面就見到右手邊啊信屋樓上就是了~上樓后才發現這裡位置挺多的。我們一行4人不用等位。同事們選了套餐，有紅OR白湯，麵包同飲品。而我因為覺得好熱，想食凍的食物，就選了這個撈烏冬。我沒有在其他餐廳見過呢個combination呢！好新奇！上菜時我以為他漏了放紅色的八爪魚~查看餐牌才發現他說的三樣涼菜原來是：中華沙律，螺肉& 芝麻！烏冬幼身，半透明，並不是我們平日食那種純白色烏冬。好爽，配上稀日式醬油底（應該有麻油，幾香）&芝麻，就覺得單單吃烏冬已經夠滿足了。好香！涼菜分量足夠拌勻整個烏冬，味道跟超市的一樣。一個女仔吃完一個剛剛夠飽！兩點了，餐廳的人都走的7788。繼續返工了。

不知道大家對工廠大廈有甚麼感覺呢? 是破舊不堪? 還是人跡罕至? 事實上，近年來不少有質素的食肆都紛紛搬入工廠大廈，為的不單單是較廉宜的租金，更是為了爭取更大的店面空間!而這一間餐廳就正正位於觀塘的工業區，距離地鐵站大概只有5-10分鐘腳程，交通尚算方便。餐廳主要供應各式的西餐，而這裡其中的一大好處就是地方相對比較寬敞，適合一大班好友聚會，比較特別的是，如果人數足夠多的話，食客更可以提早預訂盤菜! 眾多菜式中，值得推介的有安格斯西冷牛扒，七成熟的牛肉仍然可以好好保存當中的肉汁，而且亦不會也過老的情況出現。對於一些不吃牛肉的朋友來說，蘋果汁豬扒會是另一個值得推介的選擇，酸甜的蘋果汁配上的香煎的豬扒，帶有一絲清新的感覺之餘亦頗為開胃。這裡的晚市套餐是包括了甜品的，當中不同味道的芝士餅都值得推介，其實，由主菜和甜品的伴碟已經能夠看出這裡的廚師的心思，始終食客看見精緻的伴碟時，用餐的情緒都自然變得更好其實，在整個觀塘區有著很多位於工廠區的餐廳，要突出自己，就不能單靠食物了。這裡的老闆深明這個道理，故此他十分著重與這裡的客人溝通，每一晚他都會拿著酒杯請他的客人飲上一杯紅酒，並藉此問一下客人對菜式

放工就過黎食晚餐, 6點幾就到~~~太早黎到既關係, 我地係晚市第一個食客~ 一入到去, 就聞到店內有個怪味,  殘殘舊舊既味咁....原本黎呢到係想試"冷烏冬", 落單時, 待應就答: 今日無冷烏冬, 師傅放左假~ : (   嗚嗚, 食唔到~~咁就唯有叫其他野食啦~~!先飲過湯先, 叫左兩款唔同既湯, "南瓜湯"無味, 而且飲起質地唔稀唔杰咁~ 唔似西式湯而周打魚湯上放左D綠色既油起面, 有D青草, 好難飲~ (心起到諗: 第一次黎食, 估唔到咁差..)旁邊既蒜蓉包OK! 熱同脆~"煙三文魚雜菌闊條麵", 煙三文魚, 有煙分既味道, 三文魚無魚味~ 整體麻麻~ (約$80-90/SET) , SET就跟一個湯, 一杯飲品~豬扒配薯角(約$85-100/SET), SET就跟一個湯, 一杯飲品~豬扒是普通豬扒, 一碟兩片, 比較細同薄身, 配菜薯角不錯, 剛剛炸出的, 夠熱~~ 藍莓芝士蛋糕 (叫左餐, 加$15-有1件)味道不算好濃, 似美X餅店既質素~ 加$15有呢個質素, 算係咁喇~~~ 宜家出面普通買一件都應該要$18以上~ T,T小總結:::地點不算方便, 呢個價位應該可以