金記冰室 (康怡廣場北座)

營業中

休息中

今日兩公婆行公園，突然間想飲下午茶去到金記，見到佢有啲兒時嘅麵包墨西哥奶皇包， 捧著試試心情， 因為這個疫情好耐冇出外食嘢， 擔心受到感染。點知進店店員先來一個探熱另外可以我們兩個人都可以唔搭枱坐到張大枱隔離得好好，員工服務態度唔錯。 細心觀看佈置店舖佈置很懷舊 在餐牌上揀了兩個餐一個是墨西哥奶皇包加奶茶 成為35蚊另一個是菠蘿咸牛肉蛋包加奶茶成為28蚊。 麵包好食鬆軟 有細個食嘅味道奶茶，茶香齒頰留香茶香冇得頂，感覺非常超值。 接著見到隔離食乾炒牛河我下次一定要試很像很好味。

金記冰室-親民港式冰室在太古成看完電影後打算找餐廳吃晚飯醫醫肚，決定在康怡覓食，看到一間特色冰室，以老香港為主題，有家常小炒、鐵板餐，一於試試！甜酸菠蘿生炒骨熱騰騰的生炒骨，沾上查粉後非常香脆，甜酸汁非常開胃，再加上菠蘿粒、紅椒片、青椒片和洋蔥片，色彩繽紛，拌飯良品。韭黃叉燒炒滑蛋叉燒和滑蛋比例一比一，腍身入味的叉燒肉，熟度剛好的滑蛋，加上韮黃香。金牌乾炒牛河大大碟的乾炒牛河，牛肉片分量相當有誠意，牛河炒得乾身夠鑊氣，加入蔥段、芽菜、醬油，表面再灑上芝麻粒，香氣十足。紅豆冰冰室怎少不了經典的紅豆冰。

今朝公司終於開門放人入去返10點,所以有機會食一個長時間的早餐.平時要排隊但因為東區係香港最嚴重的疫區,少左好多人夠膽去食嘢。係我眼中生死有命，所以都係堅持出去食。之前因為非洲豬瘟關係一直食沙嗲牛肉麵今次終於有豬膶通粉比沙嗲牛肉麵貴$6豬膶通粉有好強烈的薑味、湯底甘甜。感覺上很清爽。通粉唔遠唔難配合甘甜的湯汁配搭一流。感覺清淡又健康。但係我問咗服務員要煉奶,佢比完我之後同我講係唔係家係奶茶到。我話唔係係加係多士到。佢話下次咁樣要加錢因為由多士變咗奶油多。我話咁你加錢囉。但係佢冇理我。可能平時多人的關係服務一般。但是如果為咗豬膶通粉我覺得都值得！

平時經過金記都要排長龍。今日下午經過無人就同媽咪入去試下佢嘅下午茶。沒有服務可言。沒人排隊但在門口企了一陣都沒有理。等到坐低想叫野食叫了一個侍應，他跟我說你繼續舉手就有人應你。跟住佢同另一個侍應傾閒計話"今晚我收11呀唉..."。終於有侍應到，叫了2份下午茶餐，我份炸雞脾沙律完全唔好食，個奶茶到枱時第一啖飲竟然係...暖唔係熱，好失望。奶太多但唔熱係完全唔想飲😞另外，媽咪叫了份豬扒包，個豬扒食完後我媽咪口渴到夜晚，相信太多味精及太䶢原因。

我哋睇完戲喺太古完全搵唔到餐廳食嘢😂😂所以就食咗呢間 九點幾佢已經所有菜冇晒 剩返苦瓜同埋涼瓜 所以我哋就咁嗌左一個扒餐share 點知又夠食架喎😂😂😂·鐵板美式雜扒 $92呢個餐真係超大份 我同我男朋友兩個食完之後已經飽左😂😂因為我男朋友唔食牛 所以我自己一個要食晒成塊牛扒🤦🏻‍♀️超多😂😂但係都幾好味喔 肉質唔會太平嗰種感覺 同埋佢個羅宋湯係超多料超豐富 不過我覺得油左少少🙊·#rbyeat#rby太古 #rby灣仔 #rby銅鑼灣 #rby觀塘 #rby荃灣 #rby黃大仙 #rby九龍塘 #rby元朗 #rby 大埔 #rby赤柱 #rby薄扶林·📍太古康山道1-2號康怡廣場北座地下G5-G6號舖📍灣仔天樂里6-18號恆安大廈地下D及E舖📍銅鑼灣霎東街5號地下📍觀塘觀塘道418號創紀之城五期(apm)6樓L6-1a &2號舖📍荃灣川龍街118號百悅坊地下及一樓📍黃大仙正德街103號黃大仙中心南館地下G9舖📍九龍塘聯合道320號建新中心地下5-8, 13-15號舖📍元朗青山公路潭尾段18號Park Circle峻巒地下117號舖📍赤柱佳美道23號赤柱廣場1樓102-103號舖📍薄扶

太古有很多貴價食店，動輒結帳就要$100/200，但想搵平民食物又只有快餐。金記冰室出名價錢公道食物質素又好，今次食左個鐵板餐夠哂份量，有豬雞扒牛脷腸配飯，我另外再要求加飯，佢比足一碗我都無收錢，適合我呢種要一餐食到飽既人

