金裝燉奶佬餐廳 (嘉湖新北江) (已結業)

今日同fd補完課口痕想食糖水就諗起燉奶佬la叫左個茄汁豬扒雞全翼意粉+番著糖水 ($26)d茄汁無味=.="個豬扒比起琴日冰點個差個雞全翼乾爭爭咁樣都算na個糖水就...... 得果4~5舊番薯其餘薑 =.=

放工後"好鍾意黎e到食糖水環境舒服...可以坐耐d傾下偈 熱腐竹蛋糖水 一d都唔熱..只係暖暖地~ 成碗野無乜味,似腐竹溝水= ="不過隻蛋又幾好味!楊枝甘露唔錯..材料幾足..唔會好稀~ 好鍾意食d西柚,,唔會好酸^^"

週六豪食後，驚覺自己影完相才一週已經肥返好多。很想(也很需要)重新減肥，然而身邊仍然誘惑不斷，而罪魁禍首就是龍! 　早餐與午餐都吃得頗為豐富，下午茶時段應該要忍口了。龍卻引我食章魚小丸子，被拒絕後又出動雪糕，這個太誘惑了，吃了半球啦...之後這個可惡的人竟又引我去食燉奶佬下午茶，我：「NO，下午茶好肥!!!」但他卻搬出漢堡絕招，我：「哎呀..好啦...」　如此心動，因為此店的漢堡包多次獲他與阿展大力讚好。今次叫來一試，厚厚的漢堡扒既有牛味亦有肉汁，的確不錯，我只不明白何以漢堡包是長型的呢?茶餐還包括一款小食，揀了不相干的蘿蔔糕，也算棉香好吃。下午茶餐的飲品可改選糖水，要了芝麻糊溝紅豆沙，既有芝麻香亦有陳皮香，水準合乎期望，收貨有餘。　總結是幾好吃又抵食，在天水圍區想吃美味的漢堡，去燉奶佬絕對好過去麥記，難怪龍／展密密幫襯。

我單身寡佬，夜晚都係去呢度食飯。服務幾好，未試過漏單或俾錯，又唔使等好耐。食物款式都叫ok多，只係價錢貴左少少，very good！

今天(10月7日)去食過,叫了一個什扒鐵板餐,同一個鐵板肥牛金菇伊麵.飲品仲可以轉甜品,而我就食了椰汁涼粉.全部都幾好食.但是價錢就貴了少少.但地方都坐得幾舒服.

好離譜啊, 一碗所謂的"日式雜綿" 湯米線, 只有"一條" 細蟹柳仔, 3片超薄的明門卷片, 唔夠10粒粟米& 少少昆布... 依啲都似係配菜多啲喎, 簡直同一碗淨麵冇咩分別...

下午茶時段去五香肉丁面+西米露16蛟真係好抵叫個炒牛河+西米露都係$24 味道又幾好佢一碗西米露賣10蚊而家跟埋餐都係10幾20蚊~食得過

我每次去都會叫茄汁肉醬煎蛋意粉d意粉唔會太硬~而且d肉醬好多佢地既珍珠奶茶都好好飲好香茶同奶味我覺得好正d位我覺得ok~全部都全卡位咁大左右la"不過d服務一般

食物唔錯,晚市7:00食不太多人,充足卡位. 裝修整齊光明.service 既師奶一均ok, 不會太熱情. order等了20-30mins才上,有D耐. 下次都有機會再去

雖然聽過唔小次話食物入面有"甲由"但我諗每間都係差唔多架啦d 呀姐態度都算係咁,有後生仔女都唔差有學生証就計我學生價錢(menu 上寫住只限穿校服者)平平地叫碗面,16蚊幾平但甜品就好唔抵

燉奶佬一度係我最愛o既茶餐廳，因為食物平均水準幾高，糖水更加出色~ 因為搬屋關係，有好耐一排冇o黎食；最近終於又有機會重溫，可惜感覺遜色左~　話說上星期約左daddy同細妹食飯，大家叫左晚市套餐x3。食物選擇都幾多，由中式套餐、西式沙律/鐵板餐以至日式拉麵餐都有，而且加$5-$10可以享有美味糖水~ 我要o既照燒雞扒拉麵，上檯時覺得賣相麻麻，食落真係淡而無味，唔得!daddy同細妹o既中式套餐睇落都唔好食，比之前落差~ 唔怪得人都少左~ 　不過好在糖水仍然好掂，我o既凍咋喳又香又甜又棉，真係食多兩碗都得~ 因為糖水好味同價錢唔貴，仍然俾個笑啦~

前幾個禮拜同屋企人出去食晚飯.. 見甘多人就黎試下拉.. 叫左拉麵.. 豬頸肉飯同鐵板餐.. 食到好飽牙.. 料又多..飯都吾少.. 拉麵好大碗.. 鐵板有牛肉.. 牛肉太過熟同大片.. 厚得太勁.. 食落去覺得吾係甘得.. 豬頸肉好多.. ２個人食都有餘.. 炸蝦炸得幾得.. 幾脆口.. 碟生菜就吾算太得..全部算起黎都吾錯牙.. 唯１要改善既係吾好落太多油.. 不停食就覺得好肥.. 同埋d 茶水要改１改..

食飯都OK架! 我推介焗咖哩海南雞扖飯, 但係, 千其唔好食佢D 粉麵.

之前同老豆阿媽同阿哥一齊去食lunch , 好多人~所以我地等左好耐先落到order.不過唔係等左好耐就有得食個日冇晒海南雞飯, 失望.叫左燒豬頸肉set lunch, 有菜( 好好食喎) , 湯, 一大碗飯( 唔係普通白飯,好味~ 阿媽話加左d 汁落去煲)仲有好大碟豬頸肉~我一個人梗係食唔晒啦~仲叫左吉列豬扒同雞扒飯, 我就冇食, 不過屋企人都話比出面D 茶餐廳0既好食, 加上好大碟, 4 個人食3 set都食唔晒~

雖然呢間野唔係話好貴,個就唔係咁好食,而且地方污糟!佢既燉奶唔多好食,好求其,我諗佢都係諗住求其俾d 人填飽個肚就算架啦!