金苑酒家

營業中

休息中

今晚我們約咗好朋友喺旺角彌敦道655號胡社生行嘅「金苑酒家」食晚飯！我們叫咗即燒燙手有米脆皮皇子豬嘅外皮燒得都幾夠香脆鬆化，而且芳香嘅肉汁仲滲透晒煙煙韌韌嘅糯米飯入面，所以味道相當惹味！淮杞花膠燉螺頭湯嘅湯料雖然好足料豐富，但燉嘅時間火候唔係好夠，所以味道係超級清淡，呢點係令我們覺得比較失望！西芹炒肉片嘅肉片好爽滑，至於西芹就不過不失！鴛鴦蔥爆鱔球嘅鱔球份量真係好足料，而且每件都好肥美厚身，食落啖啖肉咁，味道相當芳香惹味！懷舊京都骨嘅肉質比較硬實，唔係好鬆軟，而且仲唔係好「離骨」，至於醬汁嘅味道都幾夠酸，所以感覺都幾醒胃！

話說有日有親戚喺報紙上面見到 呢間酒家嘅有米豬🐷🐷做特價...一至五人可以嗌半隻 $68六人或約上可以嗌一隻 $136（原價 $468）見咁抵所以搵夠六個人一齊嚟食！下面呢個就係傳說中嘅《有米脆皮皇子豬》其實同乳豬大同小異，只不過係隻豬下面加咗啲飯😂😂😂不過我覺得呢度嘅豬幾好食，佢唔算太肥！起碼有啲肉食下，平時出面嗰啲剩係得肥膏🤦🏻‍♀️🤦🏻‍♀️🤦🏻‍♀️too much bro!!入面啲飯係普通米飯，佢個味道好似糯米飯，但係佢唔係用糯米煮既～但入面有啲臘腸、臘肉、蔥等等......幾香架，幾好食✌🏻✌🏻《半隻即燒燒鵝》係唔係即燒就見仁見智啦。但係佢上碟嘅時候隻燒鵝真係熱辣辣嘅～佢既皮燒到好脆好香，而且肥膏又係唔多！啲肉好實，都真係唔錯👍🏻👍🏻👍🏻《雜菜海皇煲？》呢個應該係魚湯底，因為媽媽們話湯底好鮮，幾甜幾不錯！《唔知咩鱔煲》佢個味好香好好食，佢個鱔係炸過先至再放落去呢個煲入面嘅......冇咩骨呢個煲嘅份量都幾多下...呢碟芥末蝦球？ 賣相就麻麻哋，但係味道幾好。佢嘅醬汁有啲太多，所以食一舊都會覺得有少少漏😂😂😂除咗呢一碟野嘅份量大之外，值得一讚嘅就係佢嘅蝦球都好大舊！我哋六個人食咗$

見到報紙賣晒廣告有優惠，已提前打電話諗住book位，佢地職員告知唔使book位，早d去到就可以，點知當日6點左右去到就話有人擺酒，已經full晒，我有問到人地擺酒都會提前通知你地，點解我之前想book位又冇通知？當時心諗算啦，一場來到等下啦，可能一陣有位，都有其他客人陸續來到，佢地職員就話冇book位就冇位，要等，有d客人等唔耐煩就唔等，佢地有位職員竟然話唔等得就唔好等，過去稻香啦，好多位，就在雅蘭中心，唔通兩間公司是有聯繫？佢咁嘅招呼態度我應該唔會再去

六點零黎到間酒樓硬係覺得灰灰暗暗唔夠光甘，樓底好矮的！不過呢到都算幾多電視幾好！冷氣又足夠，好凍環境都唔算好嘈，係D燈光爭D店員安排左張細正方檯叫左有米脆皮皇子豬半隻，$68 黎到賣相好好笑個皮真係好脆幾香的不過得果八件真係唔夠喉底下有糯米飯，唔知點解唔熱的，凍凍地甘唔好食！四川泡椒煮珊瑚蚌$198其實份量都幾多，不過影極相都係好似好細碟甘味道估唔到甘好食呀，好麻椒味，好惹味的！珊瑚蚌好鬼多，又好爽口食極都食唔完，最後都食剩幾件唔食得辣都會食到既佢個汁真係好正魚湯海皇什菜煲都幾大煲的 $128 ,裡面有D菇，魷魚，粉絲呀，蝦呀等，，同埋大量既菜心味道還可以。呢到既餐牌就係一張紙相都無張好Hea的！同埋見佢有優惠，有幾款半價既小菜叫的，我問阿姐，叫左乳豬係咪無得叫呢D （半價小菜），阿姐答：叫得！（心諗甘正？！）跟住我話叫得？阿姐再講，叫得架，跟番正價鬼唔知咩，係正價叫就唔使問你啦傻傻地所以呢，你叫左乳豬半隻既優惠，就不能叫半價的小菜優惠的曬氣呢間野既小菜都係偏貴少少的。最後埋單$473

