金葉軒

營業中

休息中

下午3點行去坑口村打算食茶餐廳，經過金葉軒外面時呀姊問我係唔係食飯，正好見有一客海南雞飯在遠處經過，好似唔錯，而且只是48元連熱飲，便坐下叫了一份海南雞飯加凍檸茶，呀姐話冇油飯，白飯可否，其實我對油飯麻麻地，就話OK，之後比左飲品我就要收錢，因為要埋數，共5O元，飯到左一睇就知出事，明顯是平價大陸米，米粒很細和碎，顏色灰灰地，但心想價錢平都可以接受，只要雞0K，點知一啖咬落去雞肉到，就感覺到一股淡淡的臭味，心想出事了，再食一啖飯，硬到好似石仔，但又唔係生米，好在有一些煮椰菜伴碟，我就著吃了少少飯，但最後都只吃了約5份1便放棄了，絕冇下次因為本來冇打算寫食評，所以冇影相

見到坑口村幾熱鬧， 又有位泊車，諗住試下泰國野。 叫左三個餸 1.避風塘茄子 ，椒鹽茄子🤔2.pad Thai 炒得太濕，醬太多，成件事好漿口🤮3.蠔餅 只係普通既蛋mix 蠔 冇鑊氣失望….no next time la

係坑口村想快食lunch，完全唔想行出個村，都係個幾間大排檔，但質素完全唔會差，今次就食呢間嘅泰式海南雞飯。個飯雖然吸左飯味，但有少少偏乾。個雞係嫩滑，但有幾塊係多脂肪，咁都正常嘅，海南雞飯啲雞通常都係咁。而醬汁係唔錯，分量唔少，配埋雞到多多都有，兩者配搭唔錯。但唔食得辣嘅小心，有少少辣。同時，係夏天炎熱嘅天氣，會令人更開胃。以村入面嘅餐廳質素比較，係唔錯。

今晚係外賣app見到依間餐廳，見到個有人氣logo既菠蘿海鮮炒飯心郁郁叫左黎試，一試真係難忘...第一啖已經食得出成個製作過程：飯既調味嚴重不足啖而無味，而海鮮又預先分開用水灼到過熟，落鑊時間相信極短（其實好懷疑就咁mix落去就算），咬落舊青口度得陣熟水味，咬感好似食緊有筋既牛腩咁，成舊卡實左係牙縫度...依個炒飯雖然鑊氣好夠不過只係虛有其表，感覺同快餐一樣分開加工完再放埋一齊就算，個人覺得完全唔值依個價錢。

掛住金葉軒既豬手於是就特登走去食lunch嗌左一個豬手米粉 同 豬手河粉都係$48 好既係佢地凍飲都唔使加錢豬手炆得好淋 唔覺得肥膩配埋個汁 酸酸辣辣 一流👍🏻個湯既配料幾得意有洋蔥 羅勒 紅椒絲但要注意以上既野都係生既所以我係唔食😂另外仲有甜既酸菜 正👍🏻但佢地既衛生情況....🙈樓面姐姐送餐果時無戴口罩仲要同我地講野真係唔知比咩反應你好😕仲有佢地比我枝飲筒好污糟😑可能因為我地平時嗌外賣都唔知原來佢地衛生情況咁一般

今晚外賣自取 比完錢就等外賣 點知樓面比外賣我時 發現樓面無戴口罩 個時真係嚇親 個外賣都掉左 做飲食疫情時都唔注重員工衛生 食物點好食 都嚇親d食客 再者宜家全民都要戴口罩 唔係唔知

坑口村內試過西餐，居酒屋，小炒今次輪到試泰菜呢間泰菜除左有傳統一般泰國菜式之外，亦有BBQ。店內有一個凍櫃，擺放左部份海鮮比客人選擇，有哂價錢，睇啱邊樣就揀邊樣烤海鮮我揀左虎蝦 $38/隻，都算大隻，但味道偏咸，肉質唔夠爽口另外揀左條魷魚 $128/隻，燒得啱啱好，而且有微微調味嘅醬汁搽左係面，好食！新鮮！💯 下次嚟會再encore!👍🏻燒雞翼亦都唔錯，$38/1份 (兩隻)燒到外皮香脆，而入面啲肉仲好嫩！好大隻，扺食！推介👍🏻Pad Thai 味道可以，唔太濕唔太乾，但個金邊粉有啲啲”鞋”，但$68嚟講，份量夠大，扺食嘅！椰青好甜！肉嫩！正！👍🏻龍眼冰亦都好扺飲，超多龍眼肉！總括嚟講，味道OK，價錢亦好合理，服務同環境都唔錯，會再嚟！今次得兩個人試唔到太多野，下次試試啲小食 蝦餅，咖喱同海南雞！😋

今晚同男朋友到坑口村覓食，佢話想食胡椒豬肚雞煲，所以入左金葉軒食。一坐底，即刻叫左胡椒豬肚雞煲。望下火鍋料，因為早幾日先食完雞煲，打完邊爐，所以暫時冇咩野想食。加埋我地得兩個人，都係決定食完睇下仲需唔需要叫其它野食。胡椒豬肚雞煲好多料，相信有一隻雞係入面，豬肚份量都好多，仲有白蘿蔔同粟米。食雞煲有個小秘訣係要俾佢煮耐少少先好食，因為雞肉同豬肚會越煮越淋，會越容易入口，白蘿蔔同粟米都好甜。呢間仲有泰國菜同港式野食提供。

