金蘭花泰國餐廳 (已結業)

今日同個朋友去食午餐，黎左銅鑼灣，發現泰國天王的泰國餐廳，我地上去試下先！中午時間人客唔多，但係服務都好好！我叫左泰式船河！朋友叫左通菜和海南雞飯！船河湯底好濃好正！我叫左河粉，另有金邊粉可以選擇！我叫左牛丸，另有豬肉丸可以選擇，牛丸彈牙粒粒好香濃牛味，仲有肥牛和炸豬皮味道又濃又正！河粉好滑溜，闊身口感極佳！炸豬皮先係重點！我叫左椰汁紅豆冰！香甜椰汁味道唔會好甜膩，紅豆粒粒糯香軟綿甜度唔高，冰凍滋味！

今天約了以前實習時的老闆吃飯，特地從黃竹坑出來，選了巴士站附近的餐廳。這泰國菜餐廳灣仔亦有分店，但銅鑼灣分店的環境明顯地更精緻高級。似乎沒有午餐可選，我們只好從正常餐牌裏選擇。老闆特愛金邊粉，吃泰國菜必選。我就見椰子焗飯挺有趣，選來試試。再叫了個串燒share.海鮮金邊粉，有不少海鮮配料。大大隻青口和蝦。金邊粉煮得軟硬適中，有咬口之餘又不太硬。而且有不少其他配料，雞蛋、芽菜、青瓜、花生，口感有層次。份量亦挺大碟，分享食之選，自己一個女仔吃就未免太大份了。椰子焗飯，選了牛肉。外形非常特別有趣，因為椰子內不能裝太多飯，所以唯有放在面頭。炒飯入面有多種配料，三色豆、提子、牛肉、肉鬆，還有很多椰子肉呢！伴碟還有腰果。同樣地份量亦是很多很多，但我覺得非常好吃！椰子味很香濃，飯亦濕濕軟軟的很易入口。牛肉也很軟質。串燒要了三串豬三串雞。個人覺得雞更嫩口好味，豬肉比較硬。串燒一串很粗大，雞肉是燒烤味，豬肉是黑椒味，都抵食。另配上酸辣汁，吃下更惹味。份量真的很多很多，而且味道好吃，價錢亦便宜，下次會再去。

今日上晝去銅鑼灣做身體檢查，因為要抽血，所以早餐都冇食，難得有半日假，朋友話附近有間樓上食肆中午套餐好抵食，於是就跟佢上咗去試吓原來係樓上泰國餐廳，環境都唔錯，光猛舒服，空間感較大，兩個人都俾個大卡位我大大樽水，俾你自斟自飲，減少侍應騷擾嘅次數，午市套餐都有好多選擇，價錢都好親民朋友order咗個冬陰公炒飯，份量夠唔再講，原來冬陰公都可以炒飯，朋友話酸酸辣辣，好過癮，我都試左少少，真係幾得意， OK喎而我就叫咗個青咖喱雞，我特別鍾意青咖喱嘅香味，雞肉嫩滑，佢哋呢度嘅份量都係偏大,啱晒剛剛抽完血嘅我如果唔係大胃王的朋友,記得叫佢哋少飯午餐仲要包埋甜品同飲品，甜品係椰汁糕，椰汁香，配上滑滑的糕底，盡情加滿足而特飲都只需要加多$5，我當然要叫返杯喇我揀左三色冰，最驚喜嘅係，黃色一條條嘅，竟然係大樹菠蘿🍍，少少甜得黎又好清新，真係估佢唔到喎以銅鑼灣呢啲高消費嘅地方，咁嘅價錢食個lunch都算係好經濟嫁喇，再加埋食物、環境同服務都不錯，值得一試

