金翠餐廳 (已搬遷) 新店位置

我們一行3人到位於太子的金翠餐廳用餐，我們點了一份T骨扒，一份西冷牛扒，我點的牛柳要7成熟，但上到枱已到9成熟，所以非常「鞋口」及韌。食物質素已經好一般，但70幾蚊一個餐，都要將就下。但誓估唔到，餐廳慳皮到，居然連喼汁都做假，以類似醋的東西，注入喼汁樽供客使用。喼汁同醋，試問連小朋友都懂得分別，更何況，果樽調味汁連醋也談不上的東西，點可以欺騙到我們！我們與職員對質時，他們都不敢承認喼汁的真偽，如果是千真萬確，就不會避而不談！試問連調味料都做假，其他食材的真偽確實存疑

呢間金翠，後内到外都散發著濃厚的人情味，好有懷舊嘅感覺先講舖頭門外 ，一年365日都見到有一個好勤力嘅嬸嬸係門口介紹，幫客人登記排隊，多次等位時，佢都同我哋有傾有講好親切入到去裏面，大家姐收銀會好勤力地分配客人坐哪個位置，仲要全日免收加一，真係幾抵食！裡面環境好似以前那些兒扒房，黑蚊蚊，好有情調！裡面間隔有啲迫，好簡單的紅湯白湯 兩款選擇 only 黑椒牛柳鐵板上，黑椒汁、燒汁熱辣辣，雖然 不能夠同正式的西餐牛扒比較，但那款板燒的感覺，好令人懷舊！呢個價錢實在是相當之抵食， 難怪經常要排長龍

搬左屋成年都無喺太子食早餐了，今朝有機會喺太子附近做野，所以返去食返以前好多時都去食既羅宋湯螺絲粉。同普通茶記一樣個餐都係一碗一碟一杯。份腸蛋無咩特別，不過佢係可以自己拼兩款野，件多士唔係石頭。主角就係呢碗了，成年無黎都keep到水準！其他餐廳多數係番茄湯，唔多覺有係用羅宋湯做底。同平時夜晚飲既羅宋湯稍為淡左少少，不過作為早餐做湯底已經非常夠味，每次我都湯都飲哂！我食左咁多年，未食過其他款早餐，不過見屋企人食都ok的。

之前同朋友去食#金翠 ，好似話係#金鳳班底 ，入到去都算爆場。 呢道既#西冷 都有好多選擇，即係都分好多等級。#牛柳 都#好厚身 #好冧，但我覺得無乜牛味，係無筋之選#西冷扒 好大塊，薄薄地，牛味比較重， 但大大舊肥肉，同都幾有咬口下最憎係啲 #薯條淋曬 ，仲好似炸唔透既感覺。 不過呢道最正係可以 #加蒜 ，加2蚊最後我同朋友都#肚瀉 ，大家自己考慮下去唔去試啦😅地址：#太子 #荔枝角道 68號#金翠餐廳IG: clareyouu

天氣漸涼!熱辣辣的鐵板又係時候上桌~在高級餐廳之中~郁d都要百幾蚊!身為新一代模範80後夫妻!當然不可以成日去食所以金翠是其中一個平民高cp值之選!但提一提~如有卡位~等卡位比較舒適

由大堂經理 前枱掌櫃 以至總廚 都係一家人 每次都點羊扒 羊胺 並非其他 而係其他地方 同一價錢 根本唔會有個羊嘅鐡板餐 迫一些 也不錯 有餐飽 湯 飲品 羊大陣羶味 對抗拒的人 也覺好味 記得加生蒜 更香

魚柳包薯條都是$29，價錢中規中矩，但魚柳包係絕對好食過M記個包，魚柳外脆內軟，雖然魚柳不厚肉，但至少炸漿不厚，而包是略燶過，所以有點脆，薯條是粗薯亦都炸得很香脆，屋企附近的茶記，佢算不錯了。

食物質素尚可～雖然叫塊五成熟既牛扒嚟到得返三成熟,仲流緊血同埋個黑椒汁辣到遮哂d牛味～但係啲侍應態度同某間出名茶餐廳有得揮～見你食完最後一舊肉(仲有薯菜未食）問都唔問已經嚟收餐～飲杯檸茶又係咁～仲即刻放個留位牌出嚟趕客～其實如果有人訂咗台，侍應們可以禮貌地講一聲，相信大家都會明白，但係個客未食完就俾職員咁對待，感受真係好差～呢班侍應浪費咗廚師既心機～講真呢個價錢食到呢種扒係唔貴～但班侍應咁既態度真係試一次就算～