2018年10月6日星期六下午3點諗住食個下午茶，順便坐下。搵位都係自己行入去見冇人冇雜物先坐低，咁我見下午茶由2點至5點，咪坐低，叫左8籠野，等得耐都算，黎左5籠，食物質素一般，d腸粉又乾，職員態度又差，問佢仲有3籠野食仲會唔會黎，又唔答我咁行左去，轉頭就比張單黎話埋單，3點45分就吹埋單，問佢有冇得比信用卡，佢話要夠$150蚊先得，咁我想你黎齊野食先可以夠$150蚊ga，其實扮明就唔想收卡。揀左呢間野食下午茶真係好不幸。

近排我班FRIEND 鍾意左食辣,  所以大家提議在旺角雅蘭附近找一間有川菜食的食店, 結果其中一位朋友就介紹 "金苑酒家" 有獨特川菜食品供應, 我們上到去打開餐牌, 真的好多"水煮" 及 "川式酸辣"食品在內, 結果當晚是食川式宴, 點左6個全是辣: 1) 水煮牛肉2) 水煮蝦球3) 四川回鍋肉4) 川式酸菜龍躉球5) 川式剁椒蒸大魚頭6)  干窩椰菜花 以上所有全是辣, 但未口獨特可以吾需要返大陸食, 呢度都有得食, 辣度適中, 但係水煮就紅油多左D, 下次會叫朋友再來食 

今日假期，中午同阿媽去試呢間嘢，樓下有人hard sell派傳單，話午市7折，好似好抵！所以就去左試！去到唔洗等位，冇咩人，我心諗今次中伏了！坐低左，一睇下個價錢，係加價左之後再7折😂，折完同區內飲茶市價差不多，點心甚至貴人地幾蚊，今次做左壽頭啦！點心選擇很少，冇套餐優惠。坐位算舒適寬敞，冷氣有點凍，侍應服務態度好差！叫左5碟嘢食，燒鵝飯，鮮竹卷，燒賣，馬拉糕，叉燒腸，個燒鵝飯真係嚇死！好少，得幾舊鵝，但收58蚊，加一之後60幾蚊，勁唔抵食，個馬拉糕又係好細，一人份量，鮮竹卷，燒賣，叉燒腸正常size……食物味道尚可以！冇乜味精的~2個人埋單200蚊左右，比起附近的連鎖酒樓，一啲都唔算平，性價比低，唔值……區內大把選擇，唔會光顧下次！

俾宣傳單張吸引左, 想試吓$108 半隻嘅皇子乳豬.落單5分鐘後乳豬就上枱, 有少少打左個突. 話就話半隻乳豬, 数埋得九件, 每件大約1吋乘3吋. 乳豬件底部嘅骨, 同埋豬肉横切的形狀, 告訢我佢本身並不是一隻BB豬, 所以上枱嘅可能只得八份一隻豬或更少. 本來預左一定唔會有半隻, 但冇預計會咁款. 唔夠喉於是想食埋個豬頭, 点知原來係裝飾, 凍同埋D皮係咬唔開, 唯有放棄. 個豬頭俾我咬過, 希望個廚睇到, 唔會再用返. 乳豬件下面有臘味炒飯, 唔似係糯米, 同埋似係一早炒好晒放在飯煲內備用嗰種.食左優惠價乳豬就不能再有其它優惠. 打開個正價餐牌, 炒碟通菜都$98, 有肉嘅就$128起, 我呢條cheap 友即刻眼都突埋. 上左黎都冇辦法, 求其叫兩味填肚: 鯪魚球生菜豆腐煲, 古法京都骨, 同是$128. 生菜煲嘅生菜很爽口, 豆腐算滑,. 鯪魚球約有十一二粒, 大粒墨魚丸 size, 但冇乜鯪魚味兼味道有点另類, 湯底算幾好, 冇味精同幾大煲, 叫做及格.古法京都骨係用大條嘅一字骨斬件, 骨多過肉, 肉質偏硬, 似炸過籠或者係返炸, 有少少驚食到甩牙. 最好味反而係用黎打芡嘅