見用OPENRICE BOOK 位滿$250 有9折 , 就黎試下菜。叫左青檸爐邊烏頭魚, 炸蝦餅, 豬手, 燒魷魚, 馬拉盞炒通菜及芒果燸米飯做甜品。除左燒魷魚較遜色外其他都好好味。特別係豬手炆到好淋好入味, 個人認為唔洗再點醬汁食已經夠曬味。而且重有介蘭,酸菜同滷蛋做配菜。另外青檸爐邊烏頭魚都係必推, 魚肉嫩滑, 加上酸酸辣辣的湯好惹味。係一D都唔腥同無草青味。一路滾條魚一路再加湯入去煮 條魚愈煮愈入味。D湯亦都好好飲。芒果燸米飯佢有幾款, 有生日蛋糕款。有朋友生日可以用黎當生日蛋糕。咁我地就叫左最普通果款,淋上香甜的椰汁 撈埋D燸米飯食好滿足, 而且D芒果唔酸既 A.A*

因為M佬怕辣，所以我哋一向好少食泰國菜，耐到好似有成年無食過。今日返工嘅時候，同事猛話呢間位於銅鑼灣嘅金蘭花泰國餐廳唔錯，搞到我心郁郁今晚即刻試試。餐廳佔地全層，空間感十足，而且位處電車路旁邊，夠晒方便。泰式小食拼盤拼盤有齊蝦餅、魚餅、泰式春卷，而我哋最鍾意就係個拼盤嘅雞翼，拆咗肉，一大啖咬落去，好爽。鍾意食煎炸食物嘅一定要試。清邁咖哩雞麵面頭係炸到脆卜卜嘅炸麵餅，咖哩湯入面仲有索晒汁嘅粗麵，撈埋一齊食，半腍半脆，雙重口感！而且咖喱汁又香又滑，雞件好嫩滑，好好味。香葉辣椒肉碎炒飯辣椒炒肉碎一向都係夾生菜，原來將佢嚟炒飯都好好味！肉碎更可揀豬、牛、雞，鑊氣十足，夠晒辣，好過癮。泰式炒通菜食泰國菜又點可以無通菜呢？通菜新鮮青翠，火喉啱啱好，味道鹹香。飯後再飲個冰涼椰青，清涼解渴。

今日去銅鑼灣買🍎電話經過怡和街，望見對面有一間樓上鋪，好似幾有特色，寫住金蘭花泰國餐廳泰國嘢，啱哂一於買完電話之後就上去試吓裏面嘅環境簡潔舒服，仲比我坐到個窗口卡位，Cushion有泰國特色，座位亦好闊落，呢啲都係樓上鋪嘅優點喺呢個黃金地段，有個窗口位，望下街上急趕行人，睇吓風景，其實已經係一種享受正所謂你有你忙碌，我有我享受，人生就係咁矛盾，呢啲咪叫做爽囉好啦講返正題，餐牌裏面都好多選擇，除咗前菜沙律，主菜豬牛羊，粉麵，蔬菜，應有盡有首先來個無骨酸辣鳳爪沙律，開胃的前菜必選第一道要是試就當然係泰式海南雞啦，我哋叫咗半隻，但係望落以為俾咗一隻雞我，分量十足，配埋香飯再嚟泰式小食拼盤，蝦餅香，魚餅鮮，泰式春卷脆，非常惹味，喜歡食煎炸食物嘅一定要試尤其是呢個拼盤嘅雞翼，佢幫你拆開咗其中一邊肉，你會好容易食，真係好爽另外我哋試咗佢哋嘅特色泰國船河配金邊粉，濃烈的湯底是主角，去過泰國的朋友都知道船河係必食嘅選擇呢餐咁豐富，埋單都唔使＄400 ,皆因樓上鋪嘅租金比地舖嘅便宜，變相益左我哋呢啲醒目嘅食家