在西貢附近， 不計較環境，只想吃一頓美味的晚餐，也可以選擇到附近的坑口，這裡也是出名有很多美食的地方，今次就選擇了泰國菜。食泰國菜必會点的馬拉盞通菜，味道不太辣，煱氣十足，而泰式炒金邊粉，也不太酸，味道剛剛好。至於泰式煎蠔餅，蠔仔新鮮，配上泰式辣椒醬非常合拍。而泰式豬腿，沒想到豬腿表皮軟熟而帶点煙韌，一点也感覺不到肥膩，肉質鬆化而不太“林“，還有保存了鮮味的肉汁，再配上西蘭花，整體這道菜非常美味可口，藉得回味。而整晚的消費非常便宜，有機會一定要再來。

坑口村入面，睇門面黎講呢,，呢間算係較好。環境有少少似大排檔得黎又有少少去到泰國啲街邊鋪餐廳咁。普普通通一間餐廳，食午飯時間就好多人的，等唔到位既，趕時間就唯有去附近其他既餐廳啦。味通係普通啦，但杯凍奶茶幾香濃喎。係便宜既，所以我覺得係抵食既。

位於坑口村口，位置容易找到，經過呢度見到午餐餐牌擺左喺巷口，因為吾知想食咩，加上天氣太熱見到有個豬手飯所以選擇左呢間，坐位有室外同室內，天氣熱所以都係坐入邊涼下冷氣l！豬手飯:覺得豬手係無味的，完全要靠個醬汁先可以，但最特別的是有一個辣汁，用來點豬手真係好好味，酸酸辣辣特別開胃，覺得有左呢個醬汁可以起到畫龍點睛的效果！仲有配合少少的酸菜，味道就變得好好味啦！再加上一杯凍飲，嗯，好滿足，一個套餐先四十幾蚊，抵食啦！

平時食金葉軒都係食泰菜，今次因為太夜唔知邊度有嘢食所以試吓佢嘅中菜，叫咗個沙嗲肥牛粉絲煲，跟住叫咗個椒絲腐乳通菜，再叫咗個蒸魚，本身想食倉魚但冇倉魚最後叫咗條鱸魚要果皮蒸，條魚一啲都唔滑冇乜味，個肥牛粉絲煲都係麻麻哋，可能有菠蘿所以覺得酸酸地，牛肉都比較鞋，個椒絲腐乳通菜都比較泰式唔係中式⋯

午飯時間🤟🏾🤟🏾🤟🏾🤟🏾坑口村就係係坑口站向將軍澳醫院方向附近一條村仔 入面有好多唔同既小店🤤🤤🤤😋😋😋今日食泰國野🇹🇭🇹🇭🇹🇭🇹🇭🇹🇭🇹🇭🇹🇭🇹🇭午餐A豬手飯 🐷🐷🐷分量好足 大大碟 豬手淋得黎又彈牙👍🏽👍🏽👍🏽個汁都幾辣 個人喜好黎點 我自己覺得好香好味😋😋

平時番工要早起身，難得今日星期日放假梗係要瞓晏啲啦！瞓醒咗就肚餓，又懶得煮嘢食，咁就決定同家姐落樓食嘢啦！金葉軒係平時放假都成日黎食嘅泰國菜，貪佢午餐有湯飲又有飲品送😆泰式海南雞飯(午餐/$44@):1份係雞翼位，另1份係雞脾位😍雞肉好滑，好鍾意佢點雞個汁，酸酸辣辣，最啱用嚟撈飯食👍🏻平時食開佢啲油飯係粒粒分明嘅，但今日個飯失左準，太濕有少少爛☹青紅蘿蔔湯(跟餐送): 自己去斟，唔夠可以再拎！凍檸茶走甜少冰;凍奶茶少冰少甜(跟餐送):叫左少冰都勁多冰，半杯都係冰黎😂😂$44有飯食，有湯飲，仲有飲品送真係好抵👍🏻

你間餐廳今次係第二次食，上一次食歌啊獅城嘅蟹粉湯米線，同埋燒白鱔，今次冇食菜但食咗個薄餅，不過個薄餅真係好乾好薄唔好味，我對個蟹粉湯米線今次真係勁失望，真係唔敢想像如果這個湯米線一共八個人食每人可以分到幾多條米線， 要用幾多條難形容就證明這個米線真係好少好少，其實米線係一些好平嘅粉面為什麼份量這麼少啊，我只得兩個人食根本唔會覺得有飽肚嘅感覺每人都只得兩小碗係小碗唔滿既！另外個燒白鱔麻煩望一望張相片，有四舊好像是108元正，其中有一條縮得好細條，我唔明白廚房為何可以拿出來給客人，最終我叫咗個哥哥仔過嚟，我問問佢「呢個係咪得細條左少少呢」跟住佢就換咗另一條比我，我諗這間餐廳已經沒有任何興趣令我再想幫襯，唔敢想像下一次個份量會不會變得更加少，而且個老闆娘態度是十分之差！