金西南米線

營業中

休息中

以前銅鑼灣必食嘅米線，已經唔同咗味裝修後第一次光顧，湯底完全唔同咗好淡QR code落單只可以選擇大中小辣唔係以前咁樣可以中小辣或者中大辣而且亦都冇得選擇米線淋啲（以前人落單可以的） 現場都聽到隔籬枱食客都話話個湯胆唔同咗，可惜已經向店員反映他說同廚房講講希望只係未習慣新嘅爐具，隔一排希望會回復以前嘅水準QR code落單，比起以前速度慢了很多，很多人在店內等外賣20分鐘以上才有打算過多幾個月去試多一次俾多次機會佢

一如以往，我回銅鑼灣的時候都會來這一間米線，由他未搬的時候已經開始吃了。今次回來裝修了，整體感覺是清潔了😓落單也變成用手機下單。餐具和碗也是有所改變😂員工好像只剩下一個認識的，其他好像換人了😓一如以往叫了一個小辣腩肉豬小肚大腸小窩米線，吃下去完全不是之前的湯底，湯底淡了，沒有酸辣味腩肉也不好吃👎我有問是換了廚房還是轉了手？員工也跟我說你可以向他們反映一下。 我當然算了😐應該短時間不會再試。。

銅鑼灣登龍街關注組推介米線💛 見到網上幾多人討論呢間 餐牌寫住得獎金牌腩肉 好似好勁 今次去試試紀錄下.最平⭐️雲南小鍋米線$33配料有芽菜 酸菜 韭菜 芫荽 蔥飲落都幾濃郁 本身冇炸醬 湯底明顯冇其他店咁油⭐️豬皮$7👍🏻超大塊 浸住湯底酸酸甜甜 有4片 開胃⭐️腩肉$8👍🏻會係佢地招牌 少少半肥瘦 幾腍 量幾多⭐️炸醬$8👌🏻ok啦 少少辣 未到太特別 叫左即刻油哂 唔鐘意太油朋友仔要注意（個人鐘意小鍋米線 一定要加炸醬）.呢間米線舖頭唔多 對比同旁邊雲桂香幾似每間米線都會有佢過人之處 優點而呢間特別深刻會係佢地腩肉.#金西南米線 (銅鑼灣)地址：銅鑼灣登龍街41-51號金龍大廈地下D號舖.⭐️評分：味道：3.5/5環境：3/5服務：3/5抵食：3.5/5.（‼️記住Like同分享 係我繼續搵好嘢動力 感謝支持🙏🏻）

真係由中學開始食到依家，食嘅都係回憶。食左咁多年，由食小小辣一路食到中辣呢個心路歷程都好漫長😂最愛佢地嘅鯊魚丸同牛肝菌，印象中佢地嘅大腸同腩肉都好唔錯。今次諗住同朋友去行街，所以就決定快吃個米線，就揀左呢間回味以前嘅味度。講真，我好感恩佢仲屹立喺銅鑼灣，我仲有機會食到！今次我叫左最愛牛肝菌，oh yes!! 今晚有得食呀！我有幾次想食都食唔到！ lucky me!! 仲叫左腩肉！點知，個腩肉今次真係衰左，又大舊又鞋，唔夠淋，不過！牛肝菌仍然好好食！湯底都好好味！而且米線仍然保持水準好彈牙！真係衰左個腩肉。總括嚟講一餐我都仲係好滿意

喺米線關注組見到金西南米線有好高嘅評價，所以特登約咗朋友lunch去食晏, lunch時間都好多人排隊，但都好快入到去，買咗個小米線加雞翼同埋芫荽，酸辣好正，湯底唔算係好杰好濃郁嗰隻，但就真係上癮咁不停想飲，都真係幾好食，而家一去親銅鑼灣就忍唔住食!

要係銅鑼灣搵間好食少少既米線的確有難度。搵搵下發現係登龍街小巷內有一間米線小店，第一次食唔敢太進取😂小小辣保險d，見網評話腩肉唔錯，儘管試下，另外仲叫左兩款餸：牛肝菌+腩肉湯頭酸辣帶少少甜，食物夠熱度，米線條條分明，軟硬適中，煮得算唔錯。但牛肝菌呢樣餸真係好特別🧐口感軟滑，酸酸辣辣…味道唔至於難食到吞唔到，但食落比較古怪，可能唔太岩個人口味😅食過既牛肝菌都係以炒為主，醃製方式都係第一次食腩肉反而做得唔錯，香辣入味，腩肉偏瘦無太多肥膏，細嚼下都算幾香口份量以呢個價位同地區來講，算慷慨，整體不過不失，再幫襯會叫返比較大路既餸會更好😂

首先同兩個frd仲睇緊餐牌，就已經係咁食咩，係咁吹我地，叫佢轉頭先，佢又繼續問食咩，都唔知吹咩。 然後啦咁3個人叫一碗面都六十幾蚊啦，咁同佢講係咁多。最嬲嘅嚟啦，個男職員話唔可以咁，要再叫啲，咁我同另一個frd係陪佢食架嘛，又冇諗過要食。咁佢話3個唔可以咁，要再叫啲其他，叫啲小食咁，我聽完真係「下？」左。最後我哋被逼叫左個春卷，真係冇嘢講囉，直接逼人消費😅 食緊嘅時候，啲職員又喺面前行嚟行去，比人監視咁，食個都食得唔開心。 唔會有下次囉真係