最新午餐吃西餐太多都想轉轉口味，突然好想食泰國菜。這店位於鬧市中的銅鑼灣區的怡和街22號3樓就正SOGO 對面十分近地鐵站，就是入口位置隱蔽些就在中間小巷中。 升降門口對住見到淺藍色的大壁畫，令人心情愉悅感覺好舒服。 餐廳是3樓全層地方也算得上大，入到去地方真係好乾淨，座位非常舒適，冷氣夠充足。 店內都可容納很多食客，就看看一個中午時間已經爆滿。 這間餐廳吃的都是正宗泰國菜，正宗泰籍主廚主理，除了吃到正宗菜式，還可以吃到泰國傳統小食。  這間餐廳不需收加一服務費。 可以慳返個服務費點多幾個小菜。 今天去到點了午市套餐，海南雞河粉可選幼或粗身河粉 本身想選個飯因想吃濕濕的，同樣都是皇牌的海南雞 雞肉質地嫩滑香軟多汁入口極富雞味，連雞皮也吃都不會覺得油膩，雞肉的份量也多。喜歡吃雞的朋友真的必食海南雞 每條河粉都很寬同粗身，不過入口好滑，其實飽肚感十足架。 加了小食酸辣鳳爪沙律 $38來到真係估不到原來鳳爪份量都多，真抵食好吃又開胃味道酸辣的， 酸酸地辣辣地吃起來頗有彈性，每隻酸辣鳳爪很入味連配菜一起食。 珍多冰及椰汁冰 味道唔太甜，凍凍的好解渴。 加配了香茅雞

專登出去搞搞電話續約樓上就有間新泰菜，好就腳 😂侍應推介咗串燒豬仔肉同海南雞飯反正係第一次嚟就試下佢介紹嘅嘢啦兩樣都真係幾好食～串燒豬仔肉係由泰國新鮮運到果然係肉汁豐富過平時嗰啲豬肉啲豬肉係摺到一層一層咁燒豬肉同豬皮梅花間竹咁，口感好過癮 😋啲豬皮爽爽哋，好有膠質泰式海南雞可以揀半隻或者一隻一樣就油飯送～我覺得隻雞好滑嫩，係連胸位都滑 👍🏻送嘅油飯都幾多，好香口好食肉碎粉絲沙律無論係肉碎定粉絲都好足料！粉絲撈咗酸辣汁幾開胃最後就係自家製嘅椰汁糕仲有啲好甜嘅栗米粒喺入面埋單有張九折卡送，實際過儲分，哈哈！下次老公早收工可以嚟食 tea，都幾抵食

呢排大囡一家大细由加拿大回港渡假，佢話想食泰國菜，因為係加拿大既泰國菜好難食喎，咁咪同佢地去咗金蘭花泰國菜館食午飯。坐近窗口位置，一望出去就見到銅鑼灣街道人來人往。望吓餐牌，價錢頗大衆化兼可以加入成為會員賺取九折優惠折扣。叫了肉碎生菜包鷄($72)，冬蔭公(小)($88)，海南鷄飯餐($72)$5送青檸梳打，豉油王炒河餐/熱咖啡，青木瓜沙律跟餐$38和泰式咖喱雞跟餐/加$5青檸特飲。可能是在中午時份，所以侍應不多，服務亦未如理想，不過醫肚為先，其他都（暫時）不重要了。先食青木瓜沙律，我大女必食之選，採用泰式新鮮青木瓜加入酸酸甜甜的沙律汁，頓時胃口大開。肉碎生菜包鷄，肉碎和鷄粒混和炒在一起，勝在味道濃郁不肥膩， 用西生菜包裹著肉碎雞粒，入口shot shot聲，當然生菜首要是新鮮。冬蔭公味道酸中帶辣，香茅是冬蔭公主要食材之一，味道夠香濃，美中不足是蝦夠大隻，但蝦肉帶點霉。海南鷄飯始終搞不清是馬來西亞食品還是泰國食品，其實可必計較，祇是地區性問題，最緊要食鷄有鷄味，我衹可以complaint黄油飯絕對有改善空間。青咖喱鷄跟白飯反而是我最愛之一，喜歡青咖哩汁帶有香濃椰汁味道，鮮嫩鷄肉加入椰香

