金華牛雜粉麵

營業中

休息中

我個人而言，好鍾意周圍食腩什河，可以去新地方試多啲人地唔同手勢，尤其牛雜，可以一次過試到曬一間嘢最多既出品正常好地地都好少寫食評，呢間真心唔推介入到去，得3張超細既枱，坐低勁唔舒服，不過算啦，少去粉嶺，試下人哋啲嘢一坐低就叫左碗52蚊腩雜河，老實講一啲都唔平，河粉又勁少，餸又少，地方又係勁細，紅醋又開水開到無曬味牛什無樣掂腸又污糟，肺又老，其他都非常一般不過係舊牛腩叫正常少少🤏🏻不過得個3舊收呢個價，真心性價比超低真係無下次🫣送都唔食，thx

果位阿嬏和阿叔不知所謂，明明客人落了單，又要客人再落一次，客人唔肯再落，果位阿叔就講粗口問候人地老母，佢地自己做得唔啱，就唔好向客人惡形惡相吧，客人只係想買嘢食又完全無講粗口 (重點)，佢地做乜好似被人殺咗全家咁去以惡待人？各位街坊千萬唔好幫襯佢地嘞，好多客人都投訴佢地服務態度唔好，係千真萬確，而果度d嘢食又唔係好味，不要去自討苦吃和受氣了！

樣樣嘢要加錢問多少少就唔出聲 西口西面差到極致好食到變唔好食啲料越來越少配料越嚟越孤寒大家互相尊重我生意有來有往基本嘢都唔撚識唔會想繼續幫襯其實唔止一次今次忍無可忍先要寫岀黎費事大家受氣

疫情前未放寬，佢既態度都唔係咁好，但開頭啱啱開時，都真係好食既(以周邊黎講)以前做廚房果個帶眼鏡男人都好好，依家無做，野食都開始差左，有個短頭髮既女人，開頭以為佢係伙計，點知原來佢係老闆娘，佢既態度真係惡劣見過佢同客嘈…不止一次…前幾日，去買牛腩河加底，叫佢比大湯，佢話要加錢，加$5我話「已經買個河粉加底加左$5，個湯要加大都好正常wor, 仲要求+$5？」佢話「你地個個都話要加大湯 我仲洗做生意？」我講「我加大左個河粉你仲比細湯 我邊夠湯用」佢「你買就買，唔買就算，我對個個都咁既態度」佢咁既態度同說話係令人唔會再想去買，同埋 我唔會推薦大家去食佢，同希望大家衡量，值唔值得比錢買難受？仲有原來上星期我屋企人去買時，話個湯加$8，我屋企人當然無買啦…佢一d都唔老實

如果唔係貪方便真是唔會係佢到買...食物中規中矩，雖然比起榮輝美食算好但態度差到不得了.....牛腩...唔見得有咩出色...完全冇吸引力可言叫佢少麵一樣會一大堆比你，完全唔理客戶要求

平時都有食開呢間牛腩麵，不過坐位好少，每次都係打電話叫外賣再自取。最鍾意叫佢個豬肉丸，因為真係豬肉味濃d，同我係鄉下食果隻一樣味，覺得係手打豬肉丸不過就要等耐d，所以通常都早10分鐘打電話去叫定。今次叫左豬肉丸米線+腩汁+碟菜心2樣野加埋$60價錢貴唔貴就睇個人點睇，對我黎講就有小小貴佢地不嬲都分湯裝，隔耐d食都唔怕，一碗豬肉丸都有5粒既，分量都ok啦。佢除左麵類，原來仲有飯類，下次再試下佢個梅菜扣肉先！