同一班同學去lee間酒樓食飯，味道上幾有驚喜，一致好評，值得一試脆皮皇子猪皮脆而且非常薄，皮之間好少肥膏，肉質好厚，啖啖肉之餘又脆又香，肉質嫩滑，整得唔錯。鮑魚釀玉環，鮑魚係鮮鮑，咬落好林，鮑魚頗有鮮味，瓜既部分咬落好有質感，唔會太林太硬，唯兩者味道有d分開，冇協調既感覺，少少扣分脆香鮮肉卷非常脆口有油香而且頗為厚身，非常適合鍾意食香口食物既朋友，炸脆既腐竹皮保留到靚腐竹既味道，配合林林地既肉餡，味道同質感非常協調，非常唔錯。花膠海皇翅好足料，有翅有花膠，口感醇厚，可能個人比較重口味，金華火腿既味再出d會更好食。蒸沙巴石班無疑係高水質，魚有新鮮有魚味，魚太大條既好處，係肉質唔會鞋口，蔥花同魚一齊食更可以發揮魚既鮮味，係高級海鮮酒家唔會失手既菜式。蒜子浸豆苗既豆苗非常新鮮同足料，豆苗最忌老同難咬，用上湯浸保留到最新鮮既菜味，同時非常爽口，簡單卻非常突出。深井燒鵝無疑係全餐飯既焦點同最突出既菜式，好耐冇食過燒鵝皮係咁脆又有鵝味，油脂非常少而且啖啖肉，唔會咬落去成口油，明顯鵝係經精心飼養先燒出黎，宜家酒樓好難再食到lee種味道。最後甜品有流心奶皇包，奶皇唔會太流心可以痴住個包，一齊食唔驚d餡

朋友突然介紹這間酒樓，新優惠，脆皮皇子豬套餐，我們即時約夠12個朋友一齊去試試我們點選了1988 , 秋冬菜主題晚飯全包宴。圍村風味有米皇子豬，有糯米飯伴在乳豬底，幾特別。而且乳豬夠晒脆皮，食落卜卜聲，配上糯米飯，夠晒靚仔粉絲蒸龍蝦，夠新鮮，粉絲很入味。蟹籽百花蒸釀魚肚，魚肚爽口，釀入蝦膠，非常好食。紅燒竹笙四寶羹，材料非常充足，味道還不差哦。最失敗就是個炒米粉，少了點鑊氣，不夠乾身，濕了點。其它菜式，就不多特別介紹了，總括來說，都唔錯抵食，味道也不太差，服務態度環境也很好

見樓下派傳單好似好抵就上去試試,菜式選擇好小乳豬唔肥皮好薄好脆，但有小小蘇味而且冇香味,炒糯米飯比較油上色比較差唔係粒粒有色好多白色米芝麻千島蝦球-皮炸得夠脆，蝦球size夠晒大粒爽口肉脆，汁收得好好掛汁海鮮粉絲菜煲-海鮮已經係面一眼睇晒,湯底都可以唔會好味精,份量夠晒大總結:試一次就夠,唔係太好又唔係差無特別但價錢中上

貓媽媽是一個飲茶控，只鍾意上酒樓，其他食肆一律都唔LIKE。同貓媽媽外出用膳，必選酒樓。在旺區如旺角，要選一間環境舒服，食物質素不俗，價錢公道，位置就腳。我會首選金苑，不似連鎖店酒樓，雖没有華麗裝修，但貨品種類及味道都有驚喜。踏入2018年第一個月已幫襯了兩次了，地點位於旺角地鐵站出口，下午茶時間所有大中小點均為半價。由於樓面面積大，所以好多時都不用等位。有數款點心，在其他酒樓少見及值得推介。（１）金網紅米腸：與其他酒樓比較，用紅米槳取替普遍米槳，感覺比較健康。內裡的蝦肉充塞整條腸粉，而蝦肉更爽口彈牙。（２）紅豆年糕：這款點心全年供應，不會只在農曆新年前後出現。年糕軟熟不太甜，配上清甜紅豆，更是一絶。（３）香煎芋絲餅：高水準表現。外脆內軟，不油。若果你是芝士控，芝士蝦烏冬，一定一試難忘。大蝦非常爽口，配上濃濃芝士汁，烏冬吸收芝士汁。相信是芝士控必選。下午茶只售＄７８，確實超值。另外，下午茶亦提供數款湯麫，如燒味湯米線，燒味味道不俗。我覺得汾蹄米線及偒心酸辣粉，是值得推介的。