上年，為鬼鬼地的好姊妹慶祝生日，我們走到尖沙咀的西班牙餐廳 Alizina！ 今年，我們一行7人，選址位於銅鑼灣怡和街的樓上泰式餐廳 <金蘭花泰國餐廳> 為她慶祝生日！餐廳佔地全層，地方算大！空間感充裕， 我們被安排到一個有梳化位的 8人桌子， 坐得舒適自在！餐廳供應正宗泰國菜，師傅是泰國人，然而，店方的食材及香料...等，則選用泰國貨， 務求讓食客食到正宗的泰國菜！包括：沙律、湯類、咖哩、小食、主菜、蔬菜、 海鮮、飯類、甜品...等等，口味多元化！熱龍眼水 $28這款飲品可選冷熱飲，熱飲以金屬杯盛載 ，凍飲則以玻璃杯盛載；凍飲明顯龍眼肉比較多而澎湃！味道清甜而水溫適合入口！ 加入杞子及紅棗，健康又不錯喝啊！清邁咖哩雞麵 $68這款麵跟港式肉絲燒伊麵很相似，既可嚐到香脆的麵條，亦可嚐到浸了醬汁變得柔軟的麵條，可嚐出雙重口感！咖哩汁不算辣，香而濃郁！其辣到我也接受得到！炒海鮮金邊粉 $78我個人喜歡食泰式炒金邊粉， 所以令我也頗為期待呢！ 金邊粉炒得均勻入味，入口酸甜而濕潤，配料包括：爽口的蝦、有嚼勁的魷魚、新鮮清爽的芽菜...，拌勻花生碎，滿載風味！ 做出水準，沒有令我

發覺都有好幾個月沒吃過泰菜，企住在港島又沒駕車的我很懶走到去九龍城的泰菜館，於是近近地就到銅鑼灣亂找一下。中午時間站在怡和街，朋友抬頭一看就見到這個名字，於是便一起上去試試。午餐：「豉油王炒河餐$72送熱飲」河粉用上比一般寬身的，更加有口感而且更加掛汁，所以整體都夠入味，不太咸。菜的份量適中，但河粉的份量對男士來說有點少。(熱飲要了咖啡)「青木瓜沙律跟餐$38」青木瓜沙律酸酸甜甜帶辣味好醒胃，而且不太辣，容易入口。青木瓜絲有嚼感，但不會太硬身。另點了「冬蔭公（小）$ $88」有一配粉麵的大小，份量剛好一人份。味道酸比辣多，都很惹味，我想如果變做冬蔭公湯河都不錯。服務：職員主動性不強，中午時間只得兩枱食客都沒有主動招呼。雖然食物素質合格，但都令人沒衝動再光顧或者介紹朋友了。

今日要去宜家家俬買野，所以就選擇左去銅鑼灣呢間想上泰國餐廳食晚飯喇，上到黎岩岩好有位唔洗等👍🏻👍🏻👍🏻🤗首先叫左前菜，酸辣鳳爪沙律，酸辣味好夠，唔會太酸唔會太辣，鳳爪份量都算多。之後叫碟豬仔肉串燒，有成6串都好多，食落口感一流，因為好軟林林，燒得剛剛好，個汁都好惹味，值得encore。呢碟係蝦醬炒通菜，蝦醬味岩岩好，唔會太重味，好夠火喉👍🏻👍🏻👍🏻👍🏻最尾叫左條明爐烏頭魚，湯底就揀左梅子，湯底不得不提真係好好味，烏頭都夠大條，兩個人份量都已經好夠，佢另外會有碗湯底俾你煲到d湯無晒時再加落去，等條魚唔好乾得濟，呢樣野幾貼心。