講真，呢間啲牛腩真係幾好食，每次都有好多舊而且好入味，但好想講嘅係個啲呀姐嘅態度愈嚟愈差。呢段時間已經靜雞雞1蚊1蚊咁加都算。仲要加價兼受你地啲呀姐氣，真係幾好食都唔會再幫襯囉。😡每次買碗麵都要窒下人串下人，唔係貪方便同埋間鋪收得夜真係唔買。😡第一次買外賣想佢分湯，點知個短髮呀姐就話「本身會分架啦，問嚟做乜」呀姐... 知就唔會問啦。唔通專登問嚟比你串咩... 之後見佢比個啲辣椒油得好少咪問佢比多少少，就不斷窒頭窒勢話要加$3。我話比多少少都要，咁堂食點計... 佢話總之外賣就要，心諗你又冇寫明，明屈。然後好耐都唔係呢間賣外賣，寧願食另一間。到左早幾日係隔離鋪買茶飲時，咪順便買個麵食。入到去得3個員工。個長髮呀姐就慢慢包外賣兼吹水，個短髮呀姐就執枱中，得煮嘢個呀叔望住我，有禮貌問我食乜。咁我講完都加句走青就諗住比錢，點知2位呀姐態度超差不斷話「叫外賣叫完就行返出去啦，咪企係度」長髮呀姐直頭搵個身頂我出去咁滯... 我都著著地問係咪唔洗收錢，個短髮呀姐先埋嚟收錢。咁整好碗麵，我見個呀姐係度搞啲蔥我咪講多次話走青，佢就話「我知我聽到你講左一次就得啦，唔洗專登再講架，聽到架啦」呀姐... 就

這次去吃久違了的牛腩米，這間牛腩汁香濃。雖然小店空間及座位都不多，但勝在味道不錯。米粉爽口，另配多蔥蒜增添層次，牛腩即是沒有額外選崩沙腩也鬆軟。另外，辣椒油香辣，不會只有辣味。魚皮是預先用密實袋裝好方便外賣，但沒有漏氣，如果喜愛吃粉麵的朋友，必定知道有某些店舖魚皮是連鎖不是自家，有時吃起來還有燶味，這間我估算不是大連鎖的，整體而言對得起價錢吧。不過店員較為心急，大家自己多注意喔！ 吃麵期間亦有不少人士叫外賣，應該區內不錯。

呢個疫情夜晚食嘢真係好少選擇，就連附近本身24小時嘅M記都改晚上十點收工，跟本無得選擇下只有附近一間粉麵舖，就係咁可能有啲食肆忙到爆，就前幾日收夜買碗牛腩米，同佢講外賣分湯，個女人阿姐串串咀咁同我講：「我哋呢度會分湯嗰囉，你如果唔分湯先同我講，咁而家你係咪唔駛分湯？」我心諗：我第一次嚟買我實知嘅咩？我就以為佢講笑，當然收聲。到今日8/3大約夜晚10點又去外賣一碗牛腩豬手米，問佢攞多個辣椒油，佢話一碗只跟一個，再要加$3.-🙄當然有人唔食辣覺得無所謂，我鍾意食辣，如果你寫明要多一個辣椒油需加$3.-或就算$30.-我覺得值得額外加都應該俾錢（咁當然佢又無寫岀嚟），但佢嘅語氣係好似上次煩到佢咁，我唔知要俾額外錢要求多一個辣油，如果知亦唔會煩到個阿姐，前世未俾人鬧過咩😰？返工：又俾老闆鬧，就而家放工：叫碗面返屋企抖下休息，俾錢呢間面舖賺，都要俾店舖員工（可能係老闆娘tim）串下話下！唉。。。！最搞笑如果呢間嘢要多d辣椒油要加錢，咁堂食係咪只限落一羹辣椒油？我相信唔會，咁真係唔知點解外賣會係咁樣做法？仲要間多兩句，俾人窒，真係巴閉😡我都明小店經營，樣樣都係計錢，服務當然無得同大集團比較：叫大辣

牛腩米，好好食自家制辣椒油，夠香夠辣。服務態度非常好。外賣一定分湯夜晚12點先收工崩沙牛腩都好好食，湯底夠味又無味精😋未試過梅菜扣肉飯聽聞唔錯遲吓會試。推介大家試吓

新開小店一段時間 試一試餐牌價錢外賣+1自動分湯上 無額外收費肥腩面 面爽😍肥腩都有六七嚿我次次食肥腩😆疫情關係 都見到好多人外賣食過小店河粉 㓜身不易斷男朋友話食過咁多間 牛什粉麵佢最好食 唔係雪藏內臟