金蘭花泰國餐廳 (已結業)

係銅鑼灣weekday lunch又多一個選擇係openrice搵有得訂位既餐廳，用apps訂位，既方便，又可以儲分換禮劵。上午搭緊車既時候就可以book定今日午餐同晚餐既地方啦。叫了set lunch,泰式船河+泰色奶茶(主要係睇左其他人既食評，話必食船河....)估唔到又真係幾好食，而且份量十足，食晒成碗，就99% full 好彩落單時無貪心，差d叫多個菜。一個人(女仔)叫1個set lunch真係好夠。船河上面既炸豬皮好脆，正我一早夾起d豬皮，唔浸落湯，咁就可以食到最尾都品嚐到脆既豬皮啦豬肉丸普通，個人鍾意依d細細粒既肉丸多d. 座位舒服，我12點黎到，任揀坐邊。接近12:45先開始有d人氣。1點左右就6，7成滿 餐廳音樂幾得意，係泰文。係銅鑼灣既上班族，不妨黎歎個靚lunch.

金蘭花泰國餐廳三人行的晚上，走到銅鑼灣暢聚今晚的泰國菜確實不錯。點了六個菜，都十分美味通菜夠嫩夠惹味，又不算太油👍🏻👍🏻👍🏻👍🏻豬頸肉，大推呀！好好味，唔un，夠稔，個汁又夠香好味👍🏻👍🏻👍🏻👍🏻👍🏻泰式鳳爪酸酸甜甜好醒胃👍🏻👍🏻👍🏻👍🏻小食拼盤，叫個細拼已經好夠食，最正係蝦餅＆春卷，熱辣，點埋個雞醬，大家爭住食呀👍🏻👍🏻👍🏻👍🏻大蝦粉絲煲，你睇吓隻蝦幾巨型，啖啖肉，又多粉絲，好正呀👍🏻👍🏻👍🏻👍🏻👍🏻芒果糯米飯，要等，記住早D叫👍🏻👍🏻👍🏻食物是相當唔錯，但環境較嘈。食食吓有卡拉OK環節，大家又興趣可以一展歌喉😂😂😂好有八、九十年代feel🎤🎤🎤🎤

前幾日我睇蘋果日報介紹話呢一間嘅海南雞飯唔錯所以特登過嚟呢度食，蘋果日報介紹話個海南雞做法用咗20幾種藥材⋯⋯⋯，同埋自己都好鍾意食海南雞飯，一心充滿期望黎食呢個海南雞飯，好啦，咁我就約咗個朋友今日下午去食，我同朋友下午上到去睇到個環境都唔錯，我哋冇訂枱，個侍應安排我哋坐係單邊，咁我都係為咗個海南雞飯先嚟食，所以我哋叫咗兩個海南雞飯再加兩杯野飲，先講下個海南雞飯，試吓舊雞啦淡而無味，雞肉仲鞋過樹皮🤢，雞與雞皮分開外觀來真係好失敗，再望下個油飯，啲油同D飯撈得唔暈，有啲飯仲係白色，飯入口完全冇香味，完全唔係蘋果日報所介紹咁樣，係我人生之中食過最難食嘅海南雞飯！跟住我講下杯野飲啦，我叫杯凍檸茶，而唔係熱檸茶，上到枱杯凍檸茶連一粒冰都冇，飲咗一啖又苦又澀，仲有少少熱熱地，食物同飲品0分，環境都唔錯！

今晚難得約左好友，好像很久沒吃泰國菜，特意請朋友來安排一晚泰國風情。地點約在方便的銅鑼灣，還好有朋友帶領，原來大廈入口在小巷中，要稍微留意一下餐廳氣氛十分輕鬆，且大牆壁上的公仔圖畫令人回心微笑。泰式木瓜沙律 $68十分開胃的前菜，木瓜爽口而酸味也帶動了胃部，為今晚的晚餐開動了炸蝦餅拼魚餅 $88炸蝦餅十分足料，很彈牙，令人停不了，而魚餅更勝一籌，作為小食很不錯明爐烏頭魚(青檸) $ 168很喜歡跟朋友分享明爐烏頭，而細心的餐廳還附有一碗上湯，方便中途加入上湯以免乾燒。 烏頭魚肉滑口，要青檸更令鮮味更上一層樓，十分滿足。 泰式椰汁冰 $28 /珍多冰$ 28 清涼解渴，沒有因為冰而減淡了椰汁味道，而珍多冰朋友也讚口不絕，甜度適宜椰汁糕 4 件 $25椰汁糕 4 件 $25一口剛好，椰香甚豐，十分美味