呢間金記未幫襯過。今日咁啱行開呢邊就食吓點咗燒汁牛柳，味道同質地都比想像中好。唯獨是炒飯太凍。沙律同個飯唔係好夾海南雞飯都唔錯。呢間有排隊app ls 攞位，大家記得遙距取票

本來去aeon food court食燒魚， 但店員表示所有燒魚已經賣曬，淨返魚生，但我又唔食魚生，為有改食其他嘢。 於是乎過咗康怡覓食，金記冰室開咗好耐，但就一直冇食過，見今晚唔需要等位試下。 鐵板什扒餐有腸仔、 煙肉、 牛扒、 豬扒、雞扒各一件好豐富， 但什扒餐始終係重量不重質， 質數比較差，牛扒&豬扒比較鞋又韌， 最好既係雞扒較嫩， 配免費白飯。蝦仁炒蛋沒有套餐， 需加錢配白飯，蝦仁大隻， 爽口但無味， 炒蛋都幾滑， 份量不過不失。

媽咪喺附近工作所以就同佢食早餐 之後先再返工金記冰室地點位置喺係康怡附近有好多街坊幫襯佢哋嘅早餐種類選擇多仲有菠蘿包食添啊！媽咪叫咗芝士火腿菠蘿包再包一杯嘢飲都要40幾蚊其實都幾貴而我就叫最傳統嘅火腿通 炒蛋 火腿加厚多士加多一杯熱咖啡價錢都算合理我都試過夜晚食佢哋嘅涼瓜煎倉魚煮得唔錯金記最好飲嘅係咖啡同奶茶用既黑白淡奶好香濃食完呢個豐富早餐真係好飽到下晝四點再食下午茶變咗一日兩餐自我安慰當係減肥都好 哈哈

我屋企人似乎真係好鐘意食茶記，所以好像想試曬香港所有茶記咁，不過應該無咩可能。叫左個日式豬扖炒烏冬，醬汁又調得幾好味，唔好睇少豉油調出黎既汁，份量都好緊要，呢個汁可能係日式既關係，會有種日式燒汁的味道。豬扖都好腍好入味，烏冬都幾彈牙下，茶記的日式料理，不錯不錯! 茶記必飲既係咖啡奶茶，因為每間口味都可以好唔同，由於天口好熱，就叫左個凍啡試試佢，又沖得幾好飲! 啡味同奶味都配搭適宜，又唔會太多糖水，好好飲，下次為左個咖啡我都會再幫襯! 十個GOOD!

甚少係港島區出現係呢排要番下學進修下 要過海太古城就有間冰室 入去食個lunch平時食冰室 一定係嗌常餐好中意有雞蛋 一定煎熟蛋 熱黑啡今次都唔例外有驚喜既反而係杯黑啡 好好飲 係果香味 回甘然後個羅宋湯都辣辣地 估佢唔到喎又$55

星期日係太古城行街攰攰地想食返個下午茶於是去左呢間金記冰室叫左個超級邪惡的波蘿油不過都唔平 單叫要18蚊但味道真係好正🤩🤩 尤其舊牛油有少少檸檬味食落唔會咁油膩 男朋友叫左個沙嗲牛肉軍艦味道正常 不過個包有少少硬

Fresh Pineapple bun, this restaurant keep them in a heated display box, so the buns are still warm and crispy..Since this is the 50th anniversary of man on moon and the bun looks so much like a moon rock, we called this bun as “Moon Rock Bun” 🤣.Traditional Hong Kong food.But be aware, no “pineapple” anywhere 🤣

今日本身行去康怡美心食嘢,點知見到金記唔多人排隊,平時係好多人係出面排隊,而我又未試過,所以今日想試吓餐廳有午市套餐, $60到$70,喺太古食嘢呢個價錢都算係咁,但作為茶餐廳又比較貴,見佢午市套餐裏面冇乜特別,款式都好似快餐店一般嘅菜式,所以嗌咗main Menu入面嘅嘢嗌咗羅宋湯通粉,跟太陽蛋同埋多士,lee個都會免費跟杯熱奶茶,個羅宋湯底其實好辣🥵,一路食一路飲熱奶茶🙈個多士幾好唔太燶,太陽蛋🍳又冇穿,煎得幾靚

雖與老夫子 cross over，但除牆上貼有一些老夫子人物漫畫外，就只見有一餐牌上勉強有關老夫子事，如佢所寫，名副其實令人感到耐人尋味🤔。金牌乾炒牛河，印埋金漆招牌在旁邊，應有番咁上下啩！下午茶時間是迷你版牛河，一看河粉較為厚身，經加醬油乾炒後仍很'瓦'色，沒有什麼光凙。河粉食落無乜彈性，有些粉粉地。牛肉塊實啲啲一舊，咬落無乜特別味道。飲埋凍檸茶，飽肚是沒有問題的。香煎豬扒沙律，似是炸豬扒多些，非常多油，沙律是薯仔什果粟米，薯仔較硬身，下午茶關係，份量也少些。晚餐無骨海南雞配油飯、例湯。海南雞份量不多，雞皮脹卜卜爽爽地，雞肉唔鞋。有醬油膏類的甜豉油、羌蓉，花生就又淋又濕，一啲都唔脆。油飯吃落唔算多油，很乾身。