坐底之後，餐廳妹妹仔連聲歉意，我明白唔關佢地事，係有d香港人唔識做，門口成村人等緊位，食完重坐係到吹水！阻住人做生意,令人反感！慶幸鋸番個好味嘅扒補番數。首先我從未幫襯過旁邊間金鳳，感覺金鳳係被人吹大咗，名過其實。女友食過金鳳，話佢地依家重差過土瓜灣哥登堡，咁就更加唔洗去嚕。西班牙黑豚豬鞍扒，肉眼牛扒各叫一客。點咗兩個湯，分別係忌廉湯同羅宋湯。羅宋湯帶少少辣，據我所知正宗羅宋湯係帶辣，我本身唔好辣，所以哩個湯味啱我口味。牛扒叫咗7成熟，兩個扒上枱嘅時候比想像中厚身，牛扒味道同口感唔錯，係預期之中嘅水準之作，但個豬鞍扒就印象深刻，因為第一次食豬鞍扒，根本唔知咩口感，食落口感好冧身，有d似好實嘅肉餅口感，口感特別，所以印象深刻。好啦，唔講咁多嚕，食完就快快脆起身讓個位俾人，埋單唔該！

工作須要去太子買野，順邊吃午餐，同事建議去鋸扒，所以揀左附近這間金翠餐廳，餐廳鄰近太子港鐵站，步行數分鐘就到餐廳面積唔算大，侍應安排卡座，座位都幾闊落，看完餐牌就落單我點左安格斯牛扒餐，同事就點左鐵板牛柳餐餐前當然有餐包及餐湯，餐湯有忌廉湯同羅宋湯可選擇，我地都揀左紅湯，味道很濃郁，不會太辣，而且有很多種蔬菜，材料很充足，餐包亦很新鮮軟熟主菜陸續送上，值得一讚係鐵板燒得非常熱 ，送上桌時吱吱聲持續了一分鐘有多，我吃的安格斯牛扒七成熟，牛扒份量好夠，幾乎覆蓋整塊鐵板，吃落牛味夠濃，加上少量薯條墊底，吸收晒黑椒汁精華，亦很美味同事叫左鐵板牛柳，亦係柯打七成熟，牛柳非常厚切，用刀切開有肉汁流出，配燒汁味道很配合飲品我叫左凍檸茶，同事加左五蚊要特飲熱檸檬蘆薈，很滋潤二人埋單共$222,價錢合理黎開太子區可再試。

記得係讀書嗰陣都幫襯過金鳳，至今起碼有五六年了。唔是朋友提起都唔知佢舊班底開左間新嘅，記憶中嘅平價抵食扒房，一是荃灣嘅莎樂美，二便是金鳳了。所以放工近近地就接埋朋友黎會一會佢。時隔咁耐，再次幫襯氣氛都依然咁熱鬧同旺場，排左十多分鐘先有位。一坐低同樣是極速落單，上湯同餐包，同埋上主菜。餐包同湯都係普通茶記水準，唔算特別好飲。但我地呢啲食開嘅都知因為呢度嘅賣點係扒，各式各樣熱辣辣嘅鐵板扒餐。因為入門口已經留意到個1855西冷牛扒，所以諗都唔使諗就揀左呢款。而朋友就揀左招牌金翠牛柳。牛扒一上枱，即刻聞到陣陣肉香味而且當店員姐姐再加上一大匙蒜茸同淋上黑椒汁，熱騰騰又滋滋作響的真係令人食指大動。切開第一刀已感受到塊扒是多麼的軟嫰，因為刀子完全不需用力就切開了。入口油脂香味同肉汁非常豐，好食就是咁簡單。一口接一口咁食，塊牛扒好快就食到七七八八了。真係佩服師傅的煎扒手藝因為店員話個1855最好食係三成熟所以我都係點三成的，而塊扒由頭食到尾都無一部分係過熟的，依然保持軟嫩多汁。朋友嘅牛柳餐都好豐富，配菜有個荷包蛋同煙肉。牛柳都十分有份量，睇見都好心動。幾經辛苦先求到一啖黎食，牛肉味比1855再重啲，同

今天和老婆仔在太子金都又為了婚禮而籌備格價一輪後又是時候吃晚飯在附近尋找美食時老婆仔表示想吃不太貴的西餐經過這餐廳看到店外的菜單寫著有扒吃而且是港式鋸扒價錢較易接受又看到有不少人進內就決定吃這間了果然是很傳統的港式餐廳我們看著菜單最後選擇了90元的金翠牛柳以及98元的美國天然穀飼豬肉眼先來的是餐包及餐湯餐包是一般那種帶微溫的而我選的是白湯很濃味和在貴價西餐廳嚐到的分別不大而老婆仔所選的紅湯也感覺很足料味道也很不錯也覺得是製作了一段時間而非罐頭開成接下來就是美國天然穀飼豬肉眼送來時可以選擇燒汁或黑椒汁把醬汁淋在燒熱的鐵板上出現大量蒸汽及「沙沙聲」頓時感覺有很多目光向著我們的方向突然想起以前看到旁邊桌吃鐵板餐的羨慕感覺而吃起來也很不錯豬肉眼很厚卻不會太韌很容易切也很易咬開再來就是金翠牛柳選了七成熟的牛柳熟度剛剛好同樣可以加入醬汁製造蒸汽老婆仔選了黑椒汁而很配合很大份很厚的牛肉肉質很突出感覺很夠肉味另外也有蛋和煙肉感覺非常豐富重點是價錢很合理偶爾來港式餐廳鋸扒也是不錯的選擇