星期日晚大概9pm到達，一來到已被提醒10pm廚房收工，即急急腳睇menu、落單，未食已感覺到侍應趕收舖的壓力。趕在9:30pm last order前加點香葉辣椒肉碎炒飯，轉頭卻送來香葉辣椒肉碎--屬於小菜，並沒有飯。當時四眼男侍應一擺低喺枱，我一望好奇怪，問咗聲咩唻？男侍應聽到都冇理，竟然頭也不回就走了。我唯有叫住佢問清楚，先知原來係香葉辣椒肉碎，我話我係叫炒飯，佢就話幫我換啦，就拎走碟嘢去篤機入單，我怕自己講得唔清楚，走上前好聲好氣同男侍應講清楚，係香葉辣椒肉碎炒飯⋯男侍應極不耐煩，粗聲粗氣話得得得得得，依家咪幫你換囉！！自問一直都禮貌周周，成餐飯都匆忙趕急進食，唯恐阻人收工，因為睇得出男侍應收工大過天！而該名男侍應身穿便服，並不似是其他侍應，到底他是餐廳經理？甚至老闆？竟然為了收工而得罪食客？咁想收工，不如收檔！食物非常一般，服務十級差劣，絕對絕對不會有下次。

呢排天氣咁熱真係搞到冇咩胃口食野，所以決定食d開胃既泰國菜。喺銅鑼灣sogo附近搵到呢間泰國菜，星期六都有午市套餐，仲要係免加一，當然要試下。我同男朋友一人一個set lunch，佢要左個海南雞飯，油飯夠香但唔油膩，而去哂骨既雞肉非常嫩滑，個皮都好彈牙。跟餐仲有一碗冬瓜湯，消暑一流。我自己就要左一碗泰式船河，配料可以揀豬肉丸/牛丸，我就揀左前者。除此之外，配料仲有豬肉片同炸豬皮。炸豬皮未浸湯個陣好脆，浸左湯之後就好彈牙，兩種食法都好味。麵底可以揀金邊粉/粉絲/河粉，我自己就揀左河粉。都幾有驚喜係粗河粉，一片一片的，用湯匙食可以飲埋十分香濃既湯底，同喺泰國食到既正宗湯粉味道係一樣味咖！食完都冇話好口渴，應該真材實料無味精。午餐可以加$42要一碟燒豬頸肉，豬頸肉燒得好香，外面金黃香脆，又唔乾。而且份量驚人，一碟有兩層，加埋都有廿幾片，好抵食。再加$38就有一碟泰式炒通菜，通菜好新鮮冇渣，用左新鮮蒜頭，炸蒜，辣椒同魚露炒，夠哂味道同鑊氣。跟餐送兩杯飲品，男朋友要左杯泰式奶茶，甜度岩岩好，茶味同奶味濃郁。而自己要左杯凍朱古力，口感好厚，好濃朱古力味，好解暑。餐仲有甜品送，係椰汁西米糕。椰汁好香

之前已經聽過朋友介紹金蘭花的泰菜幾好食，見過開來銅鑼灣找表弟剪頭髮，就約表弟一齊食完lunch才剪。＊＊＊＊＊＊＊＊＊＊＊＊＊＊＊＊＊星期日中午時段的金蘭花不太多人，座可都寬敞舒適，可以慢慢坐慢慢食，不過近日天氣炎熱，店內的冷氣有點不夠冷。午餐由$68至$72，包飲品和甜品另外可加錢轉特飲和加其他沙律或小食。左: 泰式椰汁冰(跟餐+$5)天氣太熱，所以著侍應先來餐飲，椰汁冰椰汁味中規中舉。右: 泰式青檸梳打(跟餐+$5)青檸梳打有青檸微酸夠開胃，非常透心涼。酸辣鳳爪沙律(跟餐+$38)鳳爪雖然要加錢，原本以為份量不會太多，但原來都有晚市正常份量，足夠二至四人分吃。鳳爪已去骨，方便食用，辣度屬bb辣，不吃辣的人都應該能吃到，對於嗜辣的我們就覺得辣一點會更好。泰式炒通菜(跟餐+$38)炒通菜份量同樣多，有一個飯碗份量，通菜夠鑊氣，顏色嫩綠食落亦沒有渣。泰式海南雞湯河($72)海南雞湯河非常大碗，海南雞份量都算多，雞件夠滑得來又不會太肥，河粉是粗身，不會太厚，湯底不過鹹，整體不錯。泰式船河($72)泰式船河我選了金邊粉配豬肉丸，但上枱時份量卻出乎意料地多，因為原來除了豬肉丸，還有豬肉和炸豬皮

