金西南米線

營業中

休息中

裝修之後第一次去食。以前喺銅鑼灣讀書嘅時候係飯堂，好有人情味。翻新咗之後第一次去，有啲員工我都認得，本來懷着熱切期待嘅心情。嗌咗三個餸，菜心腩肉雞絲中小麻辣。個湯底同以前比都係差咗少少，但最過分嘅就係菜心得三條😅😅😅😅唔講以為係送嘅，定係我唔知道而家市價係幾多？加錢嘅菜竟然得三條，嗌咗三個餸再加一杯嘢飲埋單70幾蚊。有夠貴同不值，腩肉同埋雞絲嘅味道就正常發揮，同以前都差不多，呢個價錢呢個份量，應該之後都唔會再去食，非常失望。

同朋友趕住食飯，求其入咗間米線舖坐低叫完嘢食先發現OpenRice勁多負評🥲懷着極低期望去食 覺得都唔算太差 但就真係唔需要試🫡▫️自選酸辣小窩米線 轉肥牛 加凍檸茶 ($62)酸菜並唔係其他米線舖嗰種 比較似鹹酸菜牛肉只有四片 正常打邊爐肥牛質素👌🏼食咗朋友嘅腩肉 雖然係招牌但真係唔OK冇乜味道之餘又有少少梅梅哋米線質地幾好 爽口彈牙又唔會太生👍🏼凍檸茶又真係好難飲🫠唔知點解好似涼茶咁┄┅┄┅┄┅┄┅┄┅┄┅┄┅┄┅┄Find me on Instagram: eatgoodd.hk

❌❌❌❌❌❌唔會再食❌❌❌❌❌❌21:55左右，2個人去登龍街搵食，係呢間野門口都考慮會唔會唔夠時間，因為佢寫左22:30收，咁我地未試過，諗左2分鐘就入去決定快食。就係呢個錯既決定，食到一肚氣。門口接待好好招呼，到點菜都無問題，出米線個陣見到張落單紙浸到濕晒都算，當佢茶記啦，香港特色ok!米線到，我碗叫BB辣仲紅過我同事碗小辣，我地都無咁講究原因，可能又係特式，只想快食！10分鐘落單加等個米線，10:30未到著白衫阿姐就係咁黎收野走叫我地收錢埋單，都ok既埋數，明既。30分左右已經食完，想嗱嗱臨飲埋杯加左3蚊既凍檸茶就走，因為我地好明白阻人收工就如殺人父母，但阿姐毫無預兆將塊抹枱布成條掉落黎，係掉落黎！跟住走左！佢係走左去拎支白色樽既清潔劑對住我地張枱想噴，想開始清潔。其實我未飲完杯野，你真係噴落黎既話，真係唔知投訴你定告9你好。處理方法有好多，等我一陣（30秒搞掂）飲埋先再清，又或者幫我入個外賣杯比我帶走。利申我地枱只收淨兩杯野飲，當時仲有一張枱2個女仔碗野都未食完。但阿姐一於小你，同我地講明佢地收10:30所以係要咁做野！阿姐唔好出樓面，好趕客！ ❌❌❌❌！送比我都唔會再食！❌❌

住喺銅鑼灣區都一定會食呢一間 平時下午茶會送嘢飲，所以比較經濟實惠 今次我重開之後第一次去食 買咗普通米線，然後加芝士腸 佢個芝士腸唔熱不特止 完全冇芝士然後我同佢反映呢件事 然後店員就話拎入去俾廚房睇廚房好大聲話叫我去搵供應商問佢點解冇芝士 ？但係呢個應該係你哋要檢討嘅問題 然後該名店員不斷同全部嘅職員講 再者，上菜時店員核對收據時拎住我碗嘢一直喺度講嘢大概1分鐘後佢先對得啱 一啲衛生意識都冇真係好失望 食咗兩三啖就冇再食 無論係食物嘅質素又好店員嘅態度又好 全部都係垃圾