今晚在旺角閒逛，朋友想吃扒，很自然太子的兩間金X餐廳就出現在我腦海。今次我們就去了久違的金翠餐廳，點了兩份扒餐。美國1855頂級西冷牛扒 : 我一向是牛扒愛好者，穩陣起見一般只點5成熟 medium，店員表示他們1855牛扒的來貨優質，3至4成medium rare已經可以了，就照他意見。一試果然如此，肉質豐腴而牛味濃郁juicy，的確沒有點錯。西班牙黑豚豬鞍扒 : 朋友點了黑豚扒，我試了一點。這黑豚雖厚切卻鬆軟，彈牙而且豬味豐富，也沒有丁點冷藏味，真的好吃到不得了。一問之下，店員表示他們的扒是師傅親手拍打使之鬆軟，而不是用鬆肉粉之類。整體而言，以這平民價錢，吃這肉扒質素，夫復何求?

今次同朋友一行二人約食晚,而我同我朋友都係好鍾意食牛嘅人士,可以話係牛魔王級數! 所以我哋話搵嘢食,就異口同聲諗去鋸扒啦. 為咗方便大家, 我哋決定約喺九龍區嘅中心位置, 我朋友就介紹咗呢間位處於太子嘅金翠餐廳,佢同我講佢去咗好幾次覺得呢間啲嘢食唔錯而且價錢合理cp值十分之高,朋友亦都同我講依一間餐廳實價收費係冇額外收加一嘅!  去到呢間餐廳嘅門口發現佢哋有一張海報, 寫住係由前金鳳班底主理! 見到之後對依間餐廳嘅感覺都加咗啲信心分! 喺門口度見到金翠餐廳好清楚列明佢哋係暫時唔會用巴西凍肉做食材嘅!睇到都安心啲!其實港式扒房又要做得好食嘅今時今日真係買少見少, 今次用餐真係有驚喜,呢間餐廳除咗提供一般港式有醃製過嘅扒餐,亦提供冇醃製嘅美式牛扒選擇! 今次我哋用餐就分別叫咗一份有醃製過嘅港式扒餐帶子牛扒,同時亦都叫咗 一份冇醃製過嘅美國1855特級肉眼!每一份餐都配有牛油餐包, 羅宋湯餐湯或忌廉餐湯, 佢哋依度嘅牛油餐包好好味, 口感好軟滑有少少甜! 而羅宋湯亦都做得好港式, 口感唔會太酸亦都唔會太甜, 羅宋湯嘅內容有紅蘿蔔,西芹同埋椰菜!美國1855特級肉眼牛扒我依一塊美國1855特級

朋友住太子話帶我去食一間佢成日去的飯堂開餐,幾十蚊仲可以有得食鐵板鋸扒喎 !地點係太子站附近, 好易搵。中午時間真係好多人,難怪成為朋友的飯堂好彩有卡位,  餐廳唔算好大, 兩旁卡位, 中間有多張4人枱睇下有乜野先, 先見到午餐牌, 真係好平喎 !最平$35, 有湯, 有包, 有飯, 有飲品 ! 最後我同大食朋友決定每人一個扒 ^^香煎羊膝腿 $78美國天然穀詞豬肉眼扒 $98包湯, 包, 飲品沒有配飯或意粉, 因為想睇下份量如何, 如果唔夠可以加錢再配。先上白湯及紅湯及包紅湯較辣, 配料亦很多白湯味道正常, 我就喜歡用暖烘烘的餐包沾上湯一起食暖烘烘的包兩個扒黎左啦, 有燒汁及黑椒汁, 我地都係揀左燒汁~羊腿到啦, 有兩大隻, 底下仲有薯條。羊腿肉質嫩, 燒得剛剛好,而且唔會好大陣酥味, 仲可以比你拎起慢慢食, 但係薯條就比燒汁淋到變淋了豬肉眼扒 ~一上枱已經見到份量好多, 兩大塊而且都係厚的豬扒, 雖然厚都唔會鞋,  而且豬扒面煎得脆卜卜, 易入口食左一半真係已經好飽。好在沒有加飯或意粉餐飲叫了凍檸茶及熱檸水, 我飲的熱檸水有4片檸檬, 真係唔錯。