泰式料理係港人心目中份量好重，好多人特等飛去泰國食正宗泰國餐。而我係銅鑼灣搵到間泰國私房菜—金蘭花，都好正宗，而且最好成為會員，提早訂位，唔係隨時有排等。首先整個開胃既柚子沙律，微酸多汁既泰國金柚加上晶瑩剔透既蝦肉，香口腰果，既食到蝦鮮同柚甜又品味到腰果既脆，即時胃口大開。炸蝦餅既蝦肉好彈牙，蝦味都好足，用料上明顯係十足，朋友一口氣食左六小塊，不斷讚除香脆外仲好令人停唔到口。冬蔭公湯都好令人停唔到口。加左大頭蝦，香茅，唔同香料，一上台，已經控制唔到啲口水。一飲湯底好鮮甜，菇吸收左酸辣，好惹味，而湯則係偏向酸多於辣，好岩我口味，冬天飲上一碗好暖胃，夏天則幫排汗，難怪甘受歡迎。最特別係船河，其他餐廳好少見過。我地揀左牛丸，一大碗，足夠二人份量，除左牛肉味重，彈性十足既牛丸外，更有多塊肥牛，最驚喜係有炸豬皮係湯上面，脆卜卜好正。湯底係好濃郁，有啲花生味，少少似沙嗲口感，但更勝沙嗲，係泰國當地出名船河。身為健康女性， 一碟菜係走唔甩，我地叫左泰式炒椰菜苗，纖維多，火候夠，微辣得來爽脆，配上泰式炒法，好味到不得了。二人竟然掃晒全部野食。由此可知，野食係好吸引。

星期日行完街，想食泰菜，記得朋友介紹呢間，所以walk-in上黎，好爆滿座，應該好好味所以先咁滿座，我死心不息一定要食呢間，由八點落去再行一陣，差不多八點半終於有位。好肚餓，樣樣都想食。好耐無食菠蘿炒飯，屋企人又鍾意食炒飯，所以必叫，炒飯味道有濃郁嘅菠蘿香味、酸酸甜甜都幾好食，個炒飯配合腰果同粟米口感爽脆，又有提子乾肉鬆，個炒飯炒得乾身，好味！！另外好鍾意食海南雞飯，賣相吸引，雞皮唔會太肥，而且雞肉嫩滑，配埋個油飯同醬汁，一流，正！！馬拉盞炒通菜，一上台，香味令人流晒口水，炒過後嘅通菜好爽口，惹味十足～原本好想食芒果糯米飯，但因為我地太夜入座，已經賣哂，傷心掉住我口癮；之後叫左班蘭糕代替。最後緊係唔少得必飲嘅椰青啦，個椰青真係不得了，雖然椰青係0技術可言的，但飲到靚椰青都要好講彩數，好解喝清甜。食物咁有水準，服務好，價錢又合理，難怪上樓都咁滿座。

今午天氣炎熱, 要找個舒適的地方吃午餐, 涼涼冷氣, 吃些開胃小食, 及飽肚午餐.  再想飲杯凍品.結果朋友拉了我去銅鑼灣 怡和街 的 金蘭花泰國餐廳.   樓上餐廳去得多, 但以光猛, 座位舒適, 金蘭花 果然好介紹。大大個玻璃窗面對軒尼斯道, 卡位闊落, 檯上有凍水瓶, 用餐餐具, 抹手紙,  好整齊.座位重有泰式咕臣, 大象繡工精美.店員首先介紹午市套餐,  共有 12 款,  $68 ~ 72-   奉送凍/熱飲品.套餐還可以加錢升級, 轉特別飲品, 加沙律/蔬菜/小食.  價錢好親民,  店員真友善 我點了 海南雞飯套餐 $72,  送檸檬茶.   清涼解渴, 夠大杯.加了頭盤:   鳯爪沙律 $38.   朋友點的凍檸水也一齊送到. 鳯爪已去骨, 好爽口.  沙律菜夠清新, 真是夏日開胃頭盤 .再加小食:   素春卷 $42春卷好大碟, 炸得香脆, 皮薄餡滿, 沾些泰式酸甜醬, 真滋味.海南鷄飯,  連湯送到, 賣相不錯.雞肉好嫩滑, 少骨, 有鷄味, 份量足.  並配有特製泰式醬汁.醬汁微辣令雞肉帶上泰式風味, 黄油飯暖笠笠, 入口甘香,湯味清清的, 帶點雞及夏日冬瓜味,

近來對泰菜忽然慾望大增，大約是夏天來臨，熱得胃口不佳，吃辛辣醒胃是身心舒服也。泰國鮮魷沙律98🦑份量多，🤤加賣酸辣醬汁，更見彈牙，作為夏日沙律🥗清新健康好兼開胃。泰國肉碎生菜包72 選了豬肉，感覺正宗傳統一點。生菜不少，包著大啖啖既肉碎食，香辣而不肥膩，好滋味呀😋泰式香辣炒烏冬52豬肉片掩得ok入味，加入唔少泰式香料，雞脾菇豆角同QQ既烏冬大炒，辣辣地相當滋味👍🏻😋跟餐加8的椰汁紅豆冰同行人士點的，味道椰汁味勁香，連平日不好椰奶的我都喜歡，個人幾偏好呢種豆少飲品多既比例喔🤓食後感：午市下午茶餐不設加一，價格優惠，味道加分，特別討好。