首先價錢已經唔係平，米線又少，酸味超級重酸味，😓係食咗幾啖之後啲牙都酸埋會變鞋😓嗌咗杯朱古力完全淡到只係好似一杯有顏色嘅啡色水咁樣😤真係好難食Sorry 啲同事臨收工之前知道我過嚟食，仲叫我記得聽日講好唔好食，我諗：「好憎嗰個同事先會叫佢過嚟食囉」🫡仲有啲位係超級迫，啲枱又超級細，基本上成張枱係冇位擺嘢嘅咁就碗咁大做乜呢？🙂‍↕️逼到好似所有人全部都係同一張枱咁樣嗰個背脊黐住背脊，膊頭黐住膊頭🙄

金西南裝修重開後，一直都聽到大家話已經轉左手，難食左好多，我本身都係抱住質素差左既心態黎，但無諗到原來真係差左咁多…首先，裝修後轉左用電子落單，啲枱凳同餐具全部都變晒，好似想營造出一種現代感覺，我自己就麻麻地呢種feel，酸辣米線就唔係用不鏽鋼碗😅碗米線真係普通到不能再普通，湯底死辣死鹹，完全無左以前個種感覺，雖然我本身都無覺得以前既金西南湯底係好出色，但我自問以前既湯底係正常中上，依家係劣！最後啲姐姐真係一絕，無時無刻都好似想趕你走咁，我明明仲有半碗米線，個口仲咬緊，佢竟然行埋黎問我係咪食完，隻手已經扶緊我個碗想收走，我佩服！我本身都唔信重開點會有咁多負評，大家覺得係打手比負評既話，可以照去試下伏，相信你食完都會忍唔住打返篇負評🥲

翻新之後d人唔同曬，我估係轉左手之前真係好鍾意呢間米線舖，幾乎每星期都至少會食一次嘅地步前幾日去食，feel到佢好努力模仿返金西南原本隻味，但仲係差咁d嘢（食開清湯，所以酸同辣方面就唔係好清楚）d米線都好幼，食得好唔過癮之前學生免費送嘢飲嘅講法依家好似都冇左，食個自選米線+手撕雞同埋豆漿都要成六十幾貴過之前好多都算，如果係之前個quality我都受，但已經呢個真係搞唔掂…😅d員工態度仲要好差，真係寧願佢冇翻新過，或者翻新之前同我講聲，咁我唔使咁突然咁冇左我嘅世一米線😢

以前好鍾意食嘅金西南 依家唔同哂了🥹自從裝修後 味道唔同左 餸細份左 但貴咗好多🥲一碗米線要等35分鐘...一碟得幾條既生菜要$20以前3餸米線加飲品先60蚊唔使 宜家要80幾蚊回不去了 好傷心😭

9月7號路過銅鑼灣見佢裝修完重， 排咗一陣入到去坐下。坐位比以前又窄又迫仲辛苦過未裝修前， 冷氣又唔夠又唔知點解拆曬啲掛牆風扇熱到死...🥵🥵在收銀位整咗個吧枱位坐變咗出入送餐好窄，坐喺第一排枱每次都驚服務員拎住碗湯麵非常危險你最驚嘅就係佢拎住碗麵當坐吧檯客唔知佢在背後經過一退後櫈就會撞到倒...最慘就係一坐低望入廚房見到個師傅擔住口煙🚬🚬喺度食住嚟煮麵...😱😱好彩落完order嗰支煙都食曬嘅應該係我食之前嗰啲就食煙灰啦唉真係冇下次，同時個杯凍飲畀以前細杯好多... 整體嚟講裝修完貴了食物質素下降味道完全唔同咗又窄又迫... 冇下次了😪😪