發現港島係冇乜米線選擇，特登search網上資料發現呢間店上左「米線關注組」第一推薦米線，所以就去試。I noticed that there aren't many choices for rice noodle dishes on Hong Kong Island, so I searched online and found this restaurant that serves rice noodles. It was highly recommended by a Rice noodle food group, so I decided to give it a try.🍜主食：午餐叫咗小窩米線，平均每樣餸$7-10。最後價錢係$50。叫咗腩肉、鴨血、同埋豬腸 。腩肉10分推介，鴨血同埋豬腸一般般。但係喺港島區平平哋$50 堂食，就真係叫做抵食嘅 。🍜 Main Dish:For lunch, I ordered the small bowl of rice noodles, with each topping priced at an average of $7-10. T

無意中喺登龍街見到呢間米線，又心諗喺銅鑼灣好似好少見到雲南米線舖，見午膳時間都即刻有位坐。餐廳環境就少少迫，都係正常港式茶餐廳嘅格局啦。睇餐牌見到$3x已經有交易都幾吸引。🐻金獎腩肉小鍋米線米線啲米線幾煙韌，湯底酸酸地醒胃，米線同啲配菜嘅比例幾適中，啲腩肉唔會煮得好老，成碗米線食落令人覺得幾舒服。🐻雲南牛肝菌小鍋米線好少見米線舖有得揀牛肝菌，即管揀咗嚟試試，質地係幾滑，仲滑過平時啲冬菇，同我想象中嘅口感係幾唔同，本身仲以為係啲正常菇類質地嘅硬身。其他嘅配菜基本上都一樣。性價比幾高嘅，銅鑼灣有呢個價錢仲有咩要求，經過見到都可以試試。總評分：🍯🍯🍯（3/5）

Lunch 唔想食咁貴 試咗間米線小店 發現原來係區內都幾岀名 叫咗雲南小鍋米線中辣加生菜同腩肉 湯底中辣都唔係好辣 重味精食完好口渴 腩肉岀色 肥瘦差半食落入味香口 呢度最驚喜係個米線面底 偏幼身但口落非常軟糯有煙韌口感

發現港島係冇乜米線選擇，特登search網上資料發現登龍街有一間金西南米線，所以就去試。午餐時間，非常滿座，剛好有兩位埋單，所以先即刻有位。店舖入邊嘅位置係非常之迫。嗌咗：中辣小窩豬潤松茸米線加凍奶茶好快米線就到，中辣嚟講唔算深色試咗一啖湯感覺係比較稀，辣度冇其他米線嘅中辣咁辣。豬潤係只有一匙羹咁多嘅量，而且係碎濕濕嘅，好薄好碎，味道普通，似係用滾水淥熟。松茸係酸酸地，表面有層滑嘟嘟包裹住，量都係非常之少同埋碎濕濕，大概都係一匙羹咁多。不過佢嘅米線係非常清爽，軟硬度適中，好好食係好新鮮嘅感覺。小辣小窩豬腸米線加豬腩肉米線同另一碗一樣係咁清爽好味，湯底都係一樣淡嘅呢個小辣直程感覺都唔辣要加枱面嘅辣椒醬。豬腸個量都係好少冇特別好食，豬腩肉嘅Yeung又係好少，啲肉好柴好靭。如果為咗止下小窩米條癮嘅話咁喺港島嚟講算係OK。不過，店員係會好親切咁喺你一食完碗麵放低筷子嗰下就會收走你個碗。呢樣可能就要忍受吓。

餓底其實都係一個米線控 平時成日都會食到譚仔名三哥 仲有好多小店既米線都好好食架👍🏻銅鑼灣燈籠街有間金西南米線 🍜價錢非常親民tim ～ 所以午飯時間都非常滿座今次食左《金獎腩肉小鍋米線🐖》本身已經配左芽菜酸菜韭菜同芫荽🌿 湯底揀左小辣差唔多係譚仔10小辣 腩肉份量都唔小 米線軟硬適中☺️腩肉肥瘦均勻仲好入味果然係金獎腩肉👍🏻食完唔會覺得好口渴整體來講米線好足料 呢個價錢喺銅鑼灣食到好食嘅米線真係好抵呀#餓底推介

耐不耐經過銅鑼灣都會食下今次食左之後以後都唔會霸黎首先，啲餐具有一陣漂白水味，已經用紙巾抹過下，都係好大陣味。呢個已經唔係最嚴重叫左碗雞翼菜肉雲吞小銅雞翼上枱兩隻仲孖到好實，菜肉雲吞個心唔係好熱，啲味道好差我老婆叫左碗腩肉勁柴又唔入味唔知做乜結果食到一半就唔想食走左

昨日lunch食咗個米線加大腸，雞翼同魚蛋 （早餐只係食咗隻蕉） 啲魚蛋同雞翼咬落去嘅時候係凍嘅。食完之後返到屋企大概3小時之後即刻爆炸勁屙勁嘔，嘔到個肚又抽筋，發燒發冷。

吃了一餐飯，阿姐對住我得喊了兩次，真心建議大家小心。第一因為我們換了旁邊的座位，當時有很多空位，阿姐大叫，其他人看這邊，我忍了。第二因為袋放在隔離，阿姐沒有問我們，而是對著成餐廳喊邊個的邊個啲。事情本身責任在我們，但是對於充滿惡意的態度以及失控的大叫，我已離開餐廳一陣，仍心有餘悸。付錢時我本來想要和另外一位阿姐建議下，可以輕聲有禮貌一些，但是阿姐找了錢，有下一位到，我也就匆匆離開了。希望在香港依然能看到更多善意