我自己都係看住openrice搵食嘅人，跟住地圖行，先知原來金蘭花泰國餐廳原來喺怡和街，exactly SOGO對面，平時會擦身而過的一條小巷中。我們四位女生一共點了三碟主食，一碟串燒：1. 香茅豬扒飯 ($56) & 香茅雞扒撈麵（$56）：兩款都係我哋喺lunch set到揀，同出面餐廳嘅香茅豬扒飯非常唔同，佢淋咗特製嘅香茅汁，入面有唔同嘅香料，所以唔只豬扒/雞扒有香茅味，仲可以撈埋落去啲飯到一齊食！2. 泰式金邊粉 - 牛肉（$68)：味道偏淡，份量好多，但個人覺得上面的撈麵更好吃！3. 泰式沙嗲串燒半打 - 雞肉&豬肉（$78):無論豬肉定豬肉有好大舊，配埋秘製沙嗲醬，好惹味呀！4. 餐飲方面，我地跟餐點了泰式朱古力 & 泰式奶茶，飲落朱古力同美碌好似，奶茶就比較特別，同港式奶茶更清甜！

第一次食呢間泰國野 位置黎講好方便 係銅鑼灣大街 對面就係sogo一上黎店員就問有無book枱 由於係即興所以無book就直接黎左 但後尾發現原來openrice book枱會有75折！ 不過都好彩 今次上黎ge時候係5點45分 仲有下午茶試左佢ge扎肉船河同泰式炒粉絲跟餐仲送埋野飲！船河ge湯底有少少藥材feel 吾太識形容 但最神奇係甜甜地 泰式粉絲有雞肉同豬肉2種選擇 我簡左雞 但食完覺得泰式料理ge雞肉都吾太好食 有一種好重ge”雞”味 而粉絲就係甜ge跟餐ge青檸梳打就好正常 另外仲叫左個菜馬拉盞炒通菜係好穩陣ge選擇 雖然佢都係偏甜 但味道吾錯最後我地仲叫左個燒豬頸肉沙律 一上枱ge時候嚇左一嚇 原來沙律ge意思就係有籃生菜 好搞笑 豬頸肉煮得好入味 吾甜 辣辣地 而且幾大碟 2個人食埋單一人140 都算抵食之選

今天過來銅鑼灣購物，購物前先食個豐富午餐。去了樓上舖吃泰國菜。想不到星期六亦有午市套餐，套餐有飲品及甜品，而且不用加一，蠻不錯的。泰式海南雞湯河，上面有滿滿的雞肉，中間有牙菜、生菜及通菜等，下面有片狀的河粉，嫌單調的話可以蘸醬。泰式豉油王豬肉炒河用的也是片狀的河粉，有豬肉、芥蘭、椰菜、紅蘿蔔、炒蛋等，不會很油膩，也不太鹹。小食有鳳爪沙律，要了少辣，夠凍夠爽。香茅雞翼賣相好突出，好似一朵朵花，又容易拿著食，而且很香脆。好飽～

是晚突然間想食泰國菜，便相約老公來晚餐喇! 雖然九龍城一帶是泰菜的集中營，如果叫我下班後前往，總覺得不太就腳，其實銅鑼灣區都可以找到好吃的泰菜，這家金蘭花都幾出名，在朋友推介下即管去試試看。 餐廳環境大，幾乾淨，無論老闆或職員都好熱心，挺好禮貌的，而且還有電視看，是介紹正宗泰菜烹調技巧。 餐牌菜式都多選擇，是晚點了辣椒炒芥蘭、青檸檬烏頭魚及泰式木瓜沙律。 加了一碗白飯，認真爽，吃得好開懷, 對我來說芥蘭雖然好辣但又好想繼續食，芥蘭爽口清甜，份量挺多的，味道足夠，唯獨覺得可以減少辣度，較大眾化。 與此同時我配了一杯熱飲 - 是薑茶，易入口，只是帶些芳香的薑味。 泰式木瓜沙律，酸酸辣辣的幾開胃，而且份量亦好多，裡面加入了一些花生，增加了口感，沙律很新鮮爽口，打開了我的胃口呀! 烏頭魚來了，每次吃泰菜我都會必點這款菜，大大條烏頭呈現眼前，賣相好吸引，青檸檬混在魚湯內特別惹味，魚肉好滑好嫩，額外給我一碟泰式酸辣醬及清湯，可追加放入爐內烹熱。 我個人覺得配白飯就最適合，邊吃邊喝魚湯，好味又開胃。