銅鑼灣金西南米線停業裝修後再去幫襯，完全唔係以前既米線…買左個外賣，打開一試個湯，聞到隻味已經冇左以前隻香，得酸味，隻色以前係米白色，依家係深啡色，擺到明唔係同一個湯底。一試，已經唔係難食到食得落既地步，個湯似一係用醋同生抽開水，酸，苦澀，淡豉油溝水味。食左幾淡真係好難食頂唔順，我成碗倒左當交智商稅。以前食開隻魚湯味唔好expect仲會食到，試都唔建議試。再見以前舊金西南米線，以前特色原來已經成絕響。

新裝修之後第一次食食咗差唔多八年 雖然以前舖頭細細 好噏耷咁但係味道的確不差 平均一两個禮拜都會食一次。新裝修之後第一次食 外賣 平時外賣三餸大約60幾蚊，今日同樣叫三樣嘢 $82🙂‍↕️🙂‍↕️心諗唔緊要啦，新裝修呀嘛 雖然我外賣….一打開 個外賣碗唔同咗 分開咗湯同麵 其實以前咁咪幾好 而家搞到逼到滿晒倒落去又整到污糟晒⋯⋯ OK都唔緊要。最緊要係，個味道真係好差，非常酸。冇咗以前金西蘭獨有湯底嘅味道。而且酸到有牙痹嘅感覺。真係好失望。勉強食咗幾啖就掉咗啦。🙂‍↕️🙂‍↕️

放工經過，第一次食。點了微辣小鍋米線，湯底冇乜特別，又唔酸又唔辣咁樣，豬腩肉同大腸正常冇乜特別，豬紅一咬落去，凍嘅。搵經理，着全黑衫戴眼鏡箭豬頭嘅男疑似負責人，表示即使食物未有完全翻熱依然安全，凍食冇問題，佢話啲嘢食送嚟嗰陣已經係熟㗎啦喎，叫我放心食。一聽，你經營食肆，連基本食品安全嘅知識都冇？咁樣經營食肆，遲早食物中毒。你咁講，直接喺雪櫃拎隔夜飯盒出嚟食都得啦，唔使拎去微波爐翻熱？我都費事同你坳， $7蠔俾你。聽過經理同員工吹水，六月接手呢間食店，睇返啲食評，唔怪得知個個都話味道唔同。有錢買舖都唔好害人，幾十蚊嘢食遲早搞到人食物中毒。食完頸渴，只係飲咗兩啖湯。諗住試新嘢，點知道可以即時black list。

以前明明係食米線嘅首選一個月食一次以上裝修完後地方係靚左不過都仲係咁逼D staff 都好似唔同哂（係認得一個）以前出餐明明勁快今次我地兩個人嚟食差唔多一個人食完一碗另外一碗先嚟到價錢貴咗，不過裝修完想賺返啲錢都係正常既但係食物質素斷崖式下滑得好過份米線明顯覺得劣質左（覺得好硬同埋味道怪怪地）湯底亦都差左變咗死鹹腩肉鞋左好多最過份係杯檸茶完全唔知飲緊咩！應該以後唔會再去了已經開始懷念以前舊舊地嘅舖頭但味道滿分嘅米線以前嘅味道只能成為回憶…

前前後後食咗10年都有即使有時味道唔係keep住同一個水準都唔會令到我想打食評人手嚴重唔夠成個樓面得一個女人後來有個着便服嘅男人似係老細（都唔係以前個個啦）個電話擺嘅 冇人唔聽係門口打入去聽到響 就係唔聽外賣落單等四個字唔緊要你好食真係唔緊要 但你難食😀湯底變咗 淨係睇碗嘢兩隻色都唔同得返酸辣米線 冇麻辣冇麻酸連個米線都可以煮唔熟 都可以倒落碗嘢度睇返圖仲驚 差咁遠舊裝修後加價都預咗 三個餸$67 但食到一肚氣一日唔係去返以前嘅味 都唔會再幫襯😊

睇某位youtuber 話係佢最鍾意食嘅米線，諗住唔洗等就試下. 真係好難食. 竟然米線都會係苦嘅. 第一次食苦嘅米線. 雞翼唔入味. 豬大腸好都肥膏痴住.都係南記好味好多。 最愛南記