人與人之間嘅認識真喺好講緣份，能一直維繫到，好講一份情誼，一齊讀書嘅書友仔未必個個成為你嘅老友，同住十多廿十年嘅左鄰右舍亦如是。是晚同幾位晌飯桌上認識嘅朋友，雖然近年各有各忙，情誼卻一直保持住，喺非常難得嘅事情。今晚濟濟一堂嚟到「金蘭花」聚聚舊，食食泰菜，既開心，又滋味。餐廳話就話位處怡和街，但所屬嘅大廈入口應晌後街渣甸街。一出電梯，大大幅牆畫，無深究其意思，但睇落予人清新嘅感覺。踏進餐廳，用餐區都相當闊落，以木系枱櫈為主，配以綠油油嘅植物作點綴，有一份自然清新感。最喜歡唔似一般泰菜館咁滿天神佛，其實，佢哋都有擺四面佛，只喺放晌入門口位近天花處。早前同老婆兩個人食泰菜，自不然可以點嘅菜式有限，今晚人多啲，就可以試得多。從餐牌所見，選擇又確喺非常之多，由沙律、湯類、咖喱、小食、主菜、蔬菜、海鮮、飯麵……到甜品等，唔數都知過百款。此外，晌張餐枱墊上印有多款推介菜式，懶諗嘅就不妨晌度考慮吓！泰式沙嗲串燒 $78串燒有豬同雞肉選擇，隨心揀咗豬肉，一客喺半打份量，每串都燒得帶點焦香，沾上自家調製嘅醬汁，酸酸辣辣，變得份外惹味，而豬肉食起嚟鬆化，既有肉香，又富肉汁。臭草煎蛋 $88晌主菜類見到呢道

位於銅鑼灣怡和街22號3樓的金蘭花泰國餐廳，餐廳位於崇光百貨斜對面，位置頗為方便。餐廳卡位上擺放了幾個充滿泰國特色咕𠱸，餐桌旁也放了一盤仿製花，頗有泰國的感覺。當天約晚上七時半入座，約有七成入座率。首先來到的為半隻海南雞，餐廳同時送上一客油飯。約有十多件雞件，二至三人吃也夠吃。雞肉肉質豐滿而肥美，啖啖肉而鮮味。再點少許旁邊微辣的泰式辣汁，更能吊起雞肉的鮮味。如果雞腿的部位可煮再熟透少許便更好了。油飯大大兜，盛滿了整個碟子，入口味道頗濃郁。串燒豬仔肉是今次個人最喜愛的菜式。燒得微焦的豬仔肉上桌時香噴噴的，肉面塗了少許蜜糖，味道甜甜的，無骨豬仔肉香口而嫩滑。下一味來到的為辣椒炒肉碎，肉碎更可選擇豬、牛、雞作材料，今次用膳則選了炒牛肉碎。來到時鑊氣十足，熱騰騰的。舀少許放入口，首先吃到肉碎的鹹味，十多秒後辣味才會慢慢滲出來，夠曬刺激。之後更點了一客生菜，用來包著肉碎。爽口的生菜夾雜著鹹香的辣肉碎，感覺更清新。當然不少得點兩杯解渴的飲料。椰汁冰的味道較為清新，較適合今次吃的菜色。而珍多冰的味道可以稍稍再濃郁一點呀。

今日放假行街街，平日的銅鑼灣一樣好旺，約咗個舊同事去食泰國菜，去過的金蘭花在九龍城， 個名差唔多，但呢間係唔同的。回味冬陰公湯，極濃的酸辣，幾時都咁醒胃， $88大大碗。例牌食泰式燒豬頸肉， $88一份，又係極之有份量，平時在其他地方食又貴又細碟，肉質結實入味，正呀！試咗招牌清邁咖哩雞麵，呢樣掂，脆麵加上湯麵的配搭令口感非常好，咖哩湯汁超美味，裡面的雞胸肉完全唔嚡，只係 $68，抵！仲食咗泰式海南雞飯， $68一份，又香又滑，都唔錯。