星期日終於放假 攰到狗咁 吾想去咁遠所以去左屋企附近是旦搵間食算平時經過見大大個roll up stand 系街 所以對佢最有印象GoGoGo 晚市其中一款特價菜 我最愛既乳豬雖然佢睇落同食落（好厚肉厚脂肪）都吾系'乳'但$108可以燒到個皮咁脆我地都賺左$138半打蒸鮑魚 好鮮甜好咬口芝士龍蝦伊麵 芝士味較淡 但啖啖肉仲好鮮tim$488不過不失野食還好 但坐底先知9點後小菜特價 但樓下 門口 都冇宣傳 碗碟都要卒好污糟 小菜款式小 同埋吾開口問都吾齊餐牌

今日一早我們見完客之後行過旺角彌敦道655號胡社生行見到廣告牌同派傳單嘅大姐話飲早茶會有半價，午市就會有七折優惠，聽到好似抵食咁，所以我們就決定去呢間「金苑酒家」飲早茶！我們叫咗爽滑牛肉腸嘅腸粉好軟滑薄身，可以清晰睇到入面放滿鮮嫩嘅牛肉餡料！帶子鮮蝦餃嘅餃皮比較厚身咗啲，餡料有帶子同蝦肉，味道好鮮味！金苑鮮蝦餃嘅餃皮好煙韌薄身，蝦肉好爽甜彈牙！綠茶奶皇包嘅包質好軟熟，而且有淡淡嘅綠茶香味，初頭以為入面嘅餡料係黃色嘅奶皇，點知一打開見到係綠色嘅綠茶奶皇，而且質感非常香滑濃郁！懷舊馬拉糕都幾鬆軟，但祇係一小角，而唔係原盆，感覺唔係好抵食！百花釀魚肚嘅魚肚燜得好腍好入味，夾埋爽口彈牙嘅蝦膠一齊食，令到口感相當豐富！醋撈秋葵係將秋葵切成粒，再加埋黑醋，食落感覺好清新醒胃！滷水豬仔腳滷得好入味，但唔會好鹹，外層嘅豬皮好軟滑腍身！總括：表面睇話飲茶有折以為好優惠，點知喺埋單嗰陣發現，原來所謂嘅折扣係將點心嘅原價特意提高到好似酒店嘅價錢，折完之後嘅價錢就係基本酒樓價錢，而且我們係早茶半價優惠，但他們就收咗我們係午市七折價，令我們覺得好失望同有欺騙顧客嘅成份，就算啲食物幾好食都無用！

昨天下午落着傾盤大雨，於是找一處近地鉄的地方吃午飯，一出地鉄口，有位阿姐派傳單說午市大中小點七折，於是便上去，這裏離地鉄口只需大概十步腳程。星期一至六午市，大中小點七折（假期除外）金龬紅米腸（大$27.9）紅米腸啲皮都很滑，脆網卷夠脆亦夠熱，饀料都很豐富。煎韮菜鍋貼餃（大$27.9）這個韮菜餃就比較一般，煎得不夠均匀，有啲地方很乾很燶，有啲地方又完全煎唔到。香芋松子餃（大$27.9）這個餃的味道比較淡，饀料淡皮也淡。雞絲滑粉卷（大$27.9）粉卷的皮很滑，但餡料肉太多，如果可以加多些蔬菜，如西芹紅蘿白等會好些。生菜魚球粥（大$27.9）粥底味道不錯，但比較稀，食到一半出哂水。黑椒金錢肚（大$27.9）醬料味道都算惹味，但金錢肚過稔，沒有口感。蜜汁义燒腸（大$27.9）因為其中有人唔肯食紅米腸，所以另叫义燒腸，皮薄亦很滑，义燒